BlissFit Activewear

31/05/2022

09/05/2022

အဲ့လိုတွေ မလီဆယ်ရဘူးနော် ..

အကုန်ရှင်းပြပြီးမှ အပျော်မကြံကြပါနဲ့နော် 🥺🥺

Photo credit ❤️‍🔥

20/01/2022

Page လေးကို ပစ်ထားသလိုဖြစ်ပြီး စိတ်ကူးပေါက်မှ post ထထတင်မိတယ် ..

Post မတင်ဖြစ်ပေမယ့် ပုံမှန်အတိုင်း ရောင်းမြဲရောင်းဆဲပါ 😝😝

အဲ့တော့ကာ ပြောချင်တာက ..

ဘာလိုချင်လဲ လိုချင်တာရှိ လာဝယ်လိုက်

လူသားဆန်လိုက် စုနေလဲ ကုန်မှာပဲလေနော့ 😅😅

18/11/2021

" မြိုင်မြိုင်ဆိုင်ဆိုင် မြိုင်မြိုင်ဆိုင်ဆိုင် လတန်ဆောင်တိုင် ""

တနဆောင်မုန်းလပြည့်နေ့ (သာမညဖလ အခါတော်နေ့) လေးမှာ အားလုံး ကိုယ်စိတ်နှလုံး ချမ်းသာ၍
ကုသိုလ် ကောင်းမှုအစုစု ပြုလုပ်နိုင်ကြပြီး
ပျော်ရွှင်ဖွယ် ကောင်းသော တန်ဆောင်တိုင်ကာလ ကို
ပိုင်ဆိုင်နိုင်ကြပါစေရှင် 🙏🏻🙏🏻

အိပိုကတော့ ကိုယ်နိုင်သလောက်လေး ​ပံ့သကူလေးပစ်ပါမယ်လို့ 💖💖

တစ်အိတ်ကို ၁၀၀၀ / ၂၀၀၀ / ၃၀၀၀ random ထည့်ထားတာမို့ ဘယ်သူဘယ်လောက်ကောက်ရမလဲတော့ မသိ 😬😬

19/10/2021

သီတင်းကျွတ်အခါသမယလေးမှာ အားလုံး စိတ်၏ချမ်းသာခြင်း၊ ကိုယ်၏ကျန်းမားခြင်းနှင့် ပြည့်စုံပြီး လိုရာပန်းတိုင်သို့ အရောက်လျှောက်လှမ်းနိုင်ကြပါစေကြောင်း ဆုမွန်ကောင်းတောင်းပေးလိုက်ပါတယ်ရှင့် 🙏🏻🙏🏻

15/10/2021

✨ Positive Energy ✨

အကြည်ဓာတ် (Positive Energy) ရှိတဲ့
သူတွေကလေ သူတို့ ဘာလုပ်လုပ် တင့်တယ်ပြီးကို ချစ်စရာကောင်းနေတော့တာပါ။ ရုပ်ချောတာ၊
မချောတာ၊ ငွေကြေး ချမ်းသာတာ၊ ဆင်းရဲတာနဲ့ မဆိုင်ဘူးနော်။ အကြည်ဓာတ်ဆိုတာလေ သူနဲ့ကိုယ်နဲ့ သိသိ မသိသိ မျက်နှာလေးမြင်လိုက်ရရင်ကို အေးချမ်းပြီး စိတ်ချမ်းသာနေရတာမျိုး၊ သူ့ရဲ့ စကားပြောပုံ၊ အပြုအမူတွေအကုန်လုံးက အပြစ်မြင်စရာမရှိဘဲ ကြည့်ကောင်းနေတာ။ သူဘာပဲပြောပြော နှစ်သက်စရာကောင်းတယ်၊ သူဘာပဲလုပ်လုပ် ချစ်စရာကောင်းနေတယ်ဆိုတာမျိုးပေါ့။ ဒါဟာ အကြည်ဓာတ်ရှိတဲ့ လူတစ်ယောက်ဆီက ကိုယ့်ကို ကူးစက်စေလာတဲ့ Positive energy တွေပါပဲ။

