13/07/2023
Social ကောင်းဖို့ တွေ့သမျှ လူ၊ အတင်း ဝင်လုံးစရာ မလိုဘူး။
အနေအထားရှိ၊ ရာထူးရှိ၊ ငွေ ရှိတဲ့ လူ၊ နာမည် ကြီးတဲ့ လူတွေကို၊ အတင်း လိုက်ကပ်နေစရာ မလိုဘူး။
တကယ့် Social ကောင်းတဲ့ သူတွေက၊ သူတို့ ပင်ကို Talent နဲ့ကို လူရာဝင် နေတာ။
သူတို့ ပြုလုပ်တဲ့ အပြုအမူ၊ သူတို့ ပြောဆိုတဲ့ စကား၊
သူတို့ ရင်ထဲက၊ စိတ်ကိုက လူတွေ လက်ခံချင်စရာ၊
လူတွေ ယုံကြည်ချင်စရာ၊ ချစ်ခင်ချင်စရာ ကောင်းနေတာ။
သူတို့မှာ လုပ်ယူထားတာ နည်းတယ်။
ဟန်ဆောင်ထားတာ နည်းတယ်။
ပင်ကို အရည်အသွေး ကိုက လူချစ်လူခင် များနေတာဖြစ်တယ်။
အရည်အချင်းတွေ ရှိလို့သာ နေရာတစ်ခုမှာ နာမည်ရနေတာ ဖြစ်တယ်။
အရည်အချင်း ရှိလို့သာ၊ လူချစ်လူခင် များနေတာဖြစ်တယ်
များများစားစား ဟန်ဆောင် လုပ်ယူထားတာမျိုး၊ မရှိလို့သာ လူတွေက ကြာရှည် လက်ခံထားကြတာ။
ဒါပေမယ့် လူမှုရေး ကျယ်ပြန့်ဖို့၊
ငါ့မှာ မိတ်ဆွေ အများကြီး ရှိတယ် ဆိုတာ ပြဖို့၊
လိုအပ်ရင် ဝိတ်သုံးဖို့ ဟန်ဆောင်မှုတွေနဲ့ အလျော်အစား လုပ်ပြီး အတင်း ဝင်ရောနေရင်
သူကသာ မသိတာ၊ လူတွေက သိတယ်။
Cele တွေနဲ့ ရောတယ်၊
သူဌေး ဆိုရင် ပြေးကပ်တယ်၊
သူဌေးတွေရဲ့ Comment တိုင်းကို အသဲ ❤️ လိုက်ပေးတယ်၊ 😆
နာမည်ကြီး တွေ့ရင်၊ ပြေးကြိုတယ်။
ဓာတ်ပုံထဲ သူပါအောင် ဝင်ရိုက်တယ်၊
တစ်နိုင်ငံလုံးက သူဌေးတွေက၊ သူ့သူငယ်ချင်းတွေ၊
တစ်နိုင်ငံလုံးက ဆယ်လီတွေ သူသိတယ်၊
တစ်လောကလုံးကို သူသိတယ်လို့ ပြောနိုင်အောင် မမောနိုင် မပန်းနိုင် ကြိုးစားရတာ။
သူကသာ မသိတာ လူတွေက သိတယ်။
ဒီလူ ဒီအသိုင်းအဝိုင်းထဲကို ဘာကြောင့်ရောက်လာသလဲ ဆိုတာ လူမှုရေးပါးဝနေတဲ့ လူတွေက သိတယ်။
သူတို့ အချင်းချင်း တွေ့ရင် ဒီလူ ငါတို့ကိုလာရောနေတယ် သတိထားလို့ Information ပေးကြတာ။ ဒါကို သူက မသိရှာဘူး။
ဒါ့ကြောင့် ရှက်ကြစမ်းပါ။
လုပ်ယူလို့ မရတဲ့ တချို့အရာတွေကို အတင်း လုပ်ယူနေကြတာ။
ကိုယ်ပိုင် အရည်အချင်းနဲ့သာ၊ ကိုယ့်ပတ်ဝန်းကျင်ကို၊ ကိုယ်နဲ့ တန်သလောက် တည်ဆောက်
ကြစမ်းပါ။
ဒါကြောင့် ဘယ်သူ့ကိုမှ မဖားဘူး၊ ဖားစရာ မလိုအောင် ကိုယ်အထာနဲ့ကိုယ် နေနိုင်တယ်။
အဲ့လို နေနိုင်အောင် ပြိုင်ကြစမ်းပါ ကိုယ့်လူ။
ကိုယ့်ဘဝရှင်သန်ဖို့ လူအများကြီး မလိုအပ်ဘူး။
လူရင်း မိတ်ဆွေရင်း အနည်းစုနဲ့ဆို လုံလောက်ပြီ။
- မူရင်း ရေးသားသူ စာသားပိုင်ရှင်အား ကျေးဇူးတင်၊ လေးစားစွာဖြင့် Credit ပေးပါသည်။
မိတ်ဆွေရဲ့ ဘဝအရေး၊ မိသားစုရေး၊ အိမ်ထောင်ရေး၊ လုပ်ငန်းနဲ့ Relationship များ ယခုထက် ပိုပြီး အဆပေါင်း များစွာ အောင်မြင်၊ ပျော်ရွှင်၊ ငြိမ်းချမ်းပါစေ။
:
