28/10/2022
PRAY FOR BICOL 🙏🙏🙏
ORATIO IMPERATA ( Bicol Version )
(Ipinagboboot na Pamibi laban sa mga Bagyo
asin iba pang mga Kapahamakan)
Amang makakamhan, iniitaas mi ang samong mga puso
sa pagpapasalamat huli kan mga nangangalasan kan Saimong linalang,
huli kan Saimong pangataman sa pagtao Mo
kan samong mga pangangaipo digdi sa daga,
asin huli kan Saimong kadunongan na nag-aantabay
kan lakaw kan bilog na kinaban.
Inaako mi na nagkasala kami Saimo asin sa kapalibutan.
Dai mi nasabotan asin naotob an Saimong kabotan na atamanon
an kinaban.
An kapalibutan nagsasakit huli kan samong mga salang gibo,
Asin ngonyan namamatean mi na
An pagdusang-balik kan samong pag-abuso asin kapabayaan.
Padagos an labi-labing pag-init kan kinaban.
Huli kaini naglalawig an tig-initan; nagdadakul asin nagkukusog an mga bagyo, uran, baha, pagtuga kan bulkan, asin iba pang mga natural na calamidad.
Dai kaming mabibirikan kundi Ika, mamomoton na Ama.
Sa saimo kami minahagad nin kapatawaran kan samong mga kasalan.
Ilikay mo kami, an samong mga namomotan, asin mga pagrogaring
Sa peligro nin mga calamidad, natural man o kagibohan nin tawo.
Antabayan Mo kaming magtalubo na magin mga responsableng Paraataman kan saimong linalang.
Asin mga matinabang na parasurog kan kapwang nangangaipo.
Huli ki Kristo, samong Kagurangnan.
Amen.
V- Nuestra Señora de Salvacion
R- Danay mo kaming Ipamibi.
Mangadie po kita, asin mag-andam sa papalaning raot nin panahon...🙏🙏
keepsafe po
