30/11/2023
အသေးဆုံး ကုသိုလ် ဆိုတာ ဘာလဲ ဘယ်လို အကျိုး
ပေးသလဲ
🔷🔷🔷🔷🔷🔷🔷🔷🔷🔷🔷🔷
ကဲ တရားနာ ပရိတ်သတ် တွေကို အသေးဆုံး ကုသိုလ် လေး တစ်ခုကို ပြောပြမယ် အပြင်ပန်း အနေနဲ့ ကြည့်လိုက်မယ် ဆိုလို့ရှိရင်တော့ သေးသေးလေးပဲ
ကိုယ်လည်း ဘာမှမလုပ်ရဘူး ဘာမှလည်း မလှူဘူး သို့သော်လည်း သူတစ်ပါး လှူဒါန်းထားတယ့် သို့မဟုတ် သူတစ်ပါး လှူဒါန်းထားတဲ့ဆိုင်းဘုတ် ကလေး တစ်ခုခုကို ဖတ်ပြီးတော့ ဖြစ်စေ
စိတ်ထဲမှာ ဝမ်းသာအားရ ကြည်နူးပြီး နှုတ်ကနေ တော်လိုက်ကြတာ လို့ သာဓု သာဓု သာဓု ပါလို့
ဟော အမျှ ပေးဝေတယ့် အချိန်လေးမှာ သာဓု ခေါ်လိုက်တယ့် အဲဒီ ကုသိုလ်လေးဟာ ဘာအရင်အနှီးမှ မစိုက်ထုတ်လိုက်ရပဲ နဲ့ကို ကုသိုလ်ရသွားတယ် ပေါ့
အဲဒီ ကုသိုလ်ဟာ သာမန် ကြည့်လိုက်ရင် ရိုးရိုးလေးပဲ သာဓု ခေါ်လိုက်တာပဲ ရှိတာပဲလေ ဘာများ ထူးဆန်း လို့လည်းပေါ့ ဒါပေမယ့် အဲဒီ ကုသိုလ်ဟာလည်း အကျိုးပေးတယ်လို့
တစ်ချို့ကလည်း ထင်ကောင်း ထင်ကြလိမ့်မယ် သာဓု ခေါ်တိုင်းသာ အကျိုးပေးနေရင် တို့နေတိုင်း သာဓု တွေ ခေါ်နေတာပဲ စောဒက တက်ဖွယ်ရှိတယ် ဒီ သာဓုက တစ်ခါတစ်လေ အိပ်ချင် မူးတူးနဲ့ ခေါ်တယ့် သာဓုက ရှိသေးတယ်ကိုး
ဝမ်းသာအားရ ကုသိုလ်စိတ် ဖြစ်အောင် ခေါ်တယ့် သာဓု မျိုးဖြစ်ဖို့ လိုအပ်သေးတယ်နော် သာဓု ဆိုပြီး သွားပြီးတော့ အထင်မသေးလေ နှင့်
ငါးရာငါးဆယ် မှာ ပါတဲ့ သင်္ခ ဇတ် ဆိုတာရှိတယ် ဘုရား အလောင်းက အဲဒီတုန်းက သင်္ခ ဆိုတယ့် ပုဏ္ဏား တစ်ယောက် ဖြစ်တယ်
တစ်နေ့ လမ်းခရီးမှာ ပစ္စကဗုဒ္ဓါ တစ်ဆူ နှင့် လမ်းမှာ ပက်ပင်းမှာ ကြုံတွေ့ရင်း နေပူကြီးထဲ ဖိနပ် မပါ ခြေဗလား နှင့် သွားလာနေတယ့် ပစ္စကဗုဒ္ဓါကို ရုပ်တရက် မြင်မိတော့
သူစီးလာတဲ့ ဖိနပ် ဟောင်းလေးကို သေသေချာချာ ရေ နှင့် ဆေးကြော သန့်စင်ပြီး သန့်ရှင်း ခြောက်သွေ့အောင် လုပ်ပြီးတော့မှ ပစ္စကဗုဒ္ဓါ ရဲ့ခြေထောက်မှာ ကျကျနန စွတ်ပေးပြီး လှူဒါန်း လိုက်တယ်
အရှင်ဘုရား ဒီ ဖိနပ်ကလေး စီးပြီးလိုရာ ခရီးကို သွားပါ ဘုရား လို့ ပြောပြီး လှူဒါန်း လိုက်တယ်
အဲဒီ ဖိနပ် လှူပြီးတော့ သင်္ဘော နဲ့ ခရီးဆက်တာပဲ သင်္ဘောလည်း ကမ်းကခွာပြီး ခုနှစ်ရက် လောက်ကြာတော့ ပင်လယ်ထဲမှာ မုန်တိုင်းမိပြီး သင်္ဘောလည်း ပျက်ပါ လေရော
အဲဒီမှာ နောက်ပါ တပည့် တစ်ဦးနှင့် အတူ ဆရာ တပည့် နှစ်ယောက် သင်္ဘောပျက်ထဲက ရလာတယ့် ပျဥ်ချပ်လေး တစ်ခုကို အမှီပြုရင်း လှိုင်းလုံးတွေကြားထဲမှာ အသက်ရှင်ဖို့ ကြိုးစားရုန်ကန်ရင်း ကမ်းမမြင် လမ်းမမြင် ပင်လယ်ထဲမှာ မျှောနေရှာတယ်
