What are the opening hours?

Monday 07:00 - 20:00 Tuesday 07:00 - 20:00 Wednesday 07:00 - 20:00 Thursday 07:00 - 20:00 Friday 07:00 - 20:00 Saturday 07:00 - 20:00 Sunday 07:00 - 20:00

https://www.facebook.com/102360722065021/

Bottle Babies, Yangon (2026)

28/12/2021

Wh**ky သောက်နည်း အမှန်

၁။ ဘယ်တော့မှ အသားနဲ့မမြည်းရ

၂။ အသီး သို့ ချိစ့် နဲ့သာမြည်းပါ

၃။ ရေမရောရ၊ coke မရောရ၊ ရေခဲ၂ခဲ ၃ခဲ သာထည့် မွှေပါ

၄။ ဘယ်တော့မှ ၂ ပတ် ၃ပတ်ထက် မပိုစေနဲ့

၅။ မသောက်ခင် အနံ့ရူကြည့်ပါ အစစ်သည် အရက်ပြန်နံ့မထွက် လက်ဖဝါးပေါ် ခွက်ကိုတင်ပြီး ရေခဲပျော်အောင် အနည်းငယ်လူပ်ပါ လက်ဖဝါးအပူချိန် နှင့် ရေခဲအပျော် အနံအထွက် ကောင်းစွာ ရူရိုက်ပါ

၆။ တန်းမသောက်ပါနဲ့ အာထိရုံ အနည်းငယ်ကို လျှာပေါ်တင်ပါ နှုတ်ခမ်းပတ်လည်လျှာနဲ့ တို့ အရသာခံပါ အနံ့အရသာခံကြည့်ပါက Wh**ky အမျိုးအစားချင်း အရမ်းကွာခြားပါသည်
ဖြေးဖြေးချင်း အရသာခံသောက်ပါ

ထိုနည်းအတိုင်း ကျင့်သုံးပါက ကျန်းမာရေးကို ဆိုးဝါးစွာ မထိခိုက်စေပါ။

Credit to Zar Ni Zin

02/10/2021

Tennessee Wh***ey 🥃

ကျနော်ဒီနေ့တော့ Tennessee Wh***ey အကြောင်းလေးပြောပြပေးချင်ပါတယ်။ Tennessee Wh***ey လို့ပြောလိုက်တာနဲ့ ကျနော်တို့တော်တော်များများရဲ့ မျက်လုံးထဲမှာပြေးမြင်မိတာကတော့ JACK DANIEL'S ဆိုတဲ့ wh***ey ပုလင်းလေးပဲဖြစ်မယ်လို့ထင်မိပါတယ်။ အမှန်တကယ်လည်း JACK DANIEL'S Tennessee Wh***ey ဟာ ကမ္ဘာပေါ်မှာနာမည်ကြီး brand တစ်ခုပါပဲ။ ကျနော်တို့ ငယ်ငယ်လေးကတည်းက အမြဲလိုလိုမြင်နေတဲ့ အရက်ပုလင်းလေးလို့ပြောလည်းရပါတယ်ဗျ။

Tennessee Wh***ey ဆိုတာကတော့ အခြေခံအားဖြင့်ပြောရရင် Bourbon Wh***ey အမျိုးအစားပါပဲ။ U.S.A ရဲ့ Tennessee State မှာထုတ်လုပ်တဲ့ Straight Wh***ey ဖြစ်လို့ Tennessee Wh***ey လို့ခေါ်ကြခြင်းဖြစ်ပါတယ်။ ဒါပေမဲ့ Tennessee Wh***ey ထုတ်လုပ်သူအများစုကတော့ သူ့ကို Bourbon Wh***ey အဖြစ်သတ်မှတ်ခြင်းကို လက်မခံချင်ကြပါဘူး။ ဒါကြောင့်လည်း သူတို့က ပုလင်းတွေ ကြော်ငြာတွေမှာ Bourbon ဆိုပြီးထည့်သွင်းဖော်ပြခြင်းမလုပ်ကြပါဘူး။ Tennessee Wh***ey နဲ့ Bourbon Wh***ey ဟာအတူတူပဲလား မတူဘူးလားဆိုပြီးတော့လည်း Wh***ey ကြိုက်နှစ်သက်သူများကြားမှာ မကြာခဏပြောဆိုဆွေးနွေးတတ်ကြပါတယ်။ တကယ်တမ်းတော့ သူတို့နှစ်မျိုးဟာ မတူကြပါဘူးဗျ။

Tennessee Wh***ey နဲ့ Bourbon တို့ဟာ အစပိုင်းထုတ်လုပ်ပုံခြင်းကတော့ အတူတူပါပဲ။ စည်းကမ်းချက်တွေချမှတ်ထားတဲ့အတိုင်း အနည်းဆုံး 51% corn ဖြစ်ရမယ်၊ စည်အသစ်တွေကိုပဲသုံးပြီးတော့ သက်တမ်းရင့်အောင်သိမ်းကြရပါတယ်။ ဒါပေမဲ့ မတူညီတဲ့အချက်လေးကတော့ Tennessee Wh***ey တွေက ချက်လုပ်ပြီး စည်ထဲကိုမရောက်ခင်မှာ Charcoal Mellowing လို့ခေါ်တဲ့ charcoal filtering ကိုပြုလုပ်ရပါတယ်။ Charcoal Mellowing ကိုအကြမ်းအားဖြင့်ရှင်းပြရရင် အသစ်ချက်လုပ်လာတဲ့ Tennessee Wh***ey တွေကို မီးသွေးခဲတစ်မျိုးနဲ့စစ်ထုတ်တဲ့သဘောပါပဲ၊ Sugar Maple လို့ခေါ်တဲ့ သကြားသီးပင်ရဲ့သစ်သားနဲ့ပြုလုပ်ထားတဲ့ မီးသွေးခဲမျိုးပါ။ Bourbon Wh***ey ကတော့ အဲ့လိုမျိုးမလုပ်ပဲ စည်ထဲကိုတစ်ခါတည်းထည့်သိမ်းပါတယ်။

