29/10/2025
#ချိုတ်ရ ဗြဲကညင်
နိုဝင်ဘာ ၁ ရက် နေ့လည် ၁၂ နာရီမှ နိုဝင်ဘာ ၄ ရက် နေ့လည် ၁၂ နာရီအထိ - ၇၂ နာရီ (၃ ရက်)အတွင်း ဆိုင်ကလုန်းမုန်တိုင်း MONTHA အကြွင်းအကျန်နှင့် ဘင်္ဂလားပင်လယ်အော်အရှေ့အလယ်ပိုင်းမှာ ဖြစ်လာမည့် လေပွေလှိုင်းတို့ရဲ့အရှိန်ကြောင့်
💦 မြန်မာတနိုင်ငံလုံးမှာ မိုးထစ်ချုန်းရွာနိုင်ပြီး ကချင်ပြည်နယ်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ်(အရှေ့/မြောက်/တောင်)၊ ဧရာဝတီတိုင်း၊ ပဲခူးတိုင်း၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းဒေသအချို့မှာ နေရာကွက်၍ မိုးသည်းထန်နိုင်ပြီး ၃ ရက်အတွင်း မိုးရေချိန် ၃ လက်မအထက် မှ ၄ လက်မအထက်အထိ ရွာသွန်းရရှိနိုင်ပါတယ်။
💦 ကျန်ပြည်နယ်တိုင်းဒေသအားလုံးမှာ ၃ ရက်အတွင်း မိုးရေချိန် ၀.၅ လက်မ မှ ၂ လက်မအထက်အထိ ရွာသွန်းရရှိနိုင်ပါတယ်။
တောင်သူများစိုက်ပျိုးလုပ်ကိုင်ရာ တိုင်း/ပြည်နယ်အသီးသီးမှ မြို့နယ်များအတွက် မိုးလေဝသအခြေအနေ ၄ ရက်ကိုတင်ခန့်မှန်ချက် သိလိုလျှင် ကြည့်ရန် -
https://www.mmweather.org/divisional-cities-weather
မိုးလေဝသပညာရှင် ဆရာဦးဝင်းနိုင်၏ တရားဝင်ခွင့်ပြုချက်ဖြင့် ပြန်လည်ဖော်ပြသော သတင်းဖြစ်ပါသည်။
