19/07/2025
#နှစ်ပေါင်း ( ၂၀ ) နီးပါး
Migraine ( ခေါင်းတခြမ်းကိုက် ဝေဒနာ )
ခံစားခဲ့ဖူးသော အတွေ့အကြုံကို အခြေခံပြီး
ဤစာကို မေတ္တာ စေတနာ အရင်းခံ၍ ရေးသားပါသည်။
👧🏻 ကျမ ဟာ ငယ်စဥ် ကလေးဘဝမှာ
ဝမ်းနည်းလွယ် , အားငယ်လွယ်တဲ့
စိတ်ဓါတ်ခွန်အား မရှိသော
ခလေးလေး အဖြစ်ကြီးပြင်းလာခဲ့ပြီး
👱♀️ အရွယ်ရောက်လာတဲ့ အခါမှာတော့
ဝမ်းနည်းလွယ် , အားငယ်လွယ်တဲ့
စိတ်ဓါတ်ခွန်အား မရှိသော
မိန်းခလေး အဖြစ် ဆက်လက်ကြီးပြင်းလာခဲ့ပါတယ်။
#ပင်ကိုယ်ဗီဇကတည်းက ဝမ်းနည်းလွယ်ခဲ့တဲ့
ကျမဟာ အသက် ( ၂၂ နှစ် ) အရွယ်မှာ
လောကဓံတစ်ခုကို ကြုံတွေ့ခဲ့ရပြီး
အရွယ်ငယ်ချိန် စိတ်မဖြေတတ်လေသောကြောင့်
ထမင်းမစား, ဟင်းမစားနိုင်ပဲ ငိုခဲ့ပါတယ်။
မိခင်တိုက်သော နွားနို့တစ်ခွက်ပင်
အားတင်းပြီး ကုန်အောင် မသောက်နိုင်ခဲ့ပါ။
ညဆိုလျှင်လည်း
ညဥ့်နက်သည်အထိ အိပ်မပျော်တော့ဘဲ
၃ နာရီ ၄ နာရီလောက်မှသာ အိပ်ပျော်ပါတယ်။
၂ ပတ်ခန့်ကြာတဲ့အခါမှာတော့
မခံမရပ်နိုင်အောင် ခေါင်းတခြမ်း စ ကိုက်ပါလေတော့တယ်။
( ဘဝမှာ ပထမဆုံးအကြိမ် စ ကိုက်ဖူးခြင်းပါ။ )
#ထိုစဥ်က ဆေးပညာ ဗဟုသုတ မရှိ
လ နဲ့ ချီပြီး ခေါင်းတခြမ်းကိုက် ကိုက်နေသည်ကိုပင်
ဦးနှောက်နဲ့ အာရုံကြော ဖြစ်သည်ဟု မသိဘဲ
#သာမာန် ခေါင်းကိုက်သည်ဟု ထင်ကာ
ဟိုဆေးလေး ဝယ်သောက်, ဒီဆေးလေး ဝယ်သောက်ဖြင့်
ကုခဲ့သော်လည်း မသက်သာခဲ့ပါ။
#ဒီလိုနဲ့ ကြာလာတဲ့အခါမှာတော့
ရောဂါက ပိုပိုဆိုးလာခဲ့ပါတော့တယ်။
တစ်နေ့ကျတော့ ကျမ ရုပ်ပျက်ဆင်းပျက်
ခေါင်းတွေကိုက်နေတာကို မြင်ရတဲ့
🙏 အတွေ့အကြုံရှိသူ တစ်ယောက်က
" နင် ဦးနှောက်နဲ့ အာရုံကြော ရောဂါ ဖြစ်နေတာထင်တယ်
ဦးနှောက်နဲ့ အာရုံကြော ဆရာဝန် ပြကြည့်ပါလား " လို့
ပြောပါတယ်။
