CM Clothing & Bag

25/01/2026

"အေး.. မင်းလိမ္မာသလောက်
မင်းအမေ မို,က်လုံးကြီးနေတော့တာပဲ၊
အဲဒါ ဘာဖြစ်လို့လဲ သိသလား၊
မင်းအမေဟာ စာမတတ်ဘူးကွ၊
ဒါကြောင့် ဒီလောက်ဆိုးနေတာ "

"မေမေဟာ စာမတတ်လို့ဆိုးတာ မို,က်တာဆိုတော့ ဒေါသကြီးတာလည်း စာမတတ်လို့ပေါ့နော် "

"အေးပေါ့ကွ "

"ဒါဖြင့် မေမေက ကျွန်တော့ကို မချစ်တာကော စာမတတ်လို့ပဲလားဟင် "
-------
သာဓု ၊ အတာ

ရင်ထဲ နင့်နေအောင် ခံစားရပါတယ် ။
ကလေးလေး တစ်ယောက်ဟာ ဒီလောက်တောင် သဘောထားကောင်းပြီး သည်းခံနိုင်အောင် ဘယ်လိုများတွေးနေသလဲပေါ့ ။
" အတာ " ဆိုတဲ့ ကလေးလေးအပေါ် သူ့အမေအရင်းဟာ နှိ,ပ်စက်ခဲ့တယ်။

ပထမ အိမ်ထောင်မှာ သူတို့မိသားစု စားဝတ်နေရေးကြပ်တည်းတဲ့အပြင် မောင်နှမနှစ်ယောက်မှာ အကြီး ဖြစ်တဲ့ အတာ ဟာ ချူခြာလို့ သူ့ကြောင့်ပဲ
ပိုက်ဆံအများကြီး ကုန်နေရပါတယ်။

အဲဒီတော အတာပထမဆုံး အသိထဲ ဝင်လာတဲ့ သူ့အမေရဲ့စကားသံဟာ

"​ေသနာလေး ​ေသကိုမ​ေသနိုင်ဘူး "တဲ့ ...

နောက်အိမ်ထောင်ကျတော့ အတာကပဲ အဖွားနဲ့ မနေဘဲ သူ့အမေနဲ့ ရန်ကုန် လိုက်သွားတယ်။
ဘယ်လိုနှိ,ပ်စစက်သလဲဆိုရင် သူ့ယောင်္ကျား နဲ့ ညနေစာ အပြင်ထွက်စားတိုင်း
သူ့ကို တစ်မူး ဒါမှမဟုတ် နှစ်ပြားကို ပစ်ချပေးခဲ့ပြီး ည ဆယ်နာရီလောက်မှ ပြန်လာတယ် ။
အဲဒီကာလမှာ နှစ်ပြားနဲ့ ဆန်ပြုတ်ရေကြဲ သွားသောက်ပြီး အိပ်ရတဲ့ ကလေးလေးဟာ အတာပေါ့ ။
ဒါကိုတောင် သူ စိတ်မဆိုးရှာဘူး ။
ကျောင်းတက်ချင်လွန်းလို့ အဲဒီ နှစ်ပြားကို စုထားပြီး ရေသောက်အိပ်တဲ့ ကလေးလေး ။

သူတို့ အိမ်ငှားပြီး ထပ်ခိုးမှာနေရတာ ... တစ်ခြား မိသားစုက အစ်မ တွေကလည်း သူ့ကိုဆို သနားပြီး ဝိုင်းချစ်ကြတယ် ။ သူ့အမေအရင်းကို မိထွေးလို့ ခေါ်ကြတယ်။
သူ့ ဖထွေးက ရုံးစာရေး ... ရသမျှ ဝင်ငွေ မိန်းမဆီအပ်တယ်။ အတာကို ကျောင်းထားပေးဖို့ ပြင်ဆင်ပေးနေတာ သူ့အမေ မဟုတ်ခဲ့ဘူး သူ့ ဖထွေးတဲ့လေ။

အတာလေးဟာ ကျောင်းတက်ဖို့ ပုဆိုးနဲ့ အင်္ကျီဝယ်ပေးမယ်လို့ ဖထွေးက ပြောထားတာမို့ ရုံးကအပြန်ကို စောင့်နေပေမဲ့ ‌ဈေးသွားရောင်းနေတဲ့ အမေက နေ့လည်ကို ပြန်လာပြီး ဖထွေးရုံးက ပြန်လာရင် ကျောင်းကိစ္စနဲ့ ပတ်သက်ပြီး တစ်လုံးမှ မဟရဘူး ဟ လို့ကတော့ ငါ့အကြောင်းသိမယ် ဆိုတာနဲ့တင် မျက်နှာငယ်ကလေးနဲ့ သူ့အမေ မြင်းပွဲလော-င်းလိုက်ပြီမှန်း နားလည်တတ်နေခဲ့တယ်။

