03/10/2024
မောင်နှမတွေရန်ဖြစ်နေချိန်မှာ
🎈မောင်နှမတွေ ရန်ဖြစ်နေကြတဲ့အချိန်မှာ မိဘတွေဝင်မပါပဲ အသာလေး စောင့်ကြည့်ပေးကြပါ။ အကြောင်းက မလုပ်နဲ့၊ ရန်မဖြစ်နဲ့လို့ တားလေ ပိုပြီးဆွပေးသလို ဖြစ်နေတာကြောင့်ပါ။
🎈သုံးနှစ်မပြည့်သေးတဲ့ ကလေးငယ်တွေကို တားမြစ်စကားသုံးတဲ့အခါ မိဘတွေရဲ့ တားမြစ်တဲ့အသံကြောင့် သူတို့ လုပ်ကို လုပ်ရတော့မယ်လို့ သတိပေးနေသလို ဖြစ်သွားရတာပါ။
🎈ရန်ဖြစ်နေတဲ့အချိန် တယောက်နဲ့တယောက် ကစားစရာ တစ်ခုခုကို လုနေတဲ့အချိန်တွေမှာ ကလေးတွေ အလွန်အကျွံ နာကျင်စေတဲ့ အပြုမူမျိုးမဟုတ်ပဲ သာမာန် ကစားကြ လုကြတာမျိုးကို အသာလေးပဲ စောင့်ကြည့်ပေးကြပါ။
🎈လူကြီးတွေ ဝင်ပါရမဲ့ အခြေနေရောက်ခဲ့ရင် အကြီးကို အနစ်နာခံရမယ်လို့ တဖက်သက် အဆုံးဖြတ်မပေးသင့်သလို အငယ်ကိုပဲ ဦးစားပေးရမယ်လို့ အလောတကြီး မပြောသင့်ပါဘူး။
🎈 အကြီးကလည်း ကလေးပဲ ဆိုတာကို မိဘတွေ အမြဲသတိရပေးပါ။
🎈သူတို့အချင်းချင်း လူကြီးမပါပဲ ပြဿနာတစ်ခုကို သူတို့အတွေးနဲ့ အဆုံးဖြတ်ခွင့်ပြုဖို့ လိုအပ်လို့ပါ။ သူတို့ကိုယ်သူတို့ ယုံကြည်မှု ရရှိစေဖို့ ခွင့်ပြုပေးသလောက် ခွင့်ပြုထားရမှာပါ။
🎈မောင်နှမတွေကို ချစ်တတ်စေချင်တဲ့အခါ ချစ်ရမယ်၊ အနစ်နာခံရမယ်လို့ မပြောပဲ မိဘတွေရဲ့ တရားမျှတမှု အပြည့်အဝ ရယူထားတဲ့ ဘက်မလိုက်တဲ့ ချစ်ခြင်းတရားကို နားလည်ဖို့ အချိန်ပေးရမှာ ဖြစ်ပါတယ်။
မောင်နှမအချင်းချင်း လေးစားတတ်အောင်၊ စာနာတဲ့စိတ် ကိုယ်ချင်းစာတဲ့စိတ်ရှိအောင် ပျိုးထောင်ဖို့ အချိန်အတိုင်းတာ တစ်ခု လိုအပ်တာအမှန်ပါ။
အေးအတူပူအမျှ ကြီးပျင်းလာကြတဲ့ မောင်နှမတွေက အလိုလို ချစ်တတ်ကြမှာ သေချာပါတယ်။
ကလေးသဘာဝ လုကြ၊ ထုကြ၊ မျှဝေကြ၊ ချစ်ကြ၊ စာနာနားလည်ပေးကြတဲ့ အခြေခံ စိတ်ကောင်းလေးတွေ ရှိလာအောင် သင်ယူခွင့်ပြုကြပါ။
ကလေးရဲ့ သဘောသဘာဝကို နားလည်ပြီး မိဘတွေရဲ့ မှန်ကန်တဲ့ နားလည်မှုတွေကို ခံစားမိတဲ့မောင်နှမတွေတိုင်း အလိုလိုချစ်တတ်သွားမယ်ဆိုတာ အာမခံပါတယ်။
အပြည့်အဝသာ ကစားခွင့်ပြုပါ။
တရားမျှတမှုရှိတဲ့ မိဘ ဖြစ်ပေးကြပါ။
အေးအတူပူအမျှ အတူနေထိုင်ကြီးပျင်းခွင့်ကို ရကြတဲ့ မောင်နှစ်မတွေအချင်းချင်း အရမ်းချစ်တတ်၊ အရမ်းဖေးမတတ်ကြမှာ ဖြစ်ပါတယ်။ စိတ်မလောပါနဲ့။ အချိန်တော့ ပေးရမှာပါ။😁
to Mommy of 3
