Mali Ingra - Food & Travel, Yangon (2026)

10/01/2026

#မိဘမဲ့ကျောင်းနှစ်ကျောင်းတွင်
#ကျင်းပသော_မွေးနေ့မင်္ဂလာရက်မြတ်အလှူ

မင်္ဂလာပါ မမ မလိ မိသားစုဝင်တို့ရေ
အားလုံး Happy New Year ပါနော်…..

ဒီနေ့ကတော့ မမ မလိ 2026 ရဲ့
ပထမဆုံးမွေးနေ့ချက်ပြုတ်ရေး
အစီအစဉ်အနေနဲ့ သားငယ်လေးတစ်ဦးရဲ့
မွေးနေ့မင်္ဂလာရက်မြတ်အလှူအဖြင့်

မိဘမဲ့ကျောင်း နှစ်ကျောင်းသို့သွားရောက်ပြီး
မုန့်ဟင်းခါးရှယ် ချက်ပြုတ်ပြီး
မျှဝေကျွေးမွေးခဲ့ပါတယ်ရှင်။

အားလုံး ပျော်ပျော်ရွှင်ရွှင်နှင့်
ဝဝ လင်လင် သုံးဆောင်ခွင့်ရရှိခဲ့တဲ့ အတွက်
ပီတိအလွန်ဖြစ်ရပါတယ်ရှင်…..

အစဉ်တဆက်မျှဝေပေးကမ်းသော
လက်တစ်စုံ ပိုင်ရှင် တစ်ဦးချင်းစီတိုင်းနှင့်အတူ
ဇန်နဝါရီ ( ၉ ) ရက်နေ့တွင်
တစ်နှစ်ပြည့်သော သားသားလေး

Jeremiah Zau Lat Nawng ၏
ဘဝတစ်လျှောက်လုံး
ပျော်ရွှင်ခြင်း၊ ကျန်းမာခြင်း နှင့်အတူ
ချစ်ခြင်းပြည့်ဝသော ဘဝ အသက်တာကို
ပိုင်ဆိုင်နိုင်ပါစေလို့ တီတီ မလိ ဆုတောင်း
ပေးအပ်ပါသည်။

ပျော်ရွှင်သော မွေးနေ့ဖြစ်ပါစေ
သားလေးရေ……

Happy Birthday ပါ။❤️❤️❤️❤️

ချစ်ခြင်းများစွာဖြင့် With Love:Mali Ingra

#မမမလိစီစဉ်တဲ့မွေးနေ့
#မွေးနေ့မင်္ဂလာရက်မြတ်အလှူ
#မုန့်ဟင်းခါး_အိုးဘဲဥ_နှိုင်းချင်း

15/12/2025

ိတို့_သူငယ်ချင်းနှစ်ယောက်
#အတူတူ_ကျင်းပသော_မွေးနေ့မင်္ဂလာ
#ရက်မြတ်အလှူ

မင်္ဂလာပါ မမ မလိ မိသားစုဝင်တို့ရေ ….
မနေ့က ဒီဇင်ဘာ ၁၄,၂၀၂၅ နေ့လေးဟာ
မမ မလိတို့ သူငယ်ချင်းနှစ်ယောက်ရဲ့
(၄၂ ) နှစ်ပြည့် မွေးနေ့မင်္ဂလာရက်မြတ်နေ့
လေးဖြစ်ပါတယ်ရှင်။

အလယ်တန်းကျောင်းသူဘဝကတည်းက
အတူတူခင်မင်လာခဲ့တဲ့
မမ မလိတို့ ငယ်သူငယ်ချင်းနှစ်ယောက်
မွေးနေ့ အတူတူ ကျင်းပချင်ခဲ့တာကြာပါပြီ….

ဒီနှစ်မှာတော့ မမ မလိတို့ ငယ်သူငယ်ချင်း
နှစ်ယောက်ရဲ့ ရိုးရှင်းတဲ့
အိပ်မက်ငယ်လေးတစ်ခုကို အတူတူ
အကောင်အထည်ဖော်ခွင့်ရရှိလိုက်တဲ့အတွက်
လွန်စွာပီတိဖြစ်ရပါတယ်ရှင်။

မမ မလိတို့ ချစ်တဲ့ ချစ်စရာ ကလေးတွေရယ်
တကယ်ကို ချစ်ခင်ရင်းနှီးရတဲ့ မိတ်ဆွေ
အနည်းငယ်တွေရယ်နဲ့ ပျော်ရွှင်စရာ
ကျင်းပဖြစ်ခဲ့တဲ့ ဒီနှစ်ရဲ့ မွေးနေ့မင်္ဂလာ
ရက်မြတ်နေ့လေးဟာ…..

