YOON Online Shop

30/08/2026

❤️❤️❤️

15/08/2026

Crystal whisky set အလှလေး🥰

21/06/2026

#အဖေဆုံးသွားတဲ့နေ့
မင်းအဖေ ဆုံးသွားပြီ
နင့်အဖေ ဆုံးသွားပြီဆိုတဲ့ အသံမျိုးကို
အဖေ ဆုံးရှုံးခဲ့ရဖူးသူတိုင်း ကြားခဲ့ရတဲ့
စကားလည်းဖြစ်သလို
မကြားချင်ဆုံး စကားတစ်ခွန်းလည်းဖြစ်မှာပါ ။

အဲဒီအချိန်အခိုက်တန့်လေးမှာ
ခံစားရတဲ့ခံစားချက်က
ငိုချင်ပေမယ့် မျက်ရည်မထွက်ခဲ့ဘူး
အသံထွက်ချင်ပေမယ့် ဆွံ့အသွားခဲ့တယ်။

အဲဒါက ဘဝမှာလုံးဝမျှော်လင့်မထားသော
တွေ့ကြုံလိုက်ရတဲ့ အံ့သြခြင်းကြောင့်ပဲ ။

ခဏအကြာမှ ကမ္ဘာကြီးမီးလောင်သွားသလို
ခန္ဓာကိုယ်တစ်ခုလုံး အပူတွေတက်လာတယ် ။
ဝမ်းခေါင်းထဲကနေ အသံနက်ကြီးနဲ့
အသံတစ်သံထွက်ကျလာခဲ့တယ်လေ
အဲဒါက " အဖေ " ဆိုတဲ့စကားတစ်ခွန်းပေါ့ ။

ပတ်ဝန်းကျင်ကို ဂရုမစိုက်တော့ဘူး။
အကြောက်တရားတွေလည်းကင်းနေပြီ ။
အဖေ့ကို ဖက်ဖက်ပြီး ငိုကြွေးခြင်းတွေနဲ့အတူ
ရင်ထဲမှာ တကယ်အသိတစ်ခုရှိနေတာက
နောက်နေ့တွေကစတင်ပြီး
လက်ကျန်ဘဝရဲ့ အချိန်တိုင်း အချိန်တိုင်းမှာ
ငါဟာ အဖေလို့ခေါ်ခွင့်မရှိတော့တဲ့ သူလို့ . . . ။

အရွယ်ရောက်လာပြန်တော့
အားအင်တွေအပြည့်နဲ့
ထမင်းတစ်လုတ်လောက်တော့
အဖေ့ကိုကျွေးချင်မွေးချင်ခဲ့တယ် . . .
ဒါပေမယ့် အဖေက ဘေးနားမှာရှိမနေတော့ဘူးလေ။

သူများသားသမီးတွေ
အဖေ အဖေလို့ခေါ်တဲ့အသံကို ကြားရတိုင်း
အခုဆိုရင် အဖေဘယ်ဘဝများ ရောက်နေသလဲ ၊
အဖေ့ရဲ့အကြောင်းတွေ ပြန်တွေးတောရင်းနဲ့ပဲ
တိတ်တဆိတ်နဲ့ ဘယ်သူမှမကြားအောင်
နှုတ်ခမ်းဝမှာတင် အဖေ လို့တမ်းခဲ့တယ်။

" ရှာရင်လည်းတွေ့ . . .
ကြာရင်လည်းမေ့ဆိုတဲ့ " ဒီစကားထဲမှာ
အဖေတွေတော့ မပါလောက်ဘူး ထင်ပါရဲ့နော် ။

ဘာဖြစ်လို့တုန်းဆိုတော့ အရွယ်တွေသာရတယ်
ငယ်ကတည်းကတိုင် ယနေ့အရွယ်ထိ
မေ့မရသေးလို့လေ မမေ့ပါရစေနဲ့ ။

လက်တွေ့မှာ အဖေ မရှိပေမယ့်
ရင်ထဲမှာတော့ အဖေ့ကိုဖက်တွယ်ထားပါရစေ။
အဖေလို့လည်းခေါ်ခွင့်မရှိတော့ပေမယ့်
စိတ်ထဲကအလိုရှိတဲ့အခါ တမ်းတပါရစေ။

