AUM Publishing

14/08/2026

Уйлж, уймарч, уйтгарлаж сууна
Уйлах итгэлтэй, уймрах зоригтой, уйтгарлаж явна.
Цөхөрч, ганихарч, зүдэж үзнэ
Цөхрөх сэтгэлтэй, ганихрах дулаантай, зүдэж сууна.

Шаналж, хөндүүрлэж, шархирч сууна
Шаналах хайртай, хөндүүрлэх дурсамжтай, шархирч явна.
Өвдөж, зовуурилж, өвчилж үзнэ
Өвдөх тэнхээтэй, зовуурилах шархтай, өвчтөн сууна.

#БүүдгэрӨдрийнШүлэг

08/05/2026

ДУЛААХАН ГАЗАР

Хамтдаа бид шидийг үзэх ёстой
Хамгийн дулаахан газар энэ мөн үү?
Хүйтэн усны дуун хайрлах сэтгэл төрүүлж
Хүндхэн уйтгарт дөрлүүлсний хойно
Бодолд торох зүйл нь уулсын манантай хамт
Богинохон нэрний чинь эхний үсэг л байнам.
Одоо хоёулаа юунд яарах вэ, гэм зэмийг угааж
Орсон борооны үнэрээр хуучин зовиур сэдэрч
Ид шид гэмээр хөнгөхөн гуниг бие дотуур
Эргэж гурав тойрсноо шувуу болоод нисэхийг
Итгэж ядан ширтэж зогсох минь хангалттай.

Хамтдаа бид инээмсэглэх ёстой
Хамгийн дулаахан газар энэ мөн үү?
Ханандаа өлгөсөн Борхесийн зураг, хайртынх нь инээмсэглэл
Хавар гагц тоосыг нь арчиж салхивч нээхэд
Хамт хөтлөлцсөн чигээрээ гадуур гарч
Нойрмог муур, хөгц даасан үнэрээр дүүрэн
Номын сан, буйдхан ноорхой гудмаар
Явах замаа мухарлаж, эргэн ирэхэд нь
Нэгэнтээ бид ч бас хөтлөлцөн зогсож нүдээ аниад
Нээлттэй цонхоор сэвэлзэх салхиар дэмнүүлж агаарт хөвнө.
“Яруу найраг бол гарцаагүй мөргөл” гэж тэр хэлснийг
Яг энэхэн чөлөөнд чи минь дотроо тарни шиг давтана.

Хамтдаа бид амьдрах л хэрэгтэй
Хамгийн дулаахан газар энэ мөн үү?
Хэнхдэг дотроо хүн оршоох нь
Хэвлийдээ үр тээхтэй ижилхэн болохыг,
Орчлонг ондоо гарагаар сэтгэж сурсан
Одоо чи сүнсний минь нөгөө тал болсныг,
Үхлийн харанхуйгаас татаж гаргасан
Үнсэлтийн чинь ором арилахгүй гэдгийг
Үйрмэг зүрхийг сорвигүй нийтгэсэн
Үнэр чинь хүртэл үүрд дарагдахгүйг
Анзаарч мэдээд инээмсэглэж зогсоо
Амьдрал минь надад яг одоо гараа өгөөрэй.
Зүрхэн дотроо ч залбирах шидтэй
Зүүдний гүнээс шүлэг л хайрлаарай.

Б.Алтанхуяг | "Арван өвлийн хойно"

07/05/2026

Шинэчлэл гэдэг үг, хэллэгийг өөрчлөхийг биш, харин сэтгэлгээг шинэчлэхийг хэлнэ. Амьдралыг юу гэж үзэж байгаа үзэл бодол, сэтгэлгээнд өөрчлөлт хийж, шинээр амьдрал руу харах хэрэгтэй. Амьдрал гэдэг бол хэн, юу гэж бодож байгаа яг л тэр мөн. Өөрөө юу ойлгосон, ямар дүгнэлт хийж байгаа юм, түүнийгээ асар халуун нулимстай, дотуураа цус алдаж байгаа юм шиг л дотоод ертөнцийнхөө давлагааны долгион дээр хэлэх ёстой байтал тэр халуун дутмаг байгаа нь их ажиглагддаг.

Дамдинсүрэнгийн Урианхай
Ярилцсан | У.Чинзориг /сэтгүүлч/
Гэрэл зургийг | Tulgaa Skizz

Эх сурвалж | Tagtaa Publishing

Бүтэн унших линк: https://www.tagtaa.mn/523-%D0%B4%D1%83%D1%80%D0%B8%D0%B0%D0%BD%D1%85%D0%B0%D0%B9-%D0%BC%D0%B8%D0%BD%D0%B8%D0%B9-%D0%B0%D0%BC%D1%8C%D0%B4%D1%80%D0%B0%D0%BB%D0%B4-%D1%86%D0%B0%D0%B3-%D1%85%D1%83%D0%B3%D0%B0%D1%86%D0%B0%D0%B0-%D0%B3%D1%8D%D0%B6-%D0%B1%D0%B0%D0%B9%D1%85%D0%B3%D2%AF%D0%B9-%D0%B1%D0%BE%D0%BB%D1%81%D0%BE%D0%BD.html

06/05/2026

Хүний сэтгэлийг нээсэн хүн

05/05/2026

...Гэгээн наран нэгэнт ойртон ирж
Цонхны доторхыг гэрэлтүүлэн эхлэв.
Хэдийний амраг чи одоо учирч
Миний хэнхдэг дор зул барих цаг болов...