#ဘဝမှာ ပထမဦးဆုံး ကြားခဲ့ဖူးတဲ့
ဆေးပညာနဲ့ ပတ်သတ်တဲ့ ဗဟုသုတ စကားလေးပါ။
ဒီလိုနဲ့ပဲ #ဦးနှောက်နဲ့ အာရုံကြော
🙏 အထူးကု ဆရာဝန်ကြီး ဒေါ်မိမိချိုထံပြပြီး
ဆေးတွေစစ်ရကာ ဘဝမှာ
ပထမဦးဆုံး ဝေဒနာသည်အဖြစ်
၂ နှစ်ဆက်တိုက် ဆေး စ သောက်ရပါတော့တယ်။
ဒီလိုနဲ့ပဲ သက်သာလာတော့
ဆေးစွဲ မသောက်ချင်တာကြောင့်
ဆရာဝန်ဆီ မသွားတော့ဘဲ
ကိုယ့်သဘောနဲ့ ကိုယ် ကျမ ဆေးဖြတ်လိုက်ပါတယ်။
တစ်နေ့ ကျမ အသက် ( ၂၆ နှစ် ) မှာ
မှတ်မှတ်ရရ သင်္ကြန်တွင်းမှာ
လှေကားပေါ်ကအဆင်း
ရုတ်တရက် ကမ္ဘာကြီး အမှောင်ကျသွားပါတယ်။
ထိုစဉ်က အစ်မဖြစ်သူကို
" မမကြီး ညီမလေးကို ကယ်ပါဦး
မျက်စိက ဘာမှ မမြင်တော့ဘူး " ဆိုပြီး
အစ်မလုပ်သူက ကုန်းပိုးဆင်းခဲ့ရပါတယ်။
၂ ပတ်တိတိ မျက်စိက ဘာမှ မမြင်ရတော့ဘဲ
လင်းသည်ဟု သိ, မှောင်သည်ဟု သိ
ဆိုတဲ့ အသိပဲနဲ့ နေခဲ့ရတော့
မျက်စိကွယ်သွားပြီ ထင်ပြီး
စိတ်ဓါတ် အတော် ကျခဲ့ဖူးပါတယ်။
နောက်တော့မှ
ဦးနှောက်နဲ့ အာရုံကြော
🙏 အထူးကု ဆရာဝန်ကြီး ဦးစောဆိုင်မွန်သာ ကုပေးလို့
မျက်စိပြန်မြင်ခွင့် ရခဲ့ပါတယ်။
ဒီလိုနဲ့ပဲ ဆေးတွေ ပြန်ဖြတ်ခဲ့ ပြန်ပါတယ်။
၃၂ နှစ်အရွယ်မှာ ရောဂါ ပြန်ဆိုးလာလို့
ဆရာဝန် ပြန်ပြရပြန်ပါတယ်။
အိမ်ပြန်လာတော့
ပါလာတဲ့ ဆေးထုပ်ကြီးက
ကျွတ်ကျွတ်အိတ်ကြီးနဲ့ တစ်ထုပ်ပါ။
ခေါင်းကိုက်ရောဂါ ပျောက်ဖို့
ဆေးသောက်ရန် ဆေးထုပ်ကို ဖွင့်တာနဲ့တင်
ဆေးပေါင်းများစွာရဲ့ အနံ့ကြောင့်
ခေါင်းပို ကိုက်ရပါတယ်။
ကျမ ၂၂ နှစ်အရွယ်ကနေ
၃၂ နှစ်အရွယ်အထိ ရောဂါ ဖြစ်ခဲ့တဲ့
၁၀ နှစ်တာ ကာလအတွင်း
အခြေ အနေတွေကို ကျမ ပြန်သုံးသပ်ပါတော့တယ်။
🌟 ဘာ့ကြောင့် ငါ ရောဂါ ဖြစ်ခဲ့လဲ ?
🌟 ဘယ်လို အခြေအနေမျိုးမှာ ငါ ခေါင်းကိုက်တတ်လဲ ?