✨ အကြည်ဓာတ်ရှိတဲ့သူနဲ့ မရှိတဲ့လူဟာ ကျွန်မတို့ပတ်ဝန်းကျင်မှာ သိပ်ကိုသိသာပါတယ်။ လူတစ်ယောက်ကို ကျွန်မတို့ မြင်တောင်မမြင်ချင်ဘူးလို့ တွေးမိတဲ့အခိုက်အတန့်တွေပေါ့။ မျက်နှာကြီးက သုန်မှုန်ပြီး ဆူပုပ်လို့၊ ပြောသမျှစကားတိုင်းကလည်း သူများတကာကို အပြစ်တင်တဲ့စကားတွေ၊ ​ဝေဖန်ရှုံ့ချတဲ့စကားတွေနဲ့ တစ်ချိန်လုံး သူတို့ပြဿာနာတွေကို ညည်းညူပြနေတ​ဲ့သူတွေကို မြင်ဖူးမှာပေါ့။ သူတို့နဲ့ တွေ့ဆုံစကားပြောရတဲ့အခါ ကိုယ်ပါသူတို့ရဲ့ ဘဝကိုပြစ်တင်ညည်းညူမှုတွေကြားမှာ စိတ်ပင်ပန်းလာရတယ်၊ စိတ်ကြည်လင်မှုမရှိတော့ဘူး။ ကိုယ့်ရဲ့ energyတွေဆုတ်ယုတ်လာသလိုခံစားလာရတယ်လေ။ ဒါဟာ negative energy တွေကူးစက်ခံလိုက်ရခြင်းဖြစ်ပါတယ်။

✨ အကြည်ဓာတ် (Positive energy) ဆိုတာ လူတိုင်းမှာမရှိဘူး။ လူတစ်ချို့မှာက နဂိုတည်းကကို အကြည်ဓာတ်ခံလေးနဲ့ ပါလာကြပြီးသားပေါ့။
ကိုယ့်မှာတော့အကြည်ဓာတ်မရှိလို့ဆိုပြီး စိတ်ပျက်နေစရာလည်းမလိုပါဘူး။ အကြည်ဓာတ်ရအောင် ကျွန်မတို့လေ့ကျင့်ကြိုးစားကြည့်လို့ရနိုင်ပါတယ်။ ဒါဆို
ဒီနေ့ကစပြီး ကျွန်မတို့နဲ့အတူတူ လေ့ကျင့်ကြည့်ရအောင်

၁ ✨🌼 မိမိကိုယ်မိမိ Postive Self-Talk တွေများများပြောပါ။

ပထမဦးဆုံး Affirmationလို့ခေါ်တဲ့ အခိုင်အမာပြောဆိုချက်တွေနဲ့စတင်ပါ။ မိမိကိုယ်မိမိ မှန်ရှေ့မှာရပ်ပြီး ကိုယ့်ကိုယ်ကိုယ် အားပေးနှစ်သိမ့်တဲ့စကားတွေ၊ ဂုဏ်ပြုချီးကျူးတဲ့စကားတွေ ပြောပါ။ ဒီလိုပြောခြင်းက မိမိကိုယ်မိမိ အကောင်းမြင်စိတ်ဖြစ်စေသလို ယုံကြည်မှုကိုလည်းရှိစေပါတယ်။

၂ ✨🌼 အတွေးတွေကို သတိထားပါ။

ပါးစပ်ကတော့ ကောင်းတဲ့စကားတွေကိုပြောနေပြီး
အတွေးတွေကတော့ မကောင်းတာတွေ တွေးနေမယ်ဆိုရင် အလုပ်မဖြစ်ပါဘူး။ မကောင်းတဲ့အတွေးတွေကို သတိပြုပါ။ မကောင်းတာတွေတွေးမိတော့မယ်ကြံတိုင်း ကောင်းတဲ့အရာလေးတွေကို ပြန်ပြောင်းတွေးပါ။ မကောင်းတာ တစ်ခုတွေးမိတိုင်း ကောင်းတဲ့အတွေး ၂ခုပိုတွေးပေးလိုက်ပါ။

၃ ✨🌼 အတင်းပြောခြင်းကိုရှောင်ပါ။

သူများအကြောင်းကို အမြဲပြောနေတဲ့သူတွေဟာ သူတို့ကိုယ်တိုင်က မပြည့်ဝတဲ့ သူတွေပါ။ သူများအကြောင်း၊ သူများအတင်းကိုအမြဲပြောနေရင် ကိုယ့်ရဲ့စိတ်စွမ်းအင်ဟာ ယုတ်လျော့လာမယ်၊ ခံတွင်းအနံ့နံမယ်၊ မျက်နှာမှာလည်း အပူသည်တစ်ယောက်လို ပူလောင်နေရပါလိမ့်မယ်။ ဒါကြောင့် သူများအတင်းပြောတတ်တဲ့အကျင့်လေးကို ပြင်ဆင်နိုင်အောင်ကြိုးစားပါ။

