ThaByae Youth Publishing House

08/11/2025

သပြေမောင်မယ်စာပေတိုက်တန်ဆောင်တိုင် အထူးလျှော့စျေး

တန်ဆောင်တိုင် အထူးလျှော့စျေးအဖြစ် သားသား မီးမီးတို့ နှစ်သက် သဘောကျတဲ့ သပြေမောင်မယ် စာပေတိုက်ထုတ် ကလေးလူငယ်စာအုပ်များကို အထူးလျှော့ဈေးဖြင့် ရောင်းချပေးပါမယ်။

အောက်တိုဘာ (၂၀ ) ရက်မှ နိုဝင်ဘာ (၁၀) ရက်အတွင်း ဆက်သွယ် မှာယူပါက တစ်ဦးချင်း ၂၀% ၊ စာကြည့်တိုက်များအတွက် ၂၅% အထိ လျှော့ပေးသွားမှာ ဖြစ်ပါတယ်။

မြို့နယ်အလိုက် ပို့ဆောင်ခလေးကိုတော့ စာအုပ်မှာယူသူဘက်မှ ကျခံပေးပါနော်။

#သပြေမောင်မယ်စာပေတိုက်မှ စာအုပ်များကို မှာယူလိုလျှင် page chat box သို့မဟုတ် 09983124266 (Ph, Viber)ကို ဆက်သွယ်ဝယ်ယူနိုင်ပါသည်။

14/10/2025

သပြေမောင်မယ်စာပေတိုက်တန်ဆောင်တိုင် အထူးလျှော့စျေး

တန်ဆောင်တိုင် အထူးလျှော့စျေးအဖြစ် သားသား မီးမီးတို့ နှစ်သက် သဘောကျတဲ့ သပြေမောင်မယ် စာပေတိုက်ထုတ် ကလေးလူငယ်စာအုပ်များကို အထူးလျှော့ဈေးဖြင့် ရောင်းချပေးပါမယ်။

အောက်တိုဘာ (၂၀ ) ရက်မှ နိုဝင်ဘာ (၁၀) ရက်အတွင်း ဆက်သွယ် မှာယူပါက တစ်ဦးချင်း ၂၀% ၊ စာကြည့်တိုက်များအတွက် ၂၅% အထိ လျှော့ပေးသွားမှာ ဖြစ်ပါတယ်။

မြို့နယ်အလိုက် ပို့ဆောင်ခလေးကိုတော့ စာအုပ်မှာယူသူဘက်မှ ကျခံပေးပါနော်။

#သပြေမောင်မယ်စာပေတိုက်မှ စာအုပ်များကို မှာယူလိုလျှင် page chat box သို့မဟုတ် 09983124266 (Ph, Viber)ကို ဆက်သွယ်ဝယ်ယူနိုင်ပါသည်။

27/06/2025

သပြေမောင်မယ်စာပေရဲ့ ဘာသာပြန်စာအုပ်ကောင်းလေး တစ်အုပ်ပေါ့… စထုတ်ကတည်းက အကျိုးအမြတ်အတွက် ရောင်းဖို့ထက် ကလေးတွေအတွက် မျှဝေချင်တဲ့ ဆန္ဒနဲ့ ထုတ်ဝေခဲ့တဲ့ စာအုပ်ကောင်းလေးတစ်အုပ်ပေါ့…

24/05/2025

စာအုပ်ကလေးတွေ ဖတ်ပြီးတိုင်း review ပြန်လုပ်ပေးတဲ့ Walking Book Mobile Library က ကလေးလူငယ်တွေကို သပြေမောင်မယ်စာပေက အမြဲ ကျေးဇူးတင်ပါတယ်။
ဒီစာအုပ်ကလေးကတော့ သပြေမောင်မယ်ရဲ့ အစောဆုံးထုတ်ဝေတဲ့ စာအုပ်ကလေးဖြစ်သလို ရောင်းချခြင်းမပြုတဲ့ စာကြည့်တိုက်တွေအတွက် လှူဒါန်းပေးတဲ့ စာအုပ်ကလေးပဲ ဖြစ်ပါတယ်…

