17/01/2024
မဖြစ်မနေရှယ်ထားသင့်တဲ့ ကျောင်းသားတိုင်း / OSတိုင်း အသုံးဝင်မယ့် App များ🤳🥇📱
(Recommendations Apps For Students & Entrepreneurs)
1. Google Keeps
ဒီ app လေးကတော့ Note taking app လေးတစ်ခုပါ။ အသုံးပြုပုံကတော့ အရမ်းလွယ်ပါတယ်။ app ထဲဝင်ပြီး +လေးကိုနှိပ်လိုက်တာနဲ့ ကိုယ်ရေးချင်တာစရေးလို့ ရပါပြီ။ တကယ်လို့ ကိုယ်က Notes တွေကို ဘာသာရပ်အလိုက် (or) topic အလိုက် ထားချင်တယ်ဆိုရင်လည်း lable ဆိုတာလေးကို နှိပ်ပြီးတော့ ကိုယ့်စိတ်ကြိုက်ထားနိုင်ပါတယ်။ အရေးကြီးတဲ့ Note တွေဆိုရင်လည်း ထိပ်ဆုံးမှာပေါ်နေအောင် pinned လုပ်ထားလို့ရပါတယ်။
အကယ်၍ Notes တွေကို မှားဖျက်မိခဲ့တယ်ဆိုရင်လည်း Deleted ထဲကို သွားပြီးတော့ restore ပြန်လုပ်လို့ရပါတယ်။ နောက်ထပ်အားသာချက်တစ်ခုကတော့ Device နောက်တစ်မျိုးနဲ့ သုံးချင်တယ်ဆိုရင် ကိုယ့်အရင် acc ကို log in ဝင်လိုက်ရုံနှင့် Notes တွေဟာ အလိုအလျောက်ပြန်ပေါ်လာပါတယ်။
https://play.google.com/store/apps/details?id=com.google.android.keep
2. School Planner
နောက် app လေးတစ်ခုကတော့ School Planner လို့ ခေါ်ပါတယ်။ Timetable တွေပြုလုပ်တဲ့ နေရာမှာ အသုံးဝင်တဲ့ app လေးတစ်ခုပါ။ ကိုယ့်ရဲ့ Online Class Timetable ကိုဘဲဖြစ်ဖြစ် ထည့်ထားမယ်ဆိုရင် ဒီ app လေးက အတန်းချိန်မတိုင်ခင် 15 မိနစ်ကြိုပြီးတော့ Remind လုပ်ပေးပါတယ်။
https://play.google.com/store/apps/details?id=daldev.android.gradehelper
3. Boosted Time Tracker
ဒီ app လေးကတော့ time management နှင့်သက်ဆိုင်တဲ့ application လေးပါ။ ပထမဆုံးလုပ်ရမှာကတော့ app လေးထဲဝင်လိုက်ပြီး project ဆိုတဲ့နေရာမှာ ကိုယ်လေ့လာမယ့်ဘာသာတွေကို ရေးလိုက်ပါ။ ပြီးရင်တော့ စာစလုပ်တော့မယ်ဆိုတာနဲ့ ဘယ်ဘာသာလုပ်မလဲဆိုတဲ့ အပေါ်မူတည်ပြီး start project ဆိုတာလေးနှိပ်လိုက်ပါ။ ဒီ app လေးက စာလုပ်နေချိန်အတွင်း ကိုယ့်ရဲ့ progress ကို မှတ်သားပေးနေပါလိမ့်မယ်။ တစ်ဖက်မှာလည်း စာထဲပိုပြီးတော့ focus ထားနိုင်သွားပါတယ်။ ကိုယ့်ရဲ့တစ်ပတ်စာလေ့လာမှု၊ တစ်ရက်စာ လေ့လာသင်ယူမှု ဘယ်အတိုင်းအတာအထိရောက်နေပြီလည်းဆိုတာ အကုန်ပြန် Check လို့ရတဲ့ app လေးတစ်ခုပါ။
https://play.google.com/store/apps/details?id=com.boostedproductivity.app
4. Photomath
