25/10/2024
Former president Olusegun Obasanjo on Tuesday tok say im dey okay as Nigerian dan make im be member of Oodua Republic.
Obasanjo yarn dis one sake of di growing agitation for di creation of di Yoruba nation.
Wen im receive a delegation of di League of Northern Democrats for im house for Abeokuta yesterday, e say regionalism wey di kontri bin practice bifor independence for 1960 na di foundation of di kontri prolonged lack of cohesion.
Na di former governor of Kano State Malam Ibrahim Shekarau bin lead di delegation to di former president.
Obasanjo advocate merit, capacity and ability to deliver as some of di factors wey gatz dey considered in electing or appointing leaders, instead of which geopolitical zone.
“Dis na time we gatz work for national interest. Yes, you don identify your group as di League of Northern Democrats but how I wish you call your group National League of Democrats, becos wia you come from no suppose be problem,” Obasanjo tok.
