26/08/2023
Vodka
-------
ဒီတစ်ခေါက်မှာတော့ Vodka အကြောင်းလေး ရေးချင်ပါတယ်ခင်ဗျာ။ပထမဆုံးအနေနဲ့ Vodka ဆိုတာဘာလဲဆိုတဲ့အချက်ကို အရင်ပြောချင်ပါတယ်။Vodka ဆိုတာ မည်သည့်စိုက်ပျိုးသီးနှံနှင့်မဆို ချက်လုပ်လို့ရတဲ့ ယမကာ/အရက်တစ်မျိုးပါ။အဓိကအားဖြင့်တော့ grains တွေ, wheat, rye, potatoes တွေနဲ့ အများဆုံးချက်လုပ်ကြပေမယ့် မည်သည့်ကောက်ပဲသီးနှံနှင့်မဆို ချက်လုပ်ခွင့်ရှိပါတယ်။ (Whisky ဆိုရင် corn, barley, rye, wheat ကိုပဲ အဓိကသုံးတာပါ)
အဲ့တော့ vodka ဆိုတာ မြန်မာအခေါ် အရက်ဖြူတစ်မျိုးပါပဲ။ ဒါပေမယ့် သာမန်ထက် ထူးကဲတဲ့ အရက်ဖြူဖြစ်အောင် စနစ်တကျ သေချာပြုလုပ်တာဖြစ်တဲ့အတွက် ကမ္ဘာကိုထိုးဖောက်နိုင်တဲ့အထိ အောင်မြင်ခဲ့တာပါ။(ကမ္ဘာ့ယမကာ/spirits လောကရဲ့ လေးပုံတစ်ပုံက Vodka ရဲ့ရောင်းအားပါ။)အဲလောက်အောင်မြင်မှုက လွယ်လွယ်ဖြစ်လာတာတော့ မဟုတ်ပါဘူး။ အဲ့တော့ Vodka သမိုင်းကြောင်းလေးကို ပြောပြချင်ပါတယ်ခင်ဗျာ။
Vodka ဆိုတာ little water လို့အဓိပ္ပာယ်ရပါတယ်။ Vodka ဆိုတဲ့စကားလုံးက Russia စကား voda ကနေဆင်းသက်လာတယ်လို့ ပြောကြသလို၊ Polish စကား woda ကနေဆင်းသက်လာတယ်လို့ ယူဆတဲ့သူတွေလည်းရှိပါတယ်။ မှတ်တမ်းအနေနဲ့ကတော့ 1405 မှာ polish document အနေနဲ့ အစောဆုံးမှတ်တမ်းတွေ့ခဲ့ပေမယ့် ဘယ်နိုင်ငံက ပထမဆုံးလဲဆိုတာတော့ အခုထိအငြင်းပွါးနေဆဲပါခင်ဗျာ။
ရိုးရာနည်းအရ vodka ချက်လုပ်တာကို 14 ရာစုမှာ Russia နှင့် Poland မှာစတင်ခဲ့တာပါ။ အဲ့ကနေတဆင့် တခြားနိုင်ငံတွေကို ပျံ့နှံ့လာပြီး Finland, Norway, Sweden နိုင်ငံတွေအပါအဝင် နိုင်ငံတော်တော်များများကို ရောက်ရှိခဲ့ပါတယ်။ အဲ့လိုပျံ့နှံ့အောင်မြင်ခဲ့တာက Vodka Belt လို့တင်စားရတဲ့အထိ နိုင်ငံများစွာပါဝင်ခဲ့ပြီး vodka ကိုအဓိကသုံးဆောင်တဲ့ / vodka ကိုကောင်းစွာထုတ်လုပ်တတ်တဲ့ နိုင်ငံတွေအနေနဲ့ ကျော်ကြားလာခဲ့ပါတယ်။(Vodka Belt မှာပါဝင်တဲ့နိုင်ငံတွေကတော့ Russia, Poland, Ukraine, Sweden, Norway, Finland, Iceland, Estonia, Latvia, Lithuania, Belarus, Slovakia စသည့်နိုင်ငံတွေပါ)အောင်မြင်ကျော်ကြားလာတဲ့ Vodka Belt ဟာ 2008 ခုနှစ်မှာတော့ စည်းမျဉ်းသတ်မှတ်ချက်လေးတွေ ထွက်ပေါ်လာခဲ့ပါတယ်။ အဲ့စည်းမျဉ်းလေးတွေက လွတ်လပ်စွာချက်လုပ်ခွင့်ရှိနေတဲ့ vodka ရဲ့ လွတ်လပ်ခွင့်ကိုမထိခိုက်ပဲ၊ vodka ကို အဆင့်အတန်းပိုမြင့်အောင် ပံ့ပိုးပေးနိုင်ခဲ့ပါတယ်ခင်ဗျာ။ အဲ့စည်းမျဉ်းတွေထဲက အချို့ကို အောက်မှာဖော်ပြပေးထားပါတယ်။
မည်သည့်နေရာဒေသမှာမဆိုချက်လုပ်ခွင့်ရှိပေမယ့် Ethyl Alcohol ဖြစ်ကပါမယ်။
(Ethyl Alcohol ကတော့ မဆန်းပါဘူး၊ Methanol သောက်ရင်သေကုန်မှာပါခင်ဗျာ)
(Cognac ဆိုရင် ပြင်သစ်နိုင်ငံ cognac ဒေသမှာပဲ ချက်လုပ်ကမယ်ဆိုတာမျိုးရှိပေမယ့် vodka ကတော့ နေရာဒေသမရွေး လွတ်လပ်စွာချက်လုပ်နိုင်ပါတယ်ခင်ဗျာ)
စိုက်ပျိုးသီးနှံ ကြိုက်တာနဲ့ချက်လုပ်ခွင့်ရှိပါတယ်၊ ဒါပေမယ့် Agricultural Origin ဖြစ်ကပါမယ်။တချို့ distillery တွေက ပန်းသီးတွေ၊ Tulip ပန်းတွေကနေ ချက်လုပ်ကြပြီး နွားနို့ကနေချက်လုပ်တာတွေပါ ရှိပါတယ်။ (နွားနို့ကိုတော့ agricultural origin ဖြစ်/မဖြစ် မပြောတတ်ပါဘူးခင်ဗျာ)Distilled လုပ်ပြီး ရေမရောခင်အထိဆိုရင် 96% ABV (တချို့က 95% လို့ပြောကြပါတယ်) အနည်းဆုံးရှိရပါမယ်။
ရေရောပြီး ပုလင်းထဲထည့်ရင်တော့ 37.5% ABV (တချို့က 35% လို့ပြောကြပါတယ်) အနည်းဆုံးရှိရပါမယ်ခင်ဗျာ။
Grain တွေ၊ potatoes တွေနဲ့ ချက်လုပ်တာဆိုရင်တော့ ပုလင်းပေါ်မှာ vodka လို့ပဲရေးလည်းရပါတယ်။ တခြားဟာတွေနဲ့ ချက်လုပ်တယ်ဆိုရင်တော့ ပုလင်းပေါ်မှာ ကိုယ်ချက်လုပ်တဲ့အရာကို မဖြစ်မနေသေချာဖော်ပြပေးရပါမယ်ခင်ဗျာ။ဒါကတော့ ကျွန်တော်သိသလောက် မှတ်သားထားသလောက် vodka အကြောင်းပါပဲ။
လူကြီးမင်းတို့ အကောင်းဆုံးတွေနဲ့ မြူးချင်တယ်ဆိုရင်တော့ နိုင်ငံခြားအရက် အမျိုးမျိုး ၊ Whisky , Beer , Wine အမျိုးမျိုးတို့ကို Ko Latt Liquor Store မှာ ဈေးနှုန်းမှန် ၊ ပစ္စည်းမှန်ကန်စွာဖြင့်
ယုံကြည်စိတ်ချစွာ မှာယူနိုင်ပါပြီနော်💁
Dollar 💲 အတက် အကျ အလိုက် ဈေးနှုန်းအပြောင်းအလဲ
တွေလည်း ရှိနိုင်ပါတယ်ရှင့်✅
📌
Ko Latt , Liquor Store🥂
No.28, Ground Floor,Kyauk Yae Twin St,
Kyauk Myaung,Tamwe Township,Yangon.
☎ 09 421891901, 09 780818883,
Latt Liquor Store 🍻
