Benefit သဘာဝမြေဩဇာ

23/11/2024

* " ပြောရတာထက် လုပ်ရတာခက်တယ် ၊ အထူး သဖြင့် လုပ်ရတာထက် ပြောသလောက်မှန်ကန်ကြောင်းသက်သေပြရတာပိုခက်တယ် "

* ခုတလောတောင်သူတွေဆီကွင်းဆင်းဖို့မကြိုးစားတော့ဘူး ၊ သူတို့ကိုယ်တိုင်က လိုလိုလားလား လာကြည့်ပေးပါဦးဆိုမှဘဲသွားဖြစ်တာများတယ် ။ကိုယ်ရဲ့ထုတ်လုပ်ရောင်းချမှုစနစ်ကိုက တောင်သူအခြေပြုထားတာဆိုတော့ တောင်သူအချင်းချင်း သတင်းစကားကိုဘဲအလေးထားလိုက်တယ် ။
* တခါတလေကြ ပြောပြတာမျိုးကိုသံသယရှိလာရင် မခံချင်တဲ့စိတ်မဟုတ်ပေမဲ့ လုပ်ဘဲပြချင်စိတ်ကြောင့်လုပ်ပြလိုက်တယ် ။အချိန်ယူရပေမဲ့ခိုင်မာတယ် ။
* ခုဘာပြောလာလဲသိလား ! သူတို့မြေကတနှစ်ထက်တနှစ်ညံ့လာတယ် ၊မနှစ်က ၆ဧကကို ၄၂၅တင်းဘဲထွက်တယ်၊ဒီနှစ် ဘန်နီဖစ်ကိုစမ်းသုံးတာ တင်း ၆၀၀ ထွက်တယ် ၊ ဓါ‌တ်မြေတွေဈေးတက်နေချိန်မှာ သဘာဝမြေဩဇာသုံးလိုက်တော့တစ်ဝက်လောက်အကုန် အကျ သက်သာပြန်တယ် ၊ ဒီနှစ်မိုးများတော့ ရောဂါကစုံလို့ ကျွန်တော်တို့ဘဲဘာမှမဖြစ်တာ တဲ့လေ ။
* တောင်သူတစ်ယောက်ရှိသေးတယ် ၊ မနှစ်ကစမ်းသုံးစိုက်ပေးပါရစေဆိုပြီးစံပြကွက်စိုက်ပေးခဲ့တယ် ၊ဒဿမ ၇၀ကို ၉၂ တင်း ( ၁၃၁တင်းနုန်း )ထွက်တယ် ၊ သူ့မြေကကောင်းလို့ထွက်တာပါတဲ့ ။ဒီနှစ်တော့ဥပေက္ခာပြုလိုက်တယ် ၊သူ့စိတ်ကြိုက်မြေသြဇာနဲ့စိုက်တယ်ပေါ ၊ထွက်တော့အသာလေးမေးကြည့်ရတယ် ၊ ကုန်ကျစရိတ်ကနှစ်ဆကျော်ပြီး တင်း ၇၀(၁၀၀တင်းနုန်း)ထွက်တယ် ၊ဒီကြားထဲရွက်ဖျားခြောက်ရောဂါဝင်လို့အတော်ကုလိုက်ရတယ်ဆိုဘဲ ။
* တချို့ကအစွဲကြီးတယ် ၊ သိနေ မြင်နေ လုပ်ပြနေတာတောင်မှ ကံကောင်းလို့ လို့ထင်ကြတယ် ။ ကံကောင်းအောင်ဘယ်လိုကြိုးစားထားရတယ် ရင်းနှီးအားထုတ်ထားရတယ်ဆို့တဲ့အကြောင်းတရားတွေကိုတော့မသိကြပါဘူး။
* Benefits အကျိုးပြုဆိုတဲ့သဘာဝမြေဩဇာထုတ်တဲ့ရည်ရွယ်ချက်ကိုက တောင်သူတွေရဲ့မြေဆီလွှာလိုအပ်ချက်တွေကိုဖြည့်ဆည်းပေးပြီး အကုန်အကျနည်းနည်းနဲ့အကျိုးအမြတ်များများရစေဖို့ပါ ၊မြေဩဇာချင်းတူရင်ရင်တောင် ဖြေရှင်းပေးကြတဲ့နည်းပညာတွေမတူနိုင်ပါဘူး ၊နည်းပညာချင်းတူရင်နေရင်တောင်ဖြေရှင်းပေးတဲနည်းလမ်းချင်းမတူကြပါဘူး ၊ မြေဩဇာချင်းအတူတူ ၊နည်းပညာချင်းအတူတူ ၊ဖြေရှင်းပေးတဲနည်းလမ်းချင်းအတူတူဖြစ်ဦးတော့ တောင်သူအပေါ်မှာထားရှိတဲ့ရပ်တည်ချက်နဲ့‌စေတနာထက်သန်မှုကမတူကြတာမို့ တကယ်လို့သာတောင်သူကလိုအပ်‌မယ်ဆိုရင်နည်းပညာလည်းဖြန်ဝေပေးမယ် ၊လိုအပ်တဲ့အထောက်အကူတွေလည်းပေးဖို့အဆင်သင့်ပါဘဲ ။ ဟင်းစားလည်းပေးမယ်၊ကွန်ချက်လည်းပြမယ်ပေါ့ ။

