https://youtube.com/channel/UClmTSvFl7OvL99I8SGqBagQ

Paradise Bookstore - ပါရာဒိုက်စ် စာအုပ်ဆိုင်, Yangon (2026)

27/02/2026

အရူးဆေးရုံမှာ ရေးတဲ့ကဗျာ

"ဘော့မာလေ" ဆံပင်ပုံစံနဲ့
ဆေးကြောင်နေတဲ့ ...
သူငယ်ချင်း တစ်ယောက်က
ငါ့ကို ... မေးတယ် ...
"ဂလော်ရီယာအိစ်ဖန်း" နဲ့
ညစာ အတူ စားဖူးလား ?
"အမေဇုံ" တောကြီးထဲမှာ
ကျားသစ် တစ်ကောင်နဲ့
နပမ်း လုံးဖူးလား ?
"ချီလီ" မိုင်းတွင်းထဲမှာ
အောက်ဆီဂျင် ပြတ်ဖူးလား ?
"ရီရိုဒီဂျနေးဒိုး" မှာ
ဆေးရှူဖူးလား ?
"ကာရေဗီယမ်" ပင်လယ်ထဲမှာ
ငါးမျှားဖူးလား ?
ငါ ပြန်ဖြေမယ် ...
တကယ်တော့ တောင်အမေရိကားရဲ့
ဖာသယ်မ တစ်ယောက်လောက်နဲ့တောင်
ည အတူ မအိပ်ဘူးဘဲ
ဒီကမ္ဘာပေါ်မှာ ...
ဘယ်ယောက်ျားမှ
စောက်ကြီး စောက်ကျယ်
ပြောခွင့် မရှိပါဘူးကွာ ...
ငါတို့က ...
အဝီစိထက် နက်တဲ့ ဆင်းရဲတွင်းထဲက
ဖာ ပါး စပ် ထက် တောင်
ဗလောင်းဗလဲ များတဲ့
ဥပဒေတွေနဲ့ တိုင်းပြည်က
ကဗျာဆရာတွေပါ
ငါတို့က ...
တစ်ရက်ကို
အမဲသား အစိတ်သား ကျွေးရတဲ့
ကိုလံဘီယာ အကျဉ်းထောင် ထဲက
ခွေး တွေ လော က် တော င်
အဟာရ မပြည့်ဝတဲ့ နိုင်ငံသားတွေပါ
ငါတို့က ...
အရှေ့တောင်အာရှ မှာ အကျဉ်း ကျပြီး
မင်းက မက္ကစီကို မှာ လွတ်မြောက်နေတာပါ
"ဂါစီယာမားကွက်စ်" က ပြောတယ်
သူတို့ကို "အာဂျင်တီးနား" လို့မခေါ်ပါနဲ့
"အာဂျင်တိုင်း" လို့ပဲ ခေါ်ပါတဲ့
ငါတို့မှာ ... ခုထိ
"ဗမာ" မှန်း မသိ ... "မြန်မာ" မှန်း မသိ ...
ငါတို့က ...
ဒဏ်ရာကို ဘာသာရေး နဲ့ ကုသတယ်
မင်းတို့က ...
မူးယစ်ဆေးဝါး နဲ့ ကုသတယ်
မင်းတို့က ...
တော်လှန်ရေး တစ်ခုပဲ ရှိတယ်
ငါတို့က ...
လက်နက်ကိုင် အေဂျင်စီတွေ ရှိတယ်
မင်းတို့က ...
"ဟာဗာနား" ရှိတယ်
ငါတို့က ...
"နဂါးနီ" ရှိတယ်
မင်းတို့လည်း ...
"အော်တာဗီယိုပက်ဇ်" ကို
အလကား ရခဲ့တာ မဟုတ်
ငါတို့လည်း ...
"မောင်ချောနွယ်ကြီး"
အလကား ရခဲ့တာ မဟုတ်
ဟုတ်ပြီလား
သားကြီး ... ။