မင်္ဂလာပါ။
ကျွန်မတို့တစ်တွေ အားလုံး မေတ္တာတရားနဲ့
မထိတွေ့ဖူးတဲ့သူ ရှိမယ်မထင်ပါဘူး။ စကားလေးတစ်ခွန်းပဲဖြစ်ဖြစ် အကြည့်လေးတစ်ချက်ကပဲဖြစ်ဖြစ် အပြုအမူလေးတစ်ခုကပဲဖြစ်ဖြစ် စာလေးတစ်ကြောင်းကပဲဖြစ်ဖြစ် ကျွန်မတို့တွေခံစားတတ်တဲ့အခါ ထိုအရာဟာ မေတ္တာတရားဖြစ်လာတတ်ပါတယ်။ သားသမီးနဲ့‌မိဘကြားကချစ်ခြင်းမေတ္တာတွေ၊ ညီအကိုမောင်နှမတွေကြားကတွယ်တာမှုနဲ့မေတ္တာတွေ၊ သူငယ်ချင်းတွေကြားမှာရှိတဲ့ ခင်မင်မှုနဲ့မေတ္တာတရားတွေ၊ ဆရာ တပည့်တွေကြားက လေးစားမှုနဲ့မေတ္တာတွေ၊ လူအချင်းချင်း ကိုယ်ချင်းစာစိတ်နဲ့ထားရှိကြတဲ့ မေတ္တာတရားတွေဟာ သေချာလေးတွေးကြည့်မိမယ်ဆိုရင် အင်မတန်မှကြည်နူးပီတိဖြစ်စရာကောင်းလှပါတယ်။ သွေးတော်သားစပ်မှ မေတ္တာတရားဟာ ပေါက်ဖွားလာတာ မဟုတ်ဘဲ ရေစက်ပါလာတဲ့အခါ ကိုယ်တိုင်က မသိလိုက်ခင်မှာပဲ တစ်ဖက်သားအပေါ်မှာ မေတ္တာထားမိတာ၊ ဂရုဏာသက်မိတာမျိုးတွေဖြစ်တတ်ပါတယ်။
ရုပ်ပြပုံပြင်စာအုပ်လေးတစ်အုပ်ကို ဖတ်မိတဲ့အချိန်မှာ ကျွန်မကိုဒါတွေတွေးမိစေခဲ့ပါတယ်။ တောင်ကိုရီးယားနိုင်ငံရဲ့စာရေးဆရာမ ဝှမ်ဆောင်းမီ(Hwang Sunmi)ရေးသားထားပြီး "အိုဒုသိုဂီ"(Odolttogi)အဖွဲ့ရဲ့ လှပတဲ့လက်ရာတွေနဲ့ဖန်တီးထားတဲ့စာအုပ်လေးတစ်အုပ်ကိုပြောပြချင်ပါတယ်။ ဒီစာအုပ်လေးကို သပြေ(ကိုရီးယား)မှဘာသာပြန်တင်ဆက်ထားပြီး ThaByae Youth Publishing House မှထုတ်ဝေခဲ့တာပါ။
*အမေ့သွေးမဟုတ်တဲ့အမေ့သား*
ဒီစာအုပ်လေးဟာ ကြက်ခြံထဲမှာပဲပိတ်လှောင်ခံထားရပြီး အသက်မရှိတဲ့ဥတွေကိုပဲ ဥနေရတဲ့ရွက်နုဆိုတဲ့ဥစားကြက်မတစ်ကောင် ~ ~ ~ ~ ~ ~
ရွက်နုဟာ အသက်မရှိတဲ့ဥလေးတွေကို ကြက်သေးသေးလေးတွေဖြစ်လာတဲ့အထိ ကိုယ်တိုင်ပျိုးထောင်ချင်တဲ့အိပ်မက်ကို အကောင်အထည်ဖော်ချင်ခဲ့သူ *⊰⁠⊹ฺ°
အဲ့ဒီအိပ်မက်လေးကိုမျှော်လင့်ချက်နဲ့ပွေ့ပိုက်ပြီး ကြက်မွေးမြူရေးခြံဝင်းထဲကနေ
ထွက်လာခဲ့တဲ့အခါမှာတော့ ^◍⁠•*⁠。
တောထဲမှာသောင်းကျန်းနေတဲ့တောကြောင်ရဲ့
အန္တရာယ်ကိုရှောင်ရှားနေရရင်းက အမေမရှိတော့တဲ့
ဘဲဥလေးတစ်လုံးကို အကောင်ပေါက်တဲ့အထိ
ဝပ်ပေးဖို့ဖြစ်လာခဲ့တယ် *⁠.⁠✧
ရွက်နုရဲ့ နေ့စဉ်ရက်ဆက်မက်ခဲ့ရတဲ့အိပ်မက်ကို အကောင်အထည်ဖော်နိုင်မယ့် အခွင့်အရေးရရှိလာချိန်မှာတော့ သူဟာ အခက်အခဲတွေကြားထဲကနေ ဒီကလေးလေးရှင်သန်နိုင်ဖို့ရာအတွက် မိခင်တစ်ယောက်ရဲ့ချစ်ခြင်းမေတ္တာတွေနဲ့ ဘယ်လိုမျိုးအစွမ်းကုန်ကြိုးစားပေးခဲ့သလဲဆိုတာကို ဖတ်ရှုခံစားရ‌မှာဖြစ်ပါတယ်။ *⁠´｡⁠*ﾟ⁠+✿
ဒီစာအုပ်လေးထဲကရွက်နုဆိုတဲ့ကြက်မလေးက သူရဲ့ဥမဟုတ်တဲ့ ဘဲဥလေးကို အလွန်ကိုမှ သူချစ်မြတ်နိုးရှာပါတယ်။ ဒီလိုအဖြစ်အပျက်မျိုးဟာ ပုံပြင်တွေထဲမှာပဲရှိနေတာမဟုတ်ပါဘူး။ အပြင်လောကမှာလည်းတည်ရှိနေတတ်ပါတယ်။ ဥပမာပြောရရင် ကျွန်မဒီပုံပြင်လေးကိုဖတ်နေချိန်မှာ မိဘမဲ့ကလေးများစောင့်ရှောက်ရေးဂေဟာလိုမျိုး လှုမှုကူညီရေးအဖွဲ့အစည်းတွေကို စိတ်ထဲမှာပေါ်လာတယ်။ သူတို့အဖွဲ့အစည်းတွေဟာ သွေးမတော်သားမစပ်တဲ့ မိမဲ့ဖမဲ့နှင့်ဒုက္ခပင်လယ်ဝေနေရမယ့် ကလေးငယ်လေးများကို စောင့်ရှောက်ပေးနိုင်မယ့်အုပ်ထိန်းသူတွေ့အောင် ထို့ထက်ပို၍ ကိုယ့်ခြေထောက်ပေါ်ကိုယ်ရပ်တည်နိုင်လာအောင်အထိ ကိုယ့်လုပ်အားနဲ့ပြုစုပျိုးထောင်ပေးနေကြတာဖြစ်ပါတယ်။ တကယ်ကိုကြီးမြတ်တဲ့မေတ္တာနဲ့ ကူညီမှုလို့ ကျွန်မကတော့မြင်မိတာအမှန်ပါပဲ။ ဒီလိုသဘောတရာလေးတွေနဲ့ဖန်တီးထားတဲ့ *အမေ့သွေးမဟုတ်တဲ့အမေ့သား* ဆိုတဲ့ သရုပ်ဖော်ပုံလှလှလေးတွေနဲ့ ကာတွန်းရုပ်ပြစာအုပ်လေးကို
Walking Book Mobile Library မှာ ငှားပေးနေပြီ
ဖြစ်တာမို့ တစ်ခါလောက်တော့ ဖတ်ကြည့်ကြဖို့တိုက်တွန်းပါတယ်နော်။・☆*⁠´｡⁠*ﾟ⁠+