မမ မလိအတွက် တန်ဖိုးမဖြတ်နိုင်တဲ့
နေ့လေးပင် ဖြစ်နေပါတော့သည်။🥰🥰🥰

ချစ်ခြင်းများစွာဖြင့် With Love:Mali Ingra

#မမမလိစီစဉ်တဲ့မွေးနေ့
#မမမလိတို့သူငယ်ချင်းနှစ်ယောက်ရဲ့
#မွေးနေ့မင်္ဂလာရက်မြတ်အလှူ

10/12/2025

#မျက်မမြင်ကျောင်းတွင်_ကျင်းပသော
#မွေးနေ့မင်္ဂလာရက်မြတ်အလှူ

မင်္ဂလာပါ မမ မလိ မိသားစုဝင်တို့ရေ
ဒီနေ့ကတော့ မမ မလိတို့
သားငယ်လေး တစ်ဦးရဲ့ မွေးနေ့မင်္ဂလာ
ရက်မြတ်အလှူအဖြင့် မျက်မမြင်ကျောင်းသို့
သွားရောက်ပြီး ထမင်း ၊ဟင်းများကို
မျှဝေပြီး အတူတကွ သုံးဆောင်ခဲ့ကြပါတယ်ရှင်။

တစ်ဦးက စေတနာ တစ်ဦးက မေတ္တာနှင့်
ပျော်ရွှင်စွာ ကျင်းပခွင့်ရရှိ ခဲ့တဲ့
မွေးနေ့အစီအစဉ်လေးအတွက်
များစွာ ကြည်နူးပီတိဖြစ်ရပါတယ်ရှင်။

အားလုံးအားလုံးကို
ပျော်ရွှင်ကြည်နူးခြင်းနှင့်အတူ
မြိန်ရည်ယှက်ရည်သုံးဆောင်ခွင့်ရအောင်
ပျော်ရွှင်စရာ မွေးနေ့ရက်မြတ်လေးကို
ဖန်တီးပေးပါသော မွေးနေ့ရှင် သားလေး
မဟော်မြတ်ဘုန်းနှင့်အတူ
သားလေးရဲ့ ဖေဖေမေမေ တို့အား
အတိုင်းမသိ ကျေးဇူးတင်ပါတယ်ရှင်။

သားသားလေး မဟော်မြတ်ဘုန်း၏
(၈ ) နှစ်ပြည့် မွေးနေ့မှသည်
နောင်နှစ်ပေါင်းများစွာ ပျော်ရွှင်ခြင်း၊
ကျန်းမာခြင်း၊ ချမ်းသာခြင်းနှင့်အတူ …..
ချစ်ခြင်းပြည့်ဝသော
ဘဝကို အမြဲပိုင်ဆိုင်နိုင်ပါစေလို့
တီတီမလိ ဆုတောင်းပေးပါတယ်နော်။🥰🥰🥰🥰🥰

ပျော်ရွှင်သော မွေးနေ့ဖြစ်ပါစေ
သားလေးရေ….
Happy Birthday ပါ။

ချစ်ခြင်းများစွာဖြင့် With Love:Mali Ingra

#မမမလိစီစဉ်တဲ့မွေးနေ့
#ကြက်သားဆီပြန်ဟင်းလျာ
#ငါးဆားနှယ်ငရုတ်သီးထောင်း
#ပိန်းဥတောင်ယာဟင်းချိုရည်
#အတို့အမြုပ်
#စနွင်းမကင်း_အချိုတည်း

07/12/2025

#အမဲခေါက်_ကြက်သား_ပိန်းဥ
#ဟင်းချိုရည်တစ်ခွက်_မောင့်အတွက်

မင်္ဂလာပါ မမ မလိ မိသားစုဝင်တို့ရေ
ဒီနေ့ကတော့ မမ မလိ အားလပ်ရက်
တစ်ရက်ကို ဖန်တီးယူပြီး အေးအေးဆေးဆေး
ကိုယ်စားချင်နေတဲ့ ဟင်းချိုရည်တစ်ခွက်ကို
ချက်ပြုတ် စားသောက်ဖြစ်ပါတယ်ရှင်။

ဒီချက်နည်းလေးကတော့
မမ မလိ ရဲ့ အမေ အမြဲချက်ကျွေးနေကျ
ချက်နည်းလေးပါ…..

#အမဲခေါက်_ကြက်သား_ပိန်းဥ_ဟင်းချိုရည်
ချက်တဲ့နေ့ဆို မမ မလိကတော့
ထမင်းဘယ်လို ကုန်လို့ကုန်သွားမှန်း
မသိအောင်ပင် ထမင်းမြိန်လွန်းတယ်ဆိုတာ….

ဒီနောက်ပိုင်း မမ မလိက
အမေ့ရဲ့ စားသောက်ဟန်နဲ့ ချက်ပြုတ်နည်းတွေကို
အမြဲ မှတ်သားရင်း ကိုယ်ကိုယ်တိုင်
ပြန်လည်မွမ်းမံချက်ပြုတ်စားသောက်ရင်း
ကိုယ်ကိုယ်တိုင် ကိုယ့်ကိုယ်ကို သင်ကြား
ခံယူနေပါတယ်ရှင်။

တစ်ချိန်ကျရင် ကချင်ပြည်ရဲ့ တောင်ပေါ်
မြို့လေးတစ်မြို့မှာ ကချင်ပြည်ဒေသစာလေးတွေ
ကိုယ်တိုင်ချက်ပြုတ်ပြီး ရောင်းချပေးတဲ့
ဆိုင်တစ်ဆိုင်လေးနဲ့ အေးချမ်းစွာ ဖြတ်သန်း
သွားချင်တဲ့ မမ မလိ အဖို့တော့ ……

