Gadget Shop by Lluvia

27/05/2026

iPad Keyboard ရဲ့ Trackpad ကို အပြည့်အဝ သုံးချင်ရင် ဒီ settings တွေ ကို သိထားဖို့တော့ လိုမယ်နော်...

Trackpad သုံးရတာ “မ smooth ဘူး” “Laptop လိုမခံစားရဘူး” ဆိုတဲ့သူတွေ အများစုက ဒီ settings တွေ မဖွင့်ထားသေးတာများပါတယ်။ တိုတိုတုတ်တုတ်ပဲ ပြောပြပေးမယ်။

⚙️ Settings → General → Trackpad

✅ Tap to Click
Trackpad ကို physical click (ခလုတ်ကြီးကိုဖိ) နှိပ်စရာမလိုဘဲ touch နဲ့ (ထိလိုက်ရုံ) click လုပ်လို့ရမယ်။ MacBook ဆန်ဆန် ခံစား ရလာမယ်။

✅ Secondary Click
Two Finger Tap နဲ့ (လက်နှစ်ချောင်းနဲ့ထိရင်) right click menu ခေါ်လို့ရမယ်။ Copy/Paste, Open New Tab တွေ ပိုမြန်လာမယ်။

✅ Tracking Speed
Cursor movement ကို ကိုယ်ကြိုက်သလို ချိန်နိုင်ပါတယ်။ Default setting က တချို့အတွက် နှေးနေတတ်ပါတယ်။

✅ Natural Scrolling
Scrolling direction ကို iPhone style လား Laptop style လား ကြိုက်သလို ပြောင်းနိုင်တယ်။

⚙️ Settings → Accessibility → Pointer Control

✅ Pointer Animation
Cursor magnet effect ကို လျှော့/ပိတ်လို့ရတယ်။ Minimalist cursor feel ကြိုက်တဲ့သူတွေအတွက် အသုံးဝင်ပါတယ်။

✅ Pointer Size & Contrast
Cursor ကို ပိုမြင်ရလွယ်အောင် customize လုပ်နိုင်ပါတယ်။

🎯 Bonus Gestures

✅ 3 Finger Swipe Up → Home / App Switcher
လက်သုံး‌ချောင်းနဲ့ အပေါ်ကို ပွတ်ပြီး Home screen ပြန်ထွက်တာ လုပ်လို့ရပါတယ်။

✅ 3 Finger Left/Right → Apps ပြောင်း
App တခုနဲ့ တခု ပြောင်းချင်ရင် အလွယ်လေး လက်သုံးချောင်းနဲ့ ဘယ်ညာ ပြောင်းနိုင်ပါတယ်။

✅ Two Finger Scroll → Smooth scrolling
လက်နှစ်ချောင်းနဲ့ scroll လုပ်မယ်။

✅ Command + Space → Spotlight
MacBook ဆန်ဆန် spotlight ကိုလဲ command + space နဲ့ ခေါ်လို့ရပါတယ်။

ဒီဟာတွေ ကျွမ်းသွားပြီဆိုရင် screen ကို လက်နဲ့ထိပါဆိုတာတောင် ထိဖြစ်မှာ မဟုတ်တော့ဘူး 😎

26/05/2026

iPad နဲ့တွဲသုံးဖို့ Keyboard က ရွေးရတာ လွယ်သလောက်၊ Pencil ရွေးရတာကြ ရောင်းတဲ့သူအနေနဲ့ နည်းနည်း ပြောရခက်တယ်။
ဒါပေမယ့် Pencil ဟာ iPad ရဲ့ အနှစ်သာရကို အပြည့်ဝဆုံး ထုတ်ဖော်ပေးနိုင်တဲ့ iPad Accessories ကောင်းတစ်ခုပါ။
ကျနော်ကိုယ်တိုင် Goojodoq GD 11 ကို ၆ လလောက် သုံးခဲ့ဖူးသလို၊ အခု Apple Pencil Pro ကို ပြောင်းသုံးနေတဲ့ အတွေ့အကြုံအရ Pencil တစ်ချောင်းဝယ်ဖို့ စဉ်းစားနေသူတွေအတွက် အချက်အလက်အချို့ မျှဝေပေးချင်ပါတယ်။

၁။ ကိုယ့်လိုအပ်ချက်ကို အရင်မေးပါ

ကိုယ်က ပုံဆွဲတဲ့ Digital Artist ဖြစ်တယ်ဆိုရင်: Apple Pencil ကလွဲပြီး တခြားရွေးစရာ မရှိပါဘူး။ အကြောင်းကတော့ Apple က Pressure Sensitivity (ဖိရေးရင် ထင်ပြီး ဖော့ရေးရင် ဖျော့တဲ့ နည်းပညာ) ကို တခြား Third-party တွေမှာ သုံးခွင့်မပေးထားလို့ပါ။ Apple နဲ့ ပူးပေါင်းထုတ်လုပ်တဲ့ Logitech Crayon မှာတောင် ဒီ feature မပါတာကိုကြည့်ရင် Apple က ဒီ feature ကို သူတို့ သီးသန့်ပဲ ရစေချင်တဲ့ သဘောမှာ ရှိပါတယ်။ ပုံဆွဲမယ့်သူအတွက်တော့ Pressure Sensitivity ဟာ မရှိမဖြစ်ပါ။