▪️ကြည်ဇော်အေး

#ကြည်ဇော်အေး
#ကဗျာ

18/06/2025

ခင်ဖုန်းသက်ဝေ ဂီတ

ကဗျာဆိုတာ
ကိုယ်ရေးကိုယ်တာတွေ
မြီးကောင်ပေါက်ခြင်း တစ်မျိုးပါပဲ

အရေးတကြီး တီထွင်လိုက်မိတယ်
နွေဦး ချန်နယ် တခုလုံး
ကျွန်တော့ ခင်ဖုန်းသက်ဝေ ပျော်ပါစေကွယ်

မနေ့ကရော မနက်ဖြန်ရော
ဖေဖော်ဝါရီ တစ်လလုံးရော
အချစ်နဲ့စစ် အပြင်
လူတွေ ဘာလုပ်နေကြပါသလဲ

ဘရမ်ဒီလို သက်တမ်းရှည်တိုင်း
လွမ်းစရာ တွေဟာ
လွမ်းစရာ ကောင်းနေပြန်ပါတယ်

ဂုဏ်ယူ ချင်စရာပါ ခင်ဖုန်းသက်ဝေ

နှစ်ယောက်စလုံး ရယ်ဖို့ပန်းတွေ
ဘယ်ရာသီမှာမှ မပွင့်ခဲ့တာ
ခင်ဖုန်းသက်ဝေ သောက်ပြီး , ကျွန်တော်
အခါခါသေခဲ့ရတဲ့ အဆိပ်ပြာတစ်ခွက်မှာ
ဆတ်သွားဖူးတွေ ပက်ကြားအက်ခဲ့ရဘူးတာ

ပြီးတော့ - - -

ကျွန်တော်က စိတ်ကြီး , ဒေါသကြီး
ပြောရင် ပြောတဲ့အတိုင်း
မီးခိုးမဆုံး မိုးမဆုံး လွမ်းနေတတ်တာ
ဂုဏ်ယူပါတယ် ခင်ဖုန်းသက်ဝေရယ်

မာယာ လူမျိူးတွေရဲ့ ပြက္ခဒိန် မှာ
ချစ်သူများနေ့ကို ဖော်ပြပုံ ရှုပ်ထွေးလွန်းလှတယ်
ကျွန်တော့ပင်လယ်မှာဖြင့် သိပ်ကို ရိုးရှင်းပါရဲ့

လှိုင်းကြား , လေကြား ကျောက်ဆောင်ပေါ်မှာ
အတောင်ညောင်းလာတဲ့
အမြီးနှစ်ခွ ဇင်ယော်လေး
တစ်ကောင်စ , နှစ်ကောင်စ လာနားနေမယ်

လေတွေက ရွက်ဖြူဖြူတွေကို
ဖောင်းကားနေအောင် တိုက်လို့
ဥဒဟို ဖြတ်သွားဖြတ်လာ အဲဒီလှေလေးတွေဆီ
ဟေး , ဟေး လို့ အော်သံခေါ်သံ ပြုကြမယ်
နေ့ နဲ့ ည ကို နှလုံးသားနဲ့ ဖတ်ကြ , ရွတ်ကြ
ပြည့်ပြည့်စုံစုံကို ပွက်လောရိုက်သွားတော့တာပဲ

မုန်တိုင်းတွေ ကိုးယိုကားယားနဲ့
နန်းဆန်မနေဘူးလားကွယ်

တောင်တခန်း , ကျွန်းတတန်း
လွမ်းငွေ့သက်ရင်
သူ့မျက်ရည် , ကိုယ့်မျက်ရည်
ခွဲခြားလို့တောင် မရနိုင်ပါဘူး

အကောင်းဖက်က လှည့်တွေးကြည့်စမ်းပါ
ခင်ဖုန်းသက်ဝေ ရေ
လိပ်ပြာတကောင်ရဲ့ငယ်နာမည်မှာတောင်
မသင်္ကာစရာတွေ ပါနေတာမို့
လွမ်းလောက်လို့သာ လွမ်းပါတယ်

ဘယ်လိုဆုကိုတောင်းတောင်း
ထိုက်တန်သမျှသာ ဆုတောင်းပြည့်တာ
ကြားဘူးမှာပါ

ကြာညိုနွယ်ရိုးတွေ , ပစ္စုန်မိုးပြေးတွေ
တိမ်တွေရဲ့အညှိုးအတိုင်း ခိုင်မာသယောင်
သက်တန့် တစ်ဝက်တပျက် တွေ
ကျွန်တော် ရထိုက်တာထက်ကို ပြည့်စုံခဲ့ဘူးပါရဲ့