အမေ့ရဲ့ နေ့စဉ် ချက်နည်း ချက်ဟန်တွေဟာ
မမ မလိ အတွက်တော့ အဖိုးမဖြတ်နိုင်အောင်ပင်
ဖြစ်ရပါတော့သည်။

အားလုံး အားလုံး မမ မလိရဲ့ ချစ်ခြင်းများစွာနှင့်
အတူ ပျော်ရွှင်ကြပါစေရှင်။🥰🥰🥰🥰

Happy Sweet December To You All ပါနော်။

ချစ်ခြင်းများစွာဖြင့် With Love:Mali Ingra

#အမဲခေါက်_ကြက်သား_ပိန်းဥ
#ဟင်းချိုရည်
#အမေ့ချက်နည်း
#ချစ်ခြင်းများစွာဖြင့်

19/11/2025

အမေ ကင်နေတဲ့ အသားခြောက်
မခြောက်တစ်ခြောက်ဘဝကနေ
ခိုးစားရတဲ့ အရသာ ဘာနဲ့မှ
မတူနိုင်ဘူးကွယ်……

ခိုးစားတာ မိသွားရင်
ဖြန်းကနဲ တစ်ချက်က
ရိုက်ခံလိုက်ရသေး။😂😂

ပျော်တယ်ကွယ်
အမေနဲ့နေရတဲ့ဘဝလောက်
ချိုမြိန်တာရှိဦးမလားကွယ်။

ချစ်ခြင်းများစွာဖြင့် With Love:Mali Ingra

#အမဲသားခြောက်
#အမေ့အိမ်အပျော်ဆုံး

11/11/2025

#မမမလိ
#တောင်ယာသို့အလည်တစ်ခေါက်

မင်္ဂလာပါ မမ မလိ မိသားစုဝင်တို့ရေ …

ဒီနေ့ကတော့ မမ မလိ
အကိုရင်းလို ချစ်ရတဲ့ အစ်ကိုလတ်ရဲ့
တောင်ယာသို့ အလည်သွားခဲ့ပါတယ်ရှင်….

မမ မလိ….တစ်ယောက်
ဒီနေ့တစ်နေ့သာလုံးကိုတော့ တောင်ယာမှာပဲ
စိတ်အပန်းဖြေရင်း ကုန်ဆုံးစေခဲ့ပါတယ်…..

တစ်ခါတစ်ရံ မမ မလိတို့ ကြိုးစားရုန်းကန်နေရင်း
ကိုယ့်ကိုယ်ကို အချိန်ပေးဖို့
မေ့လျော့နေတတ်ပါတယ်။

ပြီးတော့ ပျော်ရွှင်မူ့တွေလည်း
ပျောက်ဆုံးနေတတ်ကြပါတယ်။

လူတစ်ယောက်ဟာ ကိုယ်ကိုယ်တိုင်
မပျော်ရွှင်နေရင် တစ်ပါးသူတွေကိုလည်း
ပျော်ရွှင်မူ့ မျှဝေပေးဖို့ လည်း
ခက်ခဲနေတတ်တယ်မဟုတ်လား….

ဘဝ ဆိုတာ ပျော်ရွှင်ခြင်းတဲ့……

ပျော်ရွှင်ခြင်းလို့ ဆိုတဲ့ဘဝမှာ…
နေ့ရက်တိုင်း ပျော်ရွှင်နေဖို့ဆိုတာက….

ကိုယ့်ရဲ့ ရှုံးနှိမ့်မူ့တွေကိုဖြစ်စေ
ကိုယ့်ရဲ့ ကျရှုံးမူ့တွေမှာပဲဖြစ်စေ
ကိုယ့်ရဲ့ လှဲကျမူ့တွေတိုင်းမှာဖြစ်စေ
ကိုယ်ကိုယ်တိုင် ရုန်းထ ရှင်သန်
ဖြတ်ကျော်ပြီး……

ဘဝရဲ့ Step တစ်ခုစီ တစ်ခုစီတိုင်းကို
အေးအေးဆေးဆေး တည်တည်ငြိမ်ငြိမ်နဲ့
ဖြတ်ကျော် နိုင်ဖို့ပဲမဟုတ်လားရှင်။

မမ မလိကတော့ ကိုယ်ရွေးချယ်ထားတဲ့
ဘဝမှာ ကျေနပ်ပျော်ရွှင်စွာနေထိုင်ရင်း
တစ်ပါးသူတွေကိုလည်း ပျော်ရွှင်မူ့
မျှဝေပေးနိုင်သူတစ်ယောက်ဖြစ်ဖို့သာ
စိတ်အားထက်သန်နေပါတော့သည်။

ချစ်ခြင်းများစွာဖြင့် With Love:Mali Ingra

ိ
#တောင်ယာသို့အလည်တစ်ခေါက်
#ချစ်ခြင်းများစွာဖြင့်

07/11/2025

#ဝတ်ပြီးသားအဝတ်အစားကို
#ပြန်ပြန်ဝတ်တာဟာရှက်စရာမဟုတ်ပါဘူး….