Note မှတ်မယ်/စာရေးမယ်ဆိုရင်: Apple Pencil မဟုတ်လည်း ရပါတယ်။ ဒီနေရာမှာတော့ Apple က "Palm Rejection" (လက်ဝါးထောက်ပြီး ရေးရင် စာမဖျက်ဆီးမိအောင် ကာကွယ်ပေးခြင်း) ကို တခြား brand တွေကို သုံးခွင့်ပေးထားပါတယ်။ ဒါကြောင့် Goojodoq GD 11 လိုမျိုး budget-friendly ဖြစ်တဲ့ pencil တွေမှာတောင် palm rejection က တော်တော်ကောင်းကောင်း အလုပ်လုပ်ပါတယ်။

၂။ Wireless Charging ရဲ့ အရေးပါမှု

Pencil ကို မသုံးတဲ့အခါ iPad ဘေးမှာ ကပ်ထားလိုက်ရုံနဲ့ အားသွင်းပေးတာဟာ "အားသွင်းဖို့ မေ့သွားမှာ စိုးရတဲ့ စိတ်" ကို လုံးဝ ပပျောက်သွားစေပါတယ်။ ဒီ feature ပါချင်တယ်ဆိုရင်တော့ budget အလွန်နည်းတဲ့ဟာတွေကို ရှောင်ပြီး midrange ပိုင်းကို ကြည့်တာ ပိုကောင်းပါတယ်။

၃။ Universal Stylus တွေကို လုံးဝမကြည့်ပါနဲ့

iPad အတွက် ဝယ်မယ်ဆိုရင် iPad ရဲ့ စနစ်နဲ့ သီးသန့် အလုပ်လုပ်ဖို့ ထုတ်ထားတဲ့ (Scribble တို့၊ Palm Rejection တို့ပါတဲ့) ပုံစံမျိုးကိုပဲ ရွေးပါ။ Universal stylus တွေက ဈေးသိပ်မကွာဘဲ လုပ်ဆောင်ချက်ချင်း ကွာလွန်းပါတယ်။ အနည်းဆုံးတော့ Goojodoq GD 11 လိုမျိုး iPad အတွက် သီးသန့်ထုတ်တဲ့အမျိုးအစားကနေ စတင်တာ အကောင်းဆုံးပါပဲ။

25/05/2026

ESR Flex ကို ကျနော် Reviews ရေးတုန်းက၊ Air 11 Model တွေအတွက်ပဲ ရသေးပြီး၊ Thai Layout ဖြစ်နေသေးတယ်။

အခု A16 သမားတွေအတွက် သတင်းကောင်းကတော့၊ US Layout ကြီးပါရလာတာပဲ။

ကျနော်မှာတဲ့ ဆီမှာပါ Limited stock ဖြစ်နေတာမို့ ဘယ်အချိန်ထိပဲ ရမှာလဲကတော့ ခန့်မှန်းမရဘူး။

Air တို့ Pro တို့ဆိုရင် Logitech နဲ့ ဘာရွေးရမလဲ စဉ်းစားရခက်နေဦးမယ်။
A16 အတွက်ကတော့ Logitech build quality က သိပ်မကောင်းတာမို့ အများကြီး စဉ်းစားနေစရာတောင်မလိုပါ။

Review ကို ဒီမှာ ဖတ်နိုင်ပါတယ်။
https://www.facebook.com/share/p/1BXbfckVKd/

25/05/2026

ကိုယ့် iPad အတွက် keyboard မှာချင်ပေမယ့်၊ လကုန်တဲ့ အထိစောင့်နေတဲ့ ညီအကိုတွေ၊ ညီမတွေ ရှိနေမှာပေါ့။
သူတို့ အတွက် ဒီနေ့ကနေပြီး May 31 ရက်နေ့အတွင်း မှာလို့ရမယ့် Pay Day Sales လေးတွေ တင်ပေးလိုက်ပါတယ်ဗျ။

ဒီတ‌ခေါက်မှာတော့ Inateck ရဲ့ AcePro series လေးပါ list ထဲထည့်ပေးလိုက်ပါတယ်ဗျ။ ပြီးတော့ ESR Flex က လည်း A16 အတွက်ပါရနေပါပြီ။

ပုံတပုံချင်းစီမှာလဲ‌ ဈေးလေးတွေ ရေးပေးထားမှာမို့၊ အတန်ဆုံးဈေးနဲ့ အကောင်းဆုံး လိုချင်တဲ့ ညီကိုတွေ လမကုန်ခင် စာရင်းသာ အရင်လာပေးလိုက်ပါတော့ဗျာ။

တခုရှိတာက Thai store ဘက်မှာလဲ stock လေးတွေ နဲနေပြီး ဈေးလေးတွေက ရက်အပေါ်မူတည်ပြီး အနဲငယ်အပြောင်းအလဲ ရှိတတ်တာမို့ စောစောမှာတဲ့သူကတော့ ပိုစိတ်ချရပါမယ်ဗျ။

