18/06/2021
Бэкэри-д сууж байлаа..
Гаднаас тэд орчим насны хүү орж ирэн хүн хүн дээр очиж кекс авах уу гэж асууна. Энэ бол өнөөгийн Монголын нийгэмд байдаг л нэг дүр зураг. Хүмүүс хайхрах ч үгүй бага зэрэг төвөгшөөсөн байртай авахгүй ээ л гэнэ. Миний ээлж ч ирлээ. Хоёрыг авчихъя гэж бодож суулаа. Цаасан хайрцаг тавиад гуйлга гуйдаг эсвэл энд тэнд явж байхад эгчээ, ахаа хоолны мөнгө өгөөч гэж асуудаг хүүхдүүдийн хажууд тэр ажил хийж байна шүү дээ гэсэн бодол төрнө, бас өрөвдөнө. Нэг кекс 1000₮ гэнэ. Надад доошоо дээшээ 20.000₮ л байлаа. Дансанд хийх боломжгүй нь мэдээж. Хүүд хариулах мөнгө бас байдаггүй. Нөгөө 20.000₮-ыг маань аваад бэкэриний касс дээр очиход задлахгүй гэж хэлж байх нь надад хүртэл сонсогдохоор чанга. Сүртэй ааштай ажилчин, хмм😏. Хүүгийн ах нь хажуугийн газраар бас юм зарж яваа гэнэ. Гарч гүйгээд ахыгаа ч олсонгүй. За ингээд утсаар залгахаар боллоо. Ах дүү 2 жоохон ч холддоггүй бололтой их л сандраад ах санаа зовж байгаа гээд л байн байн хэлнэ. Энэ хооронд би бараг хэлийг нь сугалахаа шахлаа.
- Кекс зараад өдөрт хэдэн төгрөг олох уу? Хэр удаан зарж байгаа юм?
- 5000, 8000, 10000 заримдаа 20000 гээд инээв. Агаа зун болохоор Кола зардаг. 3 жил юм зарж байна.
- Та 2 хэнтэйгээ амьдардаг юм бэ? Гэрт нь аав ээж нь ажил хийдэггүй юм уу?
- Ээж өвдөөд эмнэлэгт хэвтсэн. ААВ БАЙХГҮЙ.
- Чи сургуульд явдаг уу? Юм зараад хичээлдээ явж амждаг юмуу?
- Би тэддүгээр анги, агаа тэддүгээр анги.
- Чи тэгээд юм зараад даалгавраа хийж амждаг юмуу?
- Манай хичээл 8-аас ордог. Би 7 ЦАГТ АНГИ ДЭЭРЭЭ ОЧООД ДААЛГАВРАА ХИЙЧИХДЭГ. Өдөр хичээл тараад юмаа зардаг.
- Пөөх тэгээд өглөө 7-д очоод даалгавраа хийж амждаг уу? Үнэн үү? Чи ангийнхаа хүүхдээс арай хуулчихдаг биш биз дээ?
- Амжина ш дээ, би АНГИДАА 2-т ОРДОГ шүү гээд хөөрхөн инээмсэглэлээ.
Ямар бахархмаар, ямар өр өвдмөөр юм бэ. Ах нь ч ирлээ. Би 2 биш 10 кекс авъя гэхэд хүү баярлан хурдан гэгч нь кексээ тоолж гаргалаа. Эгч нь хариулт авахгүй ээ та 2 өнөөдөр эртхэн харьж хичээлээ хий дээ л гэлээ, өөр юу гэж ч хэлэх ёстой билээ. Хүүгийн баярлалаа гэх инээмсэглэл дүүрэн төрх намайг ч бас аз жаргалтай болгож орхилоо. Шилэн хаалганы цаанаас тэр 2-ын холдохыг харан суухдаа харамч гэдэг нь зүгээр л мөнгөө өгчихгүй хүүхдийн юмнаас хороогоод гэж бодон дотор эвгүйтэх ч өрөвдүүлж олсон биш хөдөлмөрлөж олсон мөнгө тэдэнд илүү амттай илүү үнэтэй байх байх гэж өөрийгөө зөвтгөв.
Хүүхдээ хаяад явсан эцгийн хариуцлагыг тэд үүрч ажил хийж мөнгө олж байна, Эхнэрээ хаяад явсан эрийн хариуцлагыг тэд үүрч эмнэлэгт байгаа ээжийгээ асарч байна. Ийм бяцхан зүрх 😔
5/18
Enni Enni