ပြန်မဆုံနိုင်တော့တာသိပါလျက်နဲ့
အဖေကိုဆုံးရှုံးလိုက်ရတဲ့ သားသမီးတိုင်း
အဖေ့ကိုလေ ရူးမိုက်စွာနဲ့ပဲ
မျှော်နေတတ်ကြတယ်ဆိုတာပါဘဲ.... 💔

{ credit to original with respect }

04/06/2026

❌❌❌
လက်ကား အရောင်း post လေးပါရှင်❤️🌹🌹
တန်တန်လေးနော်1kg -3500😍😍😍

04/06/2026

လက်ကားအရောင်းpost လေးပါရှင်❤️🌹🌹
တန်တန်လေးနော်-1 kg-3500😍😍

04/06/2026

လက်ကား အရောင်း post လေးပါရှင်❤️🌹
Total price -150000 😍😍

04/06/2026

Courage (ရဲစွမ်းသတ္တိ)

သတ္တိ ဆိုတာ ဘာကို ခေါ်ပါသလဲ။ တစ်စုံ တစ်ယောက်နဲ့ ရန်ဖြစ်တာဟာ သတ္တိ ရှိတာလား။ တိုက်ရဲ ခိုက်ရဲတာဟာ သတ္တိလား။ သူများ မလုပ်ရဲတာကို လုပ်တာဟာ သတ္တိ လား။ ပြောရဲဆိုရဲ လုပ်ရဲကိုင်ရဲ သွားရဲလာရဲ သေရဲသတ်ရဲ တာဟာ သတ္တိ လား။ ပုံစံ တစ်မျိုးအနေနဲ့တော့ သတ္တိ ဖြစ်ရင် ဖြစ်နေမယ် (မိုက်ရူးရဲ ဆန်တာလည်း ဖြစ်ကောင်းဖြစ်မယ်)။ တစ်စုံတစ်ယောက် အတွက် မွေးသင့်တဲ့ သတ္တိမျိုးတွေက ကိုယ်ကျိုးစွန့် အနစ်နာ ခံတတ်တဲ့ စိတ်၊ တာဝန်ယူတတ်တဲ့စိတ်တွေ ဖြစ်ပါတယ်။

ကိုယ်ကျိုးစွန့် အနစ်နာ ခံတတ်တဲ့စိတ်

လိုင်းကားပေါ်မှာ သက်ကြီးရွယ်အိုတွေကို နေရာဖယ်ပေးတာမျိုးကစလို့ ကိုယ်စားမဲ့ အစားအစာ သူများ ခွဲဝေကျွေးတာ အဆုံး ရှိပါတယ်။ လူမှန်ရင် အတ္တ ရှိပါတယ်၊ ရှိတဲ့ အတိုင်းလည်း အတ္တဟိတက အရင်လာပါတယ်၊ ပြီးမှ ပရဟိတ လာပါတယ်။ အတ္တနည်းအောင် လျော့ချပြီး သူတစ်ပါးအကျိုးအတွက် ကိုယ်ကျိုးစွန့် လုပ်ကိုင်သင့်တာဖြစ်ပါတယ်။ ပရဟိတသမား နာမည်ခံပြီး ကိုယ်ကျိုးအတွက် ယူပြီးမှ အများအကျိုးဆောင်ရွက်တာမျိုးတွေဟာ ကျွန်တော်တို့နိုင်ငံမှာ ရှိနေပါတယ်။ ဒါဟာ ကိုယ်ကျိုးစွန့် အနစ်နာခံနေတာ မဟုတ်ပါဘူး။ အတ္တ လျော့ပါ၊ အများအကျိုးအတွက် ကိုယ်ကျိုးစွန့် အနစ်နာခံပါ၊ အနစ်နာခံနိုင်ဖို့ သတ္တိကို မွေးရပါမယ်။