နောက်တစ်ခုကတော့ Photomath လို့ခေါ်ပါတယ်။ သင်္ချာပုစ္ဆာတွေကို ကူညီပြီးအဖြေရှာပေးတဲ့ app ပါ။ သုံးရတာ အရမ်းလွယ်ပါတယ်။ ကိုယ်တွက်ချင်တဲ့ပုစ္ဆာကို ဓါတ်ပုံရိုက်လိုက်ရုံနှင့် တွက်ပုံတွက်နည်း အဆင့်ဆင့်ကနေ အဖြေထွက်တဲ့အထိ တွက်ပြပေးသွားတဲ့ app လေးပါ။
https://play.google.com/store/apps/details?id=com.microblink.photomath
5. Mindmap Maker - Mindomo
ဒီ app လေးကတော့ mindmapping app လေးပါ။ စာကို ဤသည်မရွေးကျက်ရတာ မကြိုက်တဲ့သူတွေ၊ အဓိကအကြောင်းအရာအချက်အလက်တွေကို သဘောတရားတွေနဲ့ မှတ်သားရတာ ကြိုက်တဲ့သူတွေအတွက် အလွန်အသုံးဝင်ပါတယ်။ mindmap ဆိုတာက အဓိက concept တွေကို ရေးသားထားတဲ့ diagram တစ်ခုပါ။ mindmap ကိုသုံးပြီးလေ့လာတဲ့အခါ အချက်အလက်တွေကို အလွယ်တကူမှတ်မိလာပြီး၊ creative thinking ပိုင်းကိုလည်း တိုးတက်လာစေပါတယ်။
https://play.google.com/store/apps/details?id=air.com.EXswap.Mindomo
6. Google Docs
ဒီ Google Docs ကတော့ ကနေထုတ်ထားတဲ့ app ပါ။ Word နဲ့ပုံစံတူပါတယ်။ Android ရော IOS ရော သုံးလို့ရပါတယ်။ Google Keeps လိုဘဲ တစ်ခြား device မှာ ကိုယ့် account ကို sign in လုပ်လိုက်တာနဲ့ file တွေပေါ်လာမှာပါ။
အားသာချက်တွေအနေနှင့် Font design အစုံ၊ High light color အစုံ ပါရှိပါတယ်။ နောက်ထပ် (Letter, Tabloid, Legal, Statement, A3, A4, etc...) စသဖြင့် document size အစုံရွေးချယ်နိုင်ပါတယ်။
file တွေကို share/export လုပ်ရာမှာလည်း (pdf, word, open document, plain text, epub, web page, zip file) file types မျိုးစုံပါဝင်ပါတယ်။ Hazel ကတော့ class assignment တွေ လုပ်တဲ့နေရာမှာ ဒီ app လေးကို အသုံးပြုပါတယ်။ ပါနော်။
https://play.google.com/store/apps/details?id=com.google.android.apps.docs.editors.docs
7. Read Era
ဒါလေးကတော့ Read Era လို့ခေါ်တဲ့ pdf reader app ပါ။ digital english book တွေဖတ်တဲ့အခါ မင်မင် သုံးဖြစ်တဲ့ app လေးပါ။ epub type တွေလည်း ဒီ app မှာ ဖတ်လို့ရပါတယ်။ Day Mode, Night Mode ပြောင်းလို့ရတဲ့အပြင် စာရွက်အဝါသား (creamy paper) ပုံစံမျိုး ကြိုက်တတ်တဲ့သူတွေအတွက်လည်း "Sepia mode" ပါဝင်ပါတယ်။ font လည်း အစုံပါပြီး font size ကိုလည်း အကြီးအသေး လိုသလိုလုပ်လို့ရပါတယ်။စာကြမ်းပိုးလေးတွေ try ကြည့်သင့်တဲ့ app လေးပါ။
https://play.google.com/store/apps/details?id=org.readera
8. Notion