မေတ္တာများစွာဖြင့်
Library Volunteer
Eaint Hmue Khin


#အခမဲ့စာကြည့်တိုက်
#ရေဦးမြို့

14/03/2025

Review ကောင်းလေးတွေအတွက် သပြေမောင်မယ်စာပေက အမြဲကျေးဇူးတင်နေရပါတယ် ကလေးတို့ရေ 🥰😘

"သွားဆရာဝန်မလေး ပူစူး"

ကျွန်မလို သွားကျန်းမာရေး နဲ့ ပတ်သက်ပြီး စိတ်ဝင်စားတဲ့သူတွေအတွက် "သွားဆရာဝန်မလေး ပူစူး" ဆိုတဲ့စာအုပ်လေးအကြောင်းကို မိတ်ဆက်ပေးချင်ပါတယ်။
ဒီစာအုပ်လေးကို ကလေးတွေ ကိုယ်တိုင်လည်းဖတ်သင့်သလို မိဘတွေကလည်း ကိုယ်တိုင်ဖတ်ပြီး ကိုယ့်သားသမီး သွားကျန်းမာရေးကိုဂရုစိုက်ပေးလို့ရပါတယ်။ကျွန်မက သွားကျန်းမာရေးနဲ့ပတ်သက်ပြီး စိတ်ဝင်စားပေမယ့် သွားကျန်းမာရေးအကြောင်း ရေးထားတဲ့စာအုပ်တွေကိုတော့မဖတ်ဖြစ်ပါဘူး။ကျွန်မအတွက် ကျန်းမာရေးစာအုပ်တွေဖတ်ရတာဟာ ရုပ်ပြစာအုပ်တွေဖတ်ရတာလောက်တော့ ပျော်စရာမကောင်းပါဘူး။ဒါ့ကြောင့်လည်းကျွန်မက မဖတ်ဖြစ်တာပေါ့။ဒါ‌ပေမယ့်ဒီ‌စာအုပ်လေးက သွားကျန်းမာရေး အကြောင်းကို ရုပ်ပြစာအုပ်အဖြစ်ဖော်ပြထားတဲ့အတွက် စိတ်ဝင်စားစရာလည်းကောင်းသလို၊ဗဟုသုတလည်းရပါတယ်။
ဒီစာအုပ်ကိုရေးသားထားသူကတော့ ဆရာတောလူဖြစ်ပြီး သရုပ်ဖော်ကတော့ ဆရာစောတင်မောင်ဖြစ်ပါတယ်။ ThaByae Youth Publishing House သပြေမောင်မယ် ကနေထုတ်ဝေထားတာပဲဖြစ်ပါတယ် ။ စာအုပ်ရဲ့အဓိကအကြောင်းအရာက ကျွန်မတို့ရဲ့ သွားတွေဟာ ဘယ်လောက်အထိ အရေးပါလဲ၊ ဘာ့ကြောင့်ဂရုစိုက်သင့်လဲ ဆိုတဲ့အကြောင်းလေးကို ဖော်ပြထားပါတယ်။ဇာတ်လမ်းပုံစံလေးနဲ့ဖော်ပြထားတာမို့ စိတ်ဝင်စားဖို့ကောင်းလို့ ဖတ်ကြည့်ကြဖို့အကြံပေးချင်ပါတယ်။ဒီဇာတ်လမ်းထဲမှာဆိုရင် ပူစူးမ၊အောင်ဘု၊သာဓုနဲ့ပေသီး ဆိုတဲ့သူငယ်ချင်း ၄ယောက်ဟာ သွားကျန်းမာရေးကို ဂရုစိုက်တတ်တဲ့သူတွေဖြစ်ပြီး..သူတို့သူငယ်ချင်း၄ယောက်ဆုံရင်လည်း သူတို့ရဲ့သွားတွေကို ဘယ်လိုဂရုစိုက်ဖြစ်တယ်၊‌ဘယ်လို ထိန်းသိမ်းဖြစ်တယ်‌ဆိုတဲ့ အကြောင်းတွေကိုပြောလေ့ရှိပါတယ်။နောက်ပြီး သူတို့သိထားတဲ့ သွားကျန်းမာရေး အကြောင်းတွေကိုလည်း တစ်ယောက်နဲ့တစ်ယောက်မျှဝေတတ်ကြပါသေးတယ်။သွားကျန်းမာရေ ပညာပေးဟောပြောပွဲ တစ်ခုကိုလည်း သူတို့သူငယ်ချင်း၄ယောက်အတူတူတက်ရောက်ဖြစ်ခဲ့ကြပါတယ်။အဲ့ဒီဟောပြောပွဲမှာလည်း သူတို့မသိသေးတဲ့ သွားကျန်းမာရေးနဲ့ ပတ်သက်တဲ့အကြောင်းတွေကိုလည်းသိလိုက်ကြပါတယ်။
သွားကို ဘယ်လိုတိုက်ရမယ်၊သွားတိုက်တံကိုဘယ်လိုအသုံးပြုရမယ်၊သွားကိုဘယ်အချိန်တွေမှာတိုက်ရမယ် စတဲ့အကြောင်းအရာလေး‌တွေ ရေးသားထားတဲ့အတွက် ကျွန်မကတော့ တော်တော်လေး သဘောကျမိသလို အားလုံးလည်း ဒီစာအုပ်လေးကို သဘောကျမယ်လို့ထင်မိပါတယ်။ဒါ့ကြောင့် "သွားဆရာဝန်မလေး ပူစူး"‌ဆိုတဲ့စာအုပ်လေးကို ဖတ်ကြည့်ကြဖို့အတွက် အကြံပေးပါတယ်နော် ။