အတာ ကျောင်းအပ်ဖို့ ပိုက်ဆံကို ဖထွေးက စုထားပေးပေမဲ့ အမေရင်းက မြင်း​​ေလာင်းလိုက်သတဲ့ ။

အဲဒါပဲလား ဆိုတော့ မဟုတ်သေးပါဘူး။

ပိုက်ဆံချေးပြီး ကျောင်းထားပေးပြန်တယ် ။ အဲတော့ အမေရင်းက စိတ်ဆိုးပြီး ဆူပူသတဲ့ ။

စာကို အရမ်းတတ်ချင်တော့ အတန်းထဲမှာ စာတော်တဲ့ ကလေးမို့ ဆရာမက ချစ်တယ် ။ သူဟာ ကျောင်းမှာ အတန်းခေါင်းဆောင် ဖြစ်တဲ့အထိ တက်ကြွတယ်။

သူ့အဖေ အလုပ်ပြုတ်တော့ ကျောက်သမားလုပ်ဖို့ ပညာသင် တစ်ခြားမြို့ကိုသွားတဲ့အချိန် အမေဆီမှာ ထားခဲ့ဖို့ ဖထွေးက စိတ်မချနိုင်ဘူး တဲ့။

သူ့ ကျောင်းလခကို အမေကမပေးတော့ ဆရာမက " ဒီတစ်လ မမစိုက်ပေးပါ့မယ် နောက်တစ်လတော့ ရအောင်တောင်းခဲ့ပေါ့ " ဆိုတော့ မျက်ရည်ကျပြီး ဦးသုံးကြိမ်ချခဲ့တဲ့ အတာ ...

မြင်းပွဲနဲ့ ၃၆ကောင်ကို ကျတော့ တစ်နေ့ ဆယ့်လေးငါးကျပ်​ေလာင်းတဲ့ အမေဆီက ကျောင်း‌လခနှစ်ကျပ်ကို မပြောနဲ့ ကျောင်းမုန့်ဖိုးကိုတောင် အသံကျယ်ကျယ်မတောင်းရဲရှာတဲ့အတာ...

ကျောင်းက ဆရာမပြောင်းတော့ မျက်နှာထားမာမာနဲ့ စိတ်မထားတတ်တဲ့ဆရာမနဲ့တွေ့တယ်။ သူကျောင်းသွားရတာမပျော်တော့ဘူး ။ ကျောင်းလခ တောင်းတဲ့နေ့ဆို သူငေးငိုင်နေရှာတာ ။

မတော်တဆ တစ်ခုကြောင့် ဆရာမရဲ့မောင်လေး နဖူး‌ေပါက်စေခဲ့မှုနဲ့ ဆရာမ အငြို းထားတာခံရတော့ အတာဟာ အိမ်မှာလည်း နာကျင်မှု ကျောင်းမှာလည်း နာကျင်မှု ။ ဒါကြောင့် သူကျောင်းထွက်ဖို့ ဆုံးဖြတ်လိုက်တယ် ။

သူ့အမေ ပြန်ပြောတာက

"ဒါဖြင့်ပြီးရော မသွားနဲ့တော့ " တဲ့ ။

ဒီစာအုပ်မှာ ကလေးတစ်ယောက်ရဲ့ ပေါက်ပေါက်ရှာရှာအတွေးကလေးတွေ ရယ် စာရေးဆရာရဲ့ တိကျပြီး လိုရင်းတိုရှင်းအရေးအသား‌ရယ်ကြောင့် ရင်ထဲထိစေမှာပါ ။

တစ်ချို့ကပြောကြတာက ဒီအဖြစ်အပျက်ဟာ ပုံပြင်ဆန်လွန်းတယ်လို့ ပြောကြပါတယ် ။ကိုယ်လည်း ဖတ်ကြည့်တော့ မဖြစ်နိုင်ဘူး လို့ တွေးမိသေးတယ်။

စာရေးဆရာက ဒါဟာ သူ့ဘဝအကြောင်း ၉၀% ရေးထားတဲ့ ဝတ္ထုပါ တဲ့ ...

Review by - May Be Kristen
(ခွင့်ပြုချက်ယူပြီး)❣

#အတာ
#ဆရာသာဓု


စာအုပ်တန်ဖိုး-22000ကျပ်

💥စာအုပ်လေးတွေကို သဘောကျလို့ ဖတ်ရှုလို၍ မှာယူလိုပါက page cbတွင် ဆက်သွယ် မှာယူနိုင်ပါတယ်❤📖

📦🚚 ရန်ကုန် မန္တလေး နေပြည်တော် အပါအဝင် Royal Express ရောက်တဲ့မြို့တိုင်းကို အိမ်ရောက်ငွေချေ ပို့ဆောင်ပေးပါတယ်။ မြို့အလိုက်ပို့ခလေးတွေရှိပါတယ်။

24/01/2026

မနာလိုစိတ်ရှိတဲ့သူဟာ အမြဲတမ်း စိတ်ပူနေရပါတယ် ။ ဘယ်တော့မှ စိတ်အေးချမ်းမှု မရပါဘူး ။ မနာလိုခြင်းဆိုတဲ့ ပူလောင်တဲ့စိတ်ကို သူရဲ့ရင်ထဲမှာ သိမ်းဆည်း သိုလောင်ထားတဲ့အတွက် အဲဒီသူဟာ အမြဲတမ်းပဲ ရင်ပူနေရပါလိမ့်မယ် ။ သူတစ်ပါး အောင်မြင်မှာကို စိုးရိမ်စိတ်ဖြစ်တဲ့အတွက် စိတ်ဖိစီးမှု ဖြစ်လာပါလိမ့်မယ် ။ စိတ်ဖိစီးမှုကနေ အမြဲတမ်း စိတ်ပူပန်နေရမယ် ။ စိတ်မပူချင်ရင် မနာလိုဝန်တိုစိတ် မရှိအောင်နေပါ ။

သင့်မှာသာ အကောင်းမြင်စိတ်ရှိရင် ဘယ်လိုအခက်အခဲ အတားအဆီးမဆို ကျော်လွှားနိုင်ပါလိမ့်မယ် ။ ငါ လိုချင်တာ ငါရအောင် လုပ်မယ် ။ ငါ့မှာ အစွမ်းအစတွေ ရှိတယ် ။
ငါလိုချင်တာ ရမယ်ဆိုတာ ငါ ယုံကြည်တယ် ။ အခုတွေ့နေတဲ့ အခက်အခဲတွေက ငါ့အတွက် စိန်ခေါ်မှုတွေ ဖြစ်တယ် စသဖြင့် အကောင်းဘက်က ကြည့်နိုင်တဲ့အတွက် သင်လိုချင်တာကို သင် ရအောင် လုပ်နိုင်ပါလိမ့်မယ် ။

အခုအချိန်မှာ သင့်ကို မယုံကြည်လို့ ငြင်းပယ်တဲ့သူတွေ ရှိရင် စိတ်ဓာတ်ကျပြီး အရှုံးပေးမယ့်အစား အခုထက် နှစ်ဆပိုပြီး ကြိုးစားပြလိုက်ပါ ။ သင့်ကို ဘယ်သူမှ မကူညီလို့ဆိုပြီး အားငယ်နေမယ့်အစား သင်တစ်ယောက်တည်း လုပ်နိုင်တဲ့အတွက် အောင်မြင်လာတာက ပိုပြီးတန်ဖိုးရှိပါတယ် ။

💰တန်ဖိုး- ​12000 ကျပ်

#အပြုသဘောစိတ်ထားဖြင့်ရှင်သန်ခြင်း
#မြင့်မြင့်ခင်

💥စာအုပ်လေးတွေကို သဘောကျလို့ ဖတ်ရှုလို၍ မှာယူလိုပါက page cbတွင် ဆက်သွယ် မှာယူနိုင်ပါတယ်❤📖

📦🚚 ရန်ကုန် မန္တလေး နေပြည်တော် အပါအဝင် Royal Express ရောက်တဲ့မြို့တိုင်းကို အိမ်ရောက်ငွေချေ ပို့ဆောင်ပေးပါတယ်။ မြို့အလိုက်ပို့ခလေးတွေရှိပါတယ်။

23/01/2026

နေ့တိုင်းဖတ်ရန် ❞ မိတ္တဗလဋီကာ ❞

(၁) ပြုံးပါ။

(၂) ငြင်းခုံခြင်းအား ရှောင်ရှားပါ။

(၃) တစ်ဖတ်သား၏ အယူအဆကို
အလေးဂရုပြုပါ။

(၄) သူတစ်ဦး တစ်ယောက်အား မှားသည်ဟု
ဘယ်တော့မှ တိုက်ရိုက်မပြောပါနှင့်။

(၅) မိမိ အမှားကို လျှင်လျှင်မြန်မြန်
လေးလေးနက်နက် ၀န်ခံပါ။

(၆) ချိုချို သာသာနှင့် စကား စ,ပြောပါ။

(၇) တစ်ဖတ်သားက အလျှင်အမြန်
"အင်း" လိုက်အောင် ကြိုးစားပါ။

(၈) တစ်ဖတ်သားကို သူပြောချင်တာ
၀,အောင် ပြောပါစေ။
( ဂရုတစိုက်နှင့် နားထောင်ပါ )

(၉) တစ်ဖတ်သားအား ပေးချင်သောအကြံသည်
သူ၏ အကြံသာ ဖြစ်သည်ဟု
အထင်ရောက်ပါစေ။

(၁၀) ကိုယ်ချင်းစာတတ်အောင် ကြိုးစားပါ။

(၁၁) ရိုးသားစွာ ချီးကျူးပါ။
(ရက်ရက်ရောရော ရှိပါစေ)

(၁၂) တိုက်ရိုက် သြဇာပေးမည့် အစား
လိုရင်းကိစ္စပြီးစီးစေမည့် မေးခွန်းများမေးပါ။

(၁၃) တစ်ဖတ်သားကို အပြစ်မပြောမီ
သင်၏ အမှားများကို ဖော်ပြပါ။

(၁၄) သင်လုပ်စေချင်သော အလုပ်ကို
တစ်ဖက်သားအား
၀မ်းမြောက် ၀မ်းသာစွာနှင့်
လုပ်ချင်အောင် ခိုင်းပါ။

(၁၅) အခြားသူများပေါ်တွင်
အဟုတ်အဟတ် စိတ်၀င်စားပါ။

(၁၆) မိမိ မိတ်ဆွေတို့ ၏ နာမည်များကို
မှတ်သားထားပါ။

(၁၇) တစ်ဖက်သားအား သူ့ကိုယ်ကိုသူ
အထင်ကြီးလာအောင် လုပ်ပေးပါ။

(၁၈) စေတနာဖြင့် ချီးကျူးရန် မမေ့ပါနှင့်။

(၁၉) တစ်ဖက်သားကို
ကြင်နာယုယပါ။ (ရိုသေလေးစားပါ)

(၂၀) တစ်ဖက်သားဘက်မှ နေ၍
အရာခပ်သိမ်းကို ဝေဖန်ပိုင်းခြားနိုင်အောင်
စိတ်ကောင်းစေတနာကောင်းနှင့် ကြိုးစားပါ။

(၂၁) မိမိ ကိုယ်ကို နှိမ့်ချစွာ ပြောဆိုတတ်ပါစေ။

(၂၂) "အကြင်သူသည်
ဤကိစ္စကိုဆောင်ရွက်နိုင်အံ့၊
ထိုသူ၏ နောက်သို့ တစ်ကမ္ဘာလုံး လိုက်အံ့၊
အကြင်သူသည် ဤကိစ္စကို မဆောင်ရွက်နိုင်၊
ထိုသူသည် တစ်ယောက်တည်းနေရအံ့၊ ''

အထက်ပါ စာကြောင်းလေးများသည်
အကျဉ်းချုပ်၍သာ ရေးသားထားခြင်း ဖြစ်ပါသည်။

နေ့စဥ်လူအများနှင့်ပြောဆိုဆက်ဆံရာ၌စကားအရာကြွယ်ဝပြီးဆရာတစ်ဆူဖြစ်စေဖို့လူ့သဘောလူ့မနောကို
ခန့်မှန်းတတ်သူဖြစ်ဖို့ဒီစာအုပ်ကလမ်းပြပေးနိုင်ပါတယ်

#ဦးနု
#မိတ္တဗလဋီကာ

💰တန်ဖိုး....၁၄,၀၀၀ ကျပ်
(စျေးလေးပြောင်းသွားပါတယ်)

ဦးနု၏အခြားစာအုပ်များကိုလည်းမှာယူနိုင်ပါတယ်။

#စာအုပ်လေးတွေဟာလှပတဲ့ကမ္ဘာသစ်လေးကိုငေးမောကြည့်နိုင်မဲ့ပြတင်းတံခါးလေးတွေပါ။

23/01/2026

21/01/2026

📚ဒါက ၂အုပ်တွဲ package လေးပါ။

📚သုတ ရသ နဲ့ ဘဝတိုးတတ်ရေး ကြီးပွါးအောင်မြင်ရေး တို့အတွက် အသုံးဝင်မယ့် နည်းလမ်းလေးတွေရရှိပြီး စိတ်အပန်းပြေစေမယ့် စာအုပ်ကောင်းလေးတွေကို အရမ်းမများသောစျေးနှုန်းနဲ့တွဲပေးထားတာမို့ ဖတ်ရှုသူတွေအဖို့ တကယ်ကို တန်တဲ့ စာအုပ်အတွဲလေးတွေပါ။

📚 စာအုပ်အတွဲလေးတွေလည်း အများကြီးမို့ စိတ်ကြိုက် ရွေးချယ်မှာယူနိုင်ပါတယ်။

💰တန်ဖိုး - (၂)အုပ်တွဲ ၁၀,၀၀၀ ကျပ်

💥စာအုပ်လေးတွေကို သဘောကျလို့ ဖတ်ရှုလို၍ မှာယူလိုပါက page cbတွင် ဆက်သွယ် မှာယူနိုင်ပါတယ်❤📖

📦🚚 ရန်ကုန် မန္တလေး နေပြည်တော် အပါအဝင် Royal Express ရောက်တဲ့မြို့တိုင်းကို အိမ်ရောက်ငွေချေ ပို့ဆောင်ပေးပါတယ်။ မြို့အလိုက်ပို့ခလေးတွေရှိပါတယ်။

