08/12/2020
УОК-н шийдвэрийн дагуу тээвэрлэлт удаашрах тухай
Нийт үйлчлүүлэгчдийн анхааралд
COVID-19 Монгол улсад тархсантай холбоотойгоор УОК-н шийдвэрийн дагуу 2020 оны 12-р сарын 1 ны 06:00 цаг хүртэл хатуу хөл хориог зарласан байгаа бөгөөд уг хугацаанд орон нутгийн болон Улаанбаатар хотруу орох гарах бүх хөдөлгөөнийг хязгаарласан байгаа болно. Зөвхөн эм тариа, хоол хүнсний барааг Улаанбаатарлуу нэвтрүүлж байна.
- Бид одоо ч 24 цагийн турш барааны захиалга хэвийн авч байгаа бөгөөд та бүхэн дээрх хүчин зүйлүүдийг бодолцон үзэж яаралтай болон цаг хугацаа заасан захиалга хийхгүй байхыг анхааруулж байна.
Иймд үйлчлүүлэгч та бүхэн одоогийн үүссэн байдлыг ойлгож доорх нөхцөлийг хүлээн зөвшөөрч захиалгаа хийнэ үү.
1. Ирэх хугацаа хамаагүй, эрт захиалсан бараа эрт ирдэг тул хамаагүй захиалгаа өгч байя гэж үзвэл
2. Захиалга хийгдсэний дараа хугацаанаас шалтгаалан захиалгаа цуцлах болон буцаах асуудлыг би үүсгэхгүй гэж үзэж байвал манай байгууллага таны захиалгыг 24/7 цагийн турш хэдийд ч гүйцэтгэсээр байна.
Бид таны захиалгыг байж болох бүхий л нөөц бололцоогоо ашиглан 1 өдрийн өмнө нь ч гэсэн хурдан авчрахаар хичээж ажиллаж байна.
УОК-с ачаа барааг хэвийн тарааж болох зөвшөөрөл гарсан даруйд бид хамгийн түрүүнд үйлчлүүлэгчдийнхээ барааг хурдан шуурхай тараахад бэлэн байгаа болно.
Нөхцөл байдал:
- Ачаа тээврийг хил гаалиар чөлөөтэй нэвтрүүлж байгаа хэдий ч орон нутгийн зам хаасантай холбоотойгоор ачааны машин Улаанбаатар хотод орж ирэх боломжгүй хорио тавигдтал хүлээлгэж байгаа.
- Орон нутгийн замыг хаахаас өмнө Улаанбаатарт манай хэд хэдэн машин ирсэн байгаа бөгөөд хууль хяналтын байгууллага хөл хорионы үеэр хүмүүс цуглуулахгүй байх холбогдох зөрчлийн хуулийг танилцуулан машин тус бүрийг хорио тавигдтал тараахгүй байхаар зохицуулж битүүмжилсэн байгаа болно. Иймээс хөл хорио тавигдтал УОК-н шийдвэрийн дагуу Улаанбаатарт ирсэн ачаа барааг тарааж өгөх боломжгүй байгаа болно.
Их асууж байгаа асуултууд:
1. Ачаа ирж байгаа юу?
Таны захиалсан он сарынхаа дагуу Улаанбаатарт манай хэд хэдэн машин ачаанууд ирсэн байгаа боловч хатуу хөл хорио УОК-с тогтоосон учир холбогдох хуулийг сануулан 12-р сарын 1 хүртэл ачааг олон хүн цуглуулж тараахгүй байхаар битүүмжилсэн байгаа.
2. Хил гааль хэвийн байгаа юу?
Хил гааль хэвийн байгаач орон нутгийн замыг хаасантай холбоотойгоор Улаанбаатарлуу ачаа бараа ачсан каргоны машин орж ирэхгүй байгаа.
3. Ачаа барааг хориглоогүй гэсэн биз дээ?