ဆုခြယ်မြင့်မိုရ်
Grade 8

#အခမဲ့စာကြည့်တိုက်
#ရေဦးမြို့

28/02/2025

ဖတ်ပြတာလေး နားထောင်လို့ ကောင်းလိုက်တာ😍

28/02/2025

“ဒီစာအုပ်ကလေးကို အရမ်းကြိုက်လို့”တဲ့
သပြေစာကြည့်တိုက်က ကလေးတယောက်က ငှါးဖတ်ပြီး ပြန်လာ မအပ်လို့မေးကြည့်မှ ကြိုက်လို့ ရက်လွန်ကြေးပေးပြီ ငှါးထားသတဲ့…
ချစ်စရာကလေးမလေး ♥️

11/02/2025

Review လေးတွေရေးတိုင်း အတွေးလေးတွေ အရေးလေးတွေ ကောင်းကြလို့ သပြေမောင်မယ်က ကိုကိုမမတွေက အားတောင်ကျနေရတယ်🤩

တောသားလေး ကျွန်တော် (Review)

သူငယ်ချင်းတို့ရေ.....။ Walking Book Mobile Library page မှ ကြိုဆိုပါတယ်...။ဒီတစ်ခေါက်မှာတော့ တောသား‌လေး ကျွန်တော် ဆိုတဲ့စာအုပ်လေးအကြောင်း ပြောပြပေးသွားမှာဖြစ်ပါတယ်...။
သူငယ်ချင်းတို့ရေ မင်းတို့တွေအားလုံးက မြို့သားတွေ၊မြို့သူ‌တွေပဲ ဖြစ်ချင်ကြတာမဟုတ်လား။တစ်ယောက်ယောက်က မင်းတို့ကို မင်းကတောသားပဲ လို့ပြောရင်မင်းတို့မခံချင်ကြဘူးမဟုတ်လား။ငါလဲတစ်ချိန်တုန်းကတော့အဲဒီလိုပါပဲ။ငါ့ကို တောသူလို့ပြောရင်‌ဒေါသထွက်တယ်။မခံချင်ဘူး။ ဒါပေမဲ့အခုတော့ အဲဒီလိုမဟုတ်တော့ဘူး။ တောသူဖြစ်ချင်လာတယ်။ တောသူလို့ပြောရင်လဲ ပြောခံလိုက်တယ်။အဲဒါကဘာဖြစ်လို့လဲဆိုတော့ ဆရာတောလူရဲ့ တောသားလေးကျွန်တော် ဆိုတဲ့စာအုပ်လေးကို ဖတ်လိုက်လို့လေ...။ဒီစာအုပ်လေးကိုဖတ်ပြီးတောရဲ့သဘာဝအလှတရားတွေ၊တောသူ၊တောသားတွေရဲ့အားသာချက်‌တွေ နဲ့ တောတောင်သဘာဝရဲ့ အားသာချက်တွေကိုအများကြီးသိလိုက်ရပါတယ်....။
တောသူ၊တောသား ဖြစ်ရတာနဲ့ မြို့သူမြို့သား ဖြစ်ရတာနှစ်ခုထဲက ဘယ်ဟာဖြစ်ချင်လဲဆိုရင် အများစုကတော့ မြို့သူ၊မြို့သားဖြစ်ချင်တယ် လို့ဖြေမယ်ဆိုတာ သေချာပါတယ်...။ဒါကလဲဖြစ်သင့်ပါတယ်။မြို့ကမှခေတ်မီတာဆိုတော့ အခုခေတ်ကလေးအများစုက အစစအရာရာတိုးတက်နေတဲ့ မြို့ကြီးသူ၊မြို့ကြီးသားတွေပဲဖြစ်ချင်ကြမှာပါ။ငါကိုယ်တိုင်လဲ မင်းတို့လိုပဲ မြို့သူဖြစ်ချင်သေးပါတယ်။ဒါပေမဲ့ အရင်တုန်းကလို မြို့သူပဲဖြစ်ချင်တာတော့ မဟုတ်ပါဘူး။တောသူလေးတစ်ယောက်လည်း ဖြစ်ချင်တာပါပဲ။ ဒီစာအုပ်လေးကိုမဖတ်ခင်ကဆိုရင် ငါက တောသူတစ်စက်မှ မဖြစ်ချင်ဘူး။ဘာလို့လဲဆိုတော့ အမှန်တိုင်းပြောရရင် တောမှာက ဆင်းရဲတဲ့သူတွေပဲ နေကြတယ်ထင်လို့လေ...