Tennessee Wh***ey တိုင်းကတော့ Tennessee State မှာပဲထုတ်လုပ်ပါတယ်၊ ဒါပေမယ့် Tennessee State ကထုတ်လုပ်တဲ့ Wh***ey တိုင်းကတော့ Tennessee Wh***ey မဟုတ်ပါဘူး။ Tennessee Wh***ey ထုတ်လုပ်ရာမှာလည်း သူတို့ချမှတ်ထားတဲ့ စည်းကမ်းအတိုင်းပြုလုပ်မှသာ တရားဝင် Tennessee Wh***ey ဖြစ်မှာပါ။ တစ်ချို့သော Wh***ey တွေက ထုတ်လုပ်သူတွေရဲ့ အသစ်ဖန်တီးမှုတွေကြောင့် Tennessee Wh***ey လို့မခေါ်နိုင်ကြခြင်းဖြစ်ပါတယ်။

Tennessee Wh***ey ဟာပွဲတိုင်းလိုလို နေရာမျိုးစုံမှာ အမြဲတမ်းပါဝင်နေတတ်ပြီး သောက်ရလွယ်ကူတဲ့ Wh***ey မျိုးပါပဲ။ Neat, On the rocks အနေနဲ့သောက်လို့ကောင်းသလို Coca-Cola တို့လို mixer တွေနဲ့လည်း အတော်ကိုလိုက်ဖက်တဲ့ နာမည်ကြီး Wh***ey ပါပဲဗျ 🥃🥤

-Photo Credit :
***ey

***ey

29/09/2021

Chivas XV Gold

2018 လောက်က ဖန်တီးမိတ်ဆက်ခဲ့တဲ့ Chivas XV မှာ edition ၂ မျိုးရှိပါတယ်။ အခုပုံမှာပြထားတာက ပုလင်းတစ်ခုလုံး ရွှေရောင်လွှမ်းနေတဲ့ edition လေးပါ။
Chivas XV မှာ ထူးခြားတာလေးရှိပါတယ်။ သူ့မှာပါဝင်ရောစပ်ထားတဲ့ ဝီစကီအချို့ကို cognac စည်တွေထဲမှာ အဆုံးသတ် aging လုပ်ထားတာပါ။ Grande Ch*****ne Cognac Barrels တွေထဲမှာ ရွေးချယ်အဆုံးသတ်ထားတာက Chivas Regal ရဲ့ traditional style / classic style ကို ပြန်လည်အသက်သွင်းချင်တဲ့အပြင် နူးညံ့ညက်ညောတဲ့ ဝီစကီတစ်မျိုးကို celebration အချိန်တွေမှာ သုံးဆောင်နိုင်ဖို့ ဖန်တီးပေးချင်တဲ့ ရည်ရွယ်ချက်လည်း ပါမှာပါခင်ဗျာ။

Note - Cognac စည်ထဲမှာ aging / finishing လုပ်တာက ထူးခြားပေမယ့် အရမ်းတော့ မဆန်းပါဘူး။ အခုနောက်ပိုင်းမှာ Limousin စည်တွေဟာ wh**ky ထုတ်လုပ်သူတွေရဲ့ စိတ်ဝင်စားမှုကို ရရှိနေကြပါတယ်။
Limousin ဆိုတာ ပြင်သစ်က သစ်တောကြီးရဲ့နာမည်ပါ။ အဲ့သစ်တောကထွက်တဲ့စည်တွေကို Limousin Oak Barrel လို့ခေါ်ကြပါတယ်။ ပြင်သစ်မှာ အဓိကသစ်တောကြီး ၅ ခုရှိပါတယ်။ အဲ့ ၅ ခုထဲကမှ Hennessy Cognac ဆိုရင် Limousin နှင့် Troncais ကစည်တွေကို အဓိကသုံးပါတယ်ခင်ဗျာ။ Cognac မှာဆိုရင် Limousin က balance ဖြစ်တယ်၊ rich ဖြစ်တယ်၊ vanilla & creamy ဖြစ်တာတွေအတွက် နာမည်ကြီးပါတယ်ခင်ဗျာ။

စည်အကြောင်းကို သဘောပေါက်သွားပြီဆိုရင် သူ့ review အကြောင်းလေး ပြောချင်ပါတယ်ခင်ဗျာ။

Aroma - ပျားရည်နှင့် လိမ္မော်တို့ရဲ့ ချိုမြတဲ့ရနံ့က သစ်ကြံပိုးခေါက်ရဲ့ စူးရှတဲ့ရနံ့နှင့်ပေါင်းပြီး မပြင်းလွန်း/မပျော့လွန်းပဲ ရနံ့လေးက မွှေးပါတယ်။ ပန်းသီးကိုချက်ထားတဲ့ ရနံ့လေးကလည်း သိသာပြီး စပျစ်သီးခြောက်ရနံ့လေးကလည်း ပါဝင်ပါသေးတယ်။ သူ့ရဲ့ aroma က ယဉ်ယဉ်လေးနဲ့ မိုက်ပါတယ်ခင်ဗျာ။

Taste - သူ့ရဲ့ အရသာက ရှင်းပါတယ်။
တစ်ခုတည်းပြောဆို smooth တာပါ။
နှစ်ခုပြောဆို smooth & sweet ပါ။
သုံးခုပြောဆို smooth & sweet & fruity ပါ။
Smooth ဖြစ်တဲ့ညက်ညောမှုကို fruity ဖြစ်တာက အားဖြည့်ပေးပြီး sweet ဖြစ်တာက နောက်ကပံ့ပိုးပေးထားပါတယ်။ Creamy ဖြစ်တာလေးရယ်၊ မသိမသာ spicy & smoky ဖြစ်တာလေးရယ်ကလည်း taste မှာပါပါသေးတယ်ခင်ဗျာ။

Finish - အဆုံးသတ်က မတိုသလို၊ ကြာလည်းမကြာပါဘူး။ အနေတော်လေးကိုမှ vanilla အရသာအနည်းငယ်နှင့် smooth ဖြစ်ပြီး ညက်ညက်ညောညော အဆုံးသတ်လေးပါ။ Taste ကော၊ finish ကော မိုက်ပါတယ်ခင်ဗျာ။