မင်္ဂလာပါ မမ မလိ မိသားစုဝင်တို့ရေ
ဒီနေ့ မမ မလိတို့ Social Media ခေတ်မှာ
နေထိုင်ကျရတဲ့အခါ ….

ဓာတ်ပုံတစ်ပုံပိုစ့်တင်ပြီးသား
အဝတ်အစားတွေကို ပြန်မဝတ်ချင်ဘူး…
ပွဲတစ်ပွဲမှာ ဝတ်ထားတဲ့ အဝတ်အစားကို
နောက်ပွဲတွေမှာ ဝတ်စုံမထပ်ချင်တော့ဘူး
ဆိုတဲ့စကားသံတွေဟာ အမြဲလိုလို
ကြားနေရပါတယ်ရှင်။

သူငယ်ချင်းတွေ မိတ်ဆွေတွေကြားမှာလည်း
အမြဲလိုလို ကြားနေရတာက
အဝတ်အစား မထပ်ချင်ဘူး ဆိုတာတွေကိုပဲ
ကြားနေရပါတယ်။

အထူးသဖြင့် မမမလိတို့ အမျိုးသမီးတွေမှာ
နေ့စဉ် ရက်စက်ကြားနေရတဲ့စကားဟာ
ပွဲတစ်ပွဲသွားတိုင်း အဝတ်အစားမထပ်ချင်ဘူးဆိုတဲ့
စကားဟာ မမ မလိတို့ ပတ်ဝန်းကျင်မှာ
ရေပန်းအလွန်စားနေပါတယ်။

တစ်ခု စဉ်းစားကြည့်ရအောင်
ကျွန်မတို့ဟာ နေ့စဉ် ဝင်ငွေ
အရမ်းကောင်းနေတဲ့ အမျိုးသမီးတွေလား…

ကျွန်မတို့ရဲ့အလုပ်အကိုင်တွေဟာ
နိုင်ငံကျော် Celebrity တွေလား….

ဖက်ရှင်ပိုင်းဆိုင်ရာကို ဦးစားပေးနေရပြီး
လူအများကြားမှာ သွားလာနေရတဲ့
Super မော်ဒယ် တွေလား….

ဝင်ငွေအရမ်းကြမ်းနေတဲ့
စီးပွါးရေးလုပ်ငန်းရှင်တွေလား….

စဉ်းစားမိလိုက်တဲ့အချိန်
တစ်ခုမှ မဟုတ်နေကျပါဘူး။

အကယ်၍ အထက်မှာ ပြောခဲ့တဲ့အရာတွေနဲ့
တစ်ခုခု ချိတ်ဆက်မိတယ်ဆိုရင်တော့
ပွဲတွေတက်ရင် အဝတ်အစားမထပ်ချင်ဘူး
လို့ပြောတာကို မမ မလိ နားလည် ခံစား
လက်ခံလို့ရပါတယ်ရှင်။

မ မလိ ကိုယ်တိုင်လည်း
ဝင်ငွေကောင်းလာတဲ့အချိန်
ဝတ်ပြီးတာ အဝတ်ကို မထပ်အောင်
ဝတ်လာနိုင်ချေရှိပါတယ်ရှင်။

ဒါပေမဲ့ ကျွန်မတို့ စဉ်းစားရမှာ တစ်ခုက
ကျွန်မတို့ဝင်ငွေနဲ့ ကျွန်မတို့ရပ်တည်ရတဲ့
ဘဝတွေနဲ့ နေ့စဉ်ရက်စက်
ဝတ်စုံမထပ်အောင်နေဖို့ လိုအပ်သလား
စဉ်းစားကြည့်ဖို့လိုပါတယ်။

ကျွန်မတို့ဟာ ပွဲတစ်ပွဲမှာ
ဝတ်ပြီးသား အဝတ်ကို
နောက်တစ်ပွဲမှာ မလျော်ပဲ
ဝတ်ကြတာလည်း မဟုတ်….

ပွဲတစ်ပွဲနဲ့ တစ်ပွဲလည်း ရက်တူတာလည်းမဟုတ်…

ယုတ်စွအဆုံး တစ်ချို့ပွဲတွေဆို
နယ်တူတာလည်းမဟုတ်…..

ပြီးတော့ ကျွန်မတို့ဟာ သန့်သန့်ရှင်းရှင်း
သပ်သပ်ရပ်ရပ်နဲ့ နောက်ပွဲတွေမှာ
ပြန်ဝတ်ကြတာပဲလေနော်…

ဘာဖြစ်လို့ ရှက်စရာကောင်းမှာလဲ….
ဘာကို သိမ်ငယ်စရာဖြစ်ကြရမှာလဲနော်…..

တကယ်ရှက်ရမှာက ကိုယ့်ဝင်ငွေ
ထွက်ငွေ မစဉ်းစားပဲ လူအထင်ကြီးအောင်
ဝတ်ပြစားပြနေရတယ်ဆိုတာကို
ရှက်ရမှာဖြစ်ပါတယ်။

ဝတ်ပြီးသားအဝတ်အစားကို
ထပ်ခါတစ်လှဲလှဲ ပြန်ဝတ်တာက
ရှက်စရာ ၊ သိမ်ငယ်စရာ မဟုတ်ပါဘူး…..

ကျွန်မတို့မှာ မကောင်းတဲ့ စိတ်
မကောင်းတဲ့ အတွေးတွေ တွေးနေတတ်တာကပဲ
ရှက်စရာပါ….

ဖောက်လွဲ ဖောက်ပြန်တတ်တဲ့
ကိုယ်ကျင့်တရားတွေ ရှိနေတတ်တာပဲ
ရှက်စရာပါ

ကျွန်မတို့ဟာ ပြင်ပအမြင်လှပဖို့ထက်
အတွင်းအလှတွေကို ထပ်ခါတလှဲလှဲ
ပြောင်းလှဲပြင်ဆင်ပြီးနေတတ်ဖို့သာ
အရေးကြီးဆုံးပါ။

ဝတ်ပြီးတာ အဝတ်အစားတွေ
ပြန်ပြန်မဝတ်ချင်ဖို့ထက်
မကောင်းတဲ့ အတွေးတွေ
မကောင်းတဲ့ အမြင်တွေ
မကောင်းတဲ့ လမ်းကြောင်းတွေကို
မလျှောက်လှမ်းမိဖို့သာ အဓိကပါ။

ပြင်ပအမြင်လှပဖို့ထက်
အတွင်းသွင်ပြင်လှပဖို့ကို
ပိုမို ဂရုစိုက်နိုင်သော အခြားသူကို
ကိုယ်ချင်းစာနာနားလည်တတ်သော
လူသားများဖြစ်ကြဖို့
ပိုမိုကြိုးစားသွားကြရအောင်ရှင်။

ချစ်ခြင်းများစွာဖြင့် With Love:Mali Ingra

#ဝတ်ပြီးသားအဝတ်အစားကို
#ပြန်ပြန်ဝတ်တာဟာရှက်စရာမဟုတ်ပါဘူး

25/09/2025

#ခံတွင်းအလွန်မြိန်လွန်းလှတဲ့
#မှိုတုန်တုန်_ကျောက်ပွင့်_ဥနီ_ချဉ်စပ်သုပ်

မင်္ဂလာပါ မမ မလိ မိသားစုဝင်တို့ရေ
ဒီနေ့ကတော့ မမ မလိ စီစဉ်တဲ့မွေးနေ့တွေမှာ
သုပ်ကျွေးလေ့ရှိတဲ့
#မှိုတုန်တုန်_ကျောက်ပွင့်_ချဉ်စပ်သုပ်

ဘယ်လိုသုပ်သလဲလို့ မေးထားတဲ့ ညီမလေးတွေ
မမတွေအတွက် …..ခံတွင်းအလွန်မြိန်လွန်းလှတဲ့
#မှိုတုန်တုန်_ကျောက်ပွင့်_ချဉ်စပ်သုပ် ကို
မမ မလိ မျှဝေပေးလိုက်ပါတယ်နော်။

အားလုံး မမ မလိရဲ့ ချစ်ခြင်းတွေနဲ့
ပျော်ရွှင်ကြပါစေရှင်။

ချစ်ခြင်းများစွာဖြင့် With Love:Mali Ingra

#မှိုတုန်တုန်_ကျောက်ပွင့်_ချဉ်စပ်သုပ်
#ချစ်ခြင်းများစွာဖြင့်

24/09/2025

#ကလေးငယ်များနှင့်ပျော်ရွှင်စွာ
#ကျင်းပသော_မွေးနေ့မင်္ဂလာရက်မြတ်အလှူ

မင်္ဂလာပါ မမ မလိ မိသားစုဝင်တို့ရေ
ဒီနေ့ကတော့ မမမလိတို့
အရမ်းကိုခင်မင်ရသော ညီမလေး တစ်ဦးရဲ့
မွေးနေ့မင်္ဂလာရက်မြတ်အလှူအဖြင့်
မိဘမဲ့ကျောင်းတစ်ကျောင်းသို့
သွားရောက်ပြီး ……

ထမင်း၊ဟင်းများနှင့်အတူ ကလေးတွေ
အရမ်းကို ကြိုက်နှစ်သက်သော
ရေခဲမှုန့်များသွားရောက် မျှဝေပေးဖြစ်ခဲ့ပါတယ်ရှင်။

ကလေးငယ်များနှင့်အတူ
မမ မလိတို့ အားလုံးလည်း ပျော်ပျော်ရွှင်ရွှင်
ဝဝလင်လင် သုံးဆောင်ခွင့်ရရှိခဲ့တဲ့ အတွက်
များစွာ ကြည်နူးပီတိဖြစ်ရပါတယ်ရှင်။

