Vignes grav Å spreng

01/03/2026

For få menn snakkar om sjølvmord. Lytt til denne podcasten om du vil høyre på to som gjer nett det.

Samtalar om sjølvmord i podcastformat kan somme stunder lugge litt. Det er lett å få berøringsangst og ein kan verte redd for at ein skal støyte nokon. Det slapp eg å bekymre meg for i podcasten til Marius Ulekleiv. Det vart ein time med latter, alvor og ein liten klump i halsen. Det vert gjerne slik når to menn snakkar om dei viktige tinga i livet.

Det er ikkje den podcasten med tre ting du kan ta med deg for å verte eit betre menneske. Men det er ein episode som gir ein lite innblikk i kva som skjer i hovudet på ein mann på 29 år som ikkje har lyst å leve lenger. Og kor enkle samtalar om sjølvmord kan vere, når spørsmåla kjem frå ein som sjølv har erfart kor tungt livet kan verte.

God lytt til episoden, lenkje ligg i kommentarfeltet

14/10/2025

På laurdag hender det store ting på Varen - Randaberg kulturscene! Gilberdal, popkulturen i Rogalands svar på dei tre bukkene bruse, markerer Verdensdagen for psykisk helse. Og det aller gildaste, dei tek meg med!

Det er kjempestas å vere med på ei annleis markering av denne dagen, og eg håper du vert med. Du kan sjå fram til masse nydeleg musikk frå gutadn og gode historier og erfaringar frå det levde liv frå meg. Lenkje til billettsalg og meir info i kommentarfeltet, snakkes på laurdag!

13/05/2025

Eg var eit utruleg vakkert barn. Sånt måtte snakkast om då Norsk Sykepleierforbund - Rogaland arrangerte etikkfestival om sjølvmord.

Det er ein ting som du kan vere ganske sikker på i livet. Om ein arrangerer møter om psykisk helse og sjølvmord, så kjem det mest berre damer. Jada, jada, eg veit det finnes unntak. Men om du skulle vere av den oppfatning at slike møter er dominert av menn, då lev du på ei livsløgn. Som ein som tidlegare bada i livsløgner, er ikkje det ein tilstand eg vil anbefale.

Sidan eg går ut frå at dei fleste i salen kjem til å vere kvinner, plar eg ta med dette bildet av meg sjølv. Til glede og inspirasjon til dei i salen, men og for å minne meg sjølv og dei i salen på at eg hadde ein fin oppvekst med ein familie eg er glad i. Berre sånn om nokon lurer.

Det var verkeleg stort å syne dette og andre ting på Fiskepiren i Stavanger i går. Ein sal med mellom 500-600 stykker er alltid kjekt, men når salen er ein stad der eg har venta utallige timer på ulike hurtigbåtar i oppveksten, då vert det ekstra spesielt.

Dette var ein etikkfestival annleis det meste eg har opplevd. Sammensetningen av folk på scenen var variert og stemninga i salen var veldig fin. Det er mange råd, tips og synsing rundt sjølvmord og psykisk helse. Om du går der ute og lurer på kven som kan gi deg oppdatert kunnskap om sjølvmordsforebygging, ver veldig trygg på at Gudrun Austad frå Stavanger kommune og Kristin Jørstad Fredriksen frå Helse Stavanger vil levere så det svir i hjernen. Det gjorde dei i går.

Eg og Mette Camilla Skauvik frå LEVE Rogaland Fylkeslag hadde eit meir personleg fokus. Sjølv om LEVE etterkvart har tatt ein posisjon innan sjølvmordsforebygging, er framleis mange av deiras representantar hardt råka av sjølvmord. Men, dei brukar si dyrekjøpte erfaring til å vere med i ein organisasjon som verkeleg fortener all mogleg respekt.

Til å sy saman dette, var Jan Rune Holdhus kjent som June Kommune, henta inn. På ein slik kveld skal du vere over snittet flink for å klare å dra i land somme av dei vitsane han hadde. Det klarte han.

For mange år sidan høyrte eg ein historie ein stad eg var på jobb. Det var ei dame i bygda som alltid hadde vore på revyar, som dette året sa at ho ikkje kunne delta. Når naboen spurte ho om kvifor, svarte ho dette

- Det er berre eit halvt år sidan mannen min døyde. Tenk om nokon såg eg lo.

Sjølvmord er vond, svart og eit he***te på jord. Men, måten me snakkar om det treng ikkje alltid vere slik. Denne festivalen kunne ikkje vore arrangert for 10 år sidan, då hadde me blitt kjeppjaga frå byen. Det er eit opnare samfunn og forholda ligg til rette for at ein skal kunne snakke meir opent og annleis om psykiske helseplager.

Heldigvis var dei påtroppende stortingspolitikarane Jonas Andersen Sayed og Julia Eikeland på plass og kan ta ta med seg gode tankar og historier med seg på flyttelasset til austlandet.

Og som alltid, takk og pris for Ingunn Heien hjå Athenas for oppdrag.

28/04/2025

21/03/2025

10 meter med tau har endeleg fått ein ny eigar, 20 år etter bomkjøpet på Sjøen for alle.

Då eg rydda kjellaren for nokre veker sidan fann eg att eit tau eg kjøpte på båtmessa Sjøen for alle. Då eg jobba i DN var det ikkje så ofte eg var på messer, dei andre seljarane var rett og slett mykje betre enn meg. Men, når eg fyrst var der, så havna eg så i kjøpsmodus at eg alltid gjekk i minus. Eg kjøpte golfsett utan å spele golf og tursko og jakke uten å gå i fjellet. Det verste var likevel dette sabla tauet som ein kunne bruke til fortøying og diverse, sjølv om eg ikke har båt men derimot ein ganske solid vannskrekk. Tauet har overlevd flytting og endetider, men no var det på tide å ta det i bruk. Eg skulle på messe igjen, denne gong for å underhalde forsamlinga.

Ahlsell Norge hadde i går si årlege messe i Haugesund, der dei gjer ting litt annleis enn kva eg i alle fall er vane med. Dei startar opp messa klokka 16.00 med middag klokka 20.00. Dermed kunne kundene deira komme etter jobb og slapp å ta seg fri på dagen. Dette må seiast å vere ein meget vellukka løsning. Omlag 400 kunder og leverandørar møtte opp og Quality Maritim i Haugesund var rett og slett stappa. 400 stykk og eit tau var klare for litt liv, rai rai.

På førehand var eg meget bestemt på at eg skulle få dette sabla tauet inn som ein del av underhaldinga. Men, det skjedde ikkje. Om noko, hindra det tauet heller historieforteljinga, for eg tenkte for mykje på ulike måtar å få det inn på. Etter to ganger 10, låg det der, skammens rep, krøllete igjen på gulvet. Eg kunne ikkje ta det heim igjen. Heller ikkje kasta det. Det var dritdyrt i 2004, kosta sikkert ein milion i dag. Det var då eg såg Øyvind.

Øyvind var ein av dei fyrste i salen, sa høgt "Gutar! Me må sitje nærme scena så me ser underhaldninga", og vart ein liten raud tråd. Eg hoppa på den stakkars prosjektleiaren som prøvde å komme seg heim.

- Dette tauet, det skal du få Øyvind.
- Eg?
- Ja, det har du fortent for innsatsen din.
- Jaja, eg har jo båt

Så fekk eg tatt eit bilde og Øyvind vandra ut i Haugesund med eit 23 år gamalt tau, og eit bekrefta inntrykk av folk frå Finnøy, dei er litt rare.

04/03/2025

Det har vore ein meget variert start på året!
No ventar ein livepodcast og eit foredrag i nærmaste framtid.

27 mars i Stavanger, Mannspodden med mellom anna Dag Mossige og John Petter Hernes. Påmelding og meir info her,
Påmelding og meir info her,

3 april, foredrag på Stemnestaden i Tysvær. Påmelding og meir info her, https://fb.me/e/hznQhyFfr

Velkommen!

01/10/2024

Det er nokre få ledige billetter til i kveldens samling. Er du i nærleiken av Ålesund, hiv deg meg med!

19/09/2024

Gild haust! Varierte oppdrag, kjekke folk og viktige tema på dagsorden. I dag på Akuttpsykiatrikonferansen i Oslo, takk for nok ein kjekk jobb frå gjengen i Athenas Norge!

05/08/2024

Dette vert ein draumejobb! Hans Morten Hansen skal bokbadast under Tomatfestivalen, dette vert stas! Det er gratis inngang, men grunna plassbegrensning må du ha billett. Den kan du bestille i lenkja i kommentarfeltet.