22/08/2022
🔺လူအများသောက်တဲ့ {Betex} အကြောင်း
================================
✅Betex ဆိုတာ ဗီတာမင်ဘီ သုံးမျိုးကို အချိုးကျပေါင်းစပ်ထားတဲ့ အာရုံကြောဆေး တစ်မျိုးပါ
✅အာရုံခံဆဲလ်၊ နာ့ဖ်ဆဲလ်တွေရဲ့ ဇီဝဖြစ်ပျက်မှုပေါ် အကျိုးသက်ရောက်တယ်။
✅နာတာရှည် ထုံကျင်၊ ညောင်းညာကိုက်ခဲ၊
✅အကြောတင်းနေသူ၊ ထိတွေ့မှုအာရုံ နည်းပါးသူ၊
✅အသက်အရွယ်ကြီးသူတွေမှာ လိုအပ်တဲ့ ဗီတာမင် ဘီဝမ်း၊ စစ်၊ တွဲကို အချိုးကျပေါင်းစပ်ထားတယ်
✅Neurobion အပြာကဒ်၊ Neurorubin, Neurovit ဆိုတဲ့ကဒ်တွေနဲ့ ပါဝင်တာ အတူတူပါပဲ
🚩ကွာခြားတာက စျေးနှုန်းနဲ့ ကဒ်ပျော့ဖြစ်နေတာလောက်ပါပဲ။
🚩မြန်မာနိုင်ငံက ဆရာဝန်အများစုက အသက်ကြီးသူအတွက် အာရုံကြောအားဆေးထည့်တဲ့အခါ
🚩Neurobion အပြာကဒ်(သို့) Betex ကို အသုံးပြုကြတယ်
🚩Betex က Neurobion ထက် သုံးဆမက စျေးပိုကြီးတယ်
🇹🇭 ထိုင်းနိုင်ငံ Favorexက ထုတ်လုပ်ထားတယ်
Betex ထဲမှာ ပါဝင်တာတွေက
————————————
Vitamin B1 (Thiamine Mononitrate) 100mg
Vitamin B6 (Pyridoxine) 200mg
Vitamin B12 (Cyanocobalamine) 200mcg
စတာတွေ ဖြစ်ပါတယ်။
- ဗီတာမင်ဘီရဲ့ အာနိသင်တွေက များတယ်
- သက်ရှိ ဆဲလ်တိုင်းရဲ့ စွမ်းအင်အတွက် ဗီတာမင်ဘီ လိုအပ်ပါတယ်
- ဆဲလ်တွေရဲ့ ဇီဝဖြစ်ပျက်မှုအတွက် အရေးပါတယ်
- စားလိုက်တဲ့ ကာဗို ဟိုက်ဒရိတ် က စွမ်းအင် ထုတ်ရာ မှာ အဓိက အခန်း ကဏ္ဍက ပါဝင် ကူညီ ပေးနေတယ်
- မျိုးဗီဇ ဖွဲ့စည်း တည်ဆောက် ခြင်း ဖြစ်စဉ် မှာလည်း အရေးကြီးပြန်တယ်
- နာဖ့်ဆဲလ် တွေမှာရှိ တဲ့ Acetylcholine ဖွဲ့စည်းရာမှာလည်း ပါဝင်တယ်
- အာရုံကြော နဲ့ ကြွက်သား လုပ်ဆောင်ချက် ကောင်းမွန်စေဖို့ ကူညီပေးတယ်
- နာ့ဖ်ကြောမျှင်၊ နာ့ဖ်ကို အုပ်ထားတဲ့ မိုင်ရာလင် အလွှာ (Myelin Sheath) တွေကို ပြန်လည်တည်ဆောက်ပေးတယ်၊ ပြုပြင်ပေးတယ်
- အရက်၊ ဆေးဝါး၊ ဆီးချိုသမားတွေမှာ ဖြစ်လေ့ရှိတဲ့ Mono And Polyneuropathics အာရုံကြော ရောင်ရမ်းပျက်ဆီးခြင်းအတွက် ကောင်းမွန်စေတယ်
