03/02/2022
ဒီနေ့ မနက်ကတည်းက တောက်လျှောက် အလုပ် လုပ်လာရင်း အရမ်းပင်ပန်းနေတာနဲ့ ကော်ဖီတခွက်နဲ့ အပြင် ကို လှမ်းကြည့်မိတယ်။
လူတွေ က နေ့စဉ် ရှင်သန်ဖို့အတွက် ရုန်းကန် လှုပ်ရှားနေကြရတယ်။ တချို့မျက်နှာလေးတွေက ပျော်ရွှင်ဖွယ်၊တချို့တွေက ပင်ပင်ပန်းပန်းနေပူပူမှာ လှုပ်ရှားသွါးလာရလို့လားမသိ ညှိုးနေကြတယ်။ တချို့က လဲ ဘာတွေတွေးတောပြီး လမ်းလျှောက်မှန်းမသိ သူ့ခေါင်းထဲ အတွေးတခုခုတော့ရှိနေပုံပါပဲ။
ဘဝဆိုတာ တချို့အတွက်က ငွေတထောင်ကို ပင်ပင်ပန်းပန်းရှာနေရချိန် တနေ့ကို သိန်းဆယ်ရာချီ၊ထောင်ချီဝင်နေတဲ့ တချို့အတွက်ကတော့ ငွေတထောင်ဆိုတာ အမှုံအမွှားတခု လောက်သာ ဖြစ်လိမ့်မယ်။ ကံတရားကြောင့် အတိတ်ကံကြောင့်လို့ ကျမတို့ မြန်မာတွေက နှစ်သိမ့်ဖြေသိမ့်ရင်း လက်ရှိဘဝမှာပဲ တင်းတိမ်ရောင့်ရဲပြီး ပျော်အောင်နေကြတယ်။ ရတာကို တခဏတာအတွင်း သုံးဖြုန်းရင်း နောင်ခါလာနောင်ဈေးဆိုပြီး ပေါ့ပေါ့တန်တန် တွေပြီး နေကြသူတွေရှိကြတယ်။
ကျမအမြဲတမ်း မှတ်ထားတာတခု ရှိတယ်။ ဆင်းဆင်းရဲရဲမွေးလာတာ သင့်အပြစ်မဟုတ်ဘူး။ မိဘအပြစ်လဲမရှိဘူး။ ဆင်းဆင်းရဲရဲ သေသွါးရင်တော့ ဒါဟာ သင့်အပြစ်ဖြစ်သွါးပြီ ဆိုတဲ့ စကားတခု။
မိသားစု တခုတည်းမှာ မွေးဖွါးလာကြသူချင်းအတူတူ တယောက်ရဲ့ ကံနဲ့တယောက်မတူကြပြန်ဘူး။
ကျမဘဝကတော့ မိဘတွေ အပေါ်ကို တွန်းတင်ပေးလိုက်ပေမဲ့ အရာရာကို လွှတ်ချပြီး မြန်မာပြည်မှာ စီးပွါးရေးလုပ်မယ်ဆိုပြီးအတင်းဇွတ်ပြန်လာခဲ့ တာ။အိမ်ထောင်ကလဲ ကျနေပြီဆိုတော့လေ။ နောက်ပြီး ကိုယ့်အကို၊အမတဝမ်းကွဲတွေဆိုတာ မြန်မာပြည်မှာပဲ အောင်မြင်တဲ့ လုပ်ငန်းရှင်တွေဆိုတော့ ကိုယ်လဲ လုပ်ရင်ဖြစ်နိုင်ချေရှိမယ်ပေါ့ ။ အမြဲတမ်းဘာလုပ်လုပ် ငါလုပ်ရင်ဖြစ်တယ်လို့ ယုံကြည်မှုအပြည့်ရှိတော့ ရှိတဲ့ငွေအရင်းအနှီးနဲ့ စတိုးဆိုင်စဖွင့်ခဲ့တယ်။ အကျိုးမပေးဘူး။ အမြတ်မထွက်တဲ့အပြင် အရင်းပါပျောက်တာ။ အလုပ်မျိုးစုံ လုပ်တယ်။ စီးပွါးပျက်ချက်ဆိုတာ အကြွေး လည်ပင်းခိုက်နေပြီ။ ကလေးကရှိတော့ အကြီးလေးက မွေးကတည်းက ဆေးရုံ ၊ဆေးခန်း မလွတ်တမ်းပြရသူ ချူချာ တဲ့ကလေးဖြစ်တော့ ကုန်ပေါက်ဆိုတာ ။ ဘယ်လောက်ခေတ်ပညာတတ်တယ်ပဲပြောပြော နောက်ဆုံး ဗေဒင်ဆရာမျိုး စုံတွေနဲ့ အဖြေရှာရတာပဲ။ အလုပ်လုပ်နေရက်နဲ့ကို ငွေ လက်ထဲရှိမယ်ဆို ကုန်ပေါက်တခုမဟုတ်၊တခု ပေါ်ပြီး စုထားသမျှ ထွက်ရော၊ စီးပွါးကလဲ အဆင်မပြေ ၊တနှစ်မပြည့်ဘူး နောက်တလုပ်ပြောင်းရနဲ့။ စိတ်သောကတွေဆိုတာ အရူးတယောက်လိုပဲ ချွတ်ခြုံကျလို့ ၊ အပြင်မှာကျမ သူငယ်ချင်းမိတ်ဆွေတွေ တွေ့ရင်တောင် အတွေ့မခံရဲဘူး။ ဒါလားနိုင်ငံခြားမှာ ပညာသင်၊အလုပ်လုပ်ပြီးပြန်လာတာ လူရုပ်မပေါ်ဘူး လို့ ဝိုင်းလှောင် အတင်းပြောခံရမှာမို့ ကျမလဲ လူသားပေမဲ့ရှက်တတ်တာပဲ ဘယ်သူငယ်ချင်းကိုမှ မဆက်သွယ်ပဲ ဘဝကို ဖြတ်သန်းခဲ့တာ။ အိမ်ထောင်သည်ဖြစ်လာတဲ့အတွက် နှစ်ဦးလုံးရဲ့ ကံဇာတာ သည် အိမ်ထောင်တခုအတက်အကျ ပေါ်အကျိုးသွါးသက်ရောက်တယ်။
ဘဝဆိုတာ တယောက်တည်းနေရင်တယောက်တည်းရဲ့ကံပဲ။ နှစ်ဦးပေါင်းလိုက်ရင် တယောက်နဲ့တယောက် အကျိုးပေး ဘက်မျှနေမှ လို့ ကျမထင်တယ်။ ကိုယ့်ဦးနှောက်သေးသေးလေးနဲ့တွေးကြည့်တာပါ။ မှားချင်လဲမှားမယ်ပေါ့။
တခါတလေ ကျမ တွေးမိတာတခု ရှိတယ်။ ကျမတို့ လူမျိုးတွေက ရောင့်ရဲ တင်းတိမ်တက်ကြတယ်။ ဘဝတလျှောက်လုံး အဆင်ပြေပြေ လုပ်သမျှ ချောမွေ့ပြီး ငွေကြေးပူပင်စရာ မရှိတဲ့သူဆိုတာ အရေအတွက်နည်းပါတယ်။ ပုံမှန်ဘဝလေးမှာ ရှင်သန်ပျော်မွေ့ရင်းအရိုးထုတ်သွါးကြတာလဲရှိကြမယ်။ သူတို့တွေက အတိတ်ကပေးသလောက်ပေါ့ဆိုပြီး ပိုပြီး ကြိုးစားအားမထုတ်ကြဘူး။ ကျမအမျိုးသားဆိုရင်လဲ ဘဝကို အေးအေးဆေးဆေးဖြတ်သန်းချင်တဲ့သူ ငွေက ထိုက်သလောက်ရမှာပေါ့ဆိုပြီး နှစ်ယောက်အမြဲ ငြင်းရတယ်။ ဗေဒင် ယတြာ မယုံဘူး။ ကျမသည် ကျမ ဘုရားစတင်ပင့်ဆောင်ခဲ့သည့်အချိန်မှ စပြီး ဘဝအဆင့်အတန်း တစတစ မြင့်တက်လာခဲ့တယ်။ စိတ်ချမ်းသာရတယ်၊ငွေအတွက် ပူပင်စရာမလိုအောင် မနက်နိုးထ နိုင်ခဲ့တယ်။ အရမ်းချမ်းသာ နေလို့တော့မဟုတ်ဘူး။အရင်လို ငွေကို တရာသုံးဖို့ ချင့်ချိန်နေရတဲ့ဘဝ မဟုတ်လို့။ ကျမ စိတ်ရှိတိုင်း လှူနိုင်ချင်တဲ့ ဘဝတခု အနေအထားတခုမှာနေရတာကိုက စိတ်ကျေနပ်မှုပါ။ တချိန်ချိန်မှာ ချမ်းသာကြွယ်ဝမှုတွေ ရမယ်လို့ကို ယုံကြည်တယ်။ ကျမ အကိုတွေ ၊အမတွေ ၊အမျိုးတွေ ဘယ်လောက်ချမ်းသာ ချမ်းသာ ကျမ ချမ်းသာခြင်းမဟုတ်သလို ယနေ့ထိ ကျမ ရပ်တည်မှုက ဘုရားရှင်အပေါ်ယုံကြည်ပြီး ကိုယ့်စွမ်းကိုယ်စနဲ့ ကြိုးစား လာခဲ့ရတာပါ။ ကျမဘဝ ကျမ တည်ဆောက်ခဲ့ရတာပါ။ ဘယ်အမျိုးဆီကမှ ကျမ ငွေကြေးအထောက်အပံ့ မယူခဲ့တာ ကျမ အတ္တ ကျမ မာနကြောင့်ပါ။ ကျမယောကျာ်းဆီကတောင် ကျမ အထောက်အပံ့ မယူခဲ့ပါဘူး။ ကျမက မာန တအားကြီးလို့ တချိန်ချိန် အောင်မြင်ခဲ့ရင် ငါကူညီခဲ့လို့ ငါ လုပ်ပေးခဲ့လို့ပါဆိုပြီး ဘယ်သူ့ဆီကမှ အသံမကြားချင်လို့ကို တယောက်တည်း ကြိုးစားခဲ့ရတာတွေပါ။
ကျမ လို ဘဝတူတွေ ရှိရင် အားမငယ်ပါနဲ့။ အဆင်မပြေမှုဆိုတာ ဆေးမသိသေးရင် ကြာလိမ့်မယ်။ ဆေးတွေ့သွါးရင် အေးဆေး ဖြစ်သွါးပါမယ်။
ကျမဘဝအကြောင်း၊ ကျမ ဘယ်လောက်ခါးခါးသီးသီး ဖြတ်သန်းခဲ့ရတယ်၊ ဘယ်လိုတွေ အကြွေးတင်ပြီး သောကပွေ ကုန်းကောက်စရာငွေမရှိလောက်အောင် ဖြစ်ခဲ့ရလဲ ကျမ ပြန်ပြန်တွေးတယ်။ ဘဝမှာ ရင်နာစရာတွေ အပြည့် မေ့ပစ်လို့မရတဲ့နေ့ရက်တွေအတွက် ထိပ်ဆုံးကို တွန်းပို့ပေးဖို့ အင်အားတခုအနေနဲ့ ကျေးဇူးတင်ရင်း အားနေချိန်လဲတွေးတယ်၊ရေချိုးရင်းလဲတွေးတယ်၊ ကြုံရင်ကြုံသလို သတိရပြီး တွေးဖြစ်အောင်တွေးတယ်။ ကျမကို အိမ်ထောင်သည်နှစ်ဦးအတွက် ကိုက်ညီအောင် ဘုရားထုလုပ်ပူဇော်ဖို့ တွက်ချက်ပြီး နှစ်ဦးဟောခကို တဦးစာပဲ ယူခဲ့တဲ့ ဆရာ့ကိုလဲ ကျေးဇူးတင်တယ်။ ကျမ ဒီဘုရားဆင်းတုတော်တွေ ထုလုပ်ဖြစ်အောင် အိပ်မက်လာပေးတဲ့ အဘဘိုးမင်းခေါင်နဲ့ သူတော်စင်ကြီးကိုလဲ ကျေးဇူးတင်သလို ဒီေဗဒင်ပညာနှင့်တကွ ပညာများကို သင်ကြားပေးသော သင်ဆရာ၊မြင်ဆရာ၊ ကြားဆရာများကို လည်းကျေးဇူးတင်ပါတယ်။ လုပ်ငန်းအတွေ့အကြုံပေါင်းများစွါကနေ မိမိနဲ့ ပဌါန်းဆက် လာကိုက်ညီလို့ ဘုရားတွေ ပူဇော်ဖြစ်ကြသူတွေကိုလဲ ကျေးဇူးတင်မိပါတယ်။ ကျမ လို ဒုက္ခရောက်ပြီး ဘဝမှာ ပူပင်စရာတွေနဲ့ ပြည့်နေ အကြွေးဝိုင်းနေသူတွေ ၊ငွေကြေး၊ အလုပ်အကိုင်၊ အိမ်ထောင်ရေး အဆင်မပြေကြသူ ကို တစိတ်တပိုင်း ကူညီလိုက်ရလို့လဲ ကျေးဇူးတင်မိတယ်။( အမြဲတမ်းအဆင်ပြေနေဖို့က တဖက်လူအပိုင်း နဲ့ လုပ်ခိုင်းတာတွေ လိုက်နာဖို့ ကျင့်ကြံဖို့ ၊အကြံရယူဖို့တော့ လိုအပ်ပါတယ်။ရောက်ရှိလာတဲ့အခွင့်အရေးကို အမိအရဖမ်းယူတတ်ဖို့လဲ လိုပါတယ်။ ငွေအကြွေးတွေတင်နေတယ် ၊ငွေ ရလာပါရက်နဲ့ အကြွေးမဆပ်ပဲ တခြားနေရာသုံးလိုက်တာတို့ ၊ချဲထပ်ထိုးလိုက်တာတို့ စသဖြင့် စနစ်တကျမစီမံရင်တော့ အကြွေးမကြေပါဘူး။ အလုပ်အကိုင်အခွင့်အလမ်းပေါ်လာရက်သားနဲ့ မမြင်တတ်ရင်လဲ အဆင်မပြေပါဘူး။ )
ဒီအောက်က ဘုရား ဆင်းတုတော်က ကျမ ဘဝကို အပြောင်းအလဲ တစတစ ဖြစ်လာစေပြီး ဘုရားရဲ့ တရားတော်နဲ့အညီ ကျင့်ကြံနေထိုင်ရင်း လမ်းကြောင်းတခုပေါ် ရောက်ရှိလာခဲ့ရတာပါ။
အမှန်ပြောရရင် ကျမ ကို ဒီပုံကြီး ပန်းပုဆရာ ထုပေးလိုက်တုန်းက အရမ်းစိတ်ဆိုးတယ်။ ကြည့်လေ
ဘုရားပုံကို ပုံမကျပန်းမကျ။ ဒါပေမဲ့ ဒီဘုရားပုံတော်လေးက ဘဝတလျှောက်လုံး အမှတ်တရဖြစ်စေခဲ့ပါတယ်။ဘဝတခုလုံးပြောင်းလဲစေခဲ့တယ်။
တချို့ ဘယ်ဘုရားပုံ ထုလုပ်ရမလဲ တွေဝေနေသူတွေအတွက် ကျမပြောပြတာပါ။ ဘုရားဆိုမှတော့ သပ္ပာယ်တာ ပူဇော်ချင်ကြတာ ကျမအပါအဝင် လူတိုင်းပဲလေနော်။ မိမိရဲ့ ပူဇော်လိုတဲ့ သဒ္ဓါစိတ်နဲ့ သာရွေးချယ်ပါ။ ဘယ်နေရာ၊ဘယ်ဒေသ ဖြစ်ဖြစ် ဘုရားတဆူ ပင့်ဆောင်တော့မယ်ဆိုရင် မြင်လိုက်တာနဲ့ ပင့်ဖို့ ဖြစ်သွါးတဲ့ ဘုရားကို ပင့်ကြပါ။ ဟိုရွေးဒီရွေး၊ ဟိုဟာမကြိုက် ဒီဟာမကြိုက် မဖြစ်မိစေနဲ့နော်။ အကြောင်းတိုက်ဆိုင်လို့ ကိုယ့်ဆီ ရောက်လာခဲ့တဲ့ ဘုရားတဆူ ဖြစ်ရင်တောင် သဒ္ဓါစိတ်ထက်သန်စွါ ပူဇော်ပါ။ဒီဘုရားလေး ပင့်ချင်လိုက်တာလို့ စိတ်ထဲ ဖြစ်တာနဲ့ ဘာမှ တွေဝေမနေပဲ ပင့်ဖြစ်အောင်ပင့်ပါ။ စိတ်ဆိုတာ ထူးဆန်းတယ်၊ အကြောင်းရှိလို့ နှိုးဆော်တာပါ။ တခါတလေမှာလေ အဓိက အရာကို ကျမ လုပ်ပေးလိုက်တာမို့ သေချာလေး ပူဇော်ကြည့်ကြပါ။
"နေ့နံဘုရားဆို သူရိယ ကို ပြေးသာသတိရ ထာဝရ ၊စိတ်ချအမှန် ကြီးပွါးရန်"
သူရိယ နိဗ္ဗာန်ကုန် နှင့် ပန်းပုလုပ်ငန်း
ဖုန်း 09406309022
