Aguinaldo Community Association

21/02/2026

Nakikiisa ang Aguinaldo Community Association sa Solidarity Lunch na isinagawa sa palayan na binabantaang tayuan ng SDG Wellness Park. Tumitindig ang mga miyembro ng ACA na dapat tutulan ang proyektong ito ng UP Diliman na makakaapekto sa kabuhayan at paninirahan ng mga residente.

Pakinggan ang mga komunidad: Ibasura ang SDG Park Project! Ipreserba ang sakahan na naging pahingahan ng mga Katipunero at bumuhay sa mga residente at magsasaka ng ilang daantaon. Tutulan ang demolisyon!

15/02/2026

02/02/2026

04/11/2025

HETO NA ANG BAGONG ISYU NG KULE!

Sa gitna ng inihahatid na "sustainable development" ng administrasyon ng UP, umaalingawngaw ang sigaw ng mga magsasaka ng Pook Aguinaldo.

Sa isyung ito, tinatalakay ng Collegian ang banggaan ng administrasyon at mamamayan sa likod ng itinatayong Sustainable Development Goals Park—isang proyektong nagbabadya ng pagsakop sa lupaing matagal nang inaararo ng mga magsasaka. Sa kabila ng retorika ng pag-unlad, kapalit naman nito ang pangamba, pagkakait, at pagkitil sa kabuhayan ng mga taga-Pook Aguinaldo.

Sa editoryal, binubusisi ng Collegian ang paulit-ulit na ani ng serbisyo ng UP, isang institusyong itinayo para sa bayan ngunit patuloy na lumalayo sa mismong mamamayang dapat nitong paglingkuran.

Tampok din sa pahina ang kuwento ni Cathy Baking, isang transpinay na pilit kumakayod sa pagitan ng buhay at kamatayan sa sementeryo ng Maynila—larawan ng patuloy na pakikibaka ng mga marhinalisado para sa dignidad at kabuhayan.

Maaaring kumuha ng libreng kopya ng isyu sa inyong mga kolehiyo o basahin ang digital na bersyon dito: https://bit.ly/47Ie6hz

06/10/2025

Alert: Nagposte ang UP ng limang tent at mga gwardya sa paligid ng Aguinaldo at bukid ng mga magsasaka para sa ‘monitoring’

Noong October 2, namataan ng ilang residente ang iilang tent sa palayan kasama ang mga nakaposte nitong gwardya. Nang tanungin ang pakay ng mga ito, sinabi na pinadala sila ng UP para sa ‘monitoring’. Sinabi naman ng ibang gwardiya na para ito sa tinatayong bike lane ng UP sa erya. Kita sa kanilang tent na may mga dala rin silang baril. Sila raw ay napag-utusan ng UP at kung may mga tanong idirekta na lamang ito sa Office of the Vice Chancellor for Planning and Development (OVPD). Nagdudulot ng pangamba sa ilang residente ang presensya ng mga gwardiya na ito na may mga hawak din na baril.

Hindi ito ang unang beses na bumaba ang mga gwardiya ng UP at mismo ang OVPD sa Pook Aguinaldo dahil sa balak nitong proyekto. Malalaman ng Aguinaldo Community Association na may binabalak na itayong SGD Farm ang Unibersidad ng Pilipinas na tatagos sa Aguinaldo at ang bukid dito. Kasama sa SGD Farm ang bike lane. Sa mga nakaraang buwan, pinaabot na ng ilan naming miyembro kasama ang mga magsasaka ng Krus na Ligas ang concern na nito sa mga kinauukulang opisina ng UP at ng mismong OVPD - nagkaroon ng mga pulong para pag-usapan ito.

