ZU academy

18/08/2025

17/08/2025

Ажлын бүтээмжээ сайжруулах судалгаагаар нотлогдсон 5 арга:
1. Бусдаас тусламж хүс
Судалгаагаар ихэнх ажилчид өөрт оногдсон ажлыг ганцаараа хийх гэж зүтгэснээр маш их цаг хугацаа алддаг болохыг тогтоожээ. Харин хүний нөөцийн менежерүүдийн баталснаар томоохон төсөл, ажлыг хамт ажиллагсдынхаа тусламжтайгаар хийх нь ажлын бүтээмжийг 50 илүү хувиар нэмэгдүүлдэг аж. Тиймээс хамт ажиллагсдаасаа тусламж хүсэх, мэдэхгүй зүйлээ асуухаас битгий нэрэлхэж байгаарай.
2. Хийх зүйлсийн жагсаалт гарга
Хийх ажлаа долоо хоногоор эсвэл сараар жагсааж бичээд дууссан дариуд нь тэмдэглэдэг болж хэвших нь ажлын бүтээмжийг нэмэгдүүлдэг байна. Технологийн дэвшлийн ачаар бид энэхүү жагсаалтаа заавал гараар бичих шаардлагагүй болсон. Цаг төлөвлөлтийг та утсан дээрээ эсвэл, Google Calendar ашиглан хийх боломжтой. Жагсаалтын ачаар та чухал ажлаа мартах, уулзалтаасаа хоцрох эрсдэл эрс буурах юм.
3. Амралт ав
АНУ-ын Луйзиана мужийн Пеннигтон Био-анагаах ухаан судлалын төвийн эрдэмтдийн 13 жилийн турш 17 мянган хүмүүсийн амьдралын хэв маяг дээр хийсэн судалгаагаар өдөржин сууж ажилладаг хүмүүсийн 53 хувь нь зүрхний шигдээсээр нас барах эрсдэлд ордог болохыг тогтоожээ. Мөн өдөрт 8-10 цагийг сууж ажилладаг хүмүүсийн ядрах мэдрэмж, өдөржин хөдөлгөөнтэй ажилласан хүмүүсийнхээс хоёр дахин илүү байдаг аж. Тиймээс урт хугацаанд суугаагаар ажиллаж байх үедээ заавал гучин минут амарч, хөнгөн хэлбэрийн дасгал хийх, эсвэл бүр хэдэн минут дуг хийх нь ажлын бүтээмжийг нэмэгдүүлдэг байна.
4. Зорилго тавь, гэхдээ аль болох бодитой
Зорилго, мөрөөдөлтэй байх нь хүний амьдралдаа хийж бүтээх бүх зүйлийн эх болдог гол түлхүүр билээ. Тиймээс өөртөө ойрын болон, алсын ирээдүйн зорилго тогтоогоорой. Гэхдээ хамгийн гол нь таны зорилго, тэр тусмаа ойрын зорилго тань биелүүлэх боломжтой, бодит байх хэрэгтэй шүү. Хэрвээ та маш богино хугацаанд биелүүлж чадахааргүй зорилго тавиад түүндээ хүрэхээр хэт их хичээх нь таны бие махбод болоод сэтгэл зүйн эрүүл мэндийг сүйтгэх болно. Тиймээс багаас дунд, дундаас том руу гэсэн дарааллаар яваарай.
5. Өөрийгөө урамшуул
Ажиллах, аливаа зүйлийг бий болгох тийм ч амаргүй. Ажил хийх үйл явцад таны бие болоод сэтгэл зүй маш их дарамтад орсон байдаг. Тиймээс өөрийгөө урамшуулж, сэтгэл санаагаа өргөж байгаарай. Тухайлбал хэрвээ би энэ ажлыг маргааш гэхэд дуусгаж чадвал өөртөө шинэ гутал худалдаж авна гэх зэргээр. Багахан гэхдээ сэтгэлийг тань сэргээх урамшууллыг өөртөө олгож байх нь ажлын бүтээмжид маш чухал байдаг аж

