16/10/2026
လက်ကျန်လရောင် 💛🍂
ဆရာမ ပုညခင်ရဲ့ လက်ကျန်လရောင်ဆိုတဲ့စာအုပ်လေးဖတ်မိသူတိုင်း ပုဂံကိုဘယ်နှခေါက်ရောက်ဖူးနေပါစေ ထပ်ခါထပ်ခါသွားချင်စိတ်တွေ ဖြစ်ပေါ်စေမဲ့ စာအုပ်လေးပါလို့ ကြိုတင်ပြောပြပေးထားပါရစေ။ ပုဂံဆိုတာမြန်မာတို့ရဲ့ ယဉ်ကျေးမှု အသက်သွေးကြောတစ်ခုလို့ပြောရင်လည်း
မှားမယ်မထင်ပါဘူး။ ပုဂံရဲ့အလှ၊ပုဂံရဲ့ဘဝ၊ ပုဂံရဲ့သမိုင်း၊ပုဂံရဲအကြောင်းကို နဂိုသိထက် စာအုပ်လေးဖတ်ရင်းအပိုလေးတွေသိခဲ့ရရင် စာဖတ်သူတို့အတွက် အမြတ်ပါပဲ။ ကမ္ဘာမြေကြီးရဲ့ ငလျင်ဒဏ်ကို အခေါက်ပေါင်းများစွာအံတုပြီး ရှင်သန်နေထိုင်ခဲ့တဲ့ ပုဂံပါ။ ပုဂံရဲ့အလှ ပုဂံရဲ့ဘဝလေးကို ဒီစာအုပ်လေးဖတ်ရင်း ပုဂံကိုရောက်နေသလိုခံစားရတဲ့ ရသကိုပေးစွမ်းပါတယ်။
#မြကျေးရုံ
ပုဂံမြို့ရဲ့ အစည်ကားဆုံးသော အာနန္ဒာဘုရားပွဲလေးတွင် သူမ၏ မောင်လေးတော်ရမည့်သူကို တွေ့ဆုံလာရပုံ၊ မင်းနန်သူ ရွာသူလေး "မြကျေးရုံ" ပုဂံရဲ့ယဉ်ကျေးမှုတွေကို အလွန်အလေးထားပြီး၊ ပုဂံကို အလွန်ချစ်မြတ်နိုးသူလေးပါ။
"ချစ်သူနဲ့ခွဲခွာရခြင်းက
လေးပင်နင့်နဲ လှပါတကား--------"
#ဆူးပုတ်(ခေါ်) ရန်ပြေအေး
ဘုရားပွဲတွင် မြကျေးနှင့် တွေ့ဆုံမိရာမှ မြကျေး၏ မောင်လေးဖြစ်လာသူ။ ဆူးပုတ်ကို ကြက်ဥနှင့်ကြော်ကျွေးလျှင်အလွန်ကြိုက်တတ်သူလေး။ လူငယ်သလောက်၊ဇွဲ၊လုံ့လအလွန်ရှိသူဖြစ်သည်။ သူ၏ မမ မြကျေးနှင့် မင်းနန်သူရွာလေးမှာနေထိုင်ရင်း လက်ပံပွင့်အတူကောက်ရတာကို နှစ်သက်သူ။ ထိုလူနှစ်ယောက်ရဲ့ လှပသောအချစ်တို့နှင့်ပုဂံရဲ့ လှပသောအငွေ့အသက်တို့ကို ဖန်တီးထားသော စာအုပ်လေးမှာ ဘာတွေများဆက်ဖြစ်မလဲလို့ ဖတ်ရင်းနှင့် လက်ကမချနိုင်ဖြစ်ခဲ့သောစာအုပ်လေးပါ။မိတ်ဆွေတို့ဖတ်ဖို့တိုက်တွန်းချင်ပါတယ်။
❤️လူတစ်ယောက်ရဲ့တန်ဖိုးဆိုတာ
မျိုးရိုးအဆင့်အတန်းအပေါ်မှာ
မတည်ဘူး မောင်လေးရဲ့၊
မိဘတွေရဲ့ အဆင့်အတန်းပေါ်မှာကြည့်ပြီးတော့လည်း
သားသမီးရဲ့ တန်ဖိုးကိုပုံသေတွက်ဆလို့မရပါဘူး ကိုယ်ကိုတိုင်ရဲ့ အပြုအမူ
ကိုယ်ကိုတိုင်ရဲ့ စိတ်ဓာတ်တွေကပဲ
ကိုယ့်အဆင့်အတန်းကို သတ်မှတ်တာပါ။
ညကမှောင်နေလျှင်တော့ လဝန်းက အစွမ်းကုန်သာပေးရပါမည်။
မနက်လင်းလို့ရောင်နီလာတဲ့အခါမှာတော့
အလိုက်တသိဆုတ်ခွာ မှိန်ဖျော့သွားရပါအုံးမည်။
နေထွက်လာသည်အထိ နောက်ဆုံးလက်ကျန် အလင်းရောင်လေးဖြင့် သာနေသည့် လက်ကျန်လရောင်လေးကိုတော့
ဘယ်သူက သတိပြုမိတော့လို့လဲ-------
#လက်ကျန်လရောင် -
#ပုညခင်
Reviwe by - Ei Kyawkt
(ခွင့်ပြုချက်ယူပြီး)
စာအုပ်ကို နှစ်သက် သဘောကျ မှာယူလိုပါက page cbတွင် မှာယူနိုင်ပါတယ်ရှင့်❤📖