တာဝန်ယူတတ်တဲ့စိတ်

ဘာကိုတာဝန်ယူရမှာလဲ? ကိုယ်လုပ်သမျှ အားလုံး ကိုယ်တိုင် တာဝန်ယူရမှာပါ။ ကိုယ်ရဲ့ အမှိုက်တစ်စ လမ်းပေါ် ပစ်ချလိုက်လို့ စည်ပင်က သိမ်းရတာ ကိုယ့်ရဲ့ တာဝန်ယူမှု မရှိလို့ပါ။လမ်းပေါ်က ကွမ်းတံတွေးတွေ၊ အမှိုက်တွေ စလို့ ပညာမတတ် စာမသင်ရတဲ့ ကလေးတွေ အဲဒီထက်ပိုပြီး လောကထဲကို ရောက်လာခွင့်ကို မရခဲ့တဲ့ ကလေးတွေ အထိတွေးကြည့်မယ်ဆိုရင် ကျွန်တော်တို့ဟာ ကိုယ်လုပ်တဲ့ လုပ်ရပ်အပေါ် ဘယ်လောက်တောင် တာဝန်ယူစိတ် ကင်းမဲ့သလဲ ဆိုတာ တော်တော်လေး ထင်ရှားပါတယ်။ ပညာတတ်နည်းပါးလာတာဟာ နိုင်ငံတိုးတက်မှုကို နှောင့်နှေးစေပါတယ်။ ကိုယ့်ရဲ့ တာဝန်ယူမှု မရှိတဲ့ လုပ်ရပ်တစ်ခုဟာ ဒီလောက်ထိ ထိခိုက်စေနိုင်တယ် ဆိုရင် ကျွန်တော်တို့ဟာ တာဝန်ယူရဲတဲ့ သတ္တိကို မွေးသင့်ပါပြီ။

ရန်ဖြစ် အော်ဆဲ ထိုးရဲကြိတ်ရဲ သတ်ရဲဖြတ်ရဲသူ တွေကို သတ္တိ ရှိတယ် မခေါ်ပါဘူး။ ကိုယ့်ကျိုးစွန့်ရဲတဲ့ သတ္တိ၊ တာဝန်ယူရဲတဲ့ သတ္တိ တွေကသာ ရှိသင့်ရှိထိုက်တဲ့ သတ္တိတွေ ဖြစ်ပါတယ်။ လူတိုင်း ထားနိုင်ခဲတဲ့ စိတ်ထားတွေဖြစ်ပါတယ်။လူမှန်ရင် ပတ်ဝန်းကျင်နဲ့နေရ၊ ထိတွေ့ ဆက်ဆံ ရပါတယ်။ ကိုယ့်ပတ်ဝန်းကျင်အတွက် ကိုယ်က အကောင်းတွေ မဖြည့်ဆည်းပေးနိုင်ရင်တောင် အနှောင့်အယှက် မပြုပါနဲ့။ ခုလို သတ္တိတွေကို ရအောင် မွေးပြီး ပတ်ဝန်းကျင်ကို ကောင်းကျိုးပြုနိုင်အောင် ကြိုးစားပါ။ ရဲစွမ်းသတ္တိ ရှိကြပါစေ။

Team (ရိုးရာလေး)
🌹

04/06/2026

လူ့လောကတွင် လူအမျိုးမျိုး၊ စိတ်အထွေထွေ ရှိကြသည့်အလျောက် လူတစ်ဦးချင်းစီ၏ တန်ဖိုး သတ်မှတ်ချက်များသည်လည်း ကွဲပြားလေ့ရှိကြသည်။ အချို့က ရာထူးဒြပ်ပစ္စည်း၊ အသိုင်းအဝိုင်းနှင့် နေရာဒေသအပေါ် မူတည်ပြီး လူတစ်ယောက်၏ တန်ဖိုးကို ဖြတ်ကြသော်လည်း အမှန်တကယ် စစ်မှန်သော "လူ့တန်ဖိုး" ဆိုသည်မှာ ပြင်ပအရာများပေါ်တွင် တည်မှီမနေပါ။ ကျွန်ုပ်တို့ မြန်မာစကားပုံတစ်ခုရှိသည်မဟုတ်ပါလား—"ပတ္တမြားမှန်ရင် နွံမနစ်ဘူး" တဲ့ ။

