01/04/2026
လူတစ်ယောက်ကို ချစ်ရတာ လွယ်တယ်။
လွယ်ရတဲ့အကြောင်းရင်းက
ရင်ထဲက ဖြစ်ပေါ်လာတဲ့ ယုံကြည်မှု၊ သဒ္ဓါတရားကြောင့်ဖြစ်တယ်။
ရင်ထဲက သဒ္ဓါတရားဟာ အဲဒီလူကို
နှစ်လိုစိတ်၊ ချစ်စိတ်တွေ ဖြစ်ပေါ်လာစေတာဖြစ်တယ်။
ဒါပေမဲ့ လူတစ်ယောက်ကို နားလည်ဖို့ကျတော့
ရှည်လျားတဲ့ကာလ၊ နွေးထွေးမှု၊ စိတ်ရှည်သည်းခံမှု လိုတယ်။
အရင်တုန်းက အချစ်ဆိုတာ
တစ်ဖက်သားကို ကိုယ့်ဆီက အကောင်းဆုံးတွေ ပေးလိုက်ခြင်းလို့ ထင်ခဲ့တယ်။
နောက်ကျမှ သဘောပေါက်နားလည်လာတာက
ကိုယ်ကောင်းတယ် ထင်တိုင်း
တစ်ဖက်သားအတွက် ကောင်းချင်မှကောင်းမယ်ဆိုတာပါ။
သူလိုချင်တဲ့အရာက အဖိုးတန်ရှားပါးတဲ့လက်ဆောင် မဟုတ်ဘူး။
သူလိုချင်တာက သူနဲ့အတူ အိပ်ရေးပျက်ခံတဲ့သူ၊
သူနဲ့အတူ အိပ်ရာနိုးထတဲ့သူ၊
သူနဲ့အတူ ကောင်းခြင်း ဆိုးခြင်းတွေကို မျှဝေတဲ့သူ၊
ပြီးတော့ ဆင်းရဲဒုက္ခ အခက်အခဲတွေကို အတူရင်ဆိုင် ကျော်ဖြတ်သူပေါ့။
စစ်မှန်တဲ့ သံယောဇဉ်က
ပစ္စည်းဥစ္စာနဲ့ တိုင်းတာတာ မဟုတ်ပါဘူး။
ရိုးရှင်းတဲ့ သာမန်နေ့ရက်တွေမှာ
တစ်ဖက်သားကို စိတ်ရှည်သည်းခံမှု၊
အားပေးဖေးမ ကူညီမှုတွေကို
ကိုယ်ပေးနိုင်ခဲ့ပြီလားဆိုတာနဲ့ တိုင်းတာပါတယ်။
စိတ်ပညာရှင်တွေက ပြောတယ်...
သင့်ကို နားလည်တဲ့သူက
သင်လိုအပ်တဲ့ပုံစံနဲ့ သင့်ကိုချစ်တယ်။
သင့်ကို နားမလည်တဲ့သူက
သူလိုအပ်တဲ့ပုံစံနဲ့ သင့်ကိုချစ်တယ်တဲ့...
သက်သောင့်သက်သာရှိတဲ့ သံယောဇဉ်ဆိုတာ
လူတစ်ယောက်ရဲ့ရှေ့မှာ
ကိုယ်ဟာ ကိုယ့်ဖြစ်တည်မှုအတိုင်း
ရှင်သန်နိုင်ခွင့် ရခြင်းပါပဲ။
ကိုယ့်ပုံစံကြောင့် တစ်ဖက်လူ ကြောက်လန့်သွားမှာကို
စိုးရိမ်ပူပန်စရာ မလိုဘူး။
တကယ့်သံယောဇဉ်ဆိုတာ
အချိန်ရဲ့စမ်းသပ်မှု၊ အဆုံးအဖြတ်ကို ခံနိုင်ပါတယ်။
ကိုယ့်ကို သူနားလည်တဲ့အတွက်
ကိုယ့်ရဲ့ ချို့ယွင်းချက်၊ အားသာချက် အားလုံးကို သူချစ်လို့ဖြစ်တယ်။
သံယောဇဉ်တိုင်းက အချစ်နဲ့ စတင်တာဖြစ်ပြီး
နောက်ပိုင်းမှာ တစ်ဖက်သားကို တဖြည်းဖြည်း
နားလည်နိုင်ဖို့ ကြိုးစားတာဖြစ်တယ်။
တစ်ဖက်သားရဲ့ ဝါသနာ၊ အကြိုက်၊
တစ်ဖက်သားရဲ့ အတွေးအခေါ်တွေကို
စနားလည်ရာကနေ ဒါတွေဟာ နှစ်ယောက်သားရဲ့အချစ်ကို ပိုခိုင်မာ၊ ပိုနွေးထွေးစေတာဖြစ်တယ်။
အချင်းချင်း ချစ်ကြိုက်ပြီး
အချင်းချင်း နားလည်မှုရှိမှ
ရှည်လျားတဲ့ ဘဝခရီးမှာ
ခရီးဆုံးထိ အတူလက်တွဲသွားနိုင်ဖို့
မျှော်လင့်ချက်ရှိမှာ ဖြစ်ပါတယ်။
(( စာဟောင်းတစ်ပုဒ် .. မျှဝေပါတယ် ))
💌
#နိုင်းနိုင်းစနေ
:
