24/04/2026
प्रधानमन्त्री बालेन्द्रले 'एक वर्षमा सुशासनको कायापलट गर्ने' संकल्पका साथ सिंहदरबारको लगाम कसेपछि सरकारी कर्मचारीहरूको वर्षौँदेखि बिग्रिएको बानी एकाएक सुध्रिएको छ। हिजो ११ बजेसम्म कार्यालय नझर्ने र कामै नगरी घर फर्कने कर्मचारीहरू अहिले ९ नबज्दै हाजिर भइसक्छन्। राष्ट्रिय सतर्कता केन्द्रको दैनिक रूपमा छड्के अनुगमन र प्रधानमन्त्री कार्यालयको सूक्ष्म निगरानीले गर्दा कर्मचारीहरूमा यतिसम्म त्रास र अनुशासन देखिएको छ कि, हिजोका बहानाबाजी गर्ने कर्मचारीहरू पनि अहिले बिरामी समेत पर्न छाडेका छन्।
साँझ ५ बजेर ५ मिनेट नगई हाजिर गर्न नमिल्ने र ९ बजेर ५ मिनेट जाँदा सतर्कता केन्द्रले हाजिरी किताबै बोकेर हिँड्ने भएपछि सिंहदरबारभित्र अहिले कार्यसम्पादनको नयाँ लहर चलेको छ। मनलाग्दी पोसाक लगाएर ढिलासुस्ती गर्ने पुरानो प्रवृत्ति इतिहास बनेको छ भने, डिजिटल सेवा र चुस्त सेवा प्रवाहले सरकारी निकायको अनुहार फेरिएको छ। प्रधानमन्त्रीको कडा निर्देशन र 'एक्सन'का कारण कर्मचारीतन्त्र अहिले चुपचाप तर पूर्ण निष्ठाका साथ आफ्नो ट्रयाकमा फर्किएको छ।निगरानी र डिजिटल सेवालाई प्राथमिकता दिने नीतिका कारण लामो समयदेखि बिग्रिएको कार्यसंस्कृतिमा सुधार आउँदै सिंहदरबारका सरकारी अड्डा र सार्वजनिक निकायहरू अहिले निकै चुस्त र दुरुस्त देखिन थालेका छन्।
