Ølen og Bjoa Historielag

23/02/2026

TUR TIL UTSIRA
Ølen og Bjoa Historielag inviter på tur til Utsira onsdag 10.juni kl. 9.15 - kl.20!

Me reiser med buss frå Ølen Senter kl.9.15, stoppar i Ølensvåg, Knapphus og Skjold på vegen utover og tek båten kl. 11. Båten tek 70 min. og legg til kai i Norevågen.

Her ventar Lodvar Mathiassen, leiar i Utsira historielag, på oss. Han vert guiden vår denne dagen.
Me vandrar frå Norevågen, gamal havn frå 1870 talet, forbi den gamle kyrkja frå 1785 og utover mot fyret. Er veret fint denne dagen, så et me lunsjen vår her. Både benker og bord til disposisjon. Skulle det (- noko me ikkje trur ) verta regn, så må me eta ved framkomst.
Etter maten, vandrar me sørover til museet. Her vert det omvising.

Etter dette, har de fri fram til middag på Dalanaustet.kl.16 -17.30
På vegen nordover går me forbi sentrale bygg for lokalsamfunnet på Utsira.

Båten attende går kl. 17.45. Bussen hentar oss kl.19 på Garpaskjærskaien og er i Ølen ca kl. 20
Pris kr 1000.-

Skulle nokon vera skrale til beins, så stiller historielaget på Utsira med bil for transport!
Har du / de interesse for å bli med, meld frå straks. Me prioriterar historie medlemmene,
før me lyser det ut i Grannar. Meir info kjem når reisa nærmar seg.

Håpar at me ser deg på tur !!!!
Påmelding
SMS 93660485 Epost [email protected]

Ølen og Bjoa Historielag

07/05/2025

OMVISING I MUSEET PÅ GRANBERG GARVERI
Ølen og Bjos Historielag inviterer
på omvising i museet til Olav Grangerg på Granberg Garveri onsdag 14 mai kl 13:00-15:00.
Inga påmelding og gratis deltaking.
Vel møtt til alle interesserte!

Styret.

09/04/2025

ØLEN-BJOA HISSTORIELAG.
REGIONTUR TIL STAVANGER ONSDAG 11.06.25

OPPLEGG:
Avreise Ølen Senter kl 0800
Ølensvåg kl 0815, Knapphus kl 0830, Isvik kl 0845
Turen går via Bokn, Arsvågen, Rennesøy og ankomst Stavanger Domkyrkje ca. kl 1015.
Me har med guide Birger Lindanger som vil kome på Mjåsund. Han er historikar/ forfattar med studier og bøker frå desse områda og ein ettertrakta forteljar.
kl 1145- 1230 Lunsjpakke- Gamle Stavanger. v/ Hermetikkfabrikken? Parkering på Konserthuset. Ca 5 min gange gjennom gamle Stavanger til musea.
kl 1300- 1430 Omvising Iddismuseet ( Norsk Grafisk museum og Hermetikkmuseet)
Kl 1430 - 1600 Varm Lunsj: Husets knallgoe fiskesuppe m/ foccatiabrød og kaffe + kakebuffet på Iddis Brasserie
1600 Vandring i Gamle Stavanger tilbake til bussen
Tilbake i Ølen ca kl 1830

Pris: kr 950.-
Bindande påmelding innan 1.juni til Torill Ørke
epost: [email protected]
tlf: 99568813

12/11/2024

VELKOMMEN TIL GRAUTFEST!
Historielaget vil ynskja alle velkommen til grautfest 28. nov kl 19:00 på Aktivitetskafeen i Sjøperlo.
Føredrag ved Åsmund Kalstveit. «Gje liv til gamle hus».
Musikk ved Sveinung Bjelland
VEL MØTT!