ABV - 40%

Age Statement - 15 Years

Price - 45000 ဝန်းကျင်

Cognac စည်ထဲမှာ finishing လုပ်ထားတယ်ဆိုပေမယ့် Chivas XV ကို သုံးဆောင်ကြည့်တဲ့အခါမှာတော့ cognac cask ကို အရမ်းမခံစားရပါဘူး။ ဒါပေမယ့် cognac cask ကို သတိထားမိတယ်ဆိုတဲ့ အနေအထားလောက်ထိတော့ ခံစားရပါတယ်။ ဆိုတော့ cognac ကြိုက်တဲ့သူကော၊ မကြိုက်တဲ့သူကော အဆင်ပြေမယ်ထင်ပါတယ်။

Chivas XV ရဲ့ smooth တာက အရမ်း watery ဖြစ်ပြီး ပေါ့တဲ့ဘက်ကို သိပ်မသွားပဲ ခပ်ကြမ်းကြမ်းနဲ့ scary smooth ပုံစံမျိုးပါ။ နည်းနည်းလေးပေါ့ပြီး အီချင်ပေမယ့် အရမ်းမအီပါဘူး။ Honey version နဲ့လာတဲ့ ဝီစကီတွေနဲ့ယှဉ်ရင် မအီဘူးလို့တောင်ပြောလို့ရပါတယ်။ Smooth တာကို အရမ်းမကြိုက်တဲ့သူမျိုး / အီတာမကြိုက်တဲ့သူမျိုး ဆိုရင် on the rock လိုမျိုးမဟုတ်ပဲ၊ neat (သို့) ရေအနည်းငယ်နှင့် သုံးဆောင်ကြည့်သင့်ပါတယ်။

Smooth မှ smooth ဆိုတဲ့ smooth hunter ဆိုရင်တော့ ရေခဲလေးထည့်လိုက်တာက သူ့ရဲ့ scary smooth ကို gentle smooth ပုံစံမျိုးဖြစ်စေပြီး နူးညံ့ညက်ညောတဲ့အရသာကို အပြည့်အဝခံစားနိုင်မှာပါ.

Pernod Ricard (Chivas Regal ရဲ့မိခင်ကုမ္ပဏီ) က Chivas XV ကို shot သောက်ကြည့်ဖို့ ပြောထားပါတယ်။ ကျွန်တော့်အမြင်အရပြောရရင် နူးညံ့ညက်ညောပြီး အဆုံးသတ်ကောင်းမွန်တဲ့ ဝီစကီတစ်ခုကို shot တာထက်စာရင်၊ တစ်ဆိမ့်ချင်း အရသာခံသုံးဆောင်တာက ပိုကောင်းမယ်ထင်ပါတယ်။ Smooth ဖြစ်တာလေးကိုခံစားရင်း၊ နူးညံ့မှုရဲ့နောက်ကွယ်က အရသာလေးတွေကို တဖြည်းဖြည်းချင်း ဖော်ထုတ်ရင်း သုံးဆောင်သင့်တယ်လို့.........

Thank You 😊
ြောင်း
**ky

(Photo from Internet)

29/09/2021

SKYY VODKA
===========

🔹️ SKYY®ဗော့ဒ်ကာကို ၁၉၉၂ ခုနှစ်တွင်
ဆန်ဖရန်စစ္စကိုမှ အမည်မသိ ယမကာ ပညာရှင်သူတစ်ဦးက စတင်ချက်လုပ်ခဲ့သော်လည်း SKYY Voka ကို ကမ္ဘာကျော်စေအောင် ပြန်လည်ဖျော်စပ်ခဲ့သူကတော့ Maurice Kanbar ဆိုသူ အမေရိကန်နိုင်ငံသားပဲ ဖြစ်ပါတယ်။

🔹️Kanbar သည် ၎င်းချမှတ်ထားသော အရည်အသွေးစံချိန်စံညွှန်းများနှင့် ကိုက်ညီသော Classic Martini တစ်ခုကို ဖျော်စပ်ထုတ်လုပ်ဖို့ ရှာဖွေခဲ့ရာတွင် ဆန်ဖရန်စ္စစကို မှပညာရှင်တစ်ဦး ချက်လုပ်ထားသော အဆင့်မြင့် Vodka ကုန်ကြမ်းတစ်ခု ကိုတွေ့ရှိခဲ့ပါတယ်။

🔹️Kanbar သည် ထို Vodka ကုန်ကြမ်းကို သူ၏ အတွေးအခေါ်နှင့် နည်းပညာတို့ကို အချိန်ကြာမြင့်စွာ ပေါင်းစပ်ပြီးမှ အချောမွေ့ဆုံးဖြစ်စေမယ့် စျေးကွက်ဝင် Vodka တစ်ခုအဖြစ် ရရှိနိုင်ခဲ့ပါတယ်။

(ကျွန်ုပ်တို့၏ ဆန်းသစ်တီထွင်မှုနှင့် စဉ်ဆက်မပြတ်တိုးတက်ပြောင်းလဲလာမှုတို့ရဲ့ ရလာဒ်ကောင်းဖြစ်ခဲ့တဲ့ SKYY
ဗော့ဒ်ကာအတွက် စတင်ချက်လုပ်သူမဟုတ်ခဲ့ပေမယ့် နောက်ပိုင်းကို ဦးဆောင်ခွင့်ရခဲ့လို့ အထူးပျော်ရွှင်ရပါတယ်။ SKYY Vodka ချက်လုပ်မှုက ကျွန်ုပ်တစ်ဘဝလုံး ရင်းနှီးမြုပ်နှံခဲ့ရတဲ့ မစ်ရှင်တစ်ခုပါ ) လို့ Kanbar က ပြောထားပါတယ်။