24/05/2026

GSBL မှာ ရဦးမယ့် stock လေးတွေ သိချင်ရင် လိုက်ခဲ့

ESR Flex - 550000 MMK (for iPad Air 11)
WiWU Magic Keyboard - 350000 MMK (for iPad 10th gen & A16)
WiWU 3in1 Combo Touch - 370000 MMK (for iPad 10th gen, A16, Air 11)

23/05/2026

Red Dot Design Award 2026 နဲ့အတူ Budget iPad Keyboard လောကထဲ နေရာယူဖို့ ကြိုးစားနေတဲ့ Inateck ရဲ့ AceTouch Pro ကို ကျနော့်ရဲ့ စာရင်းမှာ နံပတ် ဘယ်လောက် ထားရမလဲ?

(Disclaimer: ယခု ဒီဇိုင်းဆုရသည့် AceTouch Pro သည်၊ လက်ရှိ local ဈေးကွက်ထဲမှာ ရောင်းချလျက်ရှိနေကြသော Inateck models များနှင့် တူညီမှု ရှိမရှိကိုတော့ အာမမခံပေးနိုင်ပါ။)

ပြီးခဲ့တဲ့ April လနှောင်းပိုင်းမှာ လုပ်သွားတဲ့၊ Red Dot Award ပွဲမှာ Design ဆုရတယ်ဆိုတာ Inateck အတွက်တော့ အသိအမှတ်ပြုမှု တခု ရလိုက်တယ်လို့ဆိုရမယ်။ အထူးသဖြင့် သူ့ရဲ့ 7.6 mm အထူပဲရှိတဲ့ ပါးလွှာမှု၊ detachable style၊ 5.1 in အရွယ်အစား TrackPad တွေကြောင့်ပဲ ဖြစ်မယ်လို့ထင်ပါတယ်။

ဒါပေမယ့် Inateck ဟာ ကျနော် ရောင်းဖို့ မတင်ဖူးတဲ့ ဘရန်းတခု ဖြစ်ပါတယ်။ အကြောင်းပြချက်တော့၊ iPad ကိုထောင်တဲ့ stand ဟာ iPad Cover ရဲ့ တစိပ်တပိုင်း ဖြစ်နေပြီး၊ iPad ထောင်ဖို့ stand ကိုထုတ်လိုက်ရင်၊ iPad အတွက် cover မကျန်ဘဲ အလွတ်ဖြစ်သွားတာကြီးကို မကြိုက်လို့ပါ။ အခု AceTouch Pro ဟာလဲ ဒီ design pattern ကိုပဲ ဆက်လက်အသုံးပြုထားတာကို တွေ့ရပါတယ်။

ဒါနဲ့ သူ့ Trackpad က တကယ်ရောကြီးရဲ့လား? လက်ထဲမှာ မကိုင်စမ်းဖူးဘဲ online ပေါ်က သတင်းအချက်အလက်တွေပဲ သုံးပြီးပြောရတာတော့ အားနာပါတယ်၊ ဒါပေမယ့် သူတို့ကြေငြာနေတဲ့ 70% bigger ၅ လက်မ trackpad ဟာ တကယ်တမ်းတော့ 60x118 mm ရှိတာဖြစ်ပြီး၊ ဒေါင်လိုက် အမြင့်ထက် အလျားက ပိုရှည်တာလို့ပဲထင်ပါတယ်။ Apple Original keyboard တွေထက်တော့ သိသိသာသာ ပိုကျယ်တာ တွေ့ရပေမယ့်၊ ESR Flex လို အမြင့်ပိုရှည်တဲ့ Trackpad အမျိုးအစားက ကျနော့်အတွက် ပိုပြီး immersive ဖြစ်တယ်လို့ ခံစားရပါတယ်။

iPad Cover ကျောဘက်မှာ အရင်ကမော်ဒယ်တွေလို inateck ဆိုတဲ့ စာသားလိုဂိုအစား၊ ပုံ logo သေးသေး ပါးပါးလေးပဲ ထည့်ပေးထားတာကတော့ သဘောကျစရာပါ၊ ဒီလို ဘတ်ဂျက်ကီးဘုတ်တွေကို ဝယ်မယ်ဆိုရင် အနက်ရောင်အစား၊ လင်းတဲ့ အရောင်လေးတွေဝယ်တာကို ပိုအားပေးပါတယ်။ ကြည့်ရသလောက်လဲ အဖြူလေးက ပိုလှပါတယ်။

keyboard + case အလေးချိန်က 530g ရှိတယ်လို့ပြောထားပြီး၊ သူ့တခြားမော်ဒယ်တွေထက်တော့ ၇၀ ဂရမ် ဝန်းကျင်လောက် ပိုတာမို့၊ ကျနော်ကတော့ အလေးချိန်ပိုတယ်လို့ မမြင်ဘဲ ပိုတောင့်တင်း ပိုကြံ့ခိုင်ပြီး၊ iPad ကိုလဲ ပိုကာကွယ်နိုင်မယ်လို့ ထင်ပါတယ်။