🌟 ဘယ်လို အခြေအနေမျိုးမှာ ငါ ခေါင်းမကိုက်ဘူးလဲ
🌟 ဘယ်လို အခြေအနေမျိုးမှာ ငါ ရောဂါ ပြန်ထလဲ?
Okay
💡ကျမ အဖြေရှာတွေ့ သွားခဲ့ပါပြီ။
🌝 ကျ ဆုံးဖြတ်ချက် ချလိုက်တယ်။
#ဈေးကြီးပေးဝယ်ခဲ့ရတဲ့ ၃ လစာ ဆေးထုပ်ကြီးကို
အိမ်သားတွေကိုနှမြောပြီး ပြန်မကောက်ဖို့ သေချာမှာပြီး
အမှိုက်ပုံးပဲ ပစ်ထည့်လိုက်ပါတော့တယ်။
ထိုစဉ်မှစ၍ ကနေ့ထက်တိုင်
ကျမ ဆေးစွဲ မသောက်တော့ပါ။
ဒါကြောင့်မို့ ဆောင်ရန်, ရှောင်ရန်လေးတွေ
ကျမ ဆက်ရေးပေးပါမယ်။
#ကံ
*******
#သူတစ်ပါး၏ ခေါင်းအား မခေါက်ပါနှင့်။
သူတစ်ပါး ခေါင်းကိုက်စေလောက်အောင်
နာကျင် ခံပြင်းစေသော စကားများ မပြောပါနှင့်။
ငါး စသော သတ္တဝါများအား ခေါင်းမထုပါနှင့်။
သူတစ်ပါးက ထုတာမြင်ရင်လည်း ဝမ်းမမြောက်ပါနှင့်။
#ခေါင်းကိုက်စေမည့် ကံအား မဖန်တီးပါနှင့်။
#အတိတ်က ကံပါလာခဲ့လျှင်လည်း
ထိုကံအား ကုစားပေးနိုင်ရန်
ဆေးများများလှူ၍ သစ္စာဆိုပေးပါ။
♦️ #စိတ်
*********
#အထူးသဖြင့် စိတ်ဆင်းရဲ မခံပါနှင့်။
မငိုပါနှင့်။ ငိုခဲ့လျှင်လည်း အကြာကြီး မငိုပါနှင့်။
ဒေါသမဖြစ်ပါနှင့်။
စိတ်သောကဖြစ်စရာ ကြုံလျှင် ခေါင်းကိုက်တတ်ပါသည်။
#စိတ်ညစ်ခဲ့လျှင် အချိန်မကြာအောင် ကုစားပါ။
🙏 ဘုရားရှိခိုးပါ။
🙏 ပုတီးစိပ်ပါ။
🙏 မေတ္တာပွားပါ။
🙏 တရားနာပါ။
🙏 တရားမှတ်ပါ။
♦️ #ဥတု
********
#ဦးခေါင်းအား အအေးမခံပါနှင့်။
ဦးခေါင်း မအေးပါစေနှင့်။
အေးလျှင် မာဖလာလေး အုပ်ထား၍ နွေးနေပါစေ။
#နေပူရှိန် ပြင်းပြင်းလည်း
ဦးခေါင်းပေါ်သို့ တိုက်ရိုက် မကျပါစေနှင့်။
နေပူထဲသွားလျှင် ထီးဆောင်းပါ။
♦️ #အာဟာရ
*************
#မိမိနှင့် မတည့်သော အစားအသောက်များ ရှောင်ပါ။
#ချိုလွန်း, ငံလွန်း, အီလွန်းသော အစားအသောက်များ
တက်စာများ ရှောင်ပါ။
#ဝမ်းမချုပ်ပါစေနှင့်။
#အနည်းဆုံး တစ်နေ့တစ်ခါ ဝမ်းသွားပါစေ။
#ဝမ်းနူးစာများ, အချဥ်ဟင်းလေးများ စားပါ။
အသီးအရွက်ကြော်, အသီးအရွက်ဟင်းများ စားပါ။
#အသီးအနှံ များများစားပါ။
