Pepsi Inojales

12/08/2026

Si Filipino actor, model at television host Mikael Daez ang magiging opisyal na host ng Hiyas sa Kadayawan 2026 Grand Coronation Night sa Agosto 13, 2026, sa USeP Gymnasium and Cultural Center sa Davao City.

Si Mikael ay asawa ni Megan Young, ang Filipina na nagwagi bilang Miss World 2013. Ang kaniyang kapatid na si Emilio Daez ay naging bahagi rin ng Pinoy Big Brother.

Kilala si Mikael sa kaniyang trabaho bilang aktor, modelo at television host, at sa kaniyang dynamic na presensya sa entablado.

Sa Grand Coronation Night, tampok ang kultura, kagandahan at pagkakakilanlan ng mga cultural communities ng Davao, kasabay ng pagkilala at pagkorona sa bagong Hiyas sa Kadayawan 2026.

24/07/2026

Nanguna sina Vice President Sara Duterte, Senator Christopher “Bong” Go, at Senator Robin Padilla sa magkakahiwalay na preference survey ng Pulse Asia Research, Inc. para sa May 2028 elections.

Sa presidential preference survey, 49% ng mga respondent ang pumili kay Duterte mula sa long list ng anim na posibleng kandidato. Sumunod si Naga City Mayor Leni Robredo na may 26% at Senator Raffy Tulfo na may 14%.

Sa vice-presidential preference survey naman, nanguna si Go na may 27%. Pumangalawa si Padilla na may 21%, habang kapwa nakakuha ng 14% sina Senator Bam Aquino at dating Senator Grace Poe.

Samantala, si Padilla ang nanguna sa senatorial preference survey na may 48.4% at statistical ranking na una hanggang pangalawang puwesto. Malapit siyang sinundan ni Pasig City Mayor Vico Sotto na may 47.9% at ni Senator Raffy Tulfo na may 43.9%.

Lumabas din sa survey na 89% ng mga Pilipinong nasa hustong gulang ang interesado sa May 2028 elections. Isinagawa ang nationwide survey sa 2,400 adult respondents sa pamamagitan ng face-to-face interviews at may ±2% error margin sa 95% confidence level.

23/07/2026

23/07/2026