🔹️ SKYY Vodka ကိုဆန်ဖရန်စစ္စကို ပင်လယ်အော်ဒေသမှပစိဖိတ် တွင်းထွက်ကျောက်များဖြင့် ပြည့်နှက်နေသော
စိမ့်စမ်းရေနှင့်ပြုလုပ်ထားပါတယ်၊ ၎င်းရေသည် ယမကာ၏ ခါးသီးမှုကိုလျှော့ချပေးပြီး Vodka တွင်ပါဝင်သော ဂရိတ်ဖရု/Citrus တို့ရဲ့ မူလအချိုနှင့်အရသာကို မြှင့်တင်ပေးနိုင်တာတာကြောင့် SKYY သည် Vodka & Soda အတွက် အလိုက်ဖက်ဆုံး အတွဲစပ်တစ်ခုအဖြစ် ကမ္ဘာကအသိမှတ်ပြုခြင်းခံနေရသော Vodka ကောင်းကောင်းလေးတစ်ခုအဖြစ် မိတ်ဆက်ပေးလိုက်ရပါတယ် ခင်ဗျာ။

️ အမျိုးအစား 🔹️ Vodka

ချက်လုပ်ရာ ဒေသ 🔹️ အမေရိကန်
ပြည်ထောင်စု ၊ ကယ်လဖိုးနီးယား ပြည်နယ်

Alc 🔹️ 40 % above

25/09/2021

️◾THE GLENLIVET ◾

▪️ The Glenlivet ဟာ စကော့တလန်နိုင်ငံရဲ့ ရဲ့
SPEYSIDE, HIGHLAND, LOWLAND, ISLAY နဲ့ ISLAND ဆိုပြီး ဝီစကီတွေထွက်ရှိရာ အဓိကဒေသကြီး ၅ ခုရှိတဲ့အနက် အရှေ့မြောက်ဖျားပိုင်းမှာ တည်ရှိပြီး SINGLE MALT တွေနဲ့ပတ်သက်ပြီး အစဉ်အလာကြီးမားတဲ့ဒေသကြီးဖြစ်တဲ့ SPEYSIDE ကနေထွက်ရှိတာဖြစ်ပါတယ်။

▪️The Glenlivet အမှတ်တံဆိပ်ကို တရားဝင် စတင်တည်ထောင်ခဲ့သူကတော့ GEORGE SMITH ဆိုသူဖြစ်ပြီး ပထမအင်္ဂလိပ်-မြန်မာ စစ်ပွဲဖြစ်နေချိန် ၁၈၂၄ ခုနှစ်မှာပဲ SPEYSIDE ရဲ့အလယ်ဗဟိုတည့်တည့်မှာရှိတဲ့ GLEN (တောင်ကြားဒေသ) တစ်ခုမှာ စတင်ခဲ့ပါတယ်။ အဲ့ဒီ တောင်ကြားဒေသမှာ LIVET အမည်ရှိ ကြည်လင်နေတဲ့ မြစ်ငယ်တစ်စင်းစီးဆင်းနေတာဖြစ်လို့ GLENLIVET DISTILLERY လို့အမည်တွင်စေခဲ့တာဖြစ်ပါတယ်။

▪️ GLENLIVET ကို ဘာသာပြန်ရင်တော့ ”ချောမွေ့ငြိမ်သက်စွာစီးဆင်းနေတဲ့ မြစ်ကလေးရှိရာတောင်ကြား” လို့ အဓိပ္ပာယ်ရမှာဖြစ်ပါတယ်။ ဒီနေရာမှာတစ်ခုပြောစရာရှိတာက SPEYSIDE မှာ ၁၇၀၀ ပြည့်နှစ်အစောပိုင်းတွေ ကတည်းက အရက်ချက်စက်ရုံတွေရှိနှင့်ပြီး ဖြစ်ပေမယ့် မှတ်ပုံတင်ခွင့် မရှိခဲ့သေးတာကြောင့် တရားဝင်ရပ်တည်ခွင့် မရရှိခဲ့ကြပါဘူး။ GLENLIVET ဟာလည်းထိုစဉ်ကတည်းက ရှိနေနှင့်ခဲ့ပြီးပေမယ့် မှတ်ပုံတင်ခွင့်စောင့်ဆိုင်းနေရဆဲပဲဖြစ်ပါတယ်။

▪️ ၁၈၂၂ မှာတော့ ဗြိတိန်ဘုရင် KING GEORGE IV တစ်ယောက် SPEYSIDE ကို ရောက်လာခဲ့ပြီး GLENLIVET သောက်ချင်ကြောင်း BY NAME နဲ့ ပြောခဲ့ပါတယ်။ ၁၈၂၃ မှာစတုတ္ထမြောက် ဂေါ်ဒွန်မြို့စား အလက်ဇန်းဒါး ဂေါ်ဒွန်က ၁၈၂၃ အက်ဥပဒေနဲ့ ပါလီမန်မှာ ဥပဒေပြဌာန်းပေးပြီး အရက်ချက်စက်ရုံတွေကို မှတ်ပုံတင်ခွင့်ပြုခဲ့ရာမှာ GLENLIVET က ၁၈၂၄ မှာပဲ အစောဆုံးတရားဝင်မှတ်ပုံတင်နိုင်ခဲ့ပြီး စကော့ထ်လန်ရဲ့ ပထမဆုံးသောတရားဝင် Distillary ဖြစ်ခဲ့တာကြောင့်သူ့နာမည်မှာ THE ဆိုတဲ့ (TITLE) တပ်ခဲ့ကာ THE GLENLIVET လို့ပြောင်းလဲခေါ်ဝေါ်ခွင့်ရခဲ့ပါတယ်။

▪️အဲ့ဒိအချိန်ကနေ ရပ်တည်လည်ပတ်လာခဲ့တဲ့ THE GLENLIVET ဟာ ကမ္ဘာ့အဆိုးရွားဆုံး စီပွားပျက်ကပ်ကြီးဖြစ်ခဲ့တဲ့ GREAT DEPRESSION 1930’S ကာလတွေမှာတောင် အခက်အခဲတွေကို ကျော်ဖြတ်ရပ်တည်လာခဲ့ပြီး သက်တမ်းတလျှောက် တစ်ကြိမ်တည်းသော စက်ရုံပိတ်ထားခဲ့ရတဲ့အချိန်ကတော့ ဒုတိယကမ္ဘာစစ်ဖြစ်ချိန်ကာလ တစ်ချို့ပဲရှိခဲ့ပါတယ်။