အဲဒီ ဖိနပ် လှူဒါန်း ခဲ့တယ့် ကုသိုလ်ကောင်းမှု ကြောင့်မို့လို့ ပင်လယ်စောင့် နတ်သမီးက လာပြီးတော့ ကယ်တယ်
ကယ်တယ့် အခါမယ် သင်္ခပုဏ္ဏား ကိုသာ ကယ်တယ် ကုသိုလ်ကြောင့် လာကယ်တာ အဲဒီလို လာကယ်တယ့် အခါမယ် သူ့တပ္ပည့် နောက်လိုက်ကို ကယ်ဖို့ မပြောနဲ့ လှည့်တောင် မကြည့်ဘူး တယ့် ကယ်ပါအုံး လို့ ဟိုက ပြောတော့ ကယ်လို့ မရဘူးတယ့် နတ်သမီးက ပြန်ပြောတယ်
ဘုရားအလောင်းတွေ ဆိုတာ အသိညဏ်ပညာ အင်မတန်မှ ကြီးမားတယ့် ပုဂ္ဂိုလ်တွေ ဖြစ်တော့ အခြေအနေကို ချက်ချင်း သဘောပေါက် နားလည် သွားတယ် အော် ဒါဟာ ငါ သင်္ဘော မတက်ခင်တုန်းက လုပ်ခဲ့တယ့် ကုသိုလ် ကြောင့်ပဲ ဒါကြောင့်မို့
ချက်ချင်းပဲ သူ့တပည့်ကို ကဲ မင်းဘာမှ မကြောက်နဲ့တော့ ငါပြောမယ် သေသေချာချာ နားထောင်ဆိုပြီး သူ ပစ္စကဗုဒ္ဓါ ကို ဖိနပ် လှူခဲ့တယ့် ကုသိုလ်အဖို့ ဘာဂ ကို ချက်ချင်းပဲ အမျှပေးဝေ ပေးလိုက်တယ် ကဲ မင်း သာဓု ခေါ်လိုက် အမျှ အမျှ ဆိုပြီး တပ္ပည့် ဖြစ်သူကို အမျှ ပေးဝေလိုက်တယ်
ဟို တပ္ပည့် ဖြစ်သူကလည်း သေရမှာ ကြောက်တော့ ကြောက်ကြောက် လန့်လန့် နဲ့ ချက်ချင်းပဲ သူ့ဆရာရဲ့ ဖိနပ် အလှူ ကို သာဓုခေါ်လိုက်တယ် သာဓု လည်း ခေါ်လိုက်ရော နတ်သမီးက မကယ်လို့ မရတော့ဘူး ကယ်ရတော့တာပဲ
ဒါ ဘာကြောင့်လည်း ဆိုတော့ ကုသိုလ် ရှိလို့ ကယ်တာ သာဓု ခေါ်လိုက်တယ့် ကုသိုလ်ကြောင့် နှစ်ယောက်စလုံးကို ကယ်တင်လိုက်တာ ဒါက ငါးရာငါးဆယ် ထဲမှာ ပါတယ် သိချင်ရင်တော့ ရှာပြီးတော့ ဖတ်သာကြည့် သင်္ခဇတ် ဆိုတာ ရှိတယ်
ဆိုလိုတာက သာဓု ခေါ်လိုက်တယ့် ကုသိုလ်လေးတောင်မှ အသက်ဘေးကနေ လွတ်မြောက်နိုင်တယ် ဒီလို အကျိုးကျေးဇူးတွေ ရရှိနိုင်တယ်လို့ ပြောလိုတာ
အေး ဒါကြောင့်မို့လို့ ကုသိုလ် ဆိုတာ အရေးကြုံလာရင် အင်မတန်မှ အကျိုးကျေဇူး များပြား ကြီးမားတယ်လို့ ဒီလို ပြောလိုတာပေါ့ နော်
အေး ကုသိုလ် ကောင်းမှု ဆိုတာ ဘယ်ကုသိုလ်ပဲ ဖြစ်ဖြစ် လုပ်ကြရမှာ ဖြစ်တယ် ကုသိုလ်တိုင်းမှာလည်း အစွမ်းသတ္တိတော့ ရှိကြတာချီပဲ ဆိုတာ နားလည် သဘော ပေါက်ထားဖို့ လိုအပ်တယ် ပေါ့
အဘိဓဇမဟာရဋ္ဌဂုရု
ပါမောက္ခချုပ် ဆရာတော်ဘုရားကြီး
ဒေါက်တာ အရှင်နန္ဒမာလာဘိဝံသ
Thu Dammar
10:21 pm. sunday. 26/11/2023.
#မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည်