17/08/2025

7 ХЭМЖИЖ НЭГ ОГТОЛ
Тухайн үеийн зөн совин, найзын зөвлөгөө эсвэл сэтгэл хөдлөлөөр гаргасан шийдвэртээ харамсах үе байдаг шүү дээ.
💡 Амьдралд том, жижиг шийдвэр өдөр бүр бид гаргадаг. Эдгээр шийдвэр нь таны эрүүл мэнд, ажил, гэр бүл, сэтгэл зүйд шууд болон шууд бус нөлөө үзүүлдэг. Тиймээс шийдвэрээ ухаалгаар, бодит баримт дээр тулгуурлан гаргах нь чухал!
🤔 Танд шийдэх чухал асуудал байна уу?
Шийдвэр гаргах гэдэг нь янз бүрийн сонголтыг үнэлж, мэдээлэл цуглуулж, хамгийн тохиромжтой хувилбарыг сонгох үйл явц юм.
Алхам алхмаар шийдвэр гаргах энэхүү арга нь таныг илүү бодлоготой, ухаалаг шийдвэр гаргахад тусална. Энэ нь хамгийн сэтгэл ханамжтай сонголтыг хийх боломжийг нэмэгдүүлдэг.
✅ 1-р алхам: Шийдвэрээ тодорхойлох
Таны гаргах ёстой шийдвэр юу вэ гэдгийг ойлго. Шийдвэрийн мөн чанарыг тодорхой, ойлгомжтой тодорхойлох нь хамгийн эхний бөгөөд маш чухал алхам юм.
✅ 2-р алхам: Холбогдох мэдээллийг цуглуулах
Шийдвэр гаргахаасаа өмнө хэрэгтэй мэдээллийг олж ав.
Ямар мэдээлэл хэрэгтэй вэ?
Хаанаас олж болох вэ
Яаж цуглуулах вэ?
Энэ шатанд дотоод (өөрөөсөө) болон гадаад (ном, интернет, бусдаас) эх сурвалжаас мэдээлэл авна.
✅ 3-р алхам: Боломжит хувилбарыг тодорхойлох
Мэдээлэл цуглуулж байх явцад таны өмнө хэд хэдэн боломжит хувилбар гарч ирнэ.
Та уран сэтгэмж болон нэмэлт мэдээлэл ашиглан шинэ хувилбар ч гаргаж болно.
Тэгээд боломжит бүх хувилбараа жагсааж бичээрэй.
✅ 4-р алхам: Баримт, мэдрэмж дээр үндэслэн үнэлэх
Хувилбар бүрийг хэрэгжүүлсэн тохиолдолд юу болохыг төсөөл.
1-р алхамд тодорхойлсон хэрэгцээнд ямар хувилбар хамгийн сайн тохирох вэ гэдгийг үнэлнэ.
Хувилбаруудыг өөрийн үнэт зүйлсэд нийцүүлэн эрэмбэлнэ.
✅ 5-р алхам: Хувилбаруудаас сонгох
Одоо та мэдээллийг үнэлсэн тул хамгийн оновчтой хувилбараа сонгох цаг нь болсон. Зарим тохиолдолд хувилбаруудыг хослуулж сонгох боломжтой.
✅ 6-р алхам: Үйлдэл хийх
5-р алхамд сонгосон шийдвэрээ хэрэгжүүлж эхэл. Эерэг, бодит алхам хийгээрэй.
✅ 7-р алхам: Шийдвэр болон үр дүнг эргэн харах
Эцсийн алхам бол шийдвэрийн үр дүнг дүгнэх.
1-д тодорхойлсон зорилгодоо таны шийдвэр хүрсэн үү?
Хэрвээ үгүй бол тодорхой алхмуудыг дахин хийх, шинэ хувилбар судлах хэрэгтэй байж болно.
Жишээлбэл, илүү нарийн мэдээлэл цуглуулах эсвэл өөр хувилбараар шийдвэрлэх боломжтой.

17/08/2025

Ажлын бүтээмж нэмэгдүүлэх аргууд☺️☺️☺️

17/08/2025

17/08/2025

Та үүнийг мэдэх үү🥳🥳🥳🥳🥳🥳

17/08/2025

MHRI: Skill for Successful Mentoring
(Менторингийн суурь ойлголт, гол ур чадваруудыг танилцуулж, удирдах албан тушаалтнуудыг менторын үүрэгт бэлтгэх сургалт)
#МонголынХүнийНөөцийнИнститут