▪️ အစဉ်အလာကြီးပြီး သက်တမ်းရှည်ကြာမှုတွေကြောင့် SPEYSIDE SINGLE MALT တွေရဲ့ ပြယုဒ်တစ်ခုအဖြစ် စံထားခြင်းခံရပြီး အခြားသော SINGLE MALT တွေအဖို့ နမူနာထားကာ နှိုင်းယှဉ်စရာ အမှတ်တံဆိပ်တစ်ခုဖြစ်ခဲ့ပါတယ်။ ပြိုင်ဘက်ကြီး Glenfiddich နဲ့ အတူ ကမ္ဘာ့ SINGLE MALT SCOTCH ဈေးကွက်ကိုပူးတွဲဦးဆောင်နေလာခဲ့ရာမှာ နိုင်ငံတကာဆုတံဆိပ်ပေါင်းများစွာကိုရရှိခဲ့ပြီး လွန်ခဲ့တဲ့ ၅ နှစ်တာသက်တမ်းအတွင်း နံပါတ်တစ် ရောင်းအားအတက်ဆုံး Brand ဖြစ်လာခဲ့ကာ နှစ်စဉ်ပျမ်းမျှ ပုလင်းအရေအတွက် ၆ သန်းအထိ ရောင်းအားကောင်းခဲ့ပါတယ်။

▪️အမေရိကန်တစ်နိုင်ငံထဲမှာ ပဲ နှစ်စဉ် ပုလင်းပေါင်း ၂.၄ သန်းရောင်းချနေရပါတယ်။ ရာခိုင်းနှုန်းအားဖြင့် အမေရိကန်တွေ သောက်သမျှ ယမကာအားလုံးရဲ့ ၇ % ဟာ The Glenlivet ဖြစ်လို့နေပါတယ်။ ပြိုင်ပွဲတွေမှာ The Glenlivet နာမည်က မကြာခဏဆိုသလိုပဲ အမြင့်ပိုင်းဆုတံဆိပ်စာရင်းမှာ ပါနေတတ်ပါတယ်။ ဆုတံဆိပ်ရရှိမှု အပိုင်းကိုကြည့်မယ်ဆိုရင် လွန်ခဲ့တဲ့ ၁၅ နှစ်အတွင်း ရရှိခဲ့တဲ့ The Glenlivet ရဲ့ ဆုတံဆိပ်များစာရင်းကို အောက်ပါအတိုင်းတွေ့ရမှာဖြစ်ပါတယ်။

▪️ The Glenlivet 12yr Single Malt က ဒုတိယ ငွေတံဆိပ် ၄ ခု နဲ့ ပထမ ရွှေတံဆိပ် ၁ခု၊ စုစုပေါင်း ၅ခုကို San Francisco World Spirits Competition ကနေ ၂၀၀၅ ကနေ ၂၀၁၀ အကြား ၅ နှစ်တာကာလ ပြိုင်ပွဲတွေမှာ ရရှိခဲ့ပါတယ်။

▪️ The Glenlivet 15yr French Oak Reserve Single Malt ကတော့ ၂၀၀၉ ခုနှစ် San Francisco World Spirits Competition မှာ ပထမဆု ရွှေတံဆိပ် ရရှိခဲ့ပါတယ်။

▪️The Glenlivet 16yr Nàdurra Single Malt အနေနဲ့ ၂၀၀၉ ခုနှစ် San Francisco World Spirits Competition မှာ ဒုတိယ ငွေတံဆိပ် ရရှိခဲ့ပါတယ်။

▪️The Glenlivet 18yr ကတော့ အအောင်မြင်ဆုံး ဖြစ်ပြီးနှစ်ထပ်ကွမ်း ရွှေတံဆိပ် ၅ခု San Francisco World Spirits Competition ကနေ ၂၀၀၅ ကနေ ၂၀၁၂ အကြား ၇ နှစ်တာကာလ ပြိုင်ပွဲတွေမှာ ရရှိခဲ့ပါတယ်။

• ▪️18yr Nadurra ကျတော့ နှစ်ထပ်ကွမ်းရွှေတံဆိပ်ကို ၂၀၁၀ San Francisco World Spirits Competition မှာရရှိခဲ့ပြီး the Beverage Testing Institute ရဲ့ ရမှတ် 94/100 ကို အဲ့ဒိနှစ်မှာပဲ ရရှိခဲ့ပါတယ်။

•▪️The Glenlivet 21yr Single Malt အနေနဲ့ နှစ်ထပ်ကွမ်းရွှေတံဆိပ် ၁ခု၊ ရွှေတံဆိပ် ၁ခုနဲ့ ငွေတံဆိပ်၁ခု တို့ကို San Francisco World Spirits Competition ရဲ့ ၂၀၀၇ ကနေ ၂၀၁၀ ကြား ၃ နှစ်အတွင်းဆွတ်ခူးခဲ့ပြီး the Beverage Testing Institute ရဲ့ ရမှတ် 94/100 ကို ၂၀၀၉ နဲ့ 93/100 ၂၀၁၀ တို့မှာ ရရှိခဲ့ပါတယ်။

လေးစားစွာဖြင့် Crd 🙏
Myanmar Drinks Lovers

25/09/2021

"Bourbon" The American Wh***ey

ကျနော်ဒီနေ့ပြောပြချင်တာကတော့ Bourbon လို့ခေါ်တဲ့ American Wh***ey အကြောင်းလေးပါပဲ။ Bourbon wh***ey ဟာ နိုင်ငံတိုင်းမှာအလွယ်တကူဝယ်လို့ရပြီး လူကြိုက်များတဲ့ Wh***ey အမျိုးအစားပဲဖြစ်ပါတယ်။ စျေးနှုန်းချိုသာပြီးသောက်လို့ကောင်းတဲ့ brand တွေရှိသလို wh***ey ကိုစသောက်မယ့် beginner တွေအတွက်ပါ သင့်တော်တဲ့ wh***ey အမျိုးအစားပါပဲ။