14/05/2024

* " အစာလည်းဆေး ဆေးလည်းအဟာရ " *

* သစ်ပင်များအတွက် အဓိကအဟာရဖြစ်သည့် သဘာဝမြေဩဇာ ( Organic Matter)ကို ၃၂•၄၅ %ထိ ရရှိအောင် ကြံမြှုတ်ချေးကိုအခြေခံထုတ်လုပ်ပြီး အသုံးပြုရလွယ် ကူစေရန် အမှုံ့အပြင် အလုံးအခဲပုံစံဖြင့်ထုတ်လုပ်ပေးနေပြီဖြစ်သည် ။

* အဆိုပါ Benefit အကျိုးပြုသဘာဝ မြေဩဇာတွင် ကြံမြှုတ်ချေး ၊ကြံမြှုတ်ပြာ ၊မြေပဲခွံ ၊ကြက်ချေး ၊နွားချေး တို့အဓိကပါဝင်ပြီး ဖြည့်စွက်ဓါတ်စာအဖြစ် ဂျစ်ပဆန် ၊လချေးမှုံ့ ၊ အရိုးမှုံ့ ၊ ဝါစေ့ဖတ် ၊ဂရင်းနိုက် ၊ တို့ကို ‌EM ရည် ( အကျိုးပြုအဏုဇီဝပိုး ) ၊ ငါးအမိုင်နိုတို့ဖြင့် အပူအားမြှင့်ပေါင်းစပ် ထုတ်လုပ်ထာခြင်းဖြစ်သည် ။

* ဘေးထွက်ဆိုးကျိုးများဖြစ်သည့် နွား‌ချေးတိုင်းတွင်ပါဝင်သောပေါင်းစေ့များ ၊ ကြက်ချေးတွင်ပါဝင်သည့် ဓါတုဓါတ်ကြွင်းများကို အပူဖိအားမြှင်ပြုပြင်ပေါင်းသတ်ပြီး အကြိမ်ကြိမ်ဓါတ်ခွဲစမ်းသပ်ပြီးမှ ရေတာရှည်မြို့နယ်နှင့် တောင်ငူခရိုင်အတွင်းမှ လယ်ယာမြေများ ၊ စပါး ကြံ ဖရဲ ပဲအမျိုးမျိုး နှမ်း သရက် ငှက်ပျော စသည့်စိုက်ခင်းကြီးများတွင် သုတေသနပြုကာ သုံးစွဲခဲ့ပြီးဖြစ်သည် ။

* သုတေသနပြုချက်များအရ တောင်သူဦးကြီးများစဉ်ဆက်မပြတ်အသုံးပြုခဲ့သည့် ဓါတုမြေဩဇာများ ၊ ဓါတုပိုးသတ်ဆေးများ ၊ဓါတုပေါင်းသတ်ဆေးများ အလွန်အကြွံသုံးစွဲမှုကြောင့် ရရှိလာသည့် မြေဆီလွှာဆုံးရှုံးမှု ၊ မြေပျက်စီးမှုမှသည် မြေချဉ် မြေငန်ဓါတ်လွန်ကဲမှုစသည့်ပြဿနာများအထိ ထိန်းညှိကုသပေးနေသော " အစာလည်းဆေး ဆေးလည်းအဟာရ " ဘက်စုံသုံးသဘာဝမြေဩဇာဖြစ်ကြောင်းတွေ့ရှိရသည်။