။ငါ့ကိုဆင်းရဲတယ်လို့အပြောမခံချင်‌လို့ပေါ့.....။ဒါပေမဲ့ ဒီစာအုပ်လေးကိုဖတ်ပြီး တောမှာနေတဲ့သူတွေက ကူညီတတ်တယ်၊ဖေးမတတ်တယ် ဆိုတာကိုသိလိုက်ရတယ်....။အဲဒီအသိစိတ်နဲ့အတူ ငါ့ရဲ့စိတ်ထဲကို ဝင်လာတာတစ်ခုက ဆင်းဆင်းရဲရဲ နေရနေရ ချမ်းချမ်းသာသာ နေရနေရ ကူညီတတ်တဲ့သူ၊ဖေးမတတ်တဲ့သူနဲ့ နေရရင်အကောင်းဆုံးပဲ ဆိုတာပါပဲ....။
ဒီစာအုပ်လေးထဲမှာ တောသားလေးတစ်ယောက်ရဲ့ အကြောင်းကို သုတ၊ရသစုံစွာရေးသားထားတာဖြစ်ပါတယ်....။ကာတွန်းသရုပ်ဖော်မိုးကြီးဖြစ်ပြီး
ThaByae Youth Publishing House သပြေမောင်မယ်စာအုပ်တိုက်ကနေ ထုတ်ဝေထားပါတယ်..။စာနည်းပြီး ရုပ်ပုံများတဲ့အတွက် ကလေးတွေအတွက် ရည်ရွယ်ထားတဲ့ ချစ်စရာစာအုပ်ကလေး တစ်အုပ်ဖြစ်ပါတယ်။
အဓိကချီးကျူးချင်တဲ့ အချက်ကတော့ စာနည်းနည်းလေးနဲ့ သုတ ၊ရသတွေအများကြီးနဲ့အသိတရားတွေအများကြီး ပေးနိုင်တာပါပဲ..။နောက်ပြီးသရုပ်ဖော်ပုံတွေကလဲ ဝေဝေဆာဆာနဲ့ တကယ်ကိုအမှန်အကန် ရေးဆွဲထားတာကြောင့် ကြည့်လိုက်တာနဲ့
ပြချင်တဲ့အရာကို မျက်လုံးထဲမှာ တန်းမြင်စေပါတယ်.....။ဒါကြောင့်ဒီစာအုပ်လေးကိုတော်တော်လေးကြိုက်မိပါတယ်.......။
စာအုပ်ထဲက ရွာလေးမှာ နေတဲ့ရွာသူ၊ရွာသားတွေရဲ့ မိတ်ဆွေကောင်းပီသတဲ့စိတ်ဓာတ်ကိုတော့ တော်တော်လေးကြိုက်မိပါတယ်....။နောက်ပြီး တောသားလေးရဲ့မိဘအပေါ် သိတတ်တဲ့စိတ်ကိုလဲ တော်တော်လေး‌ လေးစားမိပါတယ်.....။ဒီစာအုပ်လေးကိုဖတ်ပြီး ငါ့ရဲ့နားထဲမှာ ခဏ ခဏ ပဲ့တင်သံထပ်နေတဲ့ စကားလေးတစ်ခွန်းကတော့ "ကျွန်တော်အရွယ်ရောက်လာတဲ့အခါမှာလည်း ဖေဖေ၊မေမေနဲ့ ရွာသူရွာသားတွေလို တောမှာနေတဲ့တောသားပဲ ဖြစ်ချင်ပါတယ်..." ဆိုတဲ့စကားပါပဲ...။
ကဲ.....သူငယ်ချင်းတို့ရေ.....။ငါပြောတာနဲ့တင် စာအုပ်ရဲ့အကြောင်းက တော်တော်လေးစုံနေပြီ။ဒီထက်စုံစုံလင်လင်ပိုသိရအောင် တောသားလေးကျွန်တော် ဆိုတဲ့စာအုပ်ကလေးကို ဖတ်ကြည့်ရင်တော့ အ‌ကောင်းဆုံးပဲပေါ့ကွာ.......။ဒါကြောင့် ငါတို့ရဲ့ Walking Book Mobile Library လေးကိုလာပြီး အခမဲ့ငှားရမ်း ဖတ်ရှုလိုက်ကြစို့နော်........။