21/01/2026

ပြိုကွဲသွားခဲ့တဲ့ မိသားစုဘဝမျိုးနဲ့ ကြီးပျင်းခဲ့ရသလို၊

ကြမ်းတမ်းခက်ခဲတဲ့ ငယ်ဘဝသင်္ခန်းစာများစွာကို ရင်ဆိုင်ခဲ့ရပြီး၊

ကြိမ်ဖန်များစွာ ကြိုးစားပေမဲ့ အလွဲများစွာကြောင့် ရှေ့မရောက်နိုင်ဘဲ အမြဲပြုတ်ကျခဲ့ရသလောက်၊

နည်းနည်းလေးမှ တွန့်ဆုတ်သွားတာမျိုး မဖြစ်ဘဲ

အရဲစွန့် ကြိုးစားအားထုတ်နိုင်ခဲ့လို့ -

မရှိဆင်းရဲ ဘဝကနေ သိန်းသန်းကုဋေ ချမ်းသာကြွယ်ဝတဲ့ ကမ္ဘာကျော်သူဌေးကြီး ဖြစ်အောင် ကိုယ်ထူကိုယ်ထ
ကိုယ့်အားကိုယ်ကိုး ကိုယ့်နည်းကိုယ့်ဟန် တိုးတက်ဖွံ့ဖြိုးနိုင်အောင် အားထုတ်ကြိုးစားဖော်ဆောင်နိုင်ခဲ့တဲ့
ဘဝသက်သေရှင် စွန့်စားစီးပွားရေးလုပ်ငန်းရှင်ကြီး Naval Ravikant ရဲ့ -
အတွေးအခေါ်တွေ၊ ခံယူချက်တွေ၊ ရှုမြင်သုံးသပ်ချက်တွေ၊ အဆိုအမိန့်တွေ၊ စီးပွားရေးဆိုင်ရာ သဘောထားမူဝါဒတွေ၊ လက်ခံကျင့်သုံးပုံတွေကို စုစည်းတင်ပြထားတဲ့ စာအုပ်ဖြစ်ပါတယ်။

စွန့်စားစီးပွားရေးနယ်ပယ်ထဲ အနေအထားတခုအထိ ရောက်ပြီးဖြစ်နေသူတွေ၊

အခုမှ စပြီး စထွက်အနေနဲ့ အသင့်ဖြစ်အောင် ကြိုးစားနေသူတွေ၊

အလုပ်တော့ လုပ်နေပါရဲ့ နောင်ရေးအတွက် ဘာဆက်လုပ်ရမလဲ မသဲကွဲဘဲ ဝေလည်လည်ဖြစ်နေရသူတွေ

ဘဝရှေ့ရေးအတွက် ရတက်မအေးနိုင်သလို နောက်ဆံတင်းစရာ အကြောင်းကိစ္စများစွာကြောင့် ကျဉ်းထဲကြပ်ထဲရောက်သလို ခံစားနေရသူတွေ

ပိုက်ဆံတော့ ရှိပါရဲ့ ဒါပေမဲ့ မပျော်နိုင်၊ ပျော်တော့ ပျော်နေသလို ဖြစ်နေပါရဲ့ ဒါပေမဲ့ မချမ်းသာ၊
ရှာတော့ ရှာနေပါရဲ့ မလောက်ငှနိုင်ဘဲ၊ လျှောက်နေသလောက် ခရီးမပေါက်၊ ပျော်ချင်လျက်နဲ့ မပျော်နိုင်ရတဲ့ ဘဝအကြောင်းတရားတွေကို ရှင်းလင်းစွာ သိမြင်တွေးခေါ်နိုင်မယ့် လက်တွေ့အသုံးကျ ဘဝခရီးလမ်းညွှန်စာအုပ်ဖြစ်ပါတယ်။

စာအုပ်အမည် #သိန်းသန်းကုဋေ
စာရေးသူ #လူသာ(အတွေးအမြင်)
စာအုပ်တိုက် - စာရိပ်မြိုင်စာပေ
စာအုပ်ဒီဇိုင်း - မောရိသျှအလင်း
ပုံနှိပ်မှတ်တမ်း - ၂၀၂၆ခုနှစ် ၊ဇန်နဝါရီလ ၊ ပထမအကြိမ် ၊ အုပ်ရေ ၁၀၀၀ ၊ စာမျက်နှာ ၂၀၈၊
စက္ကူအမျိုးအစား 60g

Crd

တန်ဖိုး - ၁၅၀၀၀ ကျပ်

#လူသာ #အတွေးအမြင် #စာရိပ်မြိုင်

20/01/2026

"အချစ်ဆိုတာ...
ကျွန်မအတွက်တော့ ပေးဆပ်ခြင်းသက်သက်ပဲ
အချစ်က ကျွန်မရဲ့ မာန်စွယ်ကို ကျိုးစေတယ်...
အချစ်က ကျွန်မကို လောင်မြိုက်စေတယ်...
အချစ်က ကျွန်မကို မျက်ရည်တွေနဲ့ ရင်းနှီးစေတယ်...
အချစ်ကြောင့်ပဲ လက်မထပ်ရသေးတဲ့ မိန်းမတစ်ယောက်ဟာ အပျိုစင်ဘဝကို ဆုံးရူံးနေခဲ့ရတယ်...

