24/01/2026
ANG MANWAL NG DIYOS
Ang Biblia ang tanging banal na aklat na galing mismo sa Diyos. Ito ay buhay, totoo, at mapagkakatiwalaan. Kung paanong ang Diyos ay banal at walang mali, ganon din ang Kanyang Salita.
๐ 2 Timothy 3:16โ17
Lahat ng tradisyon, kultura, at opinyon ng tao na sumasalungat sa Biblia ay dapat nating iwanan. Kung gusto nating matanggap ang mga pangako ng Diyos, kailangan nating sampalatayanang totoo ang Kanyang Salita. Ang pakinabang ng Biblia ay hindi lang dito sa mundo, kundi hanggang sa buhay na walang hanggan.
๐ Colossians 2:6โ8
Pagdating ng araw ng paghuhukom, ang Salita ng Diyos ang magiging basehan sa paghatol sa bawat tao.
๐ Hebrews 9:27; John 12:48; Revelation 20:12,15
Dahil ang Biblia ang MANWAL ng Diyos, ito lang ang pakikinggan at susundin natin bilang gabay ng ating pananampalataya at pamumuhay. Ang mga nakasulat dito ay hindi gawa-gawa ng tao. Ginamit ng Diyos ang Kanyang mga lingkod noon upang maisulat ito. Kaya ang Diyos mismo ang tunay na may-akda ng Biblia, at ito ay walang pagkakamali.
๐ 2 Peter 1:20โ21
Inutusan din tayo ng Diyos na itakwil ang sinumang mangangaral na taliwas sa itinuturo ng Biblia.
๐ Galatians 1:8โ9
ANG TATLONG BAHAGI NG TAO
Ang tao ay nilikha ng Diyos na may tatlong bahagi.
1. ESPIRITU
Ito ang bahagi ng tao na nakakaunawa sa Diyos at sa mga bagay na walang hanggan. Dito nanggagaling ang kakayahan ng tao na maniwala, makipag-ugnayan, at sumamba sa Diyos.
๐ 1 Thessalonians 5:23
2. KALULUWA
Ito ang bahagi ng tao na nagdedesisyon. Ang kaluluwa ang pumipili kung susundin ba ang gusto ng espiritu o ang hilig ng katawan. Ito rin ang bahagi ng tao na mananagot sa Diyos sa araw ng paghuhukom.
๐ 1 Thessalonians 5:23
3. KATAWAN
Ito ang pisikal na bahagi ng tao na nakakaramdam at nakikita ang mundo. Ito ang ginagamit natin sa pang-araw-araw na gawain dito sa lupa.
๐ 1 Thessalonians 5:23
๐ Dahil ang tao ay nilikha sa larawan at wangis ng Diyos (Genesis 1:26), kung paanong ang Diyos ay iisa pero may tatlong persona, gayundin ang tao ay iisa pero may tatlong bahagi.
๐ 1 John 5:7; Genesis 2:7
PAANO PUMASOK ANG KASALANAN SA MUNDO
Isa sa pinakamagandang regalo ng Diyos sa tao ay ang free will o kalayaang pumili. Hindi Niya gustong maglingkod tayo sa Kanya dahil napilitan, kundi dahil kusang-loob.
Pero pinili ng unang tao ang sumuway sa Diyos,
at ang pagsuway na iyon ay tinawag na KASALANAN.
๐ Genesis 2:16โ17; Romans 5:12
Mula noon, pumasok ang kasalanan sa buong mundo, at lahat ng tao ay naapektuhan nito.
KALAGAYAN NG TAO DAHIL SA KASALANAN
Ang tao ay isinilang na may dalawang uri ng kasalanan:
1. โSIN BY NATUREโ (Likas na Kasalanan)
Ito ang kasalanang minana natin kay Adan. Ibig sabihin, makasalanan na tayo mula pa sa kapanganakan. Lahat ng tao ay may ganitong kasalanan, maliban kay Jesus Christ.
๐ Psalms 51:5; Romans 7:15
2. โSIN BY CHOICEโ (Kasalanang Pinipili)
Ito ang mga kasalanang ginagawa natin araw-arawโalam nating mali pero ginagawa pa rin.
๐ Romans 1:29โ31; James 4:17
ANG KABAYARAN NG KASALANAN
May dalawang kamatayan ang kabayaran ng kasalanan:
1. Pisikal na kamatayan โ hihiwalay ang kaluluwa at espiritu sa katawan
2. Espiritwal na kamatayan โ walang hanggang kaparusahan sa lawa ng apoy
๐ Romans 6:23
ANG KAHIHINATNAN NG TAONG HINDI LIGTAS
Kapag namatay ang taong hindi ligtas, ganito ang mangyayari sa tatlong bahagi niya:
1. ESPIRITU
Babalik sa Diyos na nagbigay nito.
๐ Ecclesiastes 12:7
2. KALULUWA
Mapupunta sa walang hanggang kaparusahan sa lawa ng apoy.
๐ Revelation 21:8; 14:9โ11
3. KATAWAN
Babalik sa lupa at magiging alabok muli.
๐ Genesis 3:19
ANG TANGING PAG-ASA NG TAO
Ang Diyos lamang ang tanging pag-asa ng bawat makasalanan. Para hindi mapunta sa lawa ng apoy, kailangang ang tao ay maipanganak muli sa pamilya ng Diyos habang siya ay buhay pa.
๐ John 3:3
ANG PAGHALILI NG PANGINOONG
JESUS CRISTO
Mahal na mahal ng Diyos ang tao. Ayaw Niyang may mapahamak o mapunta sa lawa ng apoy ang kahit sino.
Gusto Niya na maligtas ang lahat.
๐ Ezekiel 33:11; 2 Peter 3:9
SINO SI JESUS BAGO SIYA NAGING TAO
Bago isinilang si Jesus sa mundo, ang pangalan Niya ay SALITA (WORD).
๐ Siya ay Diyos mismo.
๐ Siya ay Espiritu, wala pang katawan noon.
๐ John 1:1โ3, 14; John 4:24; 1 John 5:7 (KJV)
Pero dahil kailangan may mamatay para sa kasalanan ng tao, kinailangan ni Jesus na:
โข isilang bilang tao
โข magkaroon ng katawan
โข mamatay bilang kahalili natin
Ginawa Niya ito para ang mga taong namamatay ay mabuhay magpakailanman sa Diyos.
๐ Hebrews 2:14โ15
SI JESUS ANG HUMALILI SA TAO
Si Jesus ang gumawa ng lahat ng dapat sana ay gawin ng tao para maligtas, at Siya rin ang tumanggap ng parusang para sana sa atin.
1. ISINILANG SIYA NA WALANG KASALANAN
Lahat ng tao ay ipinapanganak na makasalanan.
Pero si Jesus ay isinilang na walang kasalanan.
๐ Kung tayo ay ipinanganak na SINNER,
๐ si Jesus ay ipinanganak na SAVIOR.
๐ Luke 2:11
2. TINUPAD NIYA ANG KAUTUSAN
Ang tao ay nabigo sa pagsunod sa kautusan ng Diyos.
Pero si Jesus ay:
โข ganap na sumunod
โข tinupad ang lahat ng kautusan
โข tinapos ang gawa ng kaligtasan
๐ Matthew 5:17โ18; John 19:30; Romans 10:4
3. BINAYARAN NIYA ANG LAHAT NG KASALANAN
Ang kabayaran ng kasalanan ay KAMATAYAN.
Si Jesus ang nagbayad para sa atin.
๐ Romans 6:23; Romans 5:8
a. ANG KANYANG DUGO
Ang dugo ni Jesus ang sapat at ganap na bayad sa kasalanan ng lahat ng taoโnoon, ngayon, at magpakailanman.
๐ Hebrews 9:22; Acts 20:28
b. ANG KANYANG ESPIRITU
Nang Siya ay mamatay, ang Kanyang espiritu ay bumalik sa Diyos Ama.
๐ John 19:30
c. ANG KANYANG KATAWAN
Ang Kanyang katawan ang:
โข tumanggap ng lahat ng kasalanan ng tao
โข kaya Siya ay namatay sa krus
Ang Diyos ay hindi namamatay, pero dahil si Jesus ay naging tao, naranasan Niya ang kamatayan para sa atin.
๐ Romans 6:23; 1 Peter 2:24
d. ANG KANYANG KALULUWA
Ang Kanyang kaluluwa ay bumaba sa ilalim ng lupa na tinatawag na:
โข heart of the earth
โข lower parts of the earth
Doon inilagak ang kasalanan ng lahat ng tao.
Si Jesus ang naging sin offeringโang tunay na kahulugan ng mga handog sa Lumang Tipan.
๐ Ephesians 4:9; Matthew 12:40; Acts 2:27,31; Luke 23:43
Doon Niya iniwan at inalis ang kasalanan ng mundo.
๐ Micah 7:19; Hebrews 1:3
๐ Nag-hirap Siya bilang KAHALILI natin.
ANG KABUOANG GAWA NI JESUS
โ NAMATAY โ para sa ating kasalanan
โ INILIBING โ dala ang kasalanan
โ MULING NABUHAY โ bilang tagumpay laban sa kamatayan
๐ Isaiah 53; Acts 2; Hebrews 13
4. MULING NABUHAY AT TINAPOS ANG KATUBUSAN
Pagkaraan ng 3 araw at 3 gabi:
โข si Jesus ay bumangon mula sa mga patay
โข umakyat sa langit
โข at tinapos ang walang hanggang katubusan
๐ Lahat ay BAYAD na.
๐ Wala nang kulang.
Ang sinumang mananampalataya kay Cristo ay may tiyak na lugar sa langit.
๐ 1 Corinthians 15:1โ4; John 11:25โ26; Hebrews 9:12
ANO ANG DAPAT NA TUGON NG TAO PARA MALIGTAS
Hindi kumplikado ang kaligtasan. May dalawang mahalagang bagay lang na kailangang payagan ng tao upang mapasakanya ang bisa ng katubusan.
1. PAGSISIHAN o TALIKURAN ANG MALING PAG-ASA
Ang unang dapat tugon ng tao ay iwanan ang maling tiwala para maligtas.
๐ Talikuran ang pag-asang nasasalig sa:
โข relihiyon
โข mabubuting gawa
โข pagsunod sa kautusan
โข pagiging โmabaitโ o โreligiousโ
Hindi kayang iligtas ng mga ito ang tao.
๐ Ephesians 2:8โ9
โFor by grace are ye saved through faithโฆ not of works.โ
Ibig sabihin, hindi REWARD o gantimpala sa gawa ng tao ang kaligtasan. Ito ay REGALO ng Diyos.
Kailangan ding tanggapin ng tao na:
โข hindi niya kayang iligtas ang kanyang sarili
โข si Cristo lamang ang sagot
๐ Acts 13:38โ39; Galatians 2:16; Romans 3:26โ28
๐ Ito ang tunay na PAGSISISI:
pagbabago ng isipโmula sa pagtitiwala sa sarili, patungo sa pagtitiwala kay Cristo.
2. SAMPALATAYANAN SI JESUS CRISTO
Ang ikalawang dapat tugon ay manampalataya.
๐ Maniwala na:
โข si Jesus ang Anak ng Diyos na nagkatawang-tao
โข Siya ay namatay para sa ating kasalanan
โข Siya ay inilibing
โข Siya ay muling nabuhay
โข sapat na ang Kanyang ginawa
๐ 1 Corinthians 15:1โ4
Hindi na kailangang dagdagan ang ginawa ni Jesus. Kumpleto na ang bayad.
๐ John 6:37
โHim that cometh to me I will in no wise cast out.โ
Ibig sabihin:
โข ang sinumang lumalapit kay Jesus
โข tinatanggap Niya
โข hindi Niya itinataboy
ANO ANG RESULTA NG PANANAMPALATAYA
Kapag ang tao ay sumampalataya kay Cristo:
โ Siya ay tinatanggap ng Diyos
โ Siya ay napapatawad sa lahat ng kasalanan
โ Siya ay may reserbasyon na sa langit
โ Siya ay ligtas na magpakailanman
โ Siya ay may katiyakan ng buhay na walang hanggan
๐ 1 Peter 1:3โ5; 1 John 5:10โ13; Ephesians 1:13
โ Pagsisisi โ talikuran ang maling pag-asa
โ Pananampalataya โ magtiwala kay Jesus lamang
๐ Manampalataya, at ikaw ay maliligtas.
MGA NAGAGANAP SA ORAS NA TAYO AY SUMAMPALATAYA
Sa mismong oras na ang isang tao ay magtiwala at sumampalataya kay Jesus, may mga bagay na agad na nangyayari sa kanyang buong pagkatao.
1. IPINAKO KASAMA NI CRISTO
Ibig sabihin, ang dating tayo ay kasamang namatay ni Cristo sa krus.
๐ Galatians 2:20
2. NAMATAY KASAMA NI CRISTO
Ang dating makasalanang pagkatao ay itinuring na patay na.
๐ Romans 6:8
3. INILIBING KASAMA NI CRISTO
Ang dating buhay na alipin ng kasalanan ay iniwan na.
๐ Romans 6:4
4. BUMANGON KASAMA NI CRISTO
Tayo ay binigyan ng bagong buhay sa Diyos.
๐ Colossians 3:1
5. ITINAAS KASAMA NI CRISTO
Sa mata ng Diyos, tayo ay inaangat na kasama ni Cristo.
๐ Ephesians 2:6a
6. UMUPO KASAMA NI CRISTO
Mayroon na tayong espiritwal na posisyon at awtoridad kay Cristo.
๐ Ephesians 2:6b
7. MAHAHAYAG KASAMA NI CRISTO
Sa Kanyang pagbabalik, makikita rin ang ating bagong buhay.
๐ Colossians 3:4
KALIGTASANG HINDI NAWAWALA
Ang kaligtasan ng tunay na mananampalataya ay hindi na mawawala.
1. HINDI NA UMAALIS ANG BANAL NA ESPIRITU
Kapag ang isang tao ay naligtas:
โข ang Banal na Espiritu ay nananahan na sa kanya
โข Siya ay tinatatakan ng Diyos
โข hindi na Siya aalis
๐ John 14:16โ17; Ephesians 1:13; 4:30
Ibig sabihin, sigurado ang kaligtasan.
2. MAY NAGANAP NA ESPIRITUWAL NA PAGTUTULI
Ang puso ng mananampalataya ay binago na ng Diyos.
Ang kasalanan ay wala nang kapangyarihang maghari sa kaluluwa.
๐ Colossians 2:10โ11; 1 John 3:8โ9
๐ Kung paanong hindi na muling mamamatay si Cristo, gayundin ang kaluluwa ng taong ligtas ay hindi na babalik sa dating kalagayan.
Sa mata ng Diyos, ang mga mananampalataya ay tinatawag na
๐ BANAL o SANTO.
๐ Ephesians 1:1; 4:11โ12
TUNGKULIN NG MGA LIGTAS
Ang kaligtasan ay libre, pero may tungkulin ang mga naligtas.
1. TAYO AY GINAWANG MGA KATIWALA
Ibig sabihin:
โข tayo ay may buhay na may direksyon
โข tayo ay tinawag na maglingkod sa Diyos
โข tayo ay mamuhay na nagbibigay-luwalhati sa Kanya
๐ Revelation 1:5โ6; Romans 5:17; 1 Peter 2:9
2. TINAWAG TAYONG MAMUHAY NA BANAL
Hindi para maligtas, kundi dahil tayo ay ligtas na.
๐ Mamuhay na kalugod-lugod sa Diyos
๐ Ialay ang buhay sa Kanyang paglilingkod
๐ Ephesians 1:4; Romans 12:1โ2; Titus 2:11โ14
3. MAHALAGA ANG LOKAL NA IGLESIA
Ang lokal na iglesia ang:
โข lugar ng paglago
โข lugar ng paglilingkod
โข lugar ng pagsunod sa Diyos
Ang isang taong nagsasabing siya ay ligtas pero ayaw makibahagi sa lokal na iglesia, ay hindi sumusunod sa kalooban ng Diyos.
๐ Ephesians 4:11โ14; Hebrews 10:25; 13:17
๐ Hindi lang tayo naligtas โ tayo ay tinawag para mabuhay para kay Cristo.
PAG-ANIB SA IGLESIANG LOKAL
Ang pag-anib sa iglesiang lokal ay kusang-loob na desisyon ng isang taong ligtas na, bilang tanda ng pakikiisa, pagsunod, at paglilingkod sa Diyos.
MGA HAKBANG SA PAG-ANIB SA IGLESIA
1. PAGSANG-AYON SA MGA DOKTRINA NG IGLESIA
Ibig sabihin, tinatanggap mo at pinaniniwalaan ang mga aral na itinuturo ng iglesiang lokal.
๐ Romans 16:17; 1 Timothy 1:3
2. PAGPAPATOTOO NG PERSONAL NA KALIGTASAN
Ang bagong kaanib ay nagbibigay ng patotoo ng kanyang kaligtasan, maaaring pasalita o nakasulat, sa harap ng kongregasyon.
๐ 2 Corinthians 4:13
3. PAGTANGGAP NG SIMBAHAN
Ang iglesiang lokal ay nagsusuri at tumitiyak na ang patotoo ay tunay, ayon sa prinsipyo ng โtwo or three witnesses.โ
๐ Matthew 18:15โ20; 2 Corinthians 13:1; 1 Timothy 5:19
4. BAWTISMO SA TUBIG
Ang bawtismo sa tubig ay:
โข para sa mga bagong ligtas
โข at sa mga galing sa ibang denominasyon
Ito ay patunay ng lubos na pagpapasakop sa simbahang lokal.
๐ 1 Corinthians 1:14โ17
5. MAKA-DIYOS NA PAMUMUHAY
Ang kaanib ay inaasahang:
โข iwasan ang hayagang kasalanan
โข mamuhay na kalugod-lugod sa Diyos
Hindi para maligtas, kundi dahil siya ay ligtas na.
๐ Titus 2:11โ14; 1 Corinthians 5:11โ13
6. PAKIKIBAHAGI AT PAGSUPORTA SA SIMBAHAN
Ang miyembro ay:
โข nakikilahok sa mga gawain
โข sumusuporta sa ministeryo
โข nagpapasakop sa mga alituntunin ng simbahan
๐ 1 Corinthians 12:25โ26
KAHULUGAN NG BAWTISMO
Ang salitang bawtismo ay nangangahulugang:
๐ pagpasok
๐ pagpapasailalim
๐ pakikiisa
๐ Romans 6:3; 1 Corinthians 10:2; 12:13; Galatians 3:27
DALAWANG URI NG BAWTISMO
1. BAWTISMONG ESPIRITUWAL
โ May kinalaman sa ugnayan ng tao sa Diyos
โ Nangyayari sa oras ng kaligtasan
โ Pagpasok sa Katawan ni Cristo
๐ 1 Corinthians 12:13; Ephesians 4:5; Romans 6:3; Galatians 3:27
๐ Ito ang bawtismong nagliligtas ng kaluluwa.
2. BAWTISMO SA TUBIG
โ May kinalaman sa ugnayan ng tao sa iglesiang lokal
โ Isang hayag na patotoo sa harap ng tao
โ Pagpasok sa pisikal na samahan ng mga mananampalataya
๐ 2 Corinthians 6:14โ18; Acts 2:40โ41, 47
๐ Hindi ito para maligtas, kundi patunay na ikaw ay ligtas na.
ANO ANG IBIG SABIHIN NG
BAWTISMO SA TUBIG?
Ang bawtismo sa tubig ay:
โ Patotoo na ikaw ay humiwalay na sa mundo
โ Pahayag na tapos na ang dating pakikiisa sa kanila
โ Simula ng panibagong buhay kay Cristo
Noon, iniisip ng mundo na ikaw ay kasama pa nila. Pero sa oras ng bawtismo, malinaw na ikaw ay kay Cristo na.
๐ Ikaw ay:
โข namatay na kasama ni Cristo
โข inilibing kasama ni Cristo
โข bumangon upang lumakad sa bagong buhay
๐ Romans 6:4
BUOD
โ Ligtas na
โ Nakipag-isa sa simbahan
โ Nabawtismuhan
โ Namumuhay para kay Cristo
๐ Ang bawtismo ay hindi simula ng kaligtasan,
kundi patotoo ng bagong buhay.
__________________________
Magakoroon po kayo ng sariling kopya. Maganda po ito para sa new coverts na candidates sa water baptism. Magagamit sa small group Bible Study.
