Sabbath Lessons- Weekly Bible Study Guide, Apokon, Tagum City (2026)

17/03/2026

MAGKINABUHI NGA SAMA NI YAHVAHSHUA

Leksyon no. 11 March 21, 2026

Basahon sa Kasulatan: 1 Juan 2:1-6
Piniling Teksto: Mateo 6:10

1. Unsay tawag sa tawong nakaila na sa Elohim apan wala magtuman sa Iyang gisugo?

1 Juan 2:4
Siya nga magaingon, "Ako nakaila kaniya" apan wala magbantay sa iyang mga sugo, kini siya bakakon, ug wala kaniya ang kamatuoran;

2. Ang gisugo ni YaHVaH ngadto sa mga magtotoo mao ang magkinabuhi sumala sa Iyang kabubut-on. Giunsa pag-awhag ni Apostol Pablo ang mga magtotoo sa pagsabot sa kabubut-on ni YaHVaH?

Efeso 5:14-17,
14 Tungod niini ginaingon: Pagmata, ikaw nga nagakatulog, ug bumangon ka gikan sa mga patay, ug pagahayagan ikaw sa Messiah."
15 Busa, pagbantay kamo pag-ayo sa inyong paggawi, dili ingon nga mga boangboang kondili ingon nga mga masinabuton,
16 nga managpahimulos sa kahigayonan kay ang kapanahonan karon puno sa kalisdanan.
17 Busa, ayaw kamo pagpakaboang, kondili sabton hinoon ninyo kon unsa ang kabobut-on ni YaHVaH.

Roma 12:2
Ayaw kamo pagpahiuyon niining panahona sa kalibutan, kondili usba hinoon ninyo ang inyong kaugalingon pinaagi sa pagbag-o sa inyong salabutan, aron inyong masuta kon unsa ang maayo ug hinangponon ug hingpit nga kabobut-on ni YaHVaH.

3. Diha sa ehemplo sa pag-ampo ni YaHVaHshua, unsay Iyang panghinaut nga matuman?

Mateo 6:10
Paanhia ang imong gingharian, pagabuhaton unta ang imong kabubut-on, dinhi sa yuta maingon sa langit.

4. Adunay mga kahigayonan nga si YaHshua gibitik ug pangutana sa mga Pariseo ug mga Saduceo kung unsay mga kabubut-on sa Elohim pinaagi sa ilang mga pangutana sa balaod ni Moses. Unsay mga tubag ni YaHshua mahitungod niini? Unsay Iyang gikasulti mahitungod sa mga batid sa balaod?

Marcos 12:13-17,
13 Ug ilang gipaadtoan siyag pipila sa mga Fariseo ug sa mga Herodianhon aron sa pagbitik kaniya pinaagi sa iyang sulti.
14 Ug sila nangabut ug miingon kaniya, "Magtutudlo, nasayud kami nga ikaw maminatud-on ug wala magsapayan sa tawo; kay wala a man magtan-aw sa panagway sa mga tawo, hinonoa ginatudlo mo sa minatuod gayud ang dalan ni YaHVaH. Uyon ba sa balaod ang pagbayad ug buhis kang Cesar, o dili ba?
15 Mobayad ba kami o dili?" Apan si YaHshua nga nasayud sa ilang pagminaut, miingon ka-nila, "Nganong inyo man akong sulayan? Dad-i akog kuwarta ng denario aron tan-awon ko."
16 Ug ilang gidad-an siya niini. Ug kanila nangutana siya nga nag-ingon, "Kang kinsa man kining dagway ug kining nahisulat?" Sila miingon kaniya, "Kang Cesar."
17 Si YaHshua miingon kanila, "Nan, bayri ninyo si Cesar sa mga butang nga iya ni Cesar, ug kang YaHVaH sa mga butang nga iya ni YaHVaH," Ug kaniya nahibulong sila pag-ayo.