Bourbon ကိုထုတ်လုပ်ရာမှာ အခြေခံအားဖြင့် Corn, Wheat, Rye, Barley တို့ကို အသုံးပြုပြီးချက်လုပ်ကြပါတယ်။ Corn ကတော့ ပထမဦးဆုံး နဲ့ အဓိကအကျဆုံးပါပဲ၊ ကျန်တာတွေကိုတော့ ထုတ်လုပ်တဲ့သူတွေအပေါ်မှာမူတည်ပြီး အသုံးပြုကြပါတယ်။ အများအားဖြင့်တော့ 65-75% လောက်သုံးပြီး ကျန်တဲ့ဟာတွေကိုတော့ စိတ်ကြိုက်ရောနှောကြတာပါ။

Corn ဟာ Bourbon ချက်လုပ်ရာမှာ အများဆုံးပါဝင်တဲ့ ပစ္စည်းပါပဲ။ U.S. federal laws အရ Bourbon ဟာ အနည်းဆုံး 51% Corn ဖြစ်ရပါမယ်။ Corn ပါဝင်မှုဟာ Bourbon Wh***ey တွေရဲ့ ချိုမြတဲ့အနံ့အရသာကို အဓိကဖြစ်ပေါ်စေတာပါပဲ။ ဒါက Bourbon Wh***ey တွေဟာ Scotch Wh**ky တွေထက် အနံ့အရသာပိုင်းမှာ ပိုချိုရတဲ့ အဓိကကွဲပြားမှုပါပဲ။ Corn များများထည့်လေ ပိုချိုလေပါပဲ။

Rye ကလည်း Bourbon ထုတ်လုပ်ရာမှာ အခြေခံအားဖြင့် အသုံးများတဲ့ပစ္စည်းပါပဲ။ သူ့ကိုတော့ ပုံမှန်အားဖြင့် 10 % လောက်ထည့်ကြပါတယ်၊ တစ်ချို့ထုတ်လုပ်တဲ့သူတွေဆို 30% 50 % လောက်ထည့်ကြပါတယ်။ Rye က Bourbon အတွက် Spice အရသာလေးကို ပေးစွမ်းနိုင်ပါတယ်။

Wheat ကလည်း ကစော်ဖောက်တဲ့အရာမှာ လိုအပ်တာကြောင့် အဓိကအနေနဲ့ပါဝင်ပါတယ်။ တစ်ချို့တွေက Wheat ကို ဒုတိယအရေးအကြီးဆုံးအနေနဲ့ အသုံးပြုကြပါတယ်။ သူက Bourbon ကို ပိုပြီး အနံ့သင်းစေတာရယ် သောက်တဲ့အခါ အရသာပိုပြင်းစေဖို့ပါပဲ။ သူကလည်း အချိုဓာတ်အနည်းငယ်ပေးစွမ်းနိုင်ပါသေးတယ်။

Bourbon ဆိုတာဟာ လုံးဝ 🇺🇸 American Wh***ey ပါပဲ။ သူ့ကိုတရားဝင်ထုတ်လုပ်ဖို့ကိုလည်း U.S မှာပဲ ထုတ်လုပ်ရပါတယ်။ သူတို့ရဲ့သတ်မှတ်ထားတဲ့စည်းကမ်းတွေအရ အနည်းဆုံး 51% corn ဖြစ်ရတယ်၊ သိုလှောင်တဲ့စည်တွေကို တစ်ခါပဲသုံးရတယ်၊ ပုလင်းထွက်လာရင် 40% ABV (alcohol by volume) နဲ့အထက်ဖြစ်ရတယ် စသဖြင့်ရှိကြပါတယ်။ နောက်တစ်ခုက Bourbon ကိုချက်လုပ်တဲ့အခါမှာ ရေမှလွဲပြီး တခြားအနံ့အရသာတွေမရောရပါဘူး။ ဒါကြောင့် Wild Turkey ကသူတို့ Bourbon တစ်မျိုးကို ပျားရည်ထည့်ပြီးလုပ်တဲ့အခါမှာ နောက်ဆုံး American Honey ဆိုပြီးပဲ နာမည်ပေးလိုက်ရပါတယ်။ ကျနော့်အမြင်ပြောရရင် Jim Beam ကထုတ်တဲ့ Honey, Apple, Vanilla စသည်တို့မှာလည်း အတူတူပါပဲ၊ အနံ့အရသာရောလိုက်တဲ့အတွက် စည်းကမ်းဥပဒေအရ Bourbon ဆိုပြီးတိုက်ရိုက်နာမည်ပေးလို့မရတော့ပါဘူး။ ဒါပေမဲ့ ထူးခြားတာတစ်ခုက Bourbon ကို သက်တမ်းအရ ဘယ်လောက်ရှိရမယ်ဆိုပြီးတော့ မသတ်မှတ်ထားပါဘူး။ သက်တမ်းဆိုတာ စည်ထဲမှာထည့်သွင်းသိုလှောင်ထားတဲ့ အချိန်ကာလကိုပြောတာပါ။ Straight Bourbon ဆိုတဲ့အမျိုးအစားကိုတော့ ချွင်းချက်အနေနဲ့အနည်းဆုံး ၂နှစ်သတ်မှတ်ထားပါတယ်၊ ၄နှစ်သက်တမ်းအောက်ဆိုရင် ပုလင်းပေါ်မှာသက်တမ်းဖော်ပြရပါတယ်။ ဒီလိုဆို Straight Bourbon ပုလင်းတွေမှာ သက်တမ်းရှာမတွေ့ရင်တော့ ၄နှစ်အထက်သက်တမ်းရှိလို့ပဲဆိုပြီး ကောက်ချက်ချလို့ရနိုင်ပါတယ်။

Bourbon လို့ခေါ်ကြတဲ့ American Wh***ey တွေဟာ အခြေခံသဘောအားဖြင့် ချိုမြပြီး smooth ဖြစ်တဲ့အရသာရှိပါတယ်။ Rye များတဲ့ Bourbon ဆိုရင် ပို၍ Spice ဖြစ်ပြီး၊ Wheat နဲ့ Corn တွေများရင် ပို၍ Soft & Sweet ဖြစ်ပါမယ်။ နောက်ပြီး "Cask Strength" Bourbon ဆိုတာမျိုးကိုတွေ့ရင် သိထားရမှာက သူတို့တွေဟာ 40% ABV ထက်ပိုများတာကြောင့် အနံ့အရသာပိုင်းပိုပြင်းပြီး စသောက်မယ့် Beginners တွေအတွက် မသင့်တော်ပါဘူး၊ မကောင်းဘူးလို့ ဆိုလိုတာမဟုတ်ပါဘူးနော်။

ဒီလောက်ဆိုရင် Bourbon အကြောင်းလေးကို အခြေခံအားဖြင့်နားလည်သွားကြမယ်လို့ ထင်ပါတယ်။

- Photo Credit :

***ey
***ey

15/09/2021

Wh**ky သောက်ခြင်းကကျန်းမာရေးအတွက်အထောက်အကူဖြစ်စေသလား?