ဒီ app လေးကတော့ Note taking, planning, to do list စတာတွေကို ကိုယ့်စိတ်ကြိုက် asthestic ဆန်ဆန်ဖန်တီးလို့ရတဲ့ appလေးပါ။ အသုံးပြုလို့ရတဲ့ tools တွေ (Page, text, to do list, heading, table, bulleted list, number list, toggle list, quote, divider, call out) လည်း အများကြီးပါတဲ့အတွက် ကိုယ်ကြိုက်သလို customised လုပ်လို့ရပါတယ်။
Pinterest ထဲမှာလည်း notion template sample တွေ အများကြီးရှိတဲ့အတွက် idea ယူလို့ရပါတယ်။
https://play.google.com/store/apps/details?id=notion.idhttps://play.google.com/store/apps/details?id=com.microsoft.office.onenote
9. Microsoft OneNote
Microsoft ကထုတ်ထားတဲ့ Note taking app လေးပါ။ page နှင့် stickey note ဆိုပြီး ၂ မျိုးရွေးလို့ရပါတယ်။ မင်မင် ကတော့ stickey note type ကို ပိုကြိုက်ပါတယ်။နောက်တစ်ခုက Notebook ဆိုတဲ့ icon လေးလည်းပါပါတယ်။
အဲ့ဒီ Notebook ဆိုတဲ့အထဲမှာ ဘာသာရပ်အလိုက် Notes လေးတွေကို စုစုစည်းစည်း ထားလို့ရပါတယ်။
https://play.google.com/store/apps/details?id=com.microsoft.office.onenote
10. Microsoft Math
ဒီappလေးကလည်း math problem တွေကိုဖြေရှင်းပေးတဲ့ app လေးပါ။ camera နဲ့ scan လို့ရသလို ပုစ္ဆာတွေကို draw ဆိုတဲ့နေရာမှာ ချရေးလို့ရပါတယ်။ ဒါမှမဟုတ် typing နဲ့ ရေးလည်းရပါတယ်။ သူကလည်း ရှေ့က photomath app လိုဘဲ ဖြေရှင်းတဲ့အဆင့်ဆင့်ကို ဖော်ပြပေးပါတယ်။
https://play.google.com/store/apps/details?id=com.microsoft.math
11. Loop Habit Tracker
Habit တစ်ခုကို မွေးမြူချင်သူတွေအတွက် အသင့်တော်ဆုံး App ပါ။ App အတွင်းပိုင်းဖွဲ့စည်းတည်ဆောက်ပုံ ရိုးရှင်းပြီးတော့ အလွယ်တကူအသုံးပြုလို့ရပါတယ်။
ပထမဆုံး ညာဘက်ထိပ်ဆုံးက + ပုံစံလေးကို နှိပ်လိုက်မယ်ဆိုရင် "Yes or No"နှင့် "Measurable" ဆိုပြီး နှစ်မျိုးပေါ်လာပါမယ်။ ဒီ၂မျိုးက ဘယ်နေရာမှာကွာသွားလဲဆိုတော့ notification အပိုင်းမှာ ကွာသွားပါတယ်။
တကယ်လို့ ကိုယ်က "Yes or No"ကို ရွေးထားတယ်ဆိုရင် noti မှာ "Yes or No"ပုံစံ Noti တက်ပါမယ်။ "Measurable" ရွေးထားတယ်ဆိုရင်တော့ ကိုယ့်ရဲ့ progress ကို ဖြည့်ပေးရပါမယ်။
ဥပမာ
■ (Yes or No) | Have you read today?
~ ကိုယ်က ဒီနေ့စာဖတ်ပြီးပြီဆိုရင် Yes
~ မဖတ်ရသေးရင်တော့ Noကိုရွေးလိုက်ပါ။
■ (Measurable)| Have you read today?