အိချောကို
Grade -5

#အခမဲ့စာကြည့်တိုက်
#ရေဦးမြို့

06/02/2025

စာအုပ်တွေ ဖတ်ပြီးတိုင်း စာအုပ်တွေရဲ့ အနှစ်အရသာကို သေချာ မြည်းစမ်းရှာဖွေတတ်တဲ့ သမီးလေးပါ။ စာဖတ်အားလည်း ကောင်းသလို စာအရေးအသားလည်း ကောင်းတဲ့ Walking Book Mobile Library က သမီးလေး ကျေးဇူးပါ။

အားလုံးပဲ မင်္ဂလာပါ။ ကျွန်မက ဒီနေ့မှာတော့ ၁၀နှစ်အောက်ကလေးတွေ အတွက် ဖတ်လို့‌ကောင်းမယ့်
စာအုပ်လေးကို မိတ်ဆက်ပေးချင်ပါတယ်။ "တံငါရွာ" တဲ့။ ဒီစာအုပ်ကိုတော့ ဆရာတောလူ က ရေးသားထားပြီး ThaByae Youth Publishing House သပြေမောင်မယ် စာအုပ်တိုက်ကနေ ထုတ်ဝေထားတာပဲဖြစ်ပါတယ်။ကာတွန်းသရုပ်ဖော်ကတော့ စိုင်းခမ်းလိန်ပဲဖြစ်ပါတယ်။
ဇာတ်လမ်းလေးကတော့ ခေါင်းစဉ်ကို ကြည့်လိုက်ရင် အနည်းငယ်ရိပ်မိကြလိမ့်မယ်လို့ ထင်မိပါတယ်။ စာအုပ်အမည် "တံငါရွာ"ဆိုတဲ့အတိုင်း ဇာတ်လမ်းလေးကတော့ တံငါသည်‌တွေရဲ့ နေ့စဉ်ဘဝကိုဖော်ပြထားတာပဲဖြစ်ပါတယ်။ဒီဇာတ်‌လမ်းလေးထဲမှာ ကလေးမလေးတစ်ယောက်က သူ့ဖေဖေ(တံငါသည်)ရဲ့တစ်နေ့တာအကြောင်းကို ပြောပြထားတဲ့ ပုံစံလေးနဲ့ဖော်ပြထားပါတယ်။နောက်ပြီး ဒီစာအုပ်လေးထဲမှာ မီးပြတိုက်ရဲ့အကြောင်း အနည်းငယ်ကိုလည်း ဖော်ပြထားပါ‌သေးတယ်။ "မီးပြတိုက်ဆိုတာက ညဘက်မှာ လှေတွေ၊သင်္ဘောတွေ အန္တရာယ်ကင်းကင်းနဲ့ လိုရာခရီးကို သွားလာနိုင်အောင် မီးပြတိုက်လေးက လမ်းပြ‌ပေးနေတာ "တဲ့။
နောက်ပြီး ငါးဖမ်းထွက်ကြတဲ့အခါ တံငါသည်တွေဟာ သူတို့ရဲ့ လှေပေါ်မှာ ဘာတွေယူသွားတတ်ကြတယ်၊ရာသီဥတု သာယာတဲ့နေ့တွေမှာဆိုရင် မြစ်တွေ၊ချောင်းတွေထဲမှာ သွားလာနေတဲ့ လှေတွေ ၊သင်္ဘောတွေဟာ ဘယ်လောက်လှတယ် စတဲ့အကြောင်းအရာလေးတွေကိုပါ ရေးသားထားလို့ ကျွန်မကတော့ အတော်လေး သဘောကျမိပါတယ်။အားလုံးကိုလည်း ဖတ်ကြည့်ကြဖို့ တိုက်တွန်းချင်ပါတယ်။
ဒီစာအုပ်လေးက ဘယ်အရွယ်တွေအတွက်ဆိုပြီး သီးသန့်ထုတ်ဝေထားတဲ့ စာအုပ်လေးမဟုတ်ပေမယ့် ကျွန်မကတော့ ၁၀နှစ်အောက်ကလေး‌တွေ ကို ပိုဖတ်စေချင်ပါတယ် ။ဘာလို့ဆို ဒီ‌စာအုပ်ရဲ့ ဇာတ်လမ်းလေးက အရမ်းမရှည်ပဲ၊ရိုးရိုးရှင်းရှင်းနဲ့ ဖတ်လို့ကောင်းပြီး ဗဟုသုတလည်းရတာကြောင့်ပါ။‌ဒါ့ကြောင့်ဖတ်ကြည့်ကြဖို့အတွက် အကြံပြုချင်ပါတယ်။


ဆုခြယ်မြင့်မိုရ်
Grade - 7

#အခမဲ့စာကြည့်တိုက်
#ရေဦးမြို့

27/01/2025

အတွေးလေးတွေ အရေးလေးတွေကောင်းလိုက်တာ…
စာအုပ်ကလေးကို သဘောကျလို့ သပြေမောင်မယ်အဖွဲ့သူ အဖွဲ့သားတွေကလည်း ကျေးဇူးတင်နေပါတယ်နော်🥰