ဒါဆို ကျနော် ဒီ ကီးဘုတ်ကို recommend ပေးမှာလား?
ဒါကတော့ သူ့ရဲ့ budget မှာ တခြား ဘာ ဘရန်းရမလဲနဲ့ပါ ထည့်ပြောမှရပါမယ်။ Goojodoq တို့၊ WiWU တို့နဲ့ ဈေးမတိမ်းမယိမ်း ဖြစ်ပြီး၊ အမှန်တိုင်းဝန်ခံရရင် WiWU ရဲ့ 3 in 1 မော်ဒယ် MK-005 ဟာ Trackpad size သေးတာကလွဲရင် တောင့်တင်းခိုင်မာမှုနဲ့ ကိုင်ရတဲ့ ကာဗာရဲ့ texture တွေက ဒီ price range မှာ ကျနော် အကြိုက်ဆုံးပါ။ AceTouch Pro ကို မကိုင်ဖူးသေးတာကြောင့် ပြောရတော့ခက်ပေမယ့်၊ ဒီကောင်ဟာ WiWU မကြိုက်တဲ့သူတွေအတွက် ရွေးချယ်စရာ Alternative ဖြစ်လာမှာတော့ အသေအချာပါပဲ။

နိဂုံးချုပ်ရရင်တော့ ကျနော့် ရဲ့ List ဖြစ်တဲ့ -
1. Apple
2. Logitech combo touch
3. ESR Shift / Flex
4. Goojodoq Gen 3
5. WiWU Mk-005 3 in 1 combo touch
မှာ - သူ့ကို အပြင်က ခံစားချက်ပေါ်မူတည်ပြီး WiWU ရဲ့အပေါ်၊ သို့မဟုတ် အောက်၊ ပိုအဆင်ပြေရင် Goojodoq Gen 3 ရဲ့ အပေါ် သို့မဟုတ် အောက်မှာ ထားဖြစ်ပါလိမ့်မယ်။

ကျနော့်လိုပဲ စမ်းသပ်မှာယူချင်တာပဲဖြစ်ဖြစ်၊ အကြောင်းသိလို့ မှာယူချင်တာပဲ ဖြစ်ဖြစ် ကျနော့်ကို ဆက်သွယ်နိုင်ပါတယ်။

22/05/2026

Android Phone တွေမှာပါ စပြောင်းလာနေပါပြီ၊

Icon အသစ်လေးတွေကို စတင်ပွဲထုတ်လာပြီဖြစ်တဲ့ Google

Google တယောက် ကြိတ်လုပ်နေတဲ့ icon design အသစ်လေးတွေက အခုဆိုရင်တော့ Google workspace နဲ့ Google web app တော်တော်များများ မှာ စတင်မြင်နေရပြီပဲ ဖြစ်ပါတယ်။ ဒီ emoji ဆန်ဆန် Gradient ပြေးနေတဲ့ စတိုင်လေးတွေက အမြင်ဆန်းတဲ့အပြင်၊ အရင် icon set တုန်းက ရခဲ့တဲ့ ဝေဖန်မှုတွေကိုပါ ဖြေရှင်းပြီးသား ဖြစ်သွားစေပါတယ်။ အခု icon အသစ်တွေဟာ အရောင်ပိုင်းရော ပုံသဏ္ဌာန်ပိုင်းမှာပါ ပိုမိုကွဲပြားထင်ရှားသွားတဲ့အတွက် တစ်ခုနဲ့တစ်ခု ခွဲခြားရ ပိုမိုလွယ်ကူသွားပါတယ်။

အရင်တုန်းက အိုင်ကွန်တစ်ခုချင်းစီမှာ Google ရဲ့ အခြေခံအရောင် ၄ ရောင်စလုံး မဖြစ်မနေ ထည့်သွင်းရမယ်ဆိုတဲ့ သတ်မှတ်ချက် (mandate) ဟာ အခုအခါမှာတော့ apps အတော်များများအတွက် မရှိတော့ပါဘူး။ Gmail တစ်ခုတည်းသာ ခြွင်းချက်အနေနဲ့ ၄ ရောင်စလုံး ဆက်လက်ပါဝင်နေတာ ဖြစ်ပါတယ်။

လောလောဆယ်မှာတော့ Gmail, Google Drive, Docs, Sheets, Slides, Calendar, Chat, Meet, Vids, Forms, Keep, Voice နဲ့ Tasks စတဲ့ apps တွေအတွက် icon အသစ်တွေကို တွေ့ရမှာ ဖြစ်ပါတယ်။

ဒါပေမဲ့ browser tab တွေမှာ ပြသတဲ့ Favicon တွေကတော့ အပြောင်းအလဲ မရှိသေးပါဘူး။ အလားတူပဲ တစ်ကယ့် Document editor စာမျက်နှာတွေပေါ်က Logo တွေမှာလည်း အခုထိ update မဖြစ်သေးပါဘူး။

iOS မှာ စတင်ပြောင်းလဲနေပြီလို့လဲ သိရပေမယ့်၊ အခုထိ မမြင်ရသေးတဲ့သူတွေလဲ ရှိနေပါသေးတယ်။