ဒါပေမယ့်~
ကျွန်မရဲ့ ဆုံးရူံးမှုကို ကျွန်မချစ်သူက အသိအမှတ် မပြုဘူး...။"

(ကွဲအက်သွားသောမှန်ချပ်များမှ)

💰တန်ဖိုး - ၈၀၀၀ ကျပ်

#ကွဲအက်သွားသောမှန်ချပ်များ
#ပုညခင်

💥စာအုပ်လေးတွေကို သဘောကျလို့ ဖတ်ရှုလို၍ မှာယူလိုပါက page cbတွင် ဆက်သွယ် မှာယူနိုင်ပါတယ်❤📖

📦🚚 ရန်ကုန် မန္တလေး နေပြည်တော် အပါအဝင် Royal Express ရောက်တဲ့မြို့တိုင်းကို အိမ်ရောက်ငွေချေ ပို့ဆောင်ပေးပါတယ်။ မြို့အလိုက်ပို့ခလေးတွေရှိပါတယ်။

20/01/2026

ပုံရိပ်ယောင်မြို့တော်

- Salman Rushdie ၏ "Victory City" ကို ဆရာကဲဆုသာက ' ပုံရိပ်ယောင်မြို့တော် ' အမည်ဖြင့် ဘာသာပြန်ထားသည်။

- ယခုစာအုပ်သည် သမိုင်း၊ ဒဏ္ဍာရီနှင့် Magical Realism တို့ကို ပေါင်းစပ်ထားသည့် ဝတ္ထုဖြစ်သည်။ အင်ပါယာတစ်ခု၏ မွေးဖွားမှုမှ ပျက်စီးမှုအထိကို ဇာတ်လမ်းတစ်ပုဒ်အဖြစ် ဖတ်နိုင်ရုံသာမက လူသားအာဏာနှင့် ပုံပြင်များ၏ အခန်းကဏ္ဍကို စူးစမ်းလေ့လာသည့် စာပေလက်ရာလည်း ဖြစ်သည်။

- ပုံရိပ်ယောင်မြို့တော်သည် စာပေ၏အဓိပ္ပာယ်၊ သမိုင်းနှင့် အာဏာ၏ဆက်နွှယ်မှုကို စဉ်းစားမိစေသောခေတ်ပြိုင်လက်ရာ ဝတ္ထုကောင်းတစ်ပုဒ်ဖြစ်သည်။ Rushdie ၏ စာပေရေးသားဟန်မှာ လှပသိမ်မွေ့ပြီး ကဗျာဆန်သည်။ အင်ပါယာများ ပျက်စီးသွားနိုင်သော်လည်း ပုံပြင်များနှင့် စာပေသည် လူသားတို့၏ မှတ်ဉာဏ်ထဲတွင် ဆက်လက် အသက်ရှင်နေကြောင်းကို နိမိတ်ပုံ သေသပ်စွာဖြင့် ပြနိုင်ခဲ့သည်။

- ကမ္ဘာ့အဆင့်မီ စာပေကို နက်ရှိုင်းစွာ ဖတ်ရှု လေ့လာလိုသူများအတွက် သင့်တော်လှသော ဝတ္ထုတစ်ပုဒ်ဖြစ်ကြောင်း ဆိုနိုင်သည်။

_ကောက်နုတ်ချက်
လေးစားစွာcrd ပေးပါတယ်

မြန်မာပြန်သူ - ကဲဆုသာ
တန်ဖိုး - ၂၇,၀၀၀ ကျပ်
စာမျက်နှာ - ၄၅၆

💥စာအုပ်လေးတွေကို သဘောကျလို့ ဖတ်ရှုလို၍ မှာယူလိုပါက page cbတွင် ဆက်သွယ် မှာယူနိုင်ပါတယ်❤📖

20/01/2026

💥 သုတ ရသ ဘဝနေနည်းလေးတွေ အပြင် ဘာသာစကားအတွက်ပါ စုံလင်စွာပါတဲ့ ၃အုပ်တွဲ Package လေးတွေ ရပါပြီ။

💰၃အုပ်တွဲ - ၁၅,၀၀၀ ကျပ်

ကြိုက်နှစ်သက်ရာ အတွဲလေးကို စိတ်ကြိုက်မှာယူလို့ရပါပြီနော်။ ☺️

💥စာအုပ်လေးတွေကို သဘောကျလို့ ဖတ်ရှုလို၍ မှာယူလိုပါက page cbတွင် ဆက်သွယ် မှာယူနိုင်ပါတယ်❤📖

📦🚚 ရန်ကုန် မန္တလေး နေပြည်တော် အပါအဝင် Royal Express ရောက်တဲ့မြို့တိုင်းကို အိမ်ရောက်ငွေချေ ပို့ဆောင်ပေးပါတယ်။ မြို့အလိုက်ပို့ခလေးတွေရှိပါတယ်။