ငါနေတဲ့ ရပ်ကွက် Review

မင်္ဂလာပါ။ ကျွန်မက မလေပြေအေး ဖြစ်ပါတယ်။
ဒီတစ်ခေါက်မှာတော့ ကလေးစာအုပ်လေး တစ်အုပ်ကို Reviewပေးသွားမှာ ဖြစ်ပါတယ်။ဒီစာအုပ်လေးဟာကလေးစာ‌ပေ ဆိုတဲ့ အတိုင်း စာလေးတွေကတော့ နည်းနည်းပဲပါ ပါတယ်။ကာတွန်းသရုပ်ဖော်ပုံတွေ ကလည်း ဆွဲတောင်မှု ရှိပါတယ်။ ဒါပေမဲ့ လူကြီးတွေပါ ဖတ်သင့်တဲ့ စာအုပ်လေးတစ်အုပ်လို့ ကျွန်မကတော့ ထင်မြင်မိပါတယ်။ဒီစာအုပ်လေးထဲမှာဆို တွေးစရာ‌တွေအများကြီး ပါဝင်ပါတယ်။
လူဆိုတာ တစ်ယောက်နဲ့ တစ်ယောက် မတူပါဘူး။ ဥပမာ-တစ်ယောက်‌ကအရပ်ရှည်သလို နောက်တစ်ယောက်က ပု ချင် ပုပါလိမ့်မယ်။ကျွန်မတို့ ဆရာကြီးက ပြောဖူးတယ် လူတိုင်းမှာ မတူညီတဲ့ အရည်အချင်းတွေ ရှိပါတယ်။တကယ်လို့ အရည်အချင်းတွေ တူလို့ လူတိုင်းဆရာဝန် ဖြစ်နေမယ်ဆိုရင် ဘယ်သူက ဈေးရောင်းမှာလဲ ၊ဘယ်သူက ပန်ရံ လုပ်မှာလဲ လို့ပြောဖူးပါတယ်။
" ဟာ ဒီ‌လူက ပန်ရံ မို့ မခေါ်ချင်ဘူး၊ ဒီမိန်းကလေးက ငါးရောင်းတဲ့ သူမို့ မခေါ်ချင်ဖူး" ဆိုပြီး မလုပ်ရပါဘူး။
ဒီစာအုပ်လေးထဲမှာတော့ အခြေခံ လူတန်းစားတွေ အလုပ်ကို ဘယ်လိုလုပ်တယ်၊အခြေခံ လူတန်းစားတွေရဲ့ အလုပ်က ဘာတွေဆိုတာကို ရေးသားထားပါတယ်။အဲ့ အခြေခံ လူတန်းစားရဲ့ သားသမီးတွေကလည်း မိဘတွေက မအားတော့ အိမ်မှာ ဘယ်လိုလုပ်ရတယ် ဆိုတာကို ရေးသားထားပြီး သူတို့မှာလည်း ရည်မှန်းချက် ၊ပန်းတိုင်တွေ ရှိတယ် ဆိုတာကို ရေးသားထားပါတယ်။ဒီစာအုပ်လေးကို ဖတ်ပြီး အခြေခံ လူတန်းစားတွေဟာ အလုပ်ကို ကြိုးကြိုးစားစား လုပ်တယ်ဆိုတာကိုလည်း မြင်တွေ့ရပါတယ်။
ဒီစာအုပ်လေးကိုတော့ ThaByae Youth Publishing House သပြေကလေးလူငယ် ဗဟိုပြုစာပေ စာအုပ်တိုက်မှ ထုတ်ဝေထားပြီး ဆရာတောလူက ရေးသားထားပါတယ်။ကာတွန်းသရုပ်ဖော်ကတော့
မိုးကြီး ပဲဖြစ်ပါတယ်။ဒီစာအုပ်လေးကို Walking Book Mobile Library မှာ အခမဲ့ငှားရမ်း ဖတ်ရှုနိုင်ကြောင်း ပြောကြားရင်း အားလုံးကို နှုတ်ဆက်လိုက်ပါတယ်ရှင်။

လေပြေအေး
Grade - 7


#အခမဲ့စာကြည့်တိုက်
#ရေဦးမြို့

26/01/2025

သစ်ပင်တစ်ပင်မှာ စာအုပ်လေးဟာ တခြားစာအုပ်တွေနဲ့ မတူပဲ ကတ္ထူအဖုံးနဲ့ စာအုပ်ဆိုဒ်ကလည်း ရှည်ရှည်ဖြစ်အောင် ဖန်တီးထားတာမို့ ရင်ခွင်ထဲ ပိုက်ထားပြီး ပုံလေးကြည့်လိုက် စဉ်းစားလိုက်လုပ်လို့ ကောင်းတဲ့ စာအုပ်လေးတအုပ်ပေါ့

23/01/2025

ပေးစာ စာအုပ်ကလေးဖြစ်လာဖို့ကို မယ်သပြေရော စာရေးသူ တောလူကရော အတော်ကြိုးစားအားထုတ်ရတယ်။ လက်ရှိမှာ စာအုပ်အရေအတွက်နည်းနေလို့ ရောင်းချခြင်း မပြုလုပ်တော့ဘဲ စာကြည့်တိုက်တွေ အတွက်ပဲ လှုဒါန်းပေးဖြစ်လာတဲ့ စာအုပ်ကောင်းလေးတအုပ်ပါ။