မီးလျှံကြားက ရဲရင့်မှု အတွက်တော့
ကျွန်တော့ကို ဒီအတိုင်းလေးပဲ ထားခဲ့လိုက်ပါ
ခင်ဖုန်းသက်ဝေ ရယ်

ဘယ်လိုချစ်ရမယ် ဆိုတာ သိတဲ့နောက်
သူ ကံကောင်းသွားမှာပါ ။

-သန်းတင့်

#ခင်ဖုန်းသက်ဝေဂီတ
#ကဗျာ

28/02/2025

"လူငယ်ဘ၀ ကွယ်လွန်ခြင်း"

ကျွန်တော့်ရဲ့ လူငယ်ဘဝလေးမှာ
ဘာသာစကားပြောသင်တန်းတွေ
ကွန်ပျူတာသင်တန်းတွေ
အောင်လက်မှတ်တွေ မရှိခဲ့ပါ

ကျွန်တော့်ရဲ့ လူငယ်ဘဝလေးမှာ
ဗွီဒီယိုဂိမ်းတွေ
ကာရာအိုကေတွေ
စိတ်ကြွဆေးပြားတွေလည်း မရှိခဲ့ပါ

ကျွန်တော့်ရဲ့ လူငယ်ဘဝလေးမှာ
ရေဒီယိုတစ်လုံး
ဂစ်တာတစ်လက်နဲ့
စာအုပ်တစ်သေတ္တာပဲ ရှိခဲ့ပါတယ်။

ကျွန်တော့်ရဲ့ လူငယ်ဘဝလေးမှာ
ရုပ်ရှင်ရုံသည်သာ အငြိမ်းချမ်းဆုံးခိုနားရာ
တစ်ခါတရံ စိတ်ပြေပျောက်စရာ
အပြာရောင်စာအုပ်များနဲ့သာ

ကျွန်တော့်ရဲ့ လူငယ်ဘဝလေးမှာ
စက်ဘီးလေးတစ်စီးတောင် မရှိခဲ့သလို
ရည်းစားလဲ တစ်ယောက်မှ မရှိခဲ့ပါ။

ကျွန်တော့်ရဲ့ လူငယ်ဘဝလေးမှာ
ဘီယာဆိုင်တွေ၊ နိုက်ကလပ်တွေ မရှိခဲ့ပါ
စာအုပ်ဆိုင်နဲ့ လက်ဖက်ရည်ဆိုင်သာ
ကျွန်တော်ရဲ့ ကမ္ဘာ

ကျွန်တော့်ရဲ့ လူငယ်ဘဝလေးမှာ
ခပေါင်းစီးကရက်တစ်ဘူးနဲ့
မြို့ပတ်ရထားကို မူးအောင်စီးခဲ့ဖူးပါတယ်

ကျွန်တော့်ရဲ့ လူငယ်ဘဝလေးမှာ
လူငယ့်ရေးရာ ညကျောင်းတစ်ကျောင်းရှိခဲ့သလို
ရန်ကုန်မြို့လည် ပလက်ဖောင်းဟာလည်း
သင်တန်းကျောင်းကြီးတစ်ကျောင်းပါပဲ

ကျွန်တော့်ရဲ့ လူငယ်ဘဝလေးမှာ
ဒိုင်ယာရီစာအုပ်လွယ်အိတ်ထဲထည့်လို့ လျှောက်သွားခဲ့တာ
အသည်းကွဲသီချင်းတွေအော်ဆိုခဲ့တာ
အနာဂတ်လွမ်းချင်းကဗျာတွေ ရေးသားခဲ့တာ

အခုတော့
ကျွန်တော့်ရဲ့ လူငယ်ဘဝလေးလည်း
ပျောက်ကွယ်ခဲ့ပါပြီ
တစ်တိုင်းပြည်လုံးကို ဖြတ်စီးသွားတဲ့
ကောက်ကောက်ကွေ့ကွေ့ မြစ်ကြီးထဲမှာ
ကျွန်တော့်ရဲ့ လူငယ်ဘဝလေးဟာ
နစ်မြုပ်ပျောက်ကွယ်ခဲ့ပါပြီ။ ။