22/05/2026

အလုပ်ပါးလို့ တယောက်ထဲ အေးဆေးနား မလို့ပါဆို အလုပ်ကပေးပြီ…

တပုံချင်း ထောက်ဖတ်သွားပါဦး

21/05/2026

ထင်ထားတာထက် အများကြီးပို အားရစရာကောင်း‌တဲ့ ESR flex နဲ့ ESR Shift အကြောင်း နဲနဲပြောပြမယ်။

ဒီဈေးနဲ့ ဒီ့ထက်ကောင်းတဲ့ iPad ကီးဘုတ်မျိုး တခြားနေရာမှာ သွားရှာကြည့်လို့ တွေ့ရင် ကျနော့်ဆီက မဝယ်တောင် ကျနော်စိတ်မဆိုးဘူး။ အဲ့လောက်ကို ကောင်းတာပါ။

အစက video လေးတင်မလို့ကို မအားသေးတာနဲ့ အကြမ်းဖျဉ်းလေး စာလေး အရင်တင်ပေးထားမယ်။

**Material**

အရင်ဆုံး သုံးထားတဲ့ Material ကိုပြောရရင်၊ Logitech ကီးဘုတ်တွေနဲ့ ဆင်တူတဲ့ "Soft-touch textiles" (အထည်သားပုံစံ) Material မျိုးသုံးထားတာကိုတွေ့ရတယ်။ Shift keyboard မှာတော့ iPad Cover ရော၊ Keyboard ရဲ့အောက်တဖက်ခြမ်းရော မှာ အဲ့ Material တခုထဲကိုပဲ သုံးထားတယ်။ Flex မှာတော့ iPad Cover မှာပဲ သုံးထားပြီး၊ ကီးဘုတ် အောက်တဖက်ခြမ်းက Plastic အသားပဲ သုံးထားတယ်။ ဆိုတော့ ပိတ်ထားပြီး ဟိုဒီကိုင်သွား သယ်သွားတာမျိုးဆိုရင် Shift က လက်ထဲမှာ ပိုပြီး နူးနူးညံ့ညံ့ရှိတယ်။

**Trackpad**

ကျနော်တွေ့ဖူး စမ်းဖူးသမျှ ထဲမှာ အရွယ်အစား အကြီးဆုံး Trackpad ကို ESR Shift ရော Flex ရောမှာတွေ့ရပါတယ်။ Trackpad ရဲ့ accuracy (တိကျမှုက) Logitech ပြီးရင် ဒုတိယအကောင်းဆုံးပဲ။ iPad Gestures အားလုံးနီးပါးကို အသုံးပြုလို့ရတယ်။ Touch to click ရတယ်။ touch to click မသုံးဘူး ခလုတ်ပဲနှိပ်ချင်တာဆိုရင်လည်း Shift ကတော့ click anywhere ဖြစ်လို့၊ Trackpad ရဲ့ နေရာတိုင်းကို နှိပ်လို့ရပြီး၊ Flex ကတော့ ပုံမှန် လက်တော့ Trackpad တွေလို Trackpad အောက်ခြေမှာပဲ right click, left click နှိပ်လို့ရပါတယ်။ ကျနော်ကတော့ Trackpad ကြီးနေတာနဲ့တင် Laptop နဲ့ အဆင်တူဆုံးခံစားချက်ကို ပေးနိုင်နေပြီလို့ထင်ပါတယ်။

**Keyboard**

Keyboard ရဲ့ design ပိုင်းက အပေါစားမဆန်ဘူး၊ Premium ဆန်တယ်။ ဒါကို လူတွေက သိပ်ဂရုမစိုက်တတ်ကြဘူးရယ် ကျနော်ကတော့ ဂရုစိုက်သင့်တယ်လို့ ထင်တယ်။ ဈေးသက်သာတဲ့ ဘာ brand မှန်းမသိတဲ့ keyboard တွေသုံးမယ့်အစား တသိန်းလောက်ပိုသုံးလိုက်ရင်၊ ကော်ဖီဆိုင်ထိုင် ဘာညာဆိုရင်လဲ မျက်နာပန်းပိုလှသလို၊ Keyboard quality ကလဲ ဘာမှမဆိုင်ဘူး။ Shift က glossy ဆန်တဲ့ plastic ကို ကီးဘုတ်မျက်နှာပြင်နဲ့ လက်ဖမိုးထားတဲ့နေရာမှာ သုံးထားတယ်။ Flex ကတော့ cover မှာ သုံးထားတဲ့ soft-touch textile material ကိုပဲ ပြန်သုံးပေးထားတယ်။ ၂ ခုလုံးကတော့ personal preference ပါပဲ။ ပုံတွေကို comments မှာ ပြပေးထားမယ်။