အဖိုးတန်လှသော ရတနာတစ်ပွင့်သည် မတော်တဆ ရွှံ့နွံထဲသို့ ကျရောက်သွားပါစေဦး၊ ထိုရွှံ့နွံများက ရတနာ၏ တောက်ပမှုကို ခေတ္တခဏ ဖုံးကွယ်ထားနိုင်သော်လည်း ၎င်း၏ ပင်ကိုတန်ဖိုးရှိအရည်အသွေးကိုမူ ဘယ်သောအခါမှ ဖျက်ဆီး၍ မရနိုင်ပါ။ ရေနှင့် ဆေးကြောသန့်စင်လိုက်သည့်အခါ သို့မဟုတ် အချိန်တန်၍ နွံထဲက ပေါ်ထွက်လာသည့်အခါ ၎င်း၏ တောက်ပမှုသည် ယခင်အတိုင်းပင် ဝင်းလက်နေမည် ဖြစ်ပြီး စစ်မှန်သော တန်ဖိုးသည် အတွင်းသဏ္ဌာန်မှ ဖြစ်တည်ပါသည် ။

တန်ဖိုးရှိသော လူတစ်ယောက်တွင် ရှိတတ်သည့် အရည်အချင်းများမှာ —

* ဘယ်လိုပတ်ဝန်းကျင်ဆိုးမျိုးမှာပဲဖြစ်ဖြစ် မကောင်းမှုနောက်သို့ လွယ်လွယ်နှင့် ပါမသွားခြင်း။

* မိမိတတ်မြောက်ထားသော အတတ်ပညာနှင့် နှလုံးရည်ကို ဘယ်သူကမှ ခိုးယူဖျက်ဆီး၍ မရနိုင်ခြင်း။

* မည်မျှပင် အခြေအနေနိမ့်ကျပါစေ စိတ်ဓာတ်မကျဘဲ ရုန်းထွက်နိုင်စွမ်းရှိခြင်း။

အချို့သောသူများသည် အခြေအနေအရ သို့မဟုတ် ကံတရား၏ မျက်နှာသာမပေးမှုကြောင့် မိမိနှင့် မထိုက်တန်သော ၊ မိမိအရည်အချင်းကို အသိအမှတ်မပြုသော နေရာမျိုးသို့ ရောက်ရှိနေတတ်ကြသည် ။ လုပ်ငန်းခွင်အဆင်မပြေမှု၊ ပတ်ဝန်းကျင်၏ နှိမ်ချဆက်ဆံခံရမှု သို့မဟုတ် ဘဝ၏ ခေတ္တခဏ နိမ့်ပါးမှု အခြေအနေမျိုးကို ရင်ဆိုင်နေရတတ်သည်။ ထိုအခါမျိုးတွင် "ငါ့မှာ တန်ဖိုးမရှိတော့ဘူးလား" ဟု တွေးတောကာ စိတ်အားငယ်တတ်ကြသည်။

သို့သော် ယုံကြည်ချက်ရှိရှိနှင့် မိမိကိုယ်ကို ပျိုးထောင်ထားသူတစ်ယောက်အဖို့မူ ထိုနေရာဆိုးများသည် ခေတ္တခဏတည်းခိုရာ အဆင့်မျှသာ ဖြစ်သည်။ သူတို့သည် ရောက်ရာနေရာတွင် မိမိတတ်စွမ်းသမျှ အကောင်းဆုံး ကြိုးစားအားထုတ်ကြပြီး၊ မည်သည့်အလုပ်၊ မည်သည့်တာဝန်ကိုမဆို စေတနာအပြည့်နှင့် လုပ်ဆောင်လေ့ရှိသည်။ ထိုကဲ့သို့သော စိတ်နေသဘောထားနှင့် အရည်အချင်းသည် အချိန်ကြာလာသည်နှင့်အမျှ ဖုံးကွယ်ထား၍မရဘဲ လူအများအလယ်တွင် ထင်ရှားပေါ်လွင်လာရစမြဲ ဖြစ်သည်။