လှသန်း

#လှသန်း

16/12/2024

ဘဝဆိုတာနဲ့
အကုန်လျှောက်ပြီး ရင်ဆိုင်နေစရာမလိုပါဘူး
ထွက်ပြေးချင်တဲ့အခါလည်းပြေးမှာပေါ့
ဘယ်သူ့ဂရုစိုက်ရမှာလဲ ။

#တာရာမင်းဝေ
#ကဗျာ

12/01/2024

မောင်ထွန်းသူ၊ဂျာနယ်ကျော်မမလေး စာအုပ် Collection

2024နှစ်သစ်မှာ စာပေချစ်သူလေးတွေအတွက် စာအုပ်လေးတွေကို အရင်တုန်းက Edition အရင်တုန်းကဈေးတွေနဲ့ လက်ကျန်စာအုပ်လေးတွေ ဝယ်ယူလို့ရပါမယ်

🥰🥰စာအုပ်ဈေးတွေမြင့်တက်နေတဲ့အခုကာလကြီးမှာ စာပေချစ်သူလေးတွေကို တစ်ဖက်တစ်လမ်းက အကျိုးပြုစေဖို့အတွက် ရောင်းချပေးတာဖြစ်ပါတယ်၊စာအုပ်အရေအတွက်များများဝယ်ယူတဲ့ Customer များကိုလည်း စာအုပ်လက်ဆောင်လေးတွေပေးသွားဖို့ရှိပါတယ်

💯💯နောက်ရက်တွေမှာ တခြားနာမည်ကျော်စာရေးဆရာများရဲ့ စာအုပ်များကိုလည်း Collection အလိုက်ထပ်မံရောင်းချသွားပေးပါ့မယ်၊ ရန်ကုန်မြို့နှင့်တကွ မြန်မာနိုင်ငံအနှံပို့ဆောင်ပေးပါတယ်

💰ရရှိနိုင်သော စာအုပ်ဈေးနှုန်းများ

မောင်ထွန်းသူ

ရဲတိုက်(The Citadel A.J.(RONIN)-10000
ဆဋ္ဌမသုခရိပ်မြိုင်-4500
ရမ္မက်မီး(Lust For Life)-8000
သံမဏိကြက်ခြေ-7000
မေတ္တာနှောင်ကြိုး-5000
ဝက်ပါ-4300
ဝံပုလွေများနှင့်ကခုန်သူ-3500
မြိုင်ခေမာ-3800
သစ္စာရှင်-5000
တောင်ပံမဲ့ငှက် လေထဲပျော်-4500
ချစ်မျက်ရည်ဘယ်ခါစဲေလလိမ့်-3300
ပီကင်း-10000

ဂျာနယ်ကျော်မမလေး

သူလိုလူ-6500
မုန်း၍မဟူ -4000
သူမ-3500
သွေး-6000
ရင်နင့်အောင်မွှေး-8000

#စာအုပ်
#မောင်ထွန်းသူ
#ဂျာနယ်ကျော်မမလေး

01/01/2024

တက္ကသိုလ်ဘုန်းနိုင် စာအုပ် Collection

2024နှစ်သစ်မှာ စာပေချစ်သူလေးတွေအတွက် စာအုပ်လေးတွေကို အရင်တုန်းက Edition အရင်တုန်းကဈေးတွေနဲ့ လက်ကျန်စာအုပ်လေးတွေ ဝယ်ယူလို့ရပါမယ်

🥰🥰စာအုပ်ဈေးတွေမြင့်တက်နေတဲ့အခုကာလကြီးမှာ စာပေချစ်သူလေးတွေကို တစ်ဖက်တစ်လမ်းက အကျိုးပြုစေဖို့အတွက် ရောင်းချပေးတာဖြစ်ပါတယ်၊စာအုပ်အရေအတွက်များများဝယ်ယူတဲ့ Customer များကိုလည်း စာအုပ်လက်ဆောင်လေးတွေပေးသွားဖို့ရှိပါတယ်

💯💯နောက်ရက်တွေမှာ တခြားနာမည်ကျော်စာရေးဆရာများရဲ့ စာအုပ်များကိုလည်း Collection အလိုက်ထပ်မံရောင်းချသွားပေးပါ့မယ်၊ ရန်ကုန်မြို့နှင့်တကွ မြန်မာနိုင်ငံအနှံပို့ဆောင်ပေးပါတယ်