verses 18-27
18 Unya giadto siyag mga Saduceo, mga tawo nga nanag-ingon nga walay pagkabanhaw; ug siya gipangutana nila nga nanag-ingon,
19 "Magtutudlo, si Moises nagsulat alang kanato nga kon ang usa ka lalaki kamatayon sa iyang igsoong lalaki nga magabilin ug asawa nga walay anak, ang maong lalaki kinahanglan mangasawa sa balo niini ug magpaliwat ug mga anak alang sa iyang igsoon.
20 Karon, dihay pito ka mga magsoong lalaki; ang kamagulangan nangasawa, ug unya namatay nga wala magbilin ug anak;
21 ang ikaduha maoy nangasawa sa balo, ug unya namatay nga wala magbilin ug anak; ug mao usab ang gibuhat sa ikatulo;
22 ug ang pito wala magbilin ug anak. Ug sa ulahi ang babaye namatay usab.
23 Karon, sa pagkabanhaw, ni kinsa man siya maasawa? Kay silang pito nakaasawa man kaniya."
24 Ug kanila si YaHshua mitubag nga nag-ingon, "Dili ba ang hinungdan nganong nangasayop kamo mao kini, tungod kay kamo wala makasabut sa kasulatan o sa gahum ni YaHVaH?
25 kay inigkabanhaw na sa mga tawo gikan sa mga patay, dili na sila magapangasawa pa o magapamana pa, kondili mahisama na sila sa mga manolunda didto sa langit.
26 Ug mahitungod sa mga patay nga pagabanhawon, wala ba ninyo mabasa sa basahon ni Moises, sa bahin mahitungod sa kahoyng talungon, ang gisulti kaniya ni YaHVaH nga nag-ingon, `Ako mao ang Elohim ni Abraham, ug ang Elohim ni Isaac, ug ang Elohim ni Jacob`?
27 Siya Elohim dili sa mga patay, kondili sa mga buhi. Nangasayop gayud kamo."

Nota: “…ang hinungdan nga nangasayop kamo(mga batid sa balaod),..tungod kay kamo wala makasabot sa kasulatan o sa gahum sa Elohim…”

5. Usa sa mga magtutudlo sa balaod(Escriba) misupak mahitungod sa mga halad nga sinunog alang sa Elohim. Unsay tubag ni YaHVaHshua sa dihang nangutanan siya kung unsa ang labing mahinungdanong sugo?

Marcos 12:28-31
28 Ug miduol ang usa sa mga escriba ug nakadungog kanila nga naglantugi, ug sa iyang pagkakita nga maayo ang pagkatubag niya kanila, siya nangutana kaniya, "Unsa man ang sugo nga una sa tanan?"
29 Si YaHshua mitubag nga nag-ingon, "Ang sugo nga una sa tanan mao kini: `Patalinghugi, O Israel: Si YaHVaH nga atong Elohim, si YaHVaH usa ra;
30 ug higugmaa si YaHVaH nga imong Elohim sa tibuok mong kasingkasing, ug sa tibuok mong kalag, ug sa tibuok mong salabutan, ug sa tibuok mong kusog.
31 Ang ikaduha mao kini: `Higugmaa ang imong silingan sama sa imong kaugalingon.` Wala nay laing sugo nga labi pang daku niini kanila."

6. Unsay huna-huna sa Escriba mahitungod sa tubag ni YaHVaHshua?Giisip ba siya ni YaHVaHshua nga maalamon ug angayan sa gingharian?

verse 32-34
32 Ug ang escriba miingon kaniya, "Husto kana, Magtutudlo; tinuod ang imong giingon nga Siya usa ra, ug nga wala nay lain gawas Kaniya;
33 ug ang paghigugma kaniya sa tibuok nga kasingkasing, ug sa tibuok nga salabutan, ug sa tibuok nga kusog, ug ang paghigugma sa silingan sama sa kaugalingon, kini labaw pa kaayo kay sa tanang tibuok nga mga halad-sinunog ug mga halad-inihaw.
34 Ug si YaHshua, sa pagkakita niya kaniya nga mitubag nga maalamon, miingon kaniya, "Ikaw dili halayo sa gingharian ni YaHVaH." Ug sukad niadto wala nay nangahas pa sa paghimog mga pagpangutana kaniya.

7. Unsaon nato pagkahibalo kung kita nagkinabuhi sumala sa kabubut-on ni YaHVaH?

1 Juan 2:5-6
5 apan bisan kinsa nga magabantay sa iyang pulong, sa pagkatinuod ang gugma alang kang YaHVaH nahingpit diha kaniya. Atong mahibaloan nga kita anaa kaniya pinaagi niini:
6 siya nga magaingon nga siya anaa kaniya kinahanglan magakinabuhi sama sa iyang pagkinabuhi.

Nota: (sa ubang bersiyon sa Bibliya) “…mahibaloan nato nga nagkinabuhi kita sumala sa kabubut-on sa Elohim pinaagi niini: ang nag-ingon nga siya anaa sa Elohim kinahanglan magkinabuhi sama kang YaHVaHshua…”

09/03/2026

ANG PAGPADALA KANG YAHVAHSHUA ARON KITA MAKAADTO PAINGON SA AMAHAN

Leksyon no. 10 March 14, 2026

Basahon sa Kasulatan: Juan 16:28-30
Piniling Teksto: Juan 14:6

1. Giunsa pagpadayag ni YaHshua ang kinatibuk-ang hulagway sa iyang pag-anhi sa kalibutan? Asa Siya gikan ug asa usab Siya mupauli?