**Cover**

လူတွေ iPad Magic Keyboard floating style တွေအစား keyboard case တွေဝယ်ကြတာက၊ cover ကြောင့်လို့ဆိုရင်လဲ မမှားဘူး။ cover ဖြုတ်လိုက် keyboard မှာကပ်လိုက်၊ keyboard ကပြန်ခွာလိုက် cover တပ်လိုက် မလုပ်ချင်ကြလို့ရယ်။ အဲ့တော့ ကီးဘုတ်မသုံးချင်ရင် ဒီတိုင်း ဖြုတ်ပြီး ကာဗာတပ်ပြီးသားအတိုင်း ယူသွားလို့ရတဲ့ combo touch style ကီးဘုတ်တွေက တခြားရွေးချယ်စရာတွေ ဖြစ်လာတယ်။ ESR case တွေက case ကြီးပဲတောင် ဈေးကြီးပေးဝယ်ရတာပါ၊ ဒါပေမယ့် ဒီအခု ကီးဘုတ်မှာပါတဲ့ case တွေက iPad ကိုလဲ အပြည့်ဝကာကွယ်ပေးနိုင်သလို ဒီဇိုင်းကလဲ ရှင်းသန့်ပြီး လှတယ်လို့ ပြောရမယ်။ viewing mode နဲ့ drawing mode ဆိုပြီး angle ၂ ခုထောင်လို့ရတာကလဲ Logitech မှာတောင် မပါတဲ့ feature ပါ။ Stand style ကတော့ Shift နဲ့ Flex မှာ အနဲငယ်ကွာခြားပါတယ်။ ပြီးတော့ Flex ရဲ့ cover မှာ pencil ထည့်ဖို့ slot လေးပါပါတယ်။

**ဈေးနှုန်း**
ကျနော့် page ရဲ့ bio ကိုသာလာကြည့်လိုက်ပါ၊ အကောင်ဆုံး အရည်အသွေးကို အတန်ဆုံးဈေးနဲ့ပဲ အမြဲရောင်းပေးတယ်လို့ပြောထားပါတယ်။ ဒီ ကီးဘုတ်နှစ်ခုကို Mid month sales မှာ ကျနော် Flex ကို ၄၅၀၀၀၀ ကျပ်၊ Shift ကို ၅၅၀၀၀၀ ကျပ်နဲ့ ‌ရောင်းချပေးခဲ့ပါတယ်။ ပုံမှန်ချိန်ဆို ၅ သောင်း၊ တသိန်းကနေ တသိန်းခွဲထိ ဈေးပိုနိုင်တာမို့ sales ရှိမှ ဝယ်တာ အတန်ဆုံးဖြစ်မှာပါ။ အထူးသဖြင့် A16 နဲ့ 10th gen သမားတွေဆိုရင် Logitech အစား Flex ကိုပိုရွေးချယ်သင့်ပါတယ်။ Air နဲ့ Pro သမားတွေကတော့ Logitech ဘက်ကလဲ ပိုဈေးကြီးပြီး ပိုကောင်းနေသေးတာမို့ ကိုယ့် budget နဲ့ ကိုယ့် အကြိုက်ပေါ်မူတည်ပြီး ရွေးကြပါ။

**Logitech နဲ့ ဘာကွာလဲ**

Logitech ရဲ့ အားသာချက်တွေက၊ Pogo connector ကြောင့် direct connection ရပြီး၊ Lag အနဲဆုံးဖြစ်တာ၊ Apple ဘက်က တရားဝင် အသိမှတ်ပြုထားပြီး၊ Apple ဘက်က သတ်မှတ်တဲ့ Software update တိုင်းနီးပါးကို support တာ၊ iPad ရဲ့အားကို ယူသုံးတာမို့ Battery မလို အားသွင်းစရာလဲ မလိုတာ စတာတွေပဲဖြစ်ပါတယ်။ ဒါကေမယ့် Logitech မှာဆိုရင် A16 အတွက်ထုတ်ထားတဲ့ model design ကို ကျနော် မကြိုက်ပါ။

ESR Shift နဲ့ Flex က battery သီးသန့်ပါတာမို့၊ အားပြန်သွင်းပြီး သုံးရတယ်ဆိုပေမယ့်၊ ကီးဘုတ်တွေရဲ့ battery life က အကြာကြီးခံတာမို့ စိတ်ပူစရာမလိုပါဘူး၊ iPad အားလဲ ယူမသုံးလို့ iPad လဲ အားမြန်မြန်မကုန်တော့ဘူးပေါ့။ Apple ဘက်က official မပြောထားပေမယ့်၊ စမ်းကြည့်ရသလောက်ကတော့ iPadOS software နဲ့ compatible ဖြစ်ပြီး၊ shortcut တွေ gestures တွေ အကုန်နီးပါး အသုံးပြုလို့ရပါတယ်။ မြန်မာစာ ရလားဆိုသူတွေအတွက်၊ iPad virtual က ရတဲ့ language တိုင်းရတာမို့ စိတ်မပူပါနဲ့လို့ပဲ ပြောချင်ပါတယ်။