💰ရရှိနိုင်သောတက္ကသိုလ်ဘုန်းနိုင် စာအုပ်ဈေးနှုန်းများ

တပြည်သူမရွှေထား - 6000
နှင်းငွေတထောင့် မိုးတမှောင့် - 4000
လေရူးသည်စာမတတ်ပါ - 3000
စိမ်းနေဦးမည့်ကျွန်တော့မြေ-3500
လွမ်း - 3500
ဤမြေမှသည် - 4000
မိုးညအိမ်မက်မြူ - 5000
ဝသန်လေချိန်မှန်ကူး - 3500
ညီမလေးရယ် စိုးရိမ်မိတယ်-5300
ညနက်နက်မှာလထွက်ခြင်း-2800
မိုးတွေရွာမှဖြင့်လျှင်ကွယ် -4500
ချစ်သောဤကမ္ဘာ-3300
မျက်ရည်လောကများ၏ ဟိုမှာဘက် -5700
ကိုယ့်အလှ ဘဝငွေလမင်း-4700
လွမ်းတေးမဆုံးစေနဲ့စောသခင်-5300
တိမ်ညိုအလွင့် လအမြင့်-5000
သာ၍ဝေးရာဆီကိုပါ-4300
လွမ်းပါလေရစ်သည်သောင်ငွေဦး-5300
မေတ္တာများနဲ့ စိန်ပန်းနီနီ-8000

#စာအုပ်
#တက္ကသိုလ်ဘုန်းနိူင်

24/10/2023

စာအုပ် အထူးလျော့ဈေး (စာအုပ်အများစုကတော့ အပြင်မှာ သည်ဈေးတွေနဲ့မရတော့ပါဘူး)

ဂျာနယ်ကျော်ဦးချစ်မောင်
သူ - 6,000

ဂျာနယ်ကျော်မမလေး
မုန်း၍မဟူ - 6,500 နှစ်အုပ်ရပါမယ်

နုနုရည်အင်းဝ

ခေါင်းမော့လိုက်တော့မင်း ခေါင်းငုံလိုက်တော့သူ - 5,000
လဝန်းစက်ဝိုင်းထက်ပိုင်းပြတ်ကြွေ - 6,500

ဝင်းငြိမ်း
ဖြစ်တည်ခြင်း - 10,000
ဗမာပြည်မှာပျော်ရွှင်ပါစေ - 6,000
အချစ်စစ် အချစ်မှန်ဆိုသည်မှာ - 3,000

နောက်နေ့တွေမှာ စာအုပ်ကောင်းတွေအများကြီးထပ်တင်ပေးသွားပါ့မယ်

15/09/2023

Birthday Surprise Gift

"မွေးနေ့မှစပြီး အရာအားလုံးအဆင်ပြေပါစေ .." ဆိုတဲ့ စာလေးနဲ့အတူ မတော်လိုက်ရတဲ့မရီးမှ ကိုPhyo Arkar Soe အတွက် Surprise gift ပေးထားပါတယ်၊အစ်ကို ကြိုက်နှစ်သက်တတ်တဲ့ မည်သည့် စာအုပ်မဆို ရွေးယူလို့ရပါတယ်😍😍

မွေးနေ့မှာ Surprise gift ရရှိတဲ့အတွက် ပျော်ရွှင်ပါစေအစ်ကုိ၊စာပေချစ်ရသူတွေကို စာအုပ်လက်ဆောင်ပေးချင်တဲ့မိတ်ဆွေတွေအနေနဲ့လည်း ပေ့ခ်ျမှာ လာရောက်မှာယူလို့ရပါတယ်

14/09/2023

Birthday Surprise Gift

"Happy Birthday ပါ 🤍🤍🤍
နေမကောင်းဘူးဆိုလို့ နားနားနေနေဖတ်ရအောင်..." ဆိုတဲ့ စာလေးနဲ့အတူ Phyoe Thandar Lwin ညီမလေးရေ မွေးနေ့အတွက် Surprise giftလေးရထားပါတယ်၊ ညီမလေးကြိုက်နှစ်သက်တက်တဲ့ မည်သည့် စာအုပ် 5အုပ်မဆို ရွေးယူလို့ရပါတယ်😍😍