Juan 16:28
Ako gikan sa Amahan ug ako mianhi sa kalibutan; usab, ako mobiya sa kalibutan ug moadto sa Amahan."

2. Unsay kasayuran sa mga apostoles nga tungod niini mitoo sila nga gikan gayud Siya kang YaHVaH?

verses 29-30
29 Ang iyang mga tinun-an miingon kaniya, "Ah, karon nagasulti na ikaw sa yano gayud ug dili na pinaagig sambingay!
30 Ug nasayud na kami karon nga ikaw nahibalo diay sa tanang mga butang, ug nga ikaw dili na kinahanglan nga pangutan-on pa ni bisan kinsa. Tungod niini kami nagatoo nga ikaw gikan ni YaHVaH."

3. Unsa nga awtoridad o kagahum ang gihatag ni YaHVaH kang YaHshua alang sa mga motoo Kaniya?

Juan 17:1-2
1 Ug sa nakapamulong na si YaHshua niining mga sultiha, giyahat niya ang iyang mga mata ngadto sa langit ug miingon siya, "Amahan, ang takna nahiabut na; pasidunggi ang imong Anak aron ang Anak makapasidungog kanimo,
2 sanglit gihatagan mo man siyag kagahum ibabaw sa tanang katawhan aron sa paghatag ug kinabuhing dayon ngadto sa tanan nga imong gikatugyan kaniya.

4. Unsaon nato pagbaton ug kinabuhing dayon?

verse 3
Ug ang kinabuhing dayon mao kini, ang ilang pagpakaila kanimo nga mao ang bugtong tinuod nga El, ug kang YaHshua nga Messiah nga imong pinadala.

5. Unsay atong palaabuton kung mosalig kita kang YaHVaH ug kang YaHVaHshua?

Juan 14:1-3
1 "Kinahanglan dili magkaguol ang inyong kasingkasing. Sumalig kamo ni YaHVaH, ug sumalig usab kamo kanako.
2 Sa balay sa akong Amahan anaay daghang puy-anan; kon dili pa, moingon ba unta ako kaninyo nga moadto ako aron sa pag-andam ug luna lang kaninyo?
3 Ug sa mahiadto na ako ug makaandam na akog luna alang kaninyo, moanhi ako pag-usab ug pagadawaton ko kamo nganhi uban kanako, aron nga diin gani ako atua usab kamo.

6. Si YaHshua mipadayag nga ang mga apostoles nakatultol na sa dalan paingon sa Iyang Amahan, apan si Tomas wala makasabot niini. Giunsa kini pagpamatuod ni YaHVaHshua ngadto kanila?

verse 4-6
4 Ug kamo nakatultol na sa dalan sa akong pagaadtoan."
5 Si Tomas miingon kaniya, "Agalon, wala kami mahibalo kon asa ikaw paingon; busa, unsaon man namo sa pagkatultol sa dalan?"
6 Si YaHshua mitubag kaniya, "Ako mao ang dalan, ug ang kamatuoran, ug ang kinabuhi; walay bisan kinsa nga makaadto sa Amahan, gawas kon pinaagi kanako.

7. Unsay mga gikinahanglan natong buhaton aron kita makapakita sa atong pagsalig diha kang YaHVaHshua? Unsay pasalig kanato kung kita mangaliya pinaagi sa Iyang Ngalan?

verse 12-14
12 "Sa pagkatinuod, sa pagkatinuod, magaingon ako kaninyo, nga ang mosalig kanako magahimo usab sa mga buhat nga akong ginabuhat; ug labi pa gani ka dagkung mga buhat kay niini ang iyang pagabuhaton, kay moadto man ako sa Amahan.
13 Ug bisan unsay inyong pangayoon pinaagi sa akong Ngalan, pagabuhaton ko kini, aron ang Amahan kapasidunggan diha sa Anak.
14 Kon pinaagi sa akong Ngalan mangayo kamog bisan unsa, kini akong pagabuhaton.

23/02/2026

ANG KAGIKANAN NI YAHVAHSHUA

Leksyon no. 9 February 28, 2026

Basahon sa Kasulatan: Juan 8:18-29
Piniling Teksto: Galacia 4:4

1. Bisan pa sa Iyang pagkamanununod, unsay kahimtang ni YaHVaHshua samtang bata pa Siya kauban sa mga gitugyanan Kaniya? Giunsa kini pagpasabot ni Apostol Pablo?

Galacia 4:1-2
1 Ang ipasabut ko mao kini: nga ang manununod, samtang bata pa siya, dili labaw ug kahimtang sa ulipon