Søre Sunnmøre Reinhaldsverk

Hjem
Norge
Ulsteinvik
Søre Sunnmøre Reinhaldsverk

SSR tek seg av avfallshandteringa i kommunene Herøy, Hareid, Sande og Ulstein. Ta kontakt med oss om du har spørsmål eller gode tips!

SSR ønskjer å gje innbyggjarane gode og miljøvennlege løysingar på kjeldesortering. Følg oss på instagram:

23/07/2026

Sorteringsmerka gjer det enklare å velje rett dunk – men korleis skal vi sortere det som er laga av fleire materiale? ♻️

Hovudregelen er:
👉 Det som er laga av fleire materiale, skal i restavfall.
Grunnen er at desse tinga ikkje kan gjenvinnast til nye produkt.

Døme kan vere:
• Potetgullposar av plast/papir og aluminium
• Pringles-boksar av papp med metallbotn
• Pillebrett av plast og aluminium

Det finst nokre unntak, som mjølkekartongen – denne skal sorterast som kartong, og du treng ikkje å ta av korka før du kastar den. Korka blir fjerna i gjenvinningsprosessen 👍

💡Restavfallet blir ikkje til nye ting, men blir sendt til energigjenvinningsanlegget Tafjord Kraftvarme i Ålesund. Ved forbrenning blir restavfallet omdanna til straum og varme i bygningar🔥⚡På den måten bidreg restavfallet til mykje lys og mykje varme. 😊

16/07/2026

☀️ Får du besøk i sommar – og restavfallsdunken blir fort full?

Vi sel restavfallssekkar til 70 kr på miljøstasjonane våre.

Fyll sekken med restavfall, knyt dobbel knute og set han ut saman med restavfallsdunken på tømmedagen – så tek vi han med oss 😊

Restavfallssekken er lysegrøn og transparent. Du kan også kjøpe brune, transparente ekstrasekkar til matavfall for same prisen. Svarte og andre ugyldige sekkar vil ikkje bli samla inn.

Takk for at du sorterer! ♻️ 😊

09/07/2026

Når kjem dei grøne bilane våre? 🚛

I sommarferien kan dagane gå litt i surr, og det er fort gjort å gløyme kva veke vi tømmer dunken din 😊📅

Last ned appen Min Renovasjon – der får du oversikt over dei neste tømmingane📱

Du finn også ei oversikt over hentedagane som du kan skrive ut på nettsida vår: https://reinhaldsverket.no/din-renovasjon/hentekalender-2026.

Kos deg i ferien! ☀️

06/07/2026

Vi har ope som vanleg i heile sommar!

Fellesferien kan vere ei litt rolegare tid på miljøstasjonane våre, så kanskje slepp du unna både kø og venting om du tek turen (men ingen garanti 😉).

📍 Saunesmarka
🕙 Måndag-torsdag: kl. 10.00-17.30
🕙 Fredag: kl. 08.00-15.00

ℹ️ Neste laurdagsopen miljøstasjon i Saunesmarka er 22. august.

📍 Mjølstadneset
🕙 Måndag-torsdag: kl. 12.00-19.00
🕙 Fredag: kl. 08.00-15.00

📍 Myklebustmyrane
🕙 Tysdag: kl. 14.00-19.00
🕙 Torsdag: kl. 14.00-19.00

🌿 Skal du levere hageavfall? Greinplassen på Eidet (Hareid kommune) er døgnopen ut september.

Velkomen innom oss! 🚗♻️🌸

03/07/2026

Fyrst i pose – så i dunk ♻️

Det du kastar i dunkane for restavfall og matavfall skal alltid i pose fyrst. Ikkje lat avfallet ligge laust i dunken.

Kvifor?

Avfall som ligg laust i dunken kan fort flyge ut av dunken idét vi tømmer avfallet oppi renovasjonsbilen.

Avfall på rømmen vil vi helst unngå, men det er heller ikkje så kjekt for renovatøren å få kattesand, aske, spon eller andre «godsaker» i ansiktet.

Takk for at du bidreg til betre sortering – og ein hyggjelegare arbeidskvardag for renovatørane våre 💚

26/06/2026

♻️ Siste laurdagsopen miljøstasjon i Saunesmarka før ferien ♻️

I morgon, 27. juni, er siste laurdagen vi held ope i Saunesmarka før ferietida tek til for folk flest.

🕛 Opningstid: kl. 12.00–16.00

Vi er tilbake med laurdagsopen miljøstasjon att i august ⬇️😊

📅 22. august
📅 5. september
📅 19. september
📅 10. oktober

(Og så kryssar vi fingrane for ein like blå himmel som på bildet igjen snart! 🌞🤞🙏)

Velkomen innom!

25/06/2026

Tru det eller ei – vêrmeldinga kan ha noko å seie for renovasjonsgebyret ditt 🌧️💸

Set du pappen ved dunken på regnvêrsdagar?

Då blir han våt, og våt papp = restavfall.

Å sende restavfall til forbrenning har aldri vore dyrare. Våt papp er dermed ei utgift for SSR og innbyggjarane, medan tørr papp kan bli ei inntekt.

👉 Når det regnar: Ikkje set ut papp ved dunken.
✔️ Har du meir papp enn plass? Lever den heller på miljøstasjonen.

💡 I Saunesmarka pressar vi tørr papp til store buntar på nærare eitt tonn. Buntane blir sende til papirfabrikkar i Noreg, Sverige og Danmark der pappen blir gjenvunne til nye skoesker, Lego-boksar og andre snasne ting ♻️ Éin bunt sparar 14 tre frå å bli hogde ned.🌳🌳🌳

Takk for at du bidreg til meir gjenvinning og lågare kostnader 🙌

19/06/2026

♻️ Visste du at plast og plastemballasje ikkje er det same?

Det kan vere lett å tenke at alt av plast skal kastast i sekken for plastemballasje – men slik er det faktisk ikkje.

👉 Tannbørstar, plastleiker og mobildeksel i plast skal i restavfallet.
👉 Matbeger, plastflasker utan pant og bobleplast skal i plastemballasje-sekken.

Kvifor?
Det finst mange ulike typar plast, og plastemballasje er laga av andre typar plast enn til dømes tannbørstar og leikar. Når feil plast hamnar i sekken for plastemballasje, kan det skape problem i gjenvinningsprosessen.

✅ Hugs derfor:
Alt av plast som ikkje er emballasje, skal i restavfallet.

Men kva er emballasje?
Emballasje er noko som har vore rundt eit produkt – som rømmebeger, plastfolie og sjampoflaske.

Takk for at du sorterer rett 💚

11/06/2026

Ikkje gløym laurdagsopen miljøstasjon i Saunesmarka i helga ♻️😀 Porten er open kl. 12.00 til 16.00.

Andre laurdagar vi held ope i Saunesmarka i år er:

27. juni
22. august
5. september
19. september
10. oktober

Velkomen!☀️🌸

Adresse

Smårisevadet 20
Ulsteinvik
6065

Telefon

70 00 70 50

Nettsted

http://www.reinhaldsverket.no/

Varslinger

Vær den første som vet og la oss sende deg en e-post når Søre Sunnmøre Reinhaldsverk legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Søre Sunnmøre Reinhaldsverk:

Vil du plassere din bedrift på toppen av Butikk-listen i Ulsteinvik?