22/10/2024

22/10/2024

FØREDRAG: Torsdag 24. okt. Kl 19.00

FARLEGE SPRÅK
Illustrert foredrag av Ottar Grepstad om ein sunnhordlending og unge opprørarar verda rundt

Kring 1930 raste trøndarar mot at nokon ville endre bynamnet frå Trondhjem til Nidaros. Verst gjekk det ut over stortingsmann Knut Markhus frå Sunnhordland og barna hans. I den kritikarroste boka Farlege språk på Dreyers forlag fortel Ottar Grepstad heile historia om Nidaros-striden. Denne kvelden avslører han meir enn det som står i boka, og han har med seg ein gjenstand frå striden som har vore oppbevart på Halsnøy. I arbeidet med boka reiste Grepstad både til Bangladesh og Sør-Afrika. Derifrå har han med forteljingar ein skulle ønskje var dikting.

Ottar Grepstad (fødd 1953) voks opp i Nedre Vats 1957–70. Frå debuten i 1974 har han skrive eller redigert over 60 bøker om historie og politikk, retorikk og skriftkultur.

Inngangspengar: Nok 100.- for medlemmar, Kr. 150.- for ikkje medlem
Arrangør: Skjold, Vats og Vikebygd sogelag og Vindafjord Mållag

Alle er hjarteleg velkomne!

22/10/2024

Medlemsbrev / Tilbod om arrangement / Vindetreet 2024

Kjære medlemmer !

Me i Ølen og Bjoa Historielag slit dykk ikkje ut med sendingar .
Men no har me så mykje å by dykk at eit brev må til.

Arrangement:
24.okt. Skjold arena Ottar Grepstad - farlege språk (sjå vedlegg)
31.okt. Sjøperlo Krig og fasisme på Haugalandet (sjå vedlegg)
15. nov. Sjøperlo Oddgeir Bruaset (Der ingen skulle----) (sjå annons.)
28.nov. Akt.kafeen Grautfest (sjå annons.)
01.des. Nerheimstunet Julemarknad / Sal av Vindetreet
04.des. Sjøperlo Presentasjon av nye sogeskrift / bøker (sjå annons.)
07.des. Bjoa Julemarknad / Sal av Vindetreet

Vindetreet 2024:
Vindetreet 2024 vert delt ut til medlemmene snarast etter utgjeving (ca.5.nov.)
Fremst i boka ligg eit skriv med betalingsvilkår. Medlemspris kr.300.
Me er takksame for å ha pliktoppfyllande medlemmer, men nemner likevel
Bankknt.3535.63.38098 / Vipps # 569970( Krambua)
Men skulle de gløyma betalinga, sender me ei vennleg påminning🤗

For dei av dykk som skal gå på alle arrangementa nemnt over, vert det ein travel haust.
Ølen og Bjoa Historielag ynskjer alle velkomen på arrangementa.

God haust 😂

Ølen og Bjoa Historielag
Liv Hovland Ruud

10/06/2024

TRE LEDIGE PLASSAR PÅ BUSSTUREN 12/6 PGA MANNEFALL!
Ølen og Bjoa Historielag arrangerar tur til Børkjeneset , Hamrabø i Suldal. Her har Jarle Tveit med familie restaurert eit gamalt tun som er vel verdt å sjå og beundra. Jarle har ynskst oss vel møtt onsdag 12.juni.

Bussen går frå Knapphus, innom busstoppen i Ølensvåg, så Ølen (Ølen kyrkje), deretter Sandeid, Vikedal og Imsland.

Tidspunkt kjem me attende til, men det er ein dagstur. Me tek sikte på ein stopp før Børkjeneset, så lunsj, omvising, avslapping og/eller turgåing, middag på kafe på Sand før avreise heim.

Turen kostar 800 kr/pers. - alt inkludert. Her vert det nok rift om plassane, så difor kan de melda dykk på alt nå - tlf.93660485 / [email protected]

Sjølv om me trur det vert mange påmelde, så del og fortel andre de trur ville ha gleda av å bli med (bussen har 59 sete).
Turen passar for alle 🤓😎🧑‍🦽🤸🧘

For meir opplysningar - Fortidsminneforeninga, Visit Suldal og FB

09/04/2024

Kjekke turar i Skjold, Vats og Vikebygd sogelag 2024:


Torsdag 2. mai 2024
Bli med til Yrkesvågen! Hos Axel Yrke vil UiO professor Jørn Øyrehagen Sunde halda eit føredrag der han tek utgangspunkt i dei spesielle eigedomstilhøva i Yrkesvågen. Han vil også fortelja kvifor dei vaks fram og kva system av eigedomsrettar dei høyrer heime i.
Sjå vedlagr plakat.
Her er det mogleg å melde seg på frå i dag av.

Torsdag, 29. august 2024
Me tar turen til Båtavika, her vil Nils Olav Østrem, Åsmund Kalstveit og Waldemar Skogland fortelje om og minnas ein spennande og interessant Skjoldabu, Anders Jenius Smedsvik.
(Arbeidernes historielag i Rogaland, kommer med lansering på Arquebus, av arbeidet til Nils Olav Østrem om Anders J. Smedsvik, tidspunkt kommer me tilbake på.)

Torsdag, 24. oktober 2024
Denne dagen har me møte saman med mållaget. Ottar Grepstad vil halda føredrag om den siste boka si «Farlege språk» på Skjold Arena.

Det kjem meir oppdatert info når arrangementa nærmar seg.

Med venleg helsing
Skjold, Vats og Vikebygd sogelagø

09/04/2024

Ølen og Bjoa Historielag arrangerar tur til Børkjeneset , Hamrabø i Suldal. Her har Jarle Tveit med familie restaurert eit gamalt tun som er vel verdt å sjå og beundra. Jarle har ynskst oss vel møtt onsdag 12.juni.

Bussen går frå Knapphus, innom busstoppen i Ølensvåg, så Ølen (Ølen kyrkje), deretter Sandeid, Vikedal og Imsland.

Tidspunkt kjem me attende til, men det er ein dagstur. Me tek sikte på ein stopp før Børkjeneset, så lunsj, omvising, avslapping og/eller turgåing, middag på kafe på Sand før avreise heim.

Turen kostar 800 kr/pers. - alt inkludert. Her vert det nok rift om plassane, så difor kan de melda dykk på alt nå - tlf.93660485 / [email protected]

Sjølv om me trur det vert mange påmelde, så del og fortel andre de trur ville ha gleda av å bli med (bussen har 59 sete).
Turen passar for alle 🤓😎🧑‍🦽🤸🧘

For meir opplysningar - Fortidsminneforeninga, Visit Suldal og FB

02/11/2023

Den nye utgåva av Vindetreet er nå å få kjøpt. Her i Imsland får du boka hos Matkroken, og elles finn du ho i bokhandelen i Ølen, Aksdal, Sand og Ark i Haugesund, og i alle matbutikkane i kommunen. På nettsida vår www.vindetreet.com finn du komplett liste over salgstader. Her kan du også bestilla boka og få henne tilsendt i posten, eller du kan melde deg på eit fast abonnement. Prisen på boka er i år kr 280,-.

I år har vi ekstra mykje stoff frå Imsland og kringliggjande grender. Lars B. Skipevåg har skrive om muren i Misteindalen kor han har funne nye opplysningar i protokollen frå storskiftet i 1880-åra.
Theodor Imsland har skrive om Ølmedal undomslag og lagsavis Framsteg på 1920-talet. Tomas Finnvik fortel om alle gamle skulehusa i Imsland. Han skriv også om hud-skor som ikkje mange kjenner til, men han har eit par sko som mora hans hadde.

Andreas Auestad skriv om liv og levemåte på Indra Rødne i gamle dagar, då garden var del av Imsland kommune. Theodor har og ein artikkel om landhandlarar på 1800-talet i gamle Vikedal kommune og ein om ulv og ulve-jag på Haugalandet før i tida.

Cecilie Ohm skriv om ei kyrkjereis frå Vormestrand, og Trygve Sandvik fortel om då dokterbåten forliste utanfor Sandvik i 1947. Torstein Haugen fortel om økologisk drift i Hogganvik og om den rike faunaen på staden.

Og på baksida har vi med Jan Nordtveit sitt portrett av Berit Stople.