* မြေကိုပြုပြင်ပေးသကဲ့သို့ အပင်များ အမြစ်များသီးနှံများတွင် ကျရောက်တတ်သောရောဂါဒဏ် ၊ ပိုးမွှားနှင့် ရာသီဥတုဒဏ် တို့ကို သိသိသာသာကာကွယ်ပေးကြောင်း ၊ အရည်အသွေးပြည့်မှီသည့်သီးနှံအထွက်နုန်းမှာသိသိသာသာကောင်းမွန်လာကြောင်း တောင်သူဦးကြီးများကိုယ်တိုင် " လိုသလိုသုံး သုံးသလောက်အကျိုးပြု " သည့်အကျိုးပြုသဘာဝ‌မြေသြဇာစစ်စစ်ဖြစ်ကြောင်း သိရှိလာခဲ့ကြပြီဖြစ်သည်။

* ဤ Page ကိုဖွင့်ခဲ့သည်မှာကြာပြီဖြစ်သော်လည်း ရောင်းဝယ်ရန်အတွက်ကြော်ညာခြင်မပြုခဲ့ပါ ။ မိမိမြေဩဇာကို မိမိကိုယ်တိုင်ဂဃနဏမသိသေးဘဲကြော်ညာခြင်းဖြင့် လိမ်ညာခြင်းမပြုမိစေရန်အတွက် သုတေသနလုပ်ငန်းကိုသာ တစိုက်မတ်မတ်လုပ်ဆောင်ခဲ့သည် ။ တောင်သူဦးကြီးများနှင့် လယ်ယာမြေများသည် မိမိတို့အောင်မြင်ကြီးပွားရေးအတွက် အစမ်းသပ်ခံကြရ ၊ ပေးဆပ်ရမည့်သူများမဟုတ်ဟု ယုံကြည်မှုဖြင့်သာ လူ၊ အချိန်၊ ငွေ နှင့်ဂျပန်နိုင်ငံမှရရှိသောနည်းပညာများကို ရင်း၍ ကိုယ်ပိုင်စိုက်ခင်းကြီးများတွင် စမ်းသပ်သု‌တေသနပြုပြီးမှ ထုတ်လုပ်ခဲ့ခြင်းဖြစ်သည် ။

* ယခုလည်းကြော်ညာ‌နေခြင်းမဟုတ်ပါ ၊ တောင်သူဦးကြီးများ၊ ဥယျဉ်စိုက်ခင်းကြီးများ၊ တပိုင်တနိုင်အရိပ်ရပန်းအလှစိုက်ပျိုးကြသူများ၊ စိုက်ပျိုးရေးဝါသနာရှင်များအ‌နေဖြင့် စိုက်ပျိုးရေးဆိုင်ရာအခက်အခဲများရှိခဲ့လျင် ၊ အဆင်မပြေတာများရှိခဲ့လျင်၊ မိမိမြေကိုမိမိတန်ဖိုးထားပြီးရေရှည်အကျိုးများချင်လျင် ၊ စရိတ်နည်းနည်းနဲ့အကျိုးအမြတ်များချင်လျင်ဖြင့် Benefits ကထုတ်လုပ်သောသဘာဝ အကျိုးပြုစွမ်းအာဖြည့်မြေဩဇာကို သုံးပါလို့ အသိပေးကြေညာခြင်းသာဖြစ်ပါသည် ။

( နောက်ပိုင်းတွင် မိမိတို့နှင့်ပူးပေါင်းပါဝင်ခဲ့သော သုတေသနစိုက်ခင်းများ၊ တောင်သူဦးကြီးများကိုယ်တိုင်အကျိုးပြုမှု့များနှင့်ပတ်သက်၍ တွေ့ဆုံဆွေးနွေးရရှိချက်များကို ၊အလျဉ်းသင့်သလိုဖေါ်ပြပါဦးမည် ၊ သိလိုသမျှမေးမြန်းနိုင်ပါသည် )

Benefits သဘာဝမြေဩဇာ ရေတာရှည်မြို့။
ထလ / တသ -၂၃၉၇ ၊ ၀၉၄၂၇၆၇၂၃၄၁။

26/07/2023