18/01/2026

😌

“ကိုယ်စိုက်တာ ကိုယ်ရိတ်သိမ်းရစမြဲ”

🔳 တကယ်တော့ ဗုဒ္ဓအဆုံးအမရဲ့ အနှစ်ချုပ်ကို တိုတိုတုတ်တုတ် ပြောပါဆို အကြောင်းနဲ့အကျိုးပဲ။ ဒီအကျိုးတရားကို လိုချင်ရင် ဆိုင်ရာအကြောင်းတရားကို ‘ဖြည့်ဆည်း’။ ဒီအကျိုးတရားကို မလိုချင်ဘူးလား။ ဆိုင်ရာအကြောင်းတရားကို ‘ပယ်သတ်’။ ဒါပဲ။ ဘဝတိုးတက်ရေးကနေ နိဗ္ဗာန်ရောက်ကြောင်းထိ ဒီဖော်မြူလာပဲ။

ဆိုတော့ ပညာတတ်ချင်သလား။ ပညာလေ့လာပေါ့။ ပိုက်ဆံချမ်းသာချင်သလား။ ချမ်းသာစေနိုင်တဲ့ အကြောင်းတရားတွေကို ဖြည့်ဆည်းပေါ့။ စိတ်မဆင်းရဲချင်ဘူးလား။ စိတ်ဆင်းရဲမှုအပေါင်းကို ဖြစ်ပေါ်စေတဲ့ စွဲလမ်းမှုတဏှာကို လျှော့ချပေါ့။

တတ်ချင်တာက အင်္ဂလိပ်စာ။ လုပ်နေတာက ကိုရီးယားကား ကြည့်နေတာ ဆိုရင်တော့ စပျစ်ပင်စိုက်ပြီး ပန်းသီးသီးစေချင်တဲ့လူလို ဖြစ်နေပါလိမ့်မယ်။

🔳 ကျွန်တော်တို့ ဘဝတွေကို ခွဲခြမ်းစိတ်ဖြာကြည့်ရင် ကျန်းမာရေး၊ ပညာရေး၊ စီးပွားရေး၊ မိသားစု၊ အလုပ်အကိုင် စသဖြင့် ကဏ္ဍအခွဲလေးတွေ အများကြီးရှိနေတာ တွေ့ရမယ်။ အဲဒီတစ်ခုချင်းစီမှာလည်း ကိုယ်အားထုတ်သလောက်၊ ကိုယ်အချိန်ပေးသလောက် အသီးအပွင့် ခံစားရမှာပါပဲ။

ပညာရေး၊ ဒါမှမဟုတ် အလုပ်အတွက် အားစိုက်ထုတ်နေချိန်မှာ မိသားစုအတွက် လစ်ဟင်းသွားတတ်တယ်။ ကျန်းမာရေးကို မေ့လျော့နေတတ်တယ်။ ဒီအခါ အိမ်ထောင်ရေး အဆင်မပြေတာ၊ မိဘနဲ့ သားသမီး ပဋိပက္ခဖြစ်တာ၊ ကျန်းမာရေး ထိခိုက်လာတာ စသဖြင့် ဖြစ်လာတော့တာပေါ့။ တကယ်တော့ ဒါဟာလည်း ကိုယ်စိုက်တာ ကိုယ်ရိတ်သိမ်းရတဲ့ သဘောပါပဲ။

ရှိတုန်းက တန်ဖိုးမထားခဲ့ရင် တစ်နေ့တော့ ဆုံးရှုံးရပါလိမ့်မယ်။ အဲဒီတော့မှ ဝမ်းနည်းနေလို့ အလကားပဲ။ ဘယ်သူမပြု မိမိမှုဆိုသလို ဒါ ကိုယ်ကိုယ်တိုင် စိုက်ပျိုးခဲ့တဲ့ အသီးပဲကိုး။

🔳 အခုကာလမှာလည်း ရွေးချယ်မှုတွေ လုပ်နေကြရတာပဲ။ တချို့က ကိုယ့်လုံခြုံရေး၊ စီးပွားရေး၊ မိသားစု၊ ဘာကိုမှ မငဲ့ကွက်ဘဲ ကိုယ်ယုံကြည်ရာကို လျှောက်လှမ်းကြတယ်။ ရပ်တည်ကြတယ်။ ဒီအခါ ချီးကျူးမှုတွေ ခံရတယ်။ နောက်ဆုံး၊ ဘယ်သူမှ မသိတောင် ကိုယ့်ဟာကိုယ်တော့ လိပ်ပြာလုံတယ်၊ ဂုဏ်ယူတယ်ဆိုတဲ့ ခံစားချက်မျိုးကို ရတယ်။ တစ်ဖက်ကလည်း ဘဝရပ်တည်ရေး အဆင်မပြေတာတွေ၊ လမ်းပျောက်တာတွေ၊ သိမ်ငယ်တာတွေ ခံစားနေရပြန်တယ်။ အကုန်လုံးသည် ကိုယ့်ရွေးချယ်မှုရဲ့ နောက်ဆက်တွဲ ကိစ္စတွေပါပဲ။