၄ ✨🌼မညည်းညူပါနဲ့။

အမြဲတစေ ဘဝကို ညည်းညူနေမယ်၊ ကိုယ့်ရဲ့ ပြဿနာတွေ၊ အဆင်မပြေမှုတွေကို ထိုင်ညည်းညူနေမယ်ဆိုရင် ဘယ်လိုမှ အကြည်ဓာတ်ကရှိလာမှာမဟုတ်ပါဘူး။ ပြဿနာတွေကို ညည်းညူပြနေမယ့်အစား ဘယ်လိုဖြေရှင်းမလဲဆိုတဲ့ solutionကိုရှာပါ။

၅ ✨🌼 Toxic ဆန်တဲ့ဆက်ဆံရေးတွေနဲ့ အဆက်သွယ်ဖြတ်ပါ။

Jim Rohn​ ရဲ့ The Law of Average ဆိုတဲ့ သီအိုရီလေးတစ်ရှိပါတယ်။ "You are the average of the five people you spend the most time with" တဲ့။ ဆိုလိုတာက ကိုယ်နဲ့အနီးဆုံးပတ်ဝန်းကျင်မှာရှိတဲ့ လူငါးယောက်ရဲ့ ပျမ်းမျှအရည်အချင်းဟာ ကိုယ့်ရဲ့ အရည်အချင်းပါပဲ။ ကိုယ်ပေါင်းသင်းဆက်ဆံနေရတဲ့ လူတွေဟာဘယ်လိုလူတွေလဲ။ အကောင်းမြင်စိတ်ရှိတဲ့သူလား၊ အဆိုးမြင်တတ်၊ မနာလိုတတ်၊ အပြစ်တင်​ဝေဖန်ပြောဆိုတတ်တဲ့ လူတွေလား။
အကောင်းမြင်စိတ်ရှိတဲ့လူတွေနဲ့ပေါင်းရင် ကိုယ်လည်း အကောင်းမြင်တတ်လာမှာပါ။ ဒီလိုပဲ အရာရာကို အဆိုးမြင်နေတဲ့သူတွေနဲ့ပေါင်းရင် ကိုယ့်ဆီကိုလည်း negative energy တွေကူးစက်လာစေမှာပါပဲ။

၆ ✨🌼 Gratitude နဲ့ နေထိုင်ပါ။

ကျေးဇူးတင်စိတ်ဆိုတဲ့အရာလေးဟာ သိပ်ကို သိမ်မွေ့ပြီး လေးနက်စေပါတယ်။ ကျွန်မတို့ရဲ့ဘဝကို ပိုပြီးကျေနပ်စေတယ်၊ ရောင့်ရဲတင်းတိမ်စေတယ်၊ အတွေးတွေအမြင်တွေကို ပြောင်းလဲစေပါတယ်။ နေ့တိုင်းနေ့တိုင်းကို ကျေးဇူးတင်စိတ်လေးနဲ့နေထိုင်သွားပါ။ ကိုယ်ဒီနေ့ ဘာအတွက်ကျေးဇူးတင်သလဲ။ တစ်နေ့တာရှင်သန်ခွင့်ရတဲ့အတွက် ကျေးဇူးတင်တယ်၊ မိုးမရွာလို့ ကျေးဇူးတင်တယ်၊ အဆင်မပြေတာလေး ပြေသွားလို့ ကျေးဇူးတင်တယ်၊ စားစရာလုံလောက်တဲ့အတွက် ကျေးဇူးတင်တယ် စသဖြင့်ပေါ့ ဘယ်လိုအနေအထားမှာမဆို ကောင်းတဲ့ဘက်ကိုမြင်အောင်တွေးပြီး ကျေးဇူးတင်ကြည့်ပါ။

၇ ✨🌼 နာကျင်စေခဲ့သမျှကို လွှတ်ချခဲ့ပါ။

လူတစ်ယောက်ဟာ Positive energy ရဖို့ လုပ်ကိုလုပ်ရမယ့်အရာတစ်ခုရှိပါတယ်။ ခွင့်လွှတ်တတ်ဖို့နဲ့ လွှတ်ချခဲ့ဖို့ပါ။ မုန်းတီးစိတ်နာနေတဲ့လူတွေ၊ နာကျင်ခဲ့ရတဲ့ အတိတ်က အဖြစ်အပျက်တွေကို အပြီးတိုင် ငြိမ်းအေးခွင့်လွှတ်လိုက်ပါ။ လွှတ်ချခဲ့ရမယ့်အရာတွေကို လွှတ်ချခဲ့လိုက်ပါတော့။ အမုန်းတွေ၊ အာဃာတတွေ၊ နာကျင်မှုတွေ၊ ဒေါသတွေဆိုတာ သိမ်းထားသ၍ ပူလောင်နေရမှာပါ။ ဒါကြောင့် ဒီနေ့ကစပြီး လွှတ်ချခဲ့လိုက်ပါတော့။