**နိဂုံး**

နိဂုံးချုပ်ရရင် အစက reviews တွေ၊ ပုံတွေ လောက်ကြည့်ပြီးသာ သိခဲ့ရပေမယ့်၊ တကယ် ကိုယ်တိုင်ကိုယ်ကျ လက်ထဲမှာ ကိုင်ကြည့်လိုက်တဲ့ အခါ၊ သူ့ quality နဲ့ သူ့ရဲ့ premium ဆန်တဲ့ ခံစားချက်တွေက၊ ပိုပြီး အံ့အားသင့်စေရသလို ဒီ‌ဈေးနဲ့ဆိုလဲ ဒီ့ထက်ကောင်းတဲ့ ကီးဘုတ် ကျနော် ညွှန်းပေးစရာ မရှိဘူးလို့ပြောရင်းပဲ အဆုံးသတ်ချင်ပါတယ်။

ကျနော့်ဆီမှာ Shift ကို iPad Pro M4/M5 နဲ့ Flex ကို iPad Air 11 တွေအတွက် stock တခုစီကျန်ပါဦးမယ်။ လက်ကျန် stock ၂ ခုကိုလဲ sales ချတဲ့ ဈေးနဲ့ပဲ ရောင်းပေးသွားပါမယ်။

20/05/2026

လူတိုင်း၊ လုပ်ငန်းတိုင်း AI ကို လွယ်လင့်တကူ အသုံးပြုနိုင်တဲ့ခေတ်ထဲကို တကယ်ရောက်နေပါပြီ။

မေလ (၁၉-၂၀) ရက်တွေမှာ ကျင်းပတဲ့ Google I/O 2026 ပွဲမှာ အနာဂတ်ကို ပြောင်းလဲပစ်မယ့် Gemini ရဲ့Update အသစ်တွေကို ချပြသွားပါတယ်။ အဓိကကတော့ AI ဟာ "အမေးအဖြေ လုပ်ရုံ" အဆင့်ကနေ ကိုယ့်ရဲ့ နေ့စဉ်အလုပ်တွေကို လက်တွေ့ ဝင်လုပ်ပေးမယ့် "AI လက်ထောက် (Agent)" အဖြစ် အပြည့်အဝ ပြောင်းလဲသွားတာပါ။

Gemini 3.5 Flash: ကြေညာပြီးတာနဲ့ တပြိုင်နက် ချက်ချင်း (Immediate Launch) အနေနဲ့ Gemini App နဲ့ Search တွေမှာ Default မော်ဒယ်အဖြစ် စတင် ပြောင်းလဲပေးလိုက်ပြီ ဖြစ်ပါတယ်။

Gemini Omni (Flash): YouTube Shorts နဲ့ Create App တွေမှာ အခမဲ့ စတင်သုံးနိုင်တော့မှာဖြစ်ပြီး၊ Google AI Subscription ယူထားသူတွေအတွက် Gemini App နဲ့ Google Flow တွေမှာပါ စတင် အသုံးပြုနိုင်နေပါပြီ။

Gemini Spark (24/7 Agent): Personal AI Agent ကိုတော့ အမေရိကန်က Google AI Ultra Subscriber တွေအတွက် လာမယ့်အပတ်ထဲမှာ Gmail နဲ့ Chat တွေကနေတဆင့် စတင် Beta စမ်းသပ်ပေးသွားမှာ ဖြစ်ပါတယ်။ နောက်ပိုင်းမှာ MCP ကနေတဆင့် Adobe, Dropbox, Uber စတဲ့ Third-party Tool ၃၀ ကျော်နဲ့ပါ ချိတ်ဆက်နိုင်မှာပါ။

အသုံးအဝင်ဆုံးဖြစ်မယ်ထင်တဲ့ Feature တွေကိုလည်း စုစည်းပေးလိုက်ပါတယ် 👇

၁။ 🤖 ၂၄ နာရီ အမြဲရှိနေမယ့် လက်ထောက် (Gemini Spark & Agents)
ဖုန်းပိတ်ထားရင်တောင် အလုပ်လုပ်ပေးမယ့် Personal AI Agent ပါ။ နောက်ကွယ်ကနေ အီးမေးလ်စစ်တာ၊ အစည်းအဝေး အချိန်ဇယားဆွဲတာတွေကို အလိုအလျောက် လုပ်ပေးနေမှာပါ။ အထူးသဖြင့် Customer Service နဲ့ အရောင်းပိုင်းတွေကို AI နဲ့ Automation လုပ်ချင်တဲ့ SME လုပ်ငန်းရှင်တွေအတွက် တကယ့်ကို အသုံးဝင်မယ့် အဆင့်ပါ။

၂။ 🧠 ခက်ခဲတဲ့ ပြဿနာတွေကို အချိန်ယူ စဉ်းစားပေးမယ် (Adjustable Thinking)
ရိုးရှင်းတဲ့ မေးခွန်းဆို ချက်ချင်း (Fast Mode) နဲ့ ဖြေပေးပြီး၊ ရှုပ်ထွေးတဲ့ စီးပွားရေးဗျူဟာဆွဲတာ၊ စာရင်းဇယား တွက်ချက်တာမျိုးဆို AI ကို "အချိန်ပိုယူပြီး သေချာစဉ်းစားခိုင်းတဲ့" (Deep Think Mode) ပါဝင်လာပါတယ်။ လူသားတစ်ယောက်လို အဆင့်ဆင့် စဉ်းစားပြီးမှ အမှားအကင်းဆုံး အဖြေထုတ်ပေးမှာပါ။