- အာရုံကြော အဖွဲ့အစည်းမှာ အရေးပါတဲ့ GABA၊Dopamine နဲ့ Serotonin ဓာတ်တွေဖွဲ့စည်းဖို့ လည်း ကူညီလုပ်ဆောင်ပေးတယ်
- ဦးနှောက်နဲ့အာရုံကြောရောဂါတွေမှာ အဓိက အထောက်အကူပေးတယ်
အသုံးဝင်ပုံ။
----------
- ခြေဖျား၊ လက်ဖျား ထုံကျဉ် ကိုက်ခဲခြင်း၊
- ပူစပ် ပူလောင် ဖြစ်ခြင်း၊
- အာရုံကြော ရောင်ရမ်းခြင်း၊
- အာရုံကြော အားနည်းခြင်း၊
ဗီတာမင်ဘီ လိုအပ်သူများ။
------------------------
- အရက်အလွန်အကျွံ သောက်သုံးသူ၊
- ဆီးချိုရောဂါသည်၊
- အသက်ကြီးရင့်သူ၊
- ဘီတာမင်ဘီ ချို့တဲ့သူ၊
- နာတာရှည် ရောဂါသည်၊
ဆေးညွှန်း။
----------
- တစ်ခါသောက် တစ်လုံး၊ တစ်နေ့ ၂-၃ ကြိမ် အစာစားပြီး သောက်ပါ
- ရေရှည်စွဲသောက်နိုင်ပါတယ်
- ဝါးစားတာ၊ အမှုန့်ကြိတ်တိုက်တာတွေက ဆေးအာနိသင်ကို လျှော့ပါးစေမယ်
- ကိုယ်ဝန်ဆောင်တွေ တစ်န့ တစ်ကြိမ်(သို့) နှစ်ကြိမ်သောက်သုံးနိုင်တယ်
- ပါဝင်တဲ့ ပမာဏဟာ လိုတာထက်ပိုများလို့ ကလေးတွေမှာ သတိထားတိုက်ကျွေးရမယ်
- အာရုံကြောဆေးတွေကို ဆရာဝန်ညွှန်ကြားချက်နဲ့ သောက်သုံးသင့်တယ်
ဘေးထွက်ဆိုးကျိုး။
-----------------
- ချွေးထွက် များတာ
- နှလုံးခုန် မြန်တာ
- ရင်တုန်တာ
- အရေပြား ယားယံတာ
- အင်ပြင် ထွက်တာ
- Vitamin B6 ပါတဲ့အားဆေးတွေကို L-Dopa ဆေးနဲ့ တွဲမသောက်သင့်ဘူး
- L-Dopa ရဲ့ အာနိသင် ယုတ်လျှော့စေမယ်
- ရေမှာ ပျော်ဝင်တာကြောင့် တော်ရုံများတာလောက်ကို ခန္ဓာကိုယ်က စွန့်ထုတ်နိုင်တယ်
မေးသူအတွက် ဖြေကြားချက်
--------------------------
- ခေါင်းမူး၊ ခေါင်းကိုက်ကို သက်သာစေတာတော့ မဟုတ်ပါ
- ဇက်ကျော၊ ဂုတ်ကျောတက်သူများကို ပေးလေ့ရှိတယ်
- ထုံကျဉ်တဲ့ဝေဒနာတွေကို အဓိကသက်သာစေတယ်
- အထူးသဖြင့် အာရုံကြော ရောင်ရမ်းတယ်လို့ ယူဆတဲ့အခါမျိုးမှာပေါ့
- အကိုက်အခဲပျောက်ဆေး မဟုတ်လို့ ရေရှည်စွဲသောက်ရုံနဲ့ အစာအိမ် မထိခိုက်စေပါ
- အသက်အရွယ်မရွေး သောက်သုံးနိုင်တယ်
- စွဲသောက်တဲ့အတွက်လည်း ပြဿနာမရှိပါ
(Michael Bilမှ ရေးသားတင်ပြသည်)
(Matu Health Information ပေ့ချ်မှ ကူးယူဖော်ပြပါသည်)