Зөвхөн тусгай зөвшөөрөлтэй эм эмнэлгийн бараа мөн хоол хүнсний тээврийг Улаанбаатарлуу нэвтрүүлж байна.
4. Ирсэн бараагаа авмаар байна. Бусад газрууд хүргэлт хийгээд байна шд.
Улаанбаатарт зөвхөн хоол хүнс, эмийн хүргэлтүүдийг зөвшөөрсөн байгаа. Чанга дэглэмийн хорионы үед одоогоор ачаа барааг хүргэлт хийхийг хориглосон хэвээр байна. Хэрэв өөр газрууд (карго, онлайн сайтууд) хатуу хөл хорионууд үед хүргэлт хийж ачаа барааг хүмүүс тарааж байгаа бол холбогдох хуулиудыг зөрчиж байгаа гэсэн үг юм. Энэ нь өөрийгөө болон бусдыг маш ихээр эрсдэлд оруулж болно.
5. 11.11 нд захиалсан бараа болон Маск захиалсан карантин дуусахаас өмнө авмаар байна.
УОК-с 12-р сарын 1 хүртэл ачаа барааны тээврийг Улаанбаатарлуу нэвтрүүлэхгүй байгаа гэвч бид хэрэв ачаа барааг нэвтрүүлэх шийдвэр УОК-с гарсан даруйд нь хамгийн түрүүнд үйлчлүүлэгчдийнхээ барааг авчрахад бэлэн байгаа.
6. Каргог халдваргүйжүүлсний дараа олгож байна гэсэн биз дээ? Яагаад бараа тараахгүй байгаа юм.
Уг мэдээлэл нь албан ёсоор баталгаажаагүй мэдээлэл бөгөөд бидэнд албан ёсоор бараа таваарыг тарааж болно гэсэн албан мэдээлэл ирээгүй байна. Иймд үйлчлүүлэгч та цуу яриа болон хэрэгжиж эхлээгүй албан бус мэдээлэлд ач холбогдол өгөхгүй байхыг зөвлөж байна. Бид үйл ажиллагаагаа эхлүүлсэн цаг үеэс эхлэн хил гааль, хөл хорио гээд ямар ч асуудал гарсан үйлчлүүлэгчдийнхээ эрх ашгийг хамгийн түрүүнд тавьж үйлчлүүлэгчдийнхээ барааг нэн түрүүнд авчрахад бэлэн байдаг болно.
7. Шинээр захиалга хийж болох уу.
Захиалга бол хэвийн хийгдэж байгаа. Тиймээс та цаг хугацаагаа бодолцож хөл хорионы үед яаралтай барааны хугацаа заасан захиалга өгөхгүй байх. Хөл хорио тавигдсаны дараа авахад асуудалгүй бараануудын захиалгыг бид хэвийн гүйцэтгэж байгаа. Улаанбаатарт ачаа барааг тарааж болох шийдвэр УОК-с албан ёсоор гарсан даруйд нь хамгийн түрүүнд үйлчлүүлэгчдийнхээ барааг тараан хүлээлгэн өгөхөд бид бэлэн байгаа болно.
Та бүхэн Монгол улсад үүсээд байгаа нөхцөл байдал болон УОК-с гаргаж байгаа шийдвэрүүдийг дагаж мөрдөн бидний үйл ажиллагаа ойлгон дэмжин ажиллахыг хүсэж байна.
Үйлчлүүлэгч та бүхэн одоогийн үүссэн байдлыг ойлгож доорх нөхцөлийг хүлээн зөвшөөрч захиалгаа хийнэ үү.
1. Ирэх хугацаа хамаагүй, эрт захиалсан бараа эрт ирдэг тул хамаагүй захиалгаа өгч байя гэж үзвэл
2. Захиалга хийгдсэний дараа хугацаанаас шалтгаалан захиалгаа цуцлах болон буцаах асуудлыг би үүсгэхгүй гэж үзэж байвал манай байгууллага таны захиалгыг 24/7 цагийн турш хэдийд ч гүйцэтгэсээр байна.