✉️ ပေးစာ (review) 📬

ကျွန်မလို ဆယ်ကျော်သက်တွေအတွက် ညွှန်ပေးချင်မိတဲ့ စာအုပ်လေး တစ်အုပ်ရှိပါတယ်။ကိုယ်တိုင်လည်း အဲ့စာအုပ်လေးကို တော်တော်လေး သဘောကျမိသလို ဖတ်ပြီးသွားတဲ့အခါမှာလည်း ဗဟုသုတ‌တွေ၊စိတ်ခွန်အားတွေအပြင် ကျွန်မရဲ့လွဲမှားနေတဲ့ အကျင့်တွေကိုပါ သိလိုက်ရပါတယ်။အဲ့စာအုပ်‌ရဲ့ နာမည်ကတော့ ပေးစာ ပဲဖြစ်ပါတယ်။ပေးစာ ဆိုတဲ့ စာအုပ်လေးကိုရေးသားထားသူကတော့ ဆရာတောလူဖြစ်ပြီး ThaByae Youth Publishing House သပြေမောင်မယ်စာအုပ်တိုက် ကနေထုတ်ဝေထားပါတယ်။ သရုပ်ဖော်ကတော့ မယ်သပြေဖြစ်ပြီး ဒါကသူ့ရဲ့ပထမဦးဆုံး ပွဲဦးထွက်လက်ရာပဲ ဖြစ်ပါတယ်။
ဒီစာအုပ်ထဲမှာပါတဲ့ပုံလေးတွေက ၁ပုံချင်းစီတိုင်းမှာ လေးနက်တဲ့အဓိပ္ပာယ်လေးတွေ ရှိလိမ့်မယ်လို့ ကျွန်မထင်မိတယ်။နောက်ပြီးအမှာစာထဲမှာ ဖော်ပြထားသလိုပဲ တချို့ပုံလေးတွေက စာသားရဲ့အဓိပ္ပာယ်ကို တိုက်ရိုက်ဖော်ကျူးထားပြီး တချို့ပုံလေးတွေကတော့ ရုပ်ပုံကိုကြည့်ပြီးစာသားရဲ့အဓိပ္ပာယ်ကို ဖြန့်ကျက်တွေးတတ်အောင်ရေးဆွဲထားပါတယ်။ပြီးတော့ဒီစာအုပ်ထဲမှာပါတဲ့ ပုံလေးတွေက ကလေးတွေကိုယ်တိုင်ဖန်တီးရေးဆွဲထားသလို ခံစားရအောင် ပုံဖော်ထားတဲ့အကြောင်းကိုလည်း အမှာစာထဲမှာဖော်ပြထားပါသေးတယ်။
ဒီစာအုပ်ထဲမှာ "သားသားရေ"၊ "ခွင့်လွှတ်ပါ" နဲ့ "အားတင်းထားပါ" စတဲ့ ပေးစာ၃ခု ပါဝင်ပါတယ်။
"သားသားရေ "ဆိုတဲ့ ပေးစာလေးကတော့ မိဘကနေသားသမီးအတွက် လွဲမှားနေတဲ့အကျင့်တွေကို ဘယ်လိုပြောင်းလဲရမယ်၊ကိုယ့်ဘဝအတွက်ကောင်းမွန်တဲ့ လူကောင်းတစ်ယောက်ဖြစ်အောင် ဘယ်လိုပြောဆိုရမယ် ဘယ်လိုနေထိုင်ရမယ် စတဲ့အကြောင်းအရာတွေကို ရေးသားထားတဲ့ ပေးစာလေးတစောင် လို့ ကျွန်မထင်မိပါတယ်။
"ခွင့်လွှတ်ပါ" ဆိုတဲ့ပေးစာလေး ကတော့ သူငယ်ချင်းတွေကြား ဖြစ်လေ့‌ဖြစ်ထရှိတဲ့ အမှား‌လေး တွေအတွက် တောင်းပန်ထားတဲ့ ပေးစာလေးပဲဖြစ်ပါတယ်။
"အားတင်းထားပါ"ဆိုတဲ့ ပေးစာလေးကတော့ စိတ်ပင်ပန်းနေတဲ့သူတွေအတွက် စိတ်ခွန်အားတွေ ပေးတဲ့ ပေးစာလေးပဲဖြစ်ပါတယ်။ကျွန်မအကြိုက်ဆုံး ပေးစာလေးကတော့ "သားသားရေ" ဆိုတဲ့‌ ပေးစာလေးပဲဖြစ်ပါတယ်။ဒီပေးစာလေးက ကျွန်မဘဝအတွက် အဓိပ္ပာယ်ရှိတဲ့ ပေးစာလေးတစောင် လို့ထင်မိပါတယ်။ဒီပေးစာလေးကို ဖတ်ပြီးတဲ့နောက်မှာ ကိုယ့်ဘဝအတွက် ကောင်းမွန်တဲ့သူတစ်ယောက်ဖြစ်အောင် ဘယ်လိုပြုမူနေထိုင်ရမလဲ ဆိုတဲ့အကြောင်းအရာတွေအပြင် ကျွန်မရဲ့လွဲမှားနေတဲ့ အပြုအမူတချို့ကိုလည်း သိလိုက်ရပါတယ်။ဒီပေးစာလေးတစောင်တင် မဟုတ်ပဲ စာအုပ်တစ်အုပ်လုံးက ဗဟုသုတတွေ၊စိတ်ခွန်အားတွေ ပေးနိုင်တဲ့စာအုပ်လေး ဖြစ်တာကြောင့် အာလုံးကိုလည်း ဖတ်ကြည့်ကြဖို့ အကြံပေးချင်ပါတယ်။


ဆုခြယ်မြင့်မိုရ်
Grade-7
#အခမဲ့စာကြည့်တိုက်
#ရေဦးမြို့