ခုလို အားလုံးကို ပျော်ရွှင်ကြည်နူးခွင့်
ရရှိစေအောင် မျှဝေပေးသော
ယနေ ၂၄.၉.၂၀၂၄ ရက်နေ့တွင်
၃၈ နှစ်ပြည့် မွေးနေ့မင်္ဂလာရက်မြတ်
ကျရောက်သော ……

မွေးနေ့ရှင် မမမျိုးဂျာ၏
ဘဝတစ်လျောက်လုံး ချစ်ရသော မိသားစု
ညီအစ်ကို၊ မောင်နှမ၊ဆွေမျိုး၊ သူငယ်ချင်း
မိတ်ဆွေတို့နဲ့အတူ အမြဲပျော်ရွှင်ခြင်း၊
ကျန်းမာခြင်း၊ အောင်မြင်ချမ်းသာခြင်းနှင့်အတူ
ချစ်ခြင်းပြည့်ဝသော ဘဝကို အမြဲပိုင်ဆိုင်နိုင်ပါစေလို့
မမ မလိ ဆုမွန်ကောင်းတောင်းပေးအပ်ပါသည်။

ပျော်ရွှင်သော မွေးနေ့ဖြစ်ပါစေ ညီမလေးရေ
Happy Birthday ပါ။❤️❤️

ချစ်ခြင်းများစွာဖြင့် With Love:Mali Ingra

#ဝက်စတူး
#မှိုတုန်တုန်_ကျောက်ပွင့်_ချဉ်စပ်သုပ်
#ပုဇွန်ခြောက်_ဘာလချောင်ကြော်
#ပဲဟင်းရည်
#ရေခဲမှုန့်
#မမမလိစီစဉ်တဲ့မွေးနေ့

21/09/2025

#နာဂတောင်တန်းပေါ်မှာ
ိသင်ယူဖြစ်ခဲ့တဲ့
#ကြက်သား_ကဇော်ဖတ်ခြောက်_ဟင်းလျာ

မင်္ဂလာပါ မမ မလိ မိသားစုဝင်တို့ရေ….
ရောက်တဲ့အရပ်ဒေသတိုင်းမှာ
ဟင်းချက်နည်းတွေအမြဲလေ့လာသင်ယူ
ဖြစ်တဲ့ မမ မလိ ဒီတစ်ခါတော့
နာဂတောင်တန်းပေါ်မှာ ချက်စားဖြစ်ခဲ့တဲ့
ကြက်သား ကစော်ဖတ်ခြောက် ဟင်းလျာလေးကို
မျှဝေပေးချင်ပါတယ်ရှင်။

အစားအသောက်လို့ ပြောလိုက်ရင်
မမ မလိတို့က ဘဝတွေကိုပါ
သိရှိမြင်တတ်ပြီး နားလည်ယူဖို့ဖြစ်ပါတယ်။

မမ မလိတို့ ဖိုးဖိုးဖွားဖွားတွေခေတ်
အဖေအမေ ဦးလေးတွေခေတ်မှာ
အရမ်းကျပ်တည်းတဲ့အတွက်
ဘယ်အရာကို မဆို အလေအလွင့်မဖြစ်အောင်
ထိန်းသိမ်းသိုလှောင်ထားတတ်တဲ့
အလေ့အကျင့်ကောင်းတွေရှိကြပါတယ်။

အရည်ညှစ်သောက်ပြီးတာ ကစော်ဖတ်ကို
လုံးလုံးလေးလုပ်ပြီး
ကြပ်ခိုးစင်ပေါ်မှာ ပြန်တင်ပြီး
အခြောက်ပြန်ခံထားရင် မိမိဖန်တီးချင်တဲ့
ဟင်းပွဲ တစ်ပွဲ ပြန်ဖန်တီးလို့ရတဲ့အကြောင်း
မမ မလိတို့ ဦးလေးတွေ အဒေါ်တွေ
ပြန်ပြောပြလေ့ရှိပေမဲ့ မမ မလိ တစ်ခါမှ
မလုပ်စားဖူးခဲ့ပါဘူး။

လွန်ခဲ့တဲ့ သုံးနှစ်ကျော်က
နာဂတောင်တန်းရောက်ရှိခဲ့တော့
ကစော်ဖတ်ခြောက်နဲ့ အသားဟင်းတစ်ပွဲ
နာဂအမျိုးသမီးကြီးတွေ ချက်ကျွေးတာ
စားလိုက်ရတော့…….OMG မမ မလိသိချင်တဲ့
ဟင်းပွဲတစ်ပွဲ ပြန်သိလိုက်ရပြီပေါ့ဆိုပြီး
အရမ်းကို ဝမ်းသာခဲ့ရပါတယ်။

ဘယ်အရာမဆို သိရှိသွားတဲ့နောက်သာ
လွယ်ကူတယ်ထင်ရပေမဲ့
မသိသေးခင်က ဘာမဆို အခက်ပဲ မဟုတ်လား။🥰

အသက်အရွယ်တစ်ခုရောက်ရင်
အစားအသောက်လုပ်ငန်းမှာ
ရပ်တည်သွားဖို့ စဉ်းစားထားတဲ့
မမ မလိအတွက်တော့ ရောက်တဲ့နေရာဒေသတိုင်းက
ချက်နည်းပြုတ်နည်းမှန်သမျှဟာ တန်ဖိုး
မဖြတ်နိုင်အောင်ပင် ဖြစ်ရပါတော့သည်။

