07/09/2026
All For Love Imperial Novotel Wedding Fair 2026 ပွဲကြီး ဒုတိယနေ့မှာ အနုပညာရှင်များစွာနဲ့ စည်ကားသိုက်မြိုက်ခဲ့...
မင်္ဂလာပွဲအခမ်းအနားများအတွက် လိုအပ်သမျှကို တစ်နေရာတည်းမှာ စုံလင်စွာ လေ့လာရွေးချယ်နိုင်မယ့် All For Love Imperial Novotel Wedding Fair 2026 အခမ်းအနားကြီးကို စက်တင်ဘာလ (၅) ရက်နှင့် (၆) ရက်နေ့များတွင် ရန်ကုန်မြို့ရှိ Novotel Hotel တွင် နှစ်ရက်တိုင်တိုင် ခမ်းနားစွာ ကျင်းပပြုလုပ်လျက်ရှိပါတယ်။
စက်တင်ဘာလ (၆) ရက်နေ့၊ ပွဲတော်ရဲ့ ဒုတိယနေ့မှာတော့ သရုပ်ဆောင် မေသန်းနု၊ ခိုင်သင်းကြည်၊ မင်းဦး၊ ချောရတနာ၊ မိုးပြည့်ပြည့်မောင်၊ ခြူးလေး၊ စန္ဒီမြင့်လွင်၊ နန်းသူဇာ၊ နန်းမြတ်ဖြိုးသင်း၊ စံထိပ်ထားဦး၊ အဆိုတော် နွဲ့ယဉ်ဝင်း၊ နီနီခင်ဇော်၊ The Sai တို့အပါအဝင် အနုပညာရှင်များ၊ အတတ်ပညာရှင်များ၊ တာဝန်ရှိသူများနဲ့ ဖိတ်ကြားထားတဲ့ ဧည့်သည်တော်များက ဂုဏ်ပြုတက်ရောက်ခဲ့ကြပါတယ်။
ဒါ့အပြင် ပွဲအခမ်းအနားရဲ့ စိတ်ဝင်စားဖွယ်အစီအစဉ်တစ်ခုအဖြစ် နာမည်ကြီး ဖက်ရှင်မော်ဒယ်များစွာက ဒီဇိုင်နာ မပုံ့ ရဲ့ ဖန်တီးချုပ်လုပ်ထားတဲ့ မင်္ဂလာဝတ်စုံဒီဇိုင်းလက်ရာများကို ဝတ်ဆင်ကာ အလှပဆုံးနဲ့ အမိုက်စား ဖက်ရှင်လျှောက်လမ်းပေါ်မှာ ပါဝင်ပြသခဲ့ကြပါတယ်။
ထို့အပြင် နိုင်ငံကျော် အဆိုတော် ဇော်ဝင်းထွဋ် ကလည်း ပရိသတ်များနှင့် ပွဲတက်ရောက်လာသူများအတွက် လူကြိုက်များတဲ့ တေးသီချင်းများစွာကို သီဆိုဖျော်ဖြေခဲ့ပြီး ပွဲရဲ့ ဒုတိယနေ့ကို ပိုမိုစည်ကားသိုက်မြိုက်စေခဲ့ပါတယ်။
မင်္ဂလာပွဲအတွက် ဝတ်စုံ၊ အလှဆင်၊ ဓာတ်ပုံနှင့် ဗီဒီယို၊ အစားအသောက်နှင့် အခြားဝန်ဆောင်မှုများကို တစ်နေရာတည်းမှာ လေ့လာရွေးချယ်နိုင်မယ့် All For Love Imperial Novotel Wedding Fair 2026 ဟာ မင်္ဂလာဆောင်ဖို့ ပြင်ဆင်နေကြတဲ့ စုံတွဲများအတွက် အထူးစိတ်ဝင်စားဖွယ်ရာ Wedding Fair တစ်ခုအဖြစ် ကျင်းပခဲ့တာပဲ ဖြစ်ပါတယ်။
#ဆယ်လီသတင်း #ဆယ်လီကမ္ဘာ