Д.Нацагдорж

14/01/2026

Онцлох ном: МУУРАН ТӨРХТЭЙ ХҮМҮҮС 🐈

Энэ ном бол уран сэтгэмжит, уран зөгнөлт өгүүллэгийн түүвэр юм. Манайд энэ төрлийн бүтээлийн хувьд орчуулгын арвин өвтэй боловч үндэстний уран зохиолын хувьд авч үзвэл хоосон савтай адил. Мөн мэдээж оюун билгийн төөрөгдөл, сэрэл, ухамсар бүхнийг тоочин бичсэн гол дүрийн баатартай эмгэнэлт зохиолууд өнөө цагт давамгайлах болсон.

Харин "Мууран төрхтэй хүмүүс" тэдгээр гутранги баатруудаас тэс өөр өгүүлэмжтэй гэдгээрээ ялгаатай.

📦 Захиалах бол линк дээр дарна уу ⬇️
https://internom.mn/бараа/9789919926403-мууран-төрхтэй-хүмүүс
☎️ Захиалах утас: 7577-7700
🔖 Манай дэлгүүрүүд: https://internom.mn/мэдээлэл/our-shops

Онцлох ном: МУУРАН ТӨРХТЭЙ ХҮМҮҮС 🐈

Энэ ном бол уран сэтгэмжит, уран зөгнөлт өгүүллэгийн түүвэр юм. Манайд энэ төрлийн бүтээлийн хувьд орчуулгын арвин өвтэй боловч үндэстний уран зохиолын хувьд авч үзвэл хоосон савтай адил. Мөн мэдээж оюун билгийн төөрөгдөл, сэрэл, ухамсар бүхнийг тоочин бичсэн гол дүрийн баатартай эмгэнэлт зохиолууд өнөө цагт давамгайлах болсон.

Харин "Мууран төрхтэй хүмүүс" тэдгээр гутранги баатруудаас тэс өөр өгүүлэмжтэй гэдгээрээ ялгаатай.

📦 Захиалах бол линк дээр дарна уу ⬇️
https://internom.mn/бараа/9789919926403-мууран-төрхтэй-хүмүүс
☎️ Захиалах утас: 7577-7700
🔖 Манай дэлгүүрүүд: https://internom.mn/мэдээлэл/our-shops

06/01/2026

Өвөл ирэхдээ чимээгүйхэн ирдэг. Намрын шаргалтаж хоцорсон талд гэнэтхэн л цагаан цас хаялж, ээрэм хөндийд дуу алдах зав ч өгөлгүй бүхнийг дардаг. Хүн өөрийн эрхгүй дотогшоо хумигдаж, хөдлөхөөсөө илүү бодох нь ихэсдэг. Тал нутаг өргөн уудам тул хүн, малын дуу анир цөөрөхөөр улам тэлж, хоосон зайгаа ахин томруулна. Ес эхлэх цагаар уяан дээрх морьд хамраасаа уур савсуулж, уяаны мод жиндүү дуугарна. Өвөл юм бүхэн өөрийн байр сууриа ингэж олдог. Цас хаялсан шөнө тал нутаг бүр ч дуугүй болдог. Хавар, намрыг бодвол өвлийн тийм шөнөөр дурсамж илүүтэй тодосно. Цас зузаарвал тал танигдахгүй болно. Уул, жалга, хөндий бүгд ижилхэн цагаан. Цасны мандал дээр оддын гэрэл ойж, тал нутаг өөрийн гэсэн тэнгэртэй болчихдог.

Өглөөн наран өвөл л хамгаас гэрэлтэй үзэгддэг. Хамар, амнаасаа уур савсуулан хивэх хонь, үхэр дулаан хэвтрээсээ хагацах дургүй. Хөгшид ч мөн өвлийн хахир цагт тэнгэрт мордож, үр хүүхдээ хөлдүү газар тоншуулахгүй юм сан гэдэг сэн. Өвөл тэгэхээр хагацлын улирал биш. Алив бүхэндээ ээнэгшин дасаж, бусдын дулааныг дух янгинуулсан жавартай сөргүүлэн санаж явмаар болдог. Бүх юм хөдөлгөөнгүй, хөлдсөн нуур дээгүүр тахийн зоо шиг алаглан нуруулдсан цасыг салхи хааяахан чимээгүй нүүлгэхээс өөр аниргүй. Тийм аниргүйд амар амгалангийн мэдрэмж төрнө. Өвөл ерөөс хавар шиг өдөр бүр салхиар ороолгож, зун шиг цаг бүр борооноор мордуулахгүй.

Өвөл ерөөс хавар шиг өдөр бүр салхиар ороолгож, зун шиг цаг бүр борооноор мордуулахгүй.

31/12/2025

Уншигчдадаа ШИНЭ ОНЫ МЭНД хүргэе.

AUM publishing

30/12/2025

Айсуй шинэ оны босгон дээр "Хуудас эргэх чөлөөнд" подкаст шинэ булангаар мэндчилж байна. Энэ удаа бид шинэ оныг угтан шинэ эхлэлийн сэдэвтэй шүлгүүдийг онцолж, "Маргааш гэдэг өдөр" дугаараа бэлтгэлээ.

Маргаашийн шинэ өдөр бүхэн бидэнд шинэ эхлэл, шинэ эрмэлзэл, шинэ сэдэл, шинэ бүтээл авчрах болтугай.

Долоон ОД хэвлэлийн газар

Айсуй шинэ оны босгон дээр "Хуудас эргэх чөлөөнд" подкаст шинэ булангаар мэндчилж байна. Энэ удаа бид шинэ оныг угтан шинэ эхлэлийн сэдэвтэй шүлгүүдийг онцол...