မွေးနေ့မှာ Surprise gift ရရှိတဲ့အတွက် ပျော်ရွှင်ပါစေညီမ‌လေး၊စာပေချစ်ရသူတွေကို စာအုပ်လက်ဆောင်ပေးချင်တဲ့မိတ်ဆွေတွေအနေနဲ့လည်း ပေ့ခ်ျမှာ လာရောက်မှာယူလို့ရပါတယ်

02/07/2023

လူသားဆန်ချင်တာ တရားတယ် (လှသန်း)

မြစ်တစင်းနဲ့အတူ ပူးချည်
စွန့်စွန့်စားစား စီးဆင်းခဲ့တယ်
တခါမှ မမြင်ဖူးတဲ့ နေ့တွေကို မြင်ချင်လွန်းလို့ပါ ။

မြေပုံမှာ မပါတဲ့ ကျွန်းတွေ
ပင်လယ်ထဲမှာ အများကြီးရှိတယ်
ရေထဲက ငါးကို
လေထဲမှာ ပျံနေတဲ့ သိမ်းငှက်က ဖမ်းယူစားတယ်
ဒါ သဘာဝပဲလား
နက်နက်ရှိုင်းရှိုင်း တိုးဝင်သွားရင်
ဘာတွေကို မြင်ရဦးမလဲ ။

ကမ္ဘာပေါ်မှာ
မနက်ဖြန်ကို မြင်ရတဲ့နေရာတွေလည်း ရှိ
မနက်ဖြန်ကို မမြင်ရတဲ့နေရာတွေလည်း ရှိ
ကိုယ်ရောက်နေတဲ့ နေရာကို
ကိုယ့်ဟာကိုယ် သိဖို့ အရေးကြီးရဲ့ ။

မိတ်ဆွေတယောက် ပြောတာ သတိရမိတယ်
အခန်းတခန်း လိုချင်တယ်တဲ့
အေးအေးဆေးဆေး ဘုရားရှိခိုးဖို့
အမူးလွန်တဲ့အခါ ထိုးအန်ဖို့
အမျိုးသမီး တယောက်ကို ဧည့်ခံဖို့တဲ့
အိုး .. လူသားဆန်လှချည်လား ။

ကျွန်တော်ကရော ဘာထူးလို့လဲ
အာဇာနည်တွေကို လေးစားမယ်
ကိုယ်ဟန်ပြမယ်တွေကို ပြစ်မှားမယ်
ထမင်းဝဝ စားချင်တယ်
ဒါလည်း လူသားဆန်ခြင်းတမျိုး ဖြစ်နိုင်ရဲ့ ။

ဒါပေမယ့် ရှေ့မှာ
ဂျူးလူမျိုး ခြောက်သန်းကျော် သေခဲ့ပြီးပြီ
ကမ္ဘောဒီးယားပြည်သူ တသန်းကျော် သေခဲ့ပြီးပါပြီ
ဘဝပေါင်းများစွာကို လျှော်ဖွပ်ဖို့
လွတ်လပ်မှုရှိမှ ဖြစ်မယ် ။

မျှော်လင့်ချက်တွေဟာ လုပ်ကြံခံလိုက်ရတယ်
အနာဂတ်ကတော့ အသက်ငင်နေဆဲ
မကြာခင် ရှင်ပြန်ထမြောက်လေမလား ။

စိတ်ဓာတ်ကျစရာ အကြောင်းမရှိ
နောင်တရစရာ အကြောင်းမရှိ
ဟောဒီ ညတညရဲ့ လိုအပ်ချက်ဟာ
‘ မ ’ ဓာတ် ဖြစ်နေတာ သေချာခဲ့ပြီပဲ ။ ။

#ကဗျာ
#လှသန်း

Paradise Bookstore - ပါရာဒိုက်စ် စာအုပ်ဆိုင်

27/02/2026

18/06/2025

28/02/2025

16/12/2024

12/01/2024

01/01/2024

24/10/2023

15/09/2023

14/09/2023

02/07/2023

Address

Telephone

Website

Alerts

Shortcuts

Share

Category

Listing takedown request