07/10/2026
Гэрийн ухаалаг төхөөрөмжийн зах зээлд нэвтэрч буй Apple компани LG Electronics компанитай хамтран хаалганы ухаалаг хонх, термостат зэрэг төхөөрөмж хөгжүүлж, танилцуулахад бэлэн болжээ.
Эдгээр бүтээгдэхүүн нь Apple-ийн гэрийн ухаалаг хаб, "HomePod mini", зурагтын ухаалаг төхөөрөмжтэй холбогдон ажиллах нэгдсэн экосистемийн хэсэг болохыг эх сурвалжууд мэдээлжээ. Apple шинэ төхөөрөмжүүдээ аравдугаар сарын 13-нд танилцуулахаар төлөвлөж байна.
LG компанитай хамтран хөгжүүлж буй бүтээгдэхүүнүүдэд ухаалаг хаалганы түгжээ, дотор болон гадна орчны хяналтын камер, гэрэлтүүлэгтэй камер багтаж байгааг мөн мэдээлжээ.
Шинэ төхөөрөмжүүдийг хоёр компани хамтран хөгжүүлсэн ч бүтээгдэхүүнүүдийг LG брэнд нэрээр худалдаалах бөгөөд үйлдвэрлэл болон бүтээгдэхүүний дараах үйлчилгээг мөн LG хариуцах аж.