မိသားစုအရေး၊ ကိုယ့်တစ်ကိုယ်စာ အဆင်ပြေရေးကိုပဲ ရှေ့တန်းတင်ချင်တယ်။ ဒါပေမဲ့ လူအများစုရဲ့ ချီးကျူးဂုဏ်ပြုတာကိုလည်း ခံချင်တယ်။ လူကောင်းသူကောင်းအဖြစ် အမြင်ခံချင်တယ်။ ဒီလိုတော့ လုပ်လို့မရဘူး။

🔳 ပတ်ဝန်းကျင်မှာ သတိထားကြည့်ကြည့်။ အဲဒီလို ကိုယ်စိုက်မထားတဲ့ အသီးကို ရိတ်သိမ်းချင်တဲ့သူတွေ တစ်ပုံကြီးနော်။ ဘာမှ မလုပ်ဘဲ ကျန်းမာချင်တယ်။ လှပချင်တယ်။ အောင်မြင်ချင်တယ်။ ချမ်းသာချင်တယ်။ တော်ချင်၊ တတ်ချင်တယ်။ အများအတွက် ဘာမှ မပေးဆပ်ဘဲ အများဆီက လက်ခုပ်သံကျ လိုချင်တယ်။ တိုင်းပြည်ကိုလည်း ဂုတ်သွေးစုပ်ထားတယ်။ ပြည်သူပြည်သားတွေ ချစ်ခင်တာလည်း ခံချင်သေးတယ်။

ဒါကြောင့် ဒီဘဝဒဿနာဟာ ကျွန်တော့်အတွက် သိပ်အရေးကြီးတယ်။ ကျွန်တော် တစ်နေ့တစ်နေ့ ဘာတွေလုပ်နေသလဲ၊ ဘယ်အရာတွေကို အချိန်ပေးနေသလဲ ဆိုတာကပဲ ကျွန်တော့်ဘဝကို ပုံဖော်ပြဌာန်းသွားမှာ ဖြစ်တယ်။ တခြားဘာလျှို့ဝှက်ချက်နည်းနာမှ ရှိမနေဘူး။ ကိုယ်လုပ်ရင် ကိုယ်ရမယ်။ ကိုယ်မလုပ်ရင် ကိုယ်မရဘူး။ ရှင်းရှင်းလေးပဲ။

🔳 သူတစ်ပါးကို မနာလိုဖြစ်တာလည်း နည်းသွားတယ်။ သြော် သူကတော့ တော်မှာပေါ့၊ ကြိုးစားတာကိုး။ ငါက သူ့လောက်မှ မကြိုးစားတာ၊ ဘယ်တော်မလဲ၊ သူရော ငါရော ကိုယ်စိုက်တာ ကိုယ်ရိတ်သိမ်းကြရတာပဲ။ ဒီလိုအတွေး ထားလိုက်တော့ မနာလိုခြင်းအစား အတုယူလိုစိတ်ဘက်ကို ပိုရောက်သွားတယ်။

ကိုယ် ဘာအကျိုးတရား လိုချင်သလဲ။ ဆိုင်ရာအကြောင်းတရားတွေကို ဖြည့်ဆည်းပါ။ ဘယ်သူတွေ ဘာတွေလုပ်နေလုပ်နေ၊ ကိုယ်လုပ်ရမဲ့အလုပ်ကိုပဲ တစိုက်မတ်မတ် ဖြောင့်ဖြောင့်တန်းတန်း လုပ်ပါ။ ကိုယ့်ရွေးချယ်မှုတစ်ခုစီတိုင်းရဲ့ ဘေးထွက်ဆိုးကျိုးတွေကို လက်သင့်ခံနိုင်အောင် ကြိုးစားပါ။

🔳 “ဂျုံစိုက်ပြီး စပါးရိတ်ချင်လို့တော့ မရဘူး”လို့ ရှင်းရှင်းပြတ်ပြတ် ခံယူလိုက်နိုင်တဲ့နေ့မှာ ကိုယ် ဘာလုပ်သင့်တယ်၊ လုပ်ရမယ် ဆိုတာတွေ ပိုပြတ်သားလာမှာ ဖြစ်သလို၊ ကိုယ့်ကိုယ်ကိုယ်လည်း ပိုပြီး တာဝန်ယူ၊ တာဝန်ခံနိုင်လာမယ်၊ သူတစ်ပါးကို မနာလိုတာ၊ လောကကြီးအပေါ် မကျေနပ်တာတွေလည်း အတိုင်းအတာတစ်ခုထိ လျော့နည်းသွားမှာ ဖြစ်ပါတယ်။

ဒေါက်တာ ဖြိုးသီဟ
၉.၇.၂၀၂၃