အချဥ်ဓါတ်ပါသော အသီးအနှံများ ဆောင်ထားပါ။
ခေါင်းကိုက်လာလျှင် စားပါ။
#အစာကို အချိန်မှန်စားပါ။
အဆာလွန်လျှင် ခေါင်းကိုက်တတ်ပါသည်။
အဆာ မခံပါနှင့်။
အပြင်သွားလျှင် ထမင်းဗူးလေး အမြဲ ထည့်သွားပါ။
#ရေသောက် မနည်းပါနှင့်။
တစ်နေ့ကို အနည်းဆုံး ရေ ၂ လီတာ သောက်ပါ။
♦️ #နှိပ်ပါ
*********
#ခေါင်းကိုက်လာလျှင်
နှိပ်ရမည့် နေရာများကို ပုံများနှင့်ပြပေးထားပါသည်။
#ခါးမှစ၍ တင်ပါး တစ်ခုလုံး နှိပ်ပါ။
အကြောတင်းနေသော နေရာများကို နှိပ်ပေးပါ။
ခေါင်းကိုက်ချိန်မှာ နှိပ်လျှင်
သက်သာသော နေရာများကို မှတ်ထား၍
ခေါင်းကိုက်တဲ့အခါ ထိုနေရာများကို နှိပ်ပေးပါ။
♦️ #အခြား
**********
#အိပ်ရေးပျက် မခံပါနှင့်။
စောစောအိပ် စောစောထပါ။
ပင်ပန်းလျှင် နေ့ခင်းဖက် ခဏအိပ်ပေးပါ။
#အလွန်အကျွံလည်း မအိပ်ပါနှင့်။
အလွန်အကျွံလည်း အိပ်လျှင်လည်း ခေါက်းကိုက်တတ်ပါသည်။
#စဥ်းစားတာတွေများလို့ ခေါင်းကိုက်လာလျှင်
တွေးတာတွေ ခဏရပ်လိုက်ပါ။
#အလင်းစူးစူးများ မကြည့်ပါနှင့်။
အကြာကြီး ကားမမောင်းပါနှင့်။
#တစ်စုံတစ်ခုကို အာရုံအကြာကြီး စိုက်ခြင်းမျိုးရှောင်ပါ။
ဖုန်းအကြာကြီး မသုံးပါနှင့်။
#သူများ မကောင်းကြောင်းတွေ
ခေါင်းကိုက်ခံ, ခေါင်းလေးခံပြီး မထည့်ပါနှင့်။
♦️ #အရေးပေါ်
**************
#ရှောင်ရမယ့် အရာတွေကို
အကြောင်းအမျိုးမျိုးကြောင့် မရှောင်မိလို့
ခေါင်းကိုက်ခဲ့လျှင် နှိပ်ပေးပါ။
အတွေးများ ရပ်ပေးပါ။
အနားယူပါ။
#ထိုသို့လုပ်မှ မသက်သာလျှင်တော့
ဆရာဝန်ပေးတဲ့ အရေးပေါ်ဆေးလေးသောက်ပြီး
အိပ်လိုက်ပါ။ သက်သာပါလိမ့်မည်။
ဒီလောက်ဆိုလျှင်လုံလောက်ပါပြီ။
#ကျမ အတွေ့အကြုံတွေကို ရေးတဲ့စာအပြင်
ဆရာဝန်များ ရေးထားတဲ့ စာတွေကိုပါ ဖတ်လို့ရအောင်
ပုံတွေ အောက်မှာ ရေးထားပေးပါတယ်ရှင်။
♥️ အားလုံးပဲ ခေါင်းကိုက် ဝေဒနာများ ကင်းကြပါစေ။
♥️ အနာရောဂါများ ကင်းကြပါစေ။
Bago Daw Htwe Yee ပဲခူး ဒေါ်ထွေးရီ
#ကျန်းမာရေးဗဟုသုတရ
yyo
Credit to original writer.