"ရွှေကို မီးထဲထည့်လည်း ရွှေပဲဖြစ်သလို၊ တန်ဖိုးရှိတဲ့သူကို ဘယ်လိုအခက်အခဲတွေကြားထဲ တွန်းပို့ပို့ သူ့ရဲ့ အရည်အချင်းကတော့ မှေးမှိန်မသွားပါဘူး။"

သမိုင်းတစ်လျှောက်တွင်လည်း အောက်ခြေဘဝကနေ ကမ္ဘာက သိရလောက်အောင် အောင်မြင်ကျော်ကြားသွားသူများ ရှိခဲ့ဖူးပါသည် ၊ ဖိနှိပ်ကန့်သတ်ခြင်းနှင့် တရားမျှတမှုမရှိသော အခြေအနေတို့နဲ့ ရင်ဆိုင်ရသော်လည်း ၄င်းတို့၏ လွတ်လပ်သော စိတ်ဓာတ်နှင့် တန်ဖိုးကြောင့် တစ်ကမ္ဘာလုံးက လေးစားရသူများစွာ ရှိခဲ့ဖူးသည်။ ၎င်းတို့သည် နေရာကောင်း၊ အခြေအနေကောင်းမှ တန်ဖိုးရှိလာကြသူများ မဟုတ်ဘဲ၊ သူတို့ကိုယ်တိုင်က တန်ဖိုးရှိနေသည့်အတွက် ရောက်ရှိရာနေရာကိုပါ လင်းထိန်စေခဲ့သူများ ဖြစ်သည်။ နေရာထက် စရိုက်က ပိုအရေးကြီးလေသည် ။

ထို့ကြောင့် မိမိကိုယ်ကို တန်ဖိုးရှိအောင် တည်ဆောက်ထားဖို့သာ အဓိက ဖြစ်သည်။ လောကကြီးက သင့်ကို အသိအမှတ်မပြုသေးရုံ၊ သို့မဟုတ် သင့်တန်ဖိုးကို မမြင်နိုင်သေးသည့် နေရာတစ်ခုတွင် ရှိနေရုံမျှဖြင့် သင့်တန်ဖိုးက လျော့ကျမသွားပါ။ မိမိတွင် ရှိသော စာနာစိတ်၊ ကြိုးစားမှု၊ ရိုးသားမှုနှင့် အရည်အချင်းများကိုသာ ဆက်လက်ထိန်းသိမ်းထားရန် လိုအပ်သည်။

တန်ဖိုးရှိသူတစ်ယောက်ဖြစ်ဖို့ဆိုသည်မှာ ပြင်ပက ပေးအပ်သည့် ရာထူးဌာနန္တရ သို့မဟုတ် ပတ်ဝန်းကျင်၏ မြှောက်ပင့်ချီးမွမ်းမှုများပေါ်တွင် မူတည်နေခြင်း မဟုတ်ပါ။ မိမိကိုယ်တိုင်က အရည်အချင်းပြည့်ဝပြီး စိတ်ဓာတ်မှန်ကန်နေမည်ဆိုပါက ဘယ်လိုနေရာမျိုးမှာပဲဖြစ်ဖြစ် မိမိတန်ဖိုးနှင့်မိမိ ဝင့်ဝံ့ထည်ထည် ရှိနေမှာ ဖြစ်သည်။

ရွှံ့နွံထဲမှာ နစ်နေရုံမျှဖြင့် ပတ္တမြားသည် ခဲလုံးဖြစ်မသွားသကဲ့သို့၊ အခြေအနေမလှသေးရုံမျှဖြင့်လည်း တန်ဖိုးရှိသူတစ်ယောက်၏ ဘဝသည် ရှုံးနိမ့်မသွားနိုင်ပါ။ အချိန်တန်သည့်အခါ ထိုသူ၏ အရည်အချင်းများသည် ပတ္တမြားကဲ့သို့ပင် ရွှံ့နွံများကို ဖောက်ထွက်၍ အများအလယ်တွင် တောက်ပလင်းလက်လာမည်ဖြစ်သည်ကို အလေးအနက် ယုံကြည်ထားဖို့လိုပါသည် ။

02/06/2026