25/11/2020
Duha na ka tuig nga indi makalakat ang 81 anyos nga si lola Susana Villaranda sang Barangay Alijis, Bacolod City matapos ma-aksidente.
Bangud sang iya katigulangon, dako ang risgo kun ipaidalum pa siya sa operasyon suno sa doktor.
Liwat nga nahatagan sang paglaum nga mabuhi si lola Susana matapos makabaton sang bag-o nga wheel chair gikan sa Wheels of Love nga programa ni Bacolod Congressman Greg Gasataya.
Tuman ang iya pagpasalamat sa temprano nga pamaskwa nga iya nabaton.