၈ ✨🌼 များများ ပြုံးရယ်ပါ။

ပြုံးရယ်တယ်ဆိုတာ အကောင်းဆုံးဆေးတစ်ခွက်ပါ။ ပြုံးရယ်ပြတာက ပိုက်ဆံလည်းမကုန်သလို၊ ပင်ပန်းတဲ့အရာတစ်ခုလည်းမဟုတ်ပါဘူး။ ပြုံးရယ်ပါ။ မှန်ထဲကြည့်ပြီး မိမိကိုယ်မိမိလည်း ပြုံးပြပါ။ တခြားသူတွေကိုလည်း ပြုံးပြပါ။ ပြုံးရယ်ပြခြင်းက
ပျော်ရွှင်မှုတွေ၊ နွေးထွေးမှုတွေကို အမြန်ဆုံးကူးစက်စေနိုင်တဲ့ အရာပါပဲ။

၉ ✨🌼 ကြင်နာတတ်ပါစေ။

လူသိရှင်ကြား အလှူအတန်းတွေ ပရဟိတတွေလုပ်ပြနေမှ မဟုတ်ပါဘူး။ သနားကြင်နာတတ်မှုဟာ လူသိရှင်ကြားဖြစ်စရာမလိုပါဘူး။ ခွေးလေးတစ်ကောင် မြောင်းထဲပြုတ်ကျနေလို့ ကူထုတ်ပေးတာ၊ လမ်းသွားရင် အဘိုးတွေအဘွားတွေကို ကူညီတာ၊ စျေးဝယ်ပြီးတိုင်း ကျေးဇူးတင်စကားပြောတာ၊ မိုးတွေသိပ်ရွာတဲ့နေ့မှာ စံပယ်ပန်းလေးမြန်မြန်ကုန်သွားအောင် အားပေးလိုက်တာ ဒီလိုဘာမဟုတ်တဲ့ အသေးအဖွဲ့ကိစ္စလေးတွေမှာကအစ မေတ္တာစိတ်၊ ကြင်နာစိတ်ထားရှိပါ။

၁၀ ✨🌼 မိမိကိုယ်ကိုယ် ဂရုစိုက်ပါ။

မိမိကိုယ်ကိုယ် ချစ်ခင်တတ်၊ လေးစားတတ်၊ ဂရုစိုက်တတ်တဲ့လူတစ်ယောက်ဟာ ဘယ်အချိန်ကြည့်ကြည့် လန်းဆန်းလှပနေတာပါပဲ။ အသားအရေနဲ့ကျန်းမာရေးကို ဂရုစိုက်တာ၊ စိတ်ခံစားချက်တွေကို အချိန်ပေးပြီး ဂရုစိုက်ခြင်းဟာ positive energy တွေရရှိစေတဲ့ ရင်းမြစ်တစ်ခုဆိုလည်းမမှားပါဘူး။ Skin care လုပ်တာ၊ self-care လုပ်တာ၊ mental break ယူတာ၊ ရေများများသောက်တာ၊ ကောင်းကောင်းမွန်မွန်စားပြီး ကောင်းကောင်းမွန်မွန်အိပ်တာမျိုးတွေကို အချိန်တစ်ခုသီးသန့်ပေးပြီး လုပ်ဖို့ အမြဲသတိရပါ။

၁၁ ✨🌼 လေ့ကျင့်ခန်းလည်း ပုံမှန်လုပ်ပါ။

ချွေးထွက်အောင်လေ့ကျင့်ခန်းလုပ်ပေးခြင်းက ကျွန်မတို့ကို ရုပ်ပိုင်းဆိုင်ရာအရရော၊ စိတ်ပိုင်းဆိုင်ရာအရပါ ကျန်းမာစေပါတယ်။ ပုံမှန်အားဖြင့် ချွေးထွက်အောင် ကိုယ်လက်လေ့ကျင့်ခန်းလုပ်လိုက်ရင် စိတ်ဖိစီးမှုတွေဟာ ပျောက်သွားတတ်ပါတယ်။ ချွေးထွက်တော့ အသားအရေလေးလည်းကြည်တယ်၊ စိတ်လေးလည်းကြည်လင်စေတာပေါ့။