အားလုံး အားလုံး မမ မလိရဲ့ ချစ်ခြင်းတွေနဲ့အတူ
ပျော်ရွှင်ကြပါစေရှင်။🥰🥰🥰

ချစ်ခြင်းများစွာဖြင့် With Love:Mali Ingra

#မမမလိနှင့်နာဂတောင်တန်းဒေသ
#ကြက်သား_ကဇော်ဖတ်ခြောက်ဟင်းလျာ

19/09/2025

#မမမလိနှင့်နာဂတောင်တန်းဒေသ
#အမှတ်တရ_နေ့စွဲများ……

မင်္ဂလာပါ မမ မလိ မိသားစုဝင်တို့ရေ
မမ မလိရဲ့ ဘဝမှာ အမြဲရောက်ချင်ခဲ့တဲ့
နေရာဒေသများစွာထဲမှာ
နာဂတောင်တန်းဒေသက မမ မလိအတွက်
အမြဲတမ်း အိပ်မက်မက်ခဲ့တဲ့နေရာလေး
တစ်ခုပါ။

မမ မလိ အိပ်မက်တွေကို လွန်ခဲ့တဲ့
သုံးနှစ်မှာ တစ်ကြိမ် မက်ခွင့်ရခဲ့သလို
ဒီနှစ်မှာလည်း နောက်ထပ်တစ်ကြိမ်
ထပ်မံမက်ခွင့်ရလိုက်တဲ့အတွက်
မမ မလိ ခံစားရတဲ့ Blessing များအတွက်
လွန်စွာကြည်နူးပီတိဖြစ်ရပါတယ်။

တောင်ပေါ်ဒေသခရီးတွေနဲ့
လူမျိုးပေါင်းစုံရဲ့ ဘဝနေထိုင်မူ့
ရုန်းကန်လှုပ်ရှားရတဲ့ ဘဝရဲ့စိန်ခေါ်မူ့တွေ
မတူညီတဲ့ ရိုးရာယဉ်ကျေးမူတွေတွေ
စားသောက်ဟန်တွေကို လေ့လာရတာကို
အလွန်နှစ်သက်တဲ့ မမ မလိ တစ်ယောက်အတွက်တော့
နာဂတောင်တန်းခရီးစဉ်ဟာ
မမ မလိရဲ့ ဘဝအတွက် တန်ဖိုးမဖြတ်နိုင်ရာ
အမှတ်တရ တစ်ခုထက်ပိုသော အမှတ်တရများစွာပါ။

ဝေးလံခေါင်ပါးတဲ့ နေရာဒေသစုံကို
ရောက်ရှိဖို့ဆိုတာ….. ပိုက်ဆံတစ်ခုတည်းနဲ့
မရပါဘူး။ ကိုယ်ကိုယ်တိုင်လည်း ကျန်းမာနေရမယ်၊
ပြီးတော့ အချိန်လည်းပေးနိုင်ရမယ်။
အတူတူ သွားလာရမဲ့ ခရီးသွားဖော်တွေကိုလည်း
အချင်းချင်းကူညီရိုင်းပင်နိုင်ရမယ်။
တစ်ဦးနဲ့တစ်ဦးမေတ္ထာ၊ စေတနာ ၊ အနှစ်နာခံပြီး
ချစ်ခြင်းအပြည့်နဲ့ သွားလာနိုင်မှသာ…..

ကြမ်းတမ်းတဲ့ခရီးများစွာကို
ဖြတ်ကျော်နိုင်ပြီး ကိုယ်မြင်ချင်တဲ့
လှပတဲ့ မြင်ကွင်းတွေကို တစ်ဝကြီး
ခံစားရမှာဖြစ်ပါတယ်။

မမမလိကတော့ ကျန်းမာပြီး
ကိုယ်လည်း သွားလာနိုင်တဲ့ အရွယ်မှာ
ကိုယ်မက်ခဲ့တဲ့ အိပ်မက်အချို့ကို
အကောင်အထည်ဖော်ခွင့်ရတာနဲ့တင်
ဘဝက လုံလောက်ကောင်းမွန်နေပြီလို့
ခံစားရပါတယ်။

မတူညီတဲ့ ဘဝပေါင်းများစွာတွေကြား
တူညီတဲ့ ချစ်ခြင်းတွေနဲ့သာဆိုရင်
အရာအားလုံးဟာ ထာဝစဉ် လှပနေမှာ
အမှန်ပါရှင်။

တစ်နေ့ မောင်နဲ့အတူ နာဂတောင်တန်းတစ်ခုလုံး
ခြေဆန့်ပါဦးမည်။🥰🥰🥰

ချစ်ခြင်းများစွာဖြင့် With Love: Mali Ingra

#နာဂတောင်တန်းဒေသ
#နန်းယွန်း_ပန်ဆောင်မြို့နှင့်
#ကျေးရွာပေါင်းများစွာသို့
#အမှတ်တရ