၃။ ⏰ အချိန်ကိုက် အလုပ်ခိုင်းထားလို့ရပြီ (Scheduled Workflows)
"သောကြာနေ့တိုင်း အရောင်းစာရင်း Report ထုတ်ပေး" လို့ တစ်ခါတည်း အချိန်ဇယားနဲ့ ခိုင်းထား (Schedule) လို့ ရသွားပါပြီ။ အပတ်စဉ်၊ နေ့စဉ် အလုပ်တွေကို လူက ဝင်လုပ်နေစရာမလိုဘဲ AI က အလိုအလျောက် ပုံမှန် လုပ်ပေးနေမှာမို့ အလုပ်အရမ်း တွင်သွားမှာပါ။

၄။ 💡 ကိုယ့်အကြောင်း အမြဲမှတ်မိနေမယ့် (Long-Term Memory)
အရင်လို အကြောင်းအရာတစ်ခု အသစ်စတိုင်း အစကနေ ပြန်ရှင်းပြနေစရာ မလိုတော့ပါဘူး။ ကိုယ့်လုပ်ငန်း အချက်အလက်တွေ၊ ကိုယ်ကြိုက်တဲ့ ပုံစံတွေကို အမြဲမှတ်ထားပြီး Context ကိုက်ညီအောင် အကောင်းဆုံး ကူညီပေးနိုင်ပါပြီ။ (မမှတ်စေချင်တဲ့ အရာတွေကိုလည်း ပြန်ဖျက်ခွင့် ရှိပါတယ်)။

၅။ 🎬 ရုပ်ရှင်အဆင့်မီ ဗီဒီယိုတွေ ဖန်တီးမယ့် (Gemini Omni)
စာ၊ ပုံ တွေသာမက လက်တွေ့ကမ္ဘာက ရူပဗေဒသဘောတရား (ဥပမာ - ဆွဲငင်အား၊ ရွေ့လျားမှု) တွေကိုပါ နားလည်တဲ့ Multimodal မော်ဒယ်အသစ်ပါ။ ကိုယ့်စိတ်ကူးထဲက အိုင်ဒီယာကို ပေးလိုက်တာနဲ့ အလန်းစား ဗီဒီယိုတွေ ဖန်တီးပေးနိုင်ပါတယ်။

၆။ 🗣️ သဘာဝအကျဆုံး စကားပြောဖော် (Advanced Voice)
စက်ရုပ်ကြီးလို မဟုတ်တော့ဘဲ လူသားတစ်ယောက်လို လေသံအတက်အကျ၊ ခံစားချက်တွေနဲ့ တုံ့ပြန်ပြောဆိုနိုင်လာပါပြီ။ စကားပြောနေရင်း ကြားဖြတ်ပြောတာကိုလည်း ကောင်းကောင်း နားလည်ပါတယ်။
ဒါ့အပြင် မျက်စိပသာဒဖြစ်စေမယ့် Interactive Design အသစ်တွေနဲ့ မနက်တိုင်း သတင်းနဲ့ လုပ်စရာတွေကို အကျဉ်းချုပ်ပြပေးမယ့် Daily Brief တွေလည်း ပါဝင်လာပါတယ်။

💡 အနှစ်ချုပ်ရရင်တော့... အခု Update ဟာ လုပ်ငန်းငယ်လေးတွေကအစ ကိုယ်ပိုင် AI Agent တွေ တည်ဆောက်ပြီး အလုပ်တွေကို လွယ်လွယ်ကူကူ Automation လုပ်လို့ရမယ့် ခေတ်ကို ရောက်လာတာပါပဲ။ ကိုယ့်အတွက် ၂၄ နာရီ အလုပ်လုပ်ပေးမယ့် ဝန်ထမ်းကောင်းတစ်ယောက် ရလိုက်သလိုပါပဲ။

Neural Expressive Design: ပိုမို သက်ဝင်လှုပ်ရှားတဲ့ Design အသစ်၊ အရောင်အသွေးတွေနဲ့ အသံစနစ် (Gemini Live) ပေါင်းစပ်ထားတဲ့ UI အသစ်ကိုလည်း လက်ရှိ Gemini Mobile နဲ့ Desktop App တွေမှာ စတင် ပြောင်းလဲပေးနေပြီ ဖြစ်ပါတယ်။

ဒီ အသစ်ပြောင်းလဲမှုတွေထဲမှာ ဘယ်အချက်က မိတ်ဆွေတို့ အတွက် အကြိုက်ဆုံး ဖြစ်မလဲ?
လက်တွေ့မှာရော ဘယ်လိုမျိုး အသုံးချသွားဖို့ စဉ်းစားထားလဲ?

20/05/2026

Congratulations 🎉👏🏻

Admin က ဘောပွဲ မကြည့်ဘူး ဒါမဲ့ မင့် အဖေက အာဆင်နယ်ဖန်မို့၊ ဂုဏ်ဝင်ပြုပေး

အမှားပါရင် ခွင့်လွှတ်ပါ၊ 🙄