✨✨ အခုပြောသွားတဲ့ နည်းလမ်းလေးတွေကို ကြိုးစားကြည့်ဖို့ ဒီနေ့ကစပြီး မိမိကိုယ်မိမိ challenge လုပ်ကြည့်ပါ။ ဒီနည်းလေးတွေအတိုင်း စိတ်ရှည်ရှည်နဲ့ ကြိုးစားကြည့်ရင် သင်လည်း အကြည်ဓာတ်ကလေးနဲ့ လူတစ်ယောက်ဖြစ်လာမှာပါ။

🌼 အကြည်ဓာတ်ရှိတယ်ဆိုတာ ရုပ်လှတာ၊ ရုပ်ဆိုးတာနဲ့မဆိုင်ဘူးနော်။ ရုပ်ဘယ်လောက်ချောချော အကြည်ဓာတ်ဆိုတာ ရှိချင်မှရှိတာ။ အဓိကက အကြည်ဓာတ်ဆိုတာ ကိုယ့်ရဲ့ အတွင်းစိတ်နှလုံးသားကနေ ရောင်ပြန်ဟပ်လာတဲ့ ဓာတ်တစ်မျိုးဆိုတာကို
ယုံကြည်ထားဖို့ပါပဲ…..🍀

🖤🖤🖤🖤🖤🖤🖤🖤🖤🖤🖤🖤


စာသားလေးတွေ ကောင်းလို့ ပြန်လည်မျှဝေပါတယ်ရှင် 💙
page မှကူးယူလာပါတယ်

🦋🦋🦋🦋🦋

11/10/2021

အမျိုးသမီးတစ်ယောက် အတွက်
လှပနေဖို့ ၊လန်းနေဖို့
Smart ကျနေဖို့ဆိုတာ
အသက်အရွယ်နဲ့မဆိုင်ဘူး စိတ်နဲ့ပဲဆိုင်တယ်

ကိုယ်ရောက်ရှိနေတဲ့ အသက်ရဲ့
ဇရာကို လွန်ဆန်ဖို့ဆိုတာ
ဘယ်လိုမှမဖြစ်နိုင်ပေမယ့်
အရွယ်တင် လှပ ကျန်းမာနေဖို့က
ကိုယ်နဲ့ပဲဆိုင်တယ်

ကိုယ့်ဖြစ်တည်မှုကို လက်ခံရမယ်
သုံးဆယ်ကျော်အရွယ်မှာ
ဆယ်ကျော်သက်တွေရဲ့ အလှကို
လိုက်ငေးပြီးအားကျဖို့မလိုသလို
ကိုယ့်ရဲ့ သုံးဆယ်ကျော်အရွယ်မှာ
ငါ ဒီလောက်ထိ လှပနေပါလားဆိုတဲ့
ဂုဏ်ယူနိုင်မှု တစ်ခုနဲ့ ရှင်သန်နေဖို့ပဲလိုတယ်

ဒီအသက်အရွယ်နဲ့ ငါ ဒီလိုဝတ်ရင်
သူများတွေက အသက်ကြီးပြီဆိုပြီး
သတ်မှတ်ထားတဲ့ ငါ့ကို ကဲ့ရဲ့မလားတွေးမနေနဲ့
အသက်ကြီးရင်မလှရဘူးဆိုတဲ့
သတ်မှတ်ချက်လည်းမရှိသလို
အသက်ကြီးရင် လူငယ် လို နေခွင့်မရှိဘူးဆိုတဲ့
ကန့်သတ်ချက်လည်းမရှိဘူး

အမျိုးသမီးတွေက အမြဲ လှချင်တယ်
အမြဲ smart ကျချင်တယ်
အခွင့်အရေးပေးလို့ လှနေခွင့်ရှိတဲ့ သူနဲ့
အခွင့်အရေးမပေးလို့ မလှနိုင်တဲ့သူပဲရှိတယ်

အခွင့်အရေးဆိုတာလည်း
ကိုယ်နဲ့ပဲဆိုင်တဲ့ အရာတစ်ခုပဲ

သုံးဆယ်ကျော် ဖြစ်နေပါစေ
လေးဆယ်ကျော် ဖြစ်နေပါစေ
ခြောက်ဆယ်ကျော် ဖြစ်နေပါစေ
ဘယ်အသက်အရွယ်ဖြစ်ဖြစ်
ဂေါ်နေ ၊လှနေ ၊လန်းနေဖို့ဆိုတာ
ကိုယ့်မှာပဲ တာဝန်ရှိတယ်