~ Eg (Yes | 5 pages)
~ Measurableကတော့ ကိုယ်ဖတ်လိုက်တဲ့ စာမျက်နှာတွေပါ ထည့်ရေးလို့ရပါတယ်။
~ ဒီနေ့ဘယ်နှမျက်နှာ ဖတ်ခဲ့ပါတယ်ဆိုတဲ့ progress ကိုပါ ထည့်ရေးပေးရတာမျိုးပါ။
https://play.google.com/store/apps/details?id=org.isoron.uhabits
12. Calculator From Google LLC
Google ကထုတ်တဲ့ App ပါ။ မင်မင် ကတော့ ဒီ app ကို ဖုန်းထဲကမူရင်း Calculator ထက်ပိုကြိုက်ပါတယ်။ Google products တွေရဲ့ထုံးစံအတိုင်း ကြည့်ရတာရိုးရှင်းပြီးတော့ အသုံးပြုရလွယ်ကူလို့ပါ။
https://play.google.com/store/apps/details?id=com.google.android.calculator
13. Google Podcast
Podcast တွေနားထောင်တာဟာ listening skill ကို တိုးတက်စေပါတယ်။ အခုမှစနားထောင်မယ့်သူတွေအတွက် အခက်အခဲ အနည်းငယ်ရှိနိုင်ပေမယ့် Podcast နားထောင်နေကျ ဖြစ်သွားပြီဆိုရင် listening skill သိသိသာသာ တိုးတက်လာပါလိမ့်မယ်။
Podcasts Recommendations
• Luke's ENGLISH Podcast
• Learning English Broadcast - VOA
• Culips Everyday English Podcast
• Easy Stories in English
• Overhead of a National Geographic
• Real English Conversations Podcast
• TED Talks Daily
• Speak Better English with Harry
• The British English Podcast
https://play.google.com/store/apps/details?id=com.google.android.apps.podcasts
14. Google Calendar
ဒီ Google Calendar ကတော့ time management အချိန်စီမံခန့်ခွဲမှုနှင့် ပတ်သက်တဲ့ application တစ်ခုဖြစ်ပါတယ်။ appထဲဝင်လိုက်မယ်ဆိုရင် ညာဘက်အောက်ဆုံးနားမှာ + ပုံလေးရှိပါတယ်။ အဲ့ဒီ + ပုံလေးကို နှိပ်လိုက်ပြီး ကိုယ်ဒီနေ့ဘယ်အချိန်မှာ ဘာတွေလုပ်မလဲဆိုတာ plan ချလို့ရပါတယ်။
Notificationလာပေါ်စေချင်ရင်လည်း 30 minutes before, 15 minutes before, 10 minutes before, 5 minutes before ဒီလိုမျိုးရွေးပေးလိုက်ပါ။
တကယ်လို့ကိုယ်က တစ်ပတ်အလိုလောက်မှ remind လာလုပ်စေချင်ရင်လည်း custom ကို နှိပ်ပြီးတော့ အချိန်ကို ကိုယ့်စိတ်ကြိုက် ရွေးချယ်နိုင်ပါတယ်။ Notifications ကိုလည်း ကိုယ်အဆင်ပြေသလို ရိုးရိုး notification ပုံစံနှင့် Email ထဲကို mail ပို့ပေးတဲ့ notification ပုံစံ နှစ်မျိုးကို ရွေးချယ်နိုင်ပါတယ်။
https://play.google.com/store/apps/details?id=com.google.android.calendar
15. Youtube Music
နောက်ဆုံးတစ်ခုကတော့ Youtube Music ပါ။ ဒီ app လေးကတော့ music တွေနားထောင်ပြီး စာလုပ်ရတာကြိုက်တဲ့သူတွေအတွက်ပါ။ Spotify လို music သီးသန့်ပုံစံမျိုးပါ။
ဒီ app ရဲ့အားသာချက်တစ်ခုက သီချင်းအမျိုးအစားတူရာတွေကို related အနေနှင့်စုပေးပါတယ်။ (ဥပမာ ကိုယ်ဖွင့်ထားတဲ့ သီချင်းက pop song ဆို pop song တွေကို related ဆိုတဲ့နေရာမှာ စုထားပေးပါတယ်။ ကိုယ်ကြိုက်တဲ့ genre တွေဖြစ်တဲ့အတွက် တစ်ပုဒ်ပြီးတစ်ပုဒ်နားထောင်ရုံပါဘဲ။) Lyricsလည်း တစ်ခါတည်းပါတဲ့အတွက် အလွန်အသုံးဝင်တဲ့ app လေးပါ။
https://play.google.com/store/apps/details?id=com.google.android.apps.youtube.music