ဒီမေးခွန်းလေးကို တွေ့လိုက်ပြီးတော့၊ အရက်သောက်တာပဲ ဘယ်လိုလုပ်ကျန်းမာရေးအတွက် အထောက်အကူဖြစ်မှာလဲလို့ ချက်ချင်းကြီး ဆုံးဖြတ်ချက်မချလိုက်ကြပါနဲ့ဗျ။ ကျနော်ပြောပြမယ့်အချက်လေးတွေကို ဆုံးအောင်တော့ ဖတ်စေချင်ပါတယ် 😊

ပထမဆုံးအနေနဲ့ ပြောချင်တာကတော့ Wh**ky ဆိုတဲ့ အရက်ကို ကျန်းမာရေးအနေနဲ့ သောက်ကြမယ်ဆိုရင်တော့ ကျန်းမာရေးအတွက် အထောက်အကူဖြစ်စေပါတယ်။ ဘာလို့လဲဆိုတော့ Wh**ky မှာ Phosphorus, Thiamine (Vitamin B1), Zinc, Iron, Niacin (Vitamin B3) တို့ပါဝင်ပါတယ်၊ ဒါ့အပြင် Cancer cells တွေကိုသတ်ပေးတယ်လို့ ယူဆရတဲ့ ellagic acid, ပြီးတော့ antioxidant တို့လည်းပါဝင်ပါတယ်။ ကျနော်က ဆရာဝန်မဟုတ်တော့ ဒါတွေကို အထူးတလည်တော့ မရှင်းပြတတ်ပါဘူး။ ဆက်ပြီးပြောရရင် Wh**ky ဟာ တစ်ခြားအရက်တွေထက် Calories ပါဝင်မှုနည်းပါတယ်၊ Carbohydrates နဲ့ Sugar တွေမပါဝင်ပါဘူး။

Wh**ky ကို အသင့်အတင့်သောက်သုံးခြင်းအားဖြင့် နှလုံးရောဂါဖြစ်နိုင်ခြေကို လျော့ချပေးပါတယ်။ Wh**ky မှာပါဝင်တဲ့ Polyphenols ဓာတ်တစ်မျိုးဟာ မကောင်းတဲ့ cholesterol တွေကို လျော့ပါးစေပြီး ကောင်းတဲ့ cholesterol တွေကို တိုးပွားစေပါတယ်၊ သွေးလည်ပတ်မှုကို ကောင်းစေတဲ့အတွက် နှလုံးရောဂါ နှင့် လေဖြတ်ခြင်းတို့ကို လျော့ပါးစေပါတယ်။ ဒါ့အပြင် ခုခံအား (immune system) ကို မြင့်တင်ပေးနိုင်တာကြောင့် အအေးမိခြင်း၊ ချောင်းဆိုးခြင်းနှင့် အသက်ရူလမ်းကြောင်းဆိုင်ရာ ပြဿနာများအတွက် အထောက်အကူဖြစ်စေပါတယ်။ ဦးနှောက်နဲ့အာရုံကြောတွေ အတွက်လည်းအထောက်အကူဖြစ်စေတာကြောင့် Dementia လို့ခေါ်တဲ့ ဦးနှောက်နဲ့ပတ်သက်သော ရောဂါဖြစ်နိုင်ခြေကို လျော့ပါးစေပါတယ်။

ကျနော်အခု အထက်မှာပြောပြခဲ့တဲ့ အကျိုးကျေးဇူးတွေက Wh**ky ကို "တန်ဆေး" အဖြစ် ကျန်းမာရေးအနေနဲ့ သောက်သုံးခြင်းသာဖြစ်ပါတယ်။ Wh**ky ကအစ အခြားသောအရက်တွေကို "လွန်ဘေး" လိုမျိုး အလွန်အကျွံ သောက်သုံးရင်တော့ ကျန်းမာရေးအတွက်ကောင်းကျိုးတွေမရှိတော့တဲ့အပြင် ဆိုကျိုးတွေပဲ ဝင်လာနိုင်ပါတယ်။ အရက်ကို အလွန်အကျွံသောက်မိလို့ ကျန်းမာရေးတင်မက ဘဝကိုပါ ဆုံးရှုံးသွားတဲ့ ကိစ္စတွေကတော့ အကုန်သိပြီးသားပါပဲ။

ကျနော် ဥပမာအားဖြင့်ပြောရမယ်ဆို English အက္ခရာ "U" နဲ့နှိုင်းယှဉ်ပြချင်ပါတယ်။ အစွန်းတစ်ဖက်က Wh**ky ဆိုတဲ့ အရာကို မသောက်သုံးတဲ့ လူတွေပေါ့၊ အတိုချုပ်ပြောရရင် Wh**ky သောက်သုံးခြင်းကနေ ရရှိနိုင်တဲ့ အကျိုးကျေးဇူးလေးတွေ မခံစားရဘူးပေါ့။ ဒါဆို နောက်တစ်ဖက် အစွန်းကကျတော့ အလွန်အကျွံသောက်တဲ့လူတွေ၊ သူတို့ကလည်း မကောင်းပြန်ဘူးဆိုတာ သေချာပါတယ်။ "U" ပုံစံထဲက အလယ်မှာ တည်ရှိနေတဲ့ ချိုင့်နေရာလိုမျိုး လူတွေကျတော့ Wh**ky ကို သောက်တယ် ဒါပေမယ့် အလွန်အကျွံ မသောက်ဘူး၊ ကျန်းမာရေးအရ မှီဝဲတယ်၊ အဲ့ဒါလေးက အကောင်းဆုံးပါပဲ။ တန်ဆေးလွန်ဘေးပေါ့ဗျာ။ အဓိကအကျဆုံးက အသင့်အတင့်သောက်သုံးဖို့ပါပဲ။

Wh**ky ကိုစတင်ထုတ်လုပ်ခဲ့တဲ့ လူမျိုးလို့ပြောလို့ရတဲ့ Scottish လူမျိုးတွေက သူတို့မသောက်ခင်မှာ Cheers လုပ်ကြပါတယ်။ သူတို့ဘာသာစကားနဲ့ "Slàinte Mhath" (Slangevar) လို့ အသံထွက်ပြောပါတယ်။ အဓိပါယ်လေးက "good health" လို့ပြောတာပါ။ ကျန်းမာရေးကောင်းမွန်ဖို့အတွက် သောက်သုံးခြင်းလို့ ပြောရင် မမှားပါဘူး။ ဒါကြောင့်မို့ ကျနော်ကတော့ Wh**ky သောက်သုံးသူတွေကို အကောင်းဘက်ကနေကြည့်ပြီး သောက်ကြဖို့ ပြောပြချင်ပါတယ်။ Everything In Moderation ပါပဲဗျာ 🥃✨

- Photo Credit :
**ky
***ey

13/09/2021

Wh**ky နဲ့ Wh***ey ဘာကွာသလဲ?

ကျနော်တို့တွေ သောက်နေကျ တွေ့မြင်နေကျ ဝီစကီပုလင်းတွေမှာ အင်္ဂလိပ်ဘာသာနဲ့ တစ်ချို့က Wh**ky လို့ရေးပြီး တစ်ချို့က Wh***ey လို့ရေးထားတာ သတိထားမိကြပါလိမ့်မယ်။ အသံထွက် တူကြပေမယ့် စာလုံးပေါင်းရေးတာ ကွာခြားကြပါတယ်။

ပထမဆုံးအနေနဲ့ ပြောပြချင်တာက....

#️⃣ Scottish, Canadian, Japanese ပုလင်းတွေက Wh**ky လို့ရေးပါတယ်။ E မပါပဲ ရေးတာပါ 😆

#️⃣ Ireland, United States ပုလင်းတွေက Wh***ey လို့ရေးပါတယ်။ E ပါပြီး ရေးတာပါ 😂

ကျနော်တို့ ပုံမှန် ဝီစကီအကြောင်း သူငယ်ချင်းတွေနဲ့ပြောတဲ့အခါ ဘာမှမသိတာ ပေမယ့်၊ ဝီစကီပုလင်းတစ်ခုကို ဘယ်နိုင်ငံကထုတ်တယ် ဘာနာမည်နဲ့ စသဖြင့် ရေးကြတဲ့အခါမှာတော့ ဂရုစိုက်စရာအချက်လေးပါပဲ။ အဓိကကွဲပြားခြားနားလာတဲ့အစကတော့ Scottish တွေနဲ့ Ireland တွေကြောင့်လို့ပဲ ပြောလို့ရပါတယ်။ ဘာသာစကားတွေကြောင့်ရယ်၊ နောက်ပိုင်းမှာ Ireland တွေက သူတို့လူမျိုးစုအနေနဲ့ ဝီစကီချက်လုပ်ရုံတွေ လုပ်လာသာကြောင့် ကွဲပြားသွားခဲ့တာပါ။

American တွေက Wh***ey လို့ရေးရတဲ့ ဖြစ်နိုင်ချေ အချက်ကတော့ အဲ့ဒီခေတ်က Ireland တွေအများစုက US မှာ ဝီစကီချက် စက်ရုံတွေတည်ဆောက်လုပ်ကိုင်လာကြတာကြောင့် ဖြစ်နိုင်ပါတယ်။ ဒါပေမဲ့ တစ်ချို့ American ပုလင်းတွေက ယနေ့ထက်ထိ Wh**ky ဆိုပြီးပဲ ရေးပါတယ်၊ ဥပမာ Maker's Mark လိုမျိုးပါ။ Japanese တွေအတွက် Wh**ky လို့ရေးတာကတော့ Japan မှာ ပထမဆုံး ဝီစကီထုတ်လုပ်တဲ့ ပညာရှင်တွေက Scotch Wh**ky လုပ်တဲ့ နည်းပညာတွေ လေ့လာပြီး သူတို့အတိုင်းထုတ်လုပ်ခဲ့တာကြောင့်ပါပဲ။

နောက်ထပ် ကွဲပြားခြားနားရတဲ့ အချက်က သူတို့တွေရဲ့ ဝီစကီ ချက်လုပ်ပုံနဲ့ စည်းမျဉ်းစည်းကမ်းတွေကြောင့်လို့ ပြောလို့ရပါတယ်။ တစ်နေရာ နဲ့ တစ်နေရာ ချက်လုပ်ပုံတွေ စည်းကမ်းတွေက မတူပါဘူး။ အဲ့ဒါတွေပေါ် မူတည်ပြီး ဝီစကီပုလင်းတွေပေါ် ရေးပုံကွာခြားတာလည်း ဖြစ်နိုင်ပါတယ်။

ဒီလောက်ဆိုရင် ကျနော်တို့ ဘာကြောင့်လဲဆိုတာ သိသင့်သလောက်တော့ သိသွားပါပြီ။

- Photo Credit :
***ey
**ky

Bottle Babies

28/12/2021

02/10/2021

29/09/2021

29/09/2021

25/09/2021

25/09/2021

15/09/2021

13/09/2021

Address

Opening Hours

Website

Alerts

Shortcuts

Share

Category

Listing takedown request

Monday	07:00 - 20:00
Tuesday	07:00 - 20:00
Wednesday	07:00 - 20:00
Thursday	07:00 - 20:00
Friday	07:00 - 20:00
Saturday	07:00 - 20:00
Sunday	07:00 - 20:00