06/08/2026
BAG SA SENIOR CITIZEN NGA TINDERA SA BOGO PUBLIC MARKET GIKAWAT SA LALAKI NGA NAGBONIT
Gikawat ang bag sa usa ka 72 anyos nga senior citizen nga nagbaligya sa Bogo Public Market sa sayong bahin sa buntag sa Huwebes, Agosto 6, 2026.
Ang biktima mao si Mam Norma Tortusa, tag-iya sa Norma Store sulod sa merkado.
Sumala sa biktima, mga alas 5:20 sa buntag, adunay lalaki nga nagsul-ob og bonit nga mipalit sa iyang tindahan. Gitudloan sa maong lalaki ang usa ka produkto nga naa sa sulod sa tindahan, hinungdan nga misulod si Mam Norma aron kuhaon ang gipangayo.
Apan sa iyang pagbalik, wala na ang lalaki ug dali na kining misakay sa motorsiklo samtang gidala ang bag sa biktima.
Ang gikawat nga bag adunay sulod nga β±8,000 nga kuwarta, usa ka cellphone, ug mga alahas nga gibanabanaang mokantidad og β±70,000.
Matud pa sa Bogo City Police Station, padayon na ang ilang masusing imbestigasyon aron mailhan ug madakpan ang suspek. Giawhag usab sa kapulisan ang publiko nga motabang pinaagi sa paghatag og impormasyon nga makatabang sa pagsulbad sa maong kaso.
Nagpahimangno usab ang kapulisan sa mga negosyante ug mamalitay nga magmatngon ug likayan ang pagbilin sa mga bililhong gamit sa lugar nga dali ra makuha sa mga kawatan samtang nagpadayon ang imbestigasyon.
Source?
Nasa Comment Section Ang Link