18/09/2025

#နာဂတောင်တန်းဒေသ_ပန်ဆောင်မြို့
#ချစ်စရာ_မနက်စျေး

မင်္ဂလာပါ မမ မလိ မိသားစုဝင်တို့ရေ
ဒေသတစ်ခုရောက်တိုင်း ရောက်တိုင်း
မမ မလိက မနက်စျေး မရောက်မဖြစ်ပါပဲ….ရှင်။

ဒေသတစ်ခုချင်းစီတိုင်းရဲ့
မနက်စျေးတိုင်းဟာ
တစ်မျိုးစီစိတ်ဝင်စားစရာပါ။

မြူနှင်းတွေအုံ့ဆိုင်းပြီး မနက်အစောကြီး
လေးနာရီခွဲ ၊ ငါးနာရီမထိုးခင်ကတည်းကနေ
ရောင်းသူဝယ်သူတွေ တစ်ဖွဲဖွဲနဲ့
အလွန်ချစ်စရာကောင်းတဲ့ ပန်ဆောင်မြို့
မနက်စျေးဟာ မမ မလိအတွက်တော့
ရင်ခုန်ကြည်နူးစရာပင်။🥰

အိပ်ယာစောစောထနိုင်မှ
မိမိတို့ လိုချင်တာရနိုင်တာမို့
ပန်ဆောင်မြို့ မနက်စျေးသွားဖို့ဆိုရင်
မမ မလိတို့ ဇွဲကြီးပုံများ လေးနာရီခွဲကတည်းက
စျေးမှာ ရောက်နှင့်ပြီးသားပေါ့ရှင်။
( မျက်နှာမသစ်၊ သွားမတိုက်ပဲ😂)

နာဂတောင်တန်းဒေသထွက်
ငရုတ်သီးခြောက်၊ ဂျင်း၊ လက်ဖက်ခြောက်
ကန်စင်းသီး၊ပိန်းဥ တို့ကတော့ ကောင်းမှကောင်းပါပဲရှင်။
မမ မလိတို့ကတော့ ဝယ်တာဝယ်တာဆိုတာ
ပြောမနေပါနဲ့တော့ရှင်။

ပန်ဆောင်မြို့မနက်စျေးနေ့တွေမှာ
နေ့စဉ်အပေါဆုံးတွေ့ရတာကတော့
ကန်စင်းရွက်၊နာဂဒေသထွက်ဂျူးမြစ်၊
ဂျင်း၊ပိန်းဥ၊သဘာဝမှိုတုန်တုန်၊မှိုကပ်နဲ့
သူတို့တစ်နိုင်တပိုင်စိုက်တဲ့ စိုက်ခင်းတွေထဲက
ဟင်းသီးဟင်းရွက်တွေပါပဲ……

စီးပွါးဖြစ် စိုက်ပျိုးတဲ့သူတွေမရှိတဲ့အတွက်
မြို့ပြစျေးတွေလို ဘာမဆို ဖောဖောသီသီတော့
မရနိုင်ဘူးပေါ့။

နာဂတောင်တန်းဒေသ ပန်ဆောင်မြို့ရဲ့
မနက်စျေးဟာ
စုံစုံလင်လင်မရှိသေးတဲ့စျေးငယ်လေးပေမဲ့
မမ မလိအတွက်တော့ အဓိပ္ပါယ်အရှိဆုံးနဲ့
တန်ဖိုးအရှိဆုံးစျေးလေးဖြစ်နေပါတော့သည်။

ဘာကြောင့်လဲဆိုတော့…..
မနက်ခင်းမှာ စျေးလာရောင်းတဲ့
အမျိုးသမီးကြီး၊ အမျိုးသမီးငယ်တိုင်းဟာ
သူတို့ရဲ့အသက်မွေးဝမ်းကြောင်းကို
သမာအာဇီဝစစ်စစ်နဲ့ အသက်မွေးဝမ်းကြောင်း
ပြုနေသူများဖြစ်ကြပြီး…..

သူတို့သားသမီး၊ မောင်ငယ်နှမငယ်လေးများ၏
ပညာရေးအတွက် အထောက်အပံ့ပေးနိုင်အောင်
ကြိုးစားရုန်းကန်နေသူများဖြစ်ကြ၍
မမမလိအတွက်တော့ မပြည့်စုံတဲ့ကြားက
သူတို့၏ ပြည့်စုံသော စိတ်နှလုံးအလှတရားများဟာ
တန်ဖိုးအရှိဆုံး ဖြစ်နေရပါတော့သည်။

ချစ်ခြင်းများစွာဖြင့် With Love:Mali Ingra

#နာဂတောင်တန်း
#ပန်ဆောင်မြို့
#မနက်စျေး

Mali Ingra - Food & Travel

10/01/2026

15/12/2025

10/12/2025

07/12/2025

19/11/2025

11/11/2025

07/11/2025

25/09/2025

24/09/2025

21/09/2025

19/09/2025

18/09/2025

Address

Telephone

Website

Alerts

Shortcuts

Share

Category