ဘယ်အခြေအနေ ဖြစ်ဖြစ်
လန်းနေရမယ်
အိုခေ 👌💯✨

#𝘾𝙧𝙙 𝙩𝙤 𝙋𝙤𝙚𝙀𝙞𝙆𝙝𝙖𝙣𝙩

#အမြဲလှနေစေချင်တဲ့ဆန္ဒဖြင့်

10/10/2021

ဘယ်ချိန်တွေမှာ Skincare လုပ်သင့်လဲ … ❓

ဒီနေ့မှာတော့ ညီမက Skincare တွေကို ဘယ်ချိန်တွေမှာလုပ်တာဟာပိုပြီးထိရောက်နိုင်လဲဆိုတာကို ပြောပြပေးသွားမှာဖြစ်ပါတယ် ။ ဥပမာ - ည ၁၀ နာရီ နောက်ပိုင်း Cream လိမ်းတာက မျက်နှာအသားရေထဲကို သေချာစိမ့်ဝင်မှုအားနည်းတယ် ။

WHY ❓

ညအိပ်ယာဝင်ခံနီး အချိန်မှာ
လိမ်းတာဖြစ်လို့ Cream က ကိုယ့်ရဲ့ မျက်နှာအသားရေထဲကို မရောက်ပဲနဲ့ ခေါင်းအုံးထဲ ရောက်သွားတော့
ခေါင်းအုံးကို Skincare သလိုဖြစ်သွားတာမျိုးပေါ့ 😀

ဒါ့အပြင် တခြားအကြောင်းအရာတစ်ခုကလဲ ရှိနေပါသေးတယ် ။ ဆိုတော့ ပို့စ်လေးကို
ဆက်ကြည့်လိုက်ရအောင် ..... ❤

🍀 မနက် ၆:၀၀ နာရီ မှ ၇:၀၀ နာရီ 🍀

ဒီအချိန်ကတော့ မနက်အိပ်ယာထလို့ အကောင်းဆုံးအချိန်လဲဖြစ်သလို ခန္ဓာကိုယ်က နှလုံးခုန်နှုန်းမှန်ပြီး
Hormones တွေ စတင်လှုန့်ဆော်ပေးတဲ့
ချိန်ပဲဖြစ်ပါတယ် ။ ဒီလိုချိန်မှာ Skin က Moisturizing လုပ်လို့ အကောင်းဆုံးအချိန်ပါပဲ …။

ဆိုလိုချင်တာကတော့ ဒီချိန်မှာ ရေမိုးချိုးပြီး ၊ Moisturizer သုံးတာက အရွယ်မတိုင်ခင် အိုမင်းရင့်ရော်မှုကို ကာကွယ်ပေးနိုင်ပါတယ်နော် …။

🍀 မနက် ၈:၀၀ နာရီ 🍀

ဒီချိန်ကတော့ Skin ကို သန့်ရှင်းရေးလုပ်လို့အကောင်းဆုံးအချိန်ပါပဲ …. ။ ဒီလိုချိန်မှာဆို ရေခဲဝတ်လေးနဲ့ မျက်နှာအသားရေကို Cleansing လုပ်ပေးတာက အရေပြားတွင်းမှာရှိတဲ့ Dead Cells တွေကို
ဖယ်ရှားပေးနိုင်ပါတယ် ။ ခုလို Stay Home ချိန်ကတော့ အကောင်းဆုံးအချိန်ပါပဲ …. ။

🍀 မနက် ၈ နာရီ မှ ၁၂:၀၀ နာရီ 🍀

Skincare Treatments တွေ ပြုလုပ်ဖို့ အကောင်းဆုံးချိန်က ဒီချိန်လေးတွေပါ ….. ။ Organism’s Metabolism တွေက အရမ်းတွေ Active ဖြစ်နေတဲ့ချိန်မို့ ကိုယ်လုပ်လိုက်တဲ့ Skincare Treatments တွေက ပိုပြီးထိရောက်ပါတယ် ။

🍀 နေ့လည် ၁နာရီ မှ ၃ နာရီ 🍀

ဒီချိန်လေးကတော့ အသားရေရဲ့ စုပ်ယူုနိင်တဲ့ လုပ်ဆောင်ချက်တွေက Sluggish (နှေးကွေး) တာကြောင့် ဒီလိုချိန်မျိုးမှာ ဘာ Skincare မှ မသုံးတာက အကောင်းဆုံးပါပဲနော် ….. ။

🍀 ၄း၀၀ နာရီ မှ ၅း၀၀ နာရီ 🍀

ဒီချိန်မှာ ခန္ဒာကိုယ်က ပုံစံပြန်ကျလာပြီပဲ ဖြစ်ပါတယ် ။ ဒီလိုချိန်လေးတွေမှာ အားကစားတမျိုးမျိုးလိုက်စားတာ၊ ပြေးခြင်း၊ ရေကူးခြင်း၊ ချွေးထုတ်ခန်း ဝင်ခြင်း နှင့် ပြေးတာမျိုးတွေ လုပ်နိုင်ပါတယ် ။

🍀 ည ၆း၀၀ နာရီ မှ ၈း၀၀ နာရီ 🍀

မျက်နှာကို Cleansing လုပ်တာ ၊ Exfoliation လုပ်တာမျိုးတွေ၊ Masks ကပ်တာမျိုးတွေလုပ်နိုင်ပါတယ် ။ ရေနွေးလေးနှင့် ရေချိုးခြင်း၊ ရေနွေးငွေ့ နှင့် Facial Treatment ခံယူခြင်းကလဲ အဆိပ်အတောက်များကို လျော့နည်းစေပြီး ကျန်းမာစွာ အိပ်ပျော်စေနိုင်ပါတယ်။

🍀 ည ၁၀ နာရီ မှ ၁၁း၀၀ နာရီ 🍀

🍀 တကယ်လို့ ည၁၀နာရီ မတိုင်ခင်ထိ Interference တွေကို လက်မခံတော့ပါဘူး။ ဒါကြောင့် ဒီချိန်မှာ Cream ကိုလိမ်းဖြစ်သွားတာဆိုရင် အရေပြားက မစုပ်ယူုနိင်တော့တဲ့ အတွက် မနက်ကျရင် ရောင်ရမ်းနေပါလိမ်ံမယ်နော် …… ။

ဒါကြောင့်ဒီချိန်ရောက်ရင် ဘာမှမလိမ်းပဲနဲ့ မနက်အိပ်ယာထမှ လိမ်းတာက အသားရေကို ပိုပြီးနုပျိုလန်းဆန်းစေပါတယ် 🍀

အားလုံးးပဲ ဒီအချိန်လေးတွေကအတိုင်း Skincare Care ဖြစ်ကြရဲ့လား……။ တကယ်လို့ မလုပ်ဖြစ်သေးဖူးဆိုရင် ဒီစာလေးကိုဖတ်ပြီးချိန်ကစပြီး Skncare Time လေးကိုသေချာ ဂရုစိုက်ကြရအောင်နော်

04/10/2021

ကိုယ်မှတ်မိတာ ကိုယ်ဝယ်တာလေ နော့် 😛😛

Just for fun 😉😉

Photo Crd:

24/09/2021

အသားအရေကောင်းအောင် ကျန်းမာတဲ့အသားအရေဖြစ်အောင် ဘယ်လိုနေထိုင်ကြမလဲ ... 😍😍😍

မြန်မာနိုင်ငံကမိန်းကလေးအများစုကအသားဖြူချင်ကြပါတယ်.
နေထိုင်မှုတွေ မှားယွင်းနေတော့အသားအရေက ညစ်သည်ထက်ညစ်လာတယ်.
အဲ့အတွက် ဘယ်လိုပြုမှုနေထိုင်ရမလဲဆိုတာလေး ပြောပေးပါမယ်ရှင်... 😻

💧ရေ များများသောက်ပါ 💧
ခန္ဓာကိုယ်တွင်းမှာ ရှိတဲ့ ရေဓာတ် မလုံလောက်တဲ့အခါ အသားအရေ က အရင်ကထက် ပိုပြီး ညစ်ထေးထေး ဖြစ်လာတတ်ပါတယ်
အဲ့အတွက် ရေအများကြီးသောက်ပါပိန်ချင်တဲ့ သူတွေကလည်း အစာမစားခက်နာရီဝက်အလိုမှာရေအဝသောက်ပြီးမှအစာစားပါပိန်လာပါမယ်

🌞နေလောင်ကာခရင် လိမ်းပါ 🌞
မြန်မာနိုင်ငံ ရဲ့ ဒေသအများစု က နေတကယ်ပူပါတယ်
အဲ့အတွက် အပြင်ထွက်တိုင်း နေလောင်ကာခရင် လိမ်းပေးပါ
ခန္ဓာကိုယ်အတွက်ရော မျက်နှာအတွက်ပါ လိမ်းပေးရမယ်နော် 😍

🚴🏻‍♀️ ချွေး ထွက်အောင်နေပါ 🚴🏻
လေ့ကျင့်ခန်း လုပ်တာ, spa သွားပြီး ချွေးထုတ်တာတို့ကို တစ်ပတ် တစ်ကြိမ်လောက် လုပ်ကြည့်ပါ ချွေး ထွက်ရင်သိသိသာသာအသားကြည်လာလိမ့်မယ် 😎

✨Scrub တွေ သုံးပါ ✨
ခန္ဓာကိုယ်အတွက် ဆိုရင် body scrub,
မျက်နှာအတွက်ဆိုရင် facial scrub တွေ ပုံမှန် သုံးပေးဖို့ လိုပါတယ်. ဒါကလည်း တစ်ပတ်ကိုတစ်ခါ သုံးရမှာမှာပါ 🤠

💆အသားရေကိုပေါင်းတင်ပါ 💆
အသားရေပေါင်းတင်ပေးခြင်းဖြင့်ခန္ဓာကိုယ်ရဲ့ကြမ်းတမ်းနေတဲ့အသားရေတွေကပြန်လည်နူးညံ့လာမှာပါ
အခုဆိုရင် Body maskတွေထုတ်လာတဲ့အတွက်အိမ်မှာမိမိကိုယ်တိုင်လဲပေါင်းတင်လို့ရပါပီ
ပေါင်းတင်တာကိုတော့တစ်ပတ်
၂ကြိမ်ကနေ၃ကြိမ်ထိလုပ်လို့ရပါတယ်🤗

🌸 Detox လုပ်ပါ 🌸
အလွယ်ကူဆုံးပြောရရင် အဆိပ်ထုတ်ပါပေါ့.
နေ့စဉ်စားသောက်နေတဲ့ အရာတိုင်းမှာ အဆိပ်အတောက်တွေ ရှိနေပါတယ်
အဲ့အတွက် detox water လေး သောက်ပေးပါ detox water = အသီးအရွက်တွေ စိမ်ထားသော ရေ (အသေးစိတ်ကို internet ပေါ်တွင်ဖတ်ရှုပါ)😝

🙏🏻 ဘုရားသွားပါ 🙏🏻
ကိုယ့်ဘာသာနှင့် ကိုယ် ကိုယ်တိုင်ယုံကြည်ကိုးကွယ်သော နေရာကို တစ်ပတ်တစ်ခါသွားပါ
စိတ်ရှင်းမှ ကျန်းမာမှာ ကျန်းမာမှ အသားအရေ ကောင်းမှာနော်🙏🏻

💋 Skincare ပုံမှန် လုပ်ပါ 💋
နေ့စဉ် မိတ်ကပ်ဖျက်ဆေးနဲ့ ဖျက်ပြီးမှ အိပ်
သေချာ အသားအရည်အတွက် တကယ်ကောင်းမယ့် ပစ္စည်းလေးတွေကို ပုံမှန် သုံးပေးပါ. အသားအရေ သိသိသာသာကြည်လာပါလိမ့်မယ်

😻Sheet mask လေးတွေ ကပ်ပေးပါ 😻
Sheet Mask လေးတွေ က ချက်ချင်းအသားကို ဖြူအောင် လုပ်ပေးနိုင်ပါတယ်
သူ့အာနိသင်က ၃ရက်လောက်ထိခံတာဖြစ်လို့ အသားခြောက်သူဆိုရင်တစ်ပတ်နှစ်ခါ
အဆီပြန်သူဆိုရင်တစ်ပတ်တစ်ခါလောက်ကပ်ပေးသင့်ပါတယ်👩🏼

ဒီအချက် (၉) ချက်ကို သေချာ လုပ်ပေးမယ်ဆိုရင် အသားအရေ သိသိသာသာ ဖြူပြီး ကြည်လာမှာပါ. 😼နေ့စဉ်အသားအရေကို ဂရုစိုက်ခြင်းဖြင့် ကျန်းမာပျော်ရွှင်တဲ့ ခန္ဓာကိုယ်လေး ပိုင်ဆိုင်ကြပါစေရှင့် 💖

knowledgesharingwithlove

15/09/2021

စျေးက ဆက်ရောင်းရမှာလား ?? မရောင်းရဘူးလား ??

မင်မင်တို့ team တစ်ခုလုံးစိတ်ညစ် 🙃

ပါ