Nanghihingi kami ng konsultasyon bago ang anumang paggalaw hinggil sa proyektong ito. Ngunit maaga pa lang sa taong ito, nakita na ang ilang tangkang ituloy ang proyekto: Nag-grass cutter na ang hindi kilalang mga indibidwal sa may bukid noong Abril. Noong July naman, may dumating na mga naka-vest na nagsusukat ng parehas na erya na may mga kasamang gwardiya at pulis na armado mula sa QCPD. Hindi rin daw alam ng barangay na darating ang kapulisan at magkakaroon ng pag-survey ng area. Sinasabi naman ng gwardya na kasama na sila raw ay mga estudyante, subalit hindi nagsasalita ang mismo nagsu-survey at wala rin mapakita na papeles -- marami na ang estudyanteng pumunta sa aming komunidad at palagi nakikipag-ugnayan muna sa amin bago ang anuman. Pumunta ang OVPD noong Agosto para sa pulong sa mga residente ng Pook Aguinaldo at pinakilala ang survey na kanilang ipapaikot sa komunidad.

Marami pang concern at hinain ang mga residente tungkol sa plano lalo na’t hindi pa ito lubos na pinapakilala sa komunidad - pinaabot namin na sana mayroong maayos at KUMPLETONG konsultasyon na may impormasyon bago galawin ang kahit ano. Kaya lubos kaming nababahala sa biglaang presensya ng mga gwardiya na ito dahil sa sinasabing ‘bike lane’ at plano sa Pook Aguinaldo. Taliwas ito sa hinihingi naming konsultasyon at plano bago ang paggalaw sa komunidad na tinitirhan ng mga tao. Marami sa amin ang lumaki sa komunidad ng Pook Aguinaldo at nagsilbi para sa komunidad ng UP bilang mga manggagawa, jeepney driver, vendor, at iba pa.

Nananawagan kami sa UP na alisin ang mga gwardiya na ito na nagdudulot ng pangamba sa komunidad. Itigil din ang mga proyektong hindi pa labis at kumpletong nakokonsulta sa aming komunidad! Kasama kami sa komunidad ng UP at dapat kasama rin sa pagpaplano ng kinabukasan nito!

26/04/2024

Kanina nagsalita si Pres Maria Filipina DELA Paz para i-represent ang Aguinaldo Community Association sa ACLE ng iba’t ibang UP Diliman Geography Organizations hinggil sa karanasan ng kababaihan sa komunidad. Maraming salamat sa lahat ng dumalo!

29/02/2024

Ikinalulungkot naming ipinapaabot ang pagpanaw ni Liza Hermida, isang kilalang lider sa komunidad ng Pook Aguinaldo sa Barangay UP Campus. Unang naging presidente ng Aguinaldo Community Association at naging miyembro naman ng Kariton ng Maralita Network bilang Executive Committee.

Buong tapang niyang hinarap ang lahat ng laban kasama ang iba't-ibang sektor kahit na siya ay dumaranas ng malubhang sakit. Isa siyang mahusay at masayahin na kasama at matapang na nanay.

Kaya inaanyayahan namin kayong dumalo sa kanyang parangal upang gunitain at pagpugayan ang kaniyang masikhay na pakikibaka hanggang sa kanyang kamatayan.

Magaganap ito sa bukas, ika-1 ng Marso sa court ng Pook Aguinaldo, mula 5 ng hapon hanggang 10 ng gabi.

Tumatanggap din kami ng donasyon para kay Ate Liza na matatanggap naman ng kanyang asawa at mga anak.

GCASH:
09058649427
note: for ate liza

18/06/2023

Peoples plan..orientation..with ka mameng ng alsa diliman .community of u.p campus.lgbtq ocs.daan tubo
Pook libis area 17 -aguinaldo community association.(ACA)

09/06/2023

Mga nakatanggap ng energy..enervon multivitamins..maraming salamat po unilab..at JPGS-UP ORG.ITTH-ANIB!.GEOGRAPHY STUDENT.
ELLA CAROSSO AND JOSE SANTOS.MARAMIN SALAMAT..GODBLESSED❤️💙💙

05/04/2023

Kasama ang Aguinaldo Community Association (ACA) sa Kalbaryo ng Mamamayan na isinagawa nitong April 3. Ipinanawagan natin ang karapatan nating lahat sa sahod, trabaho at iba pang hinaing ng maralitang lungsod.

Bukod dito, nagkaroon ng pabasa ngayon ang ACA. Magkakaroon pa ng pabasa hanggang April 7 sa looban ng Pook Aguinaldo, kontakin lamang ang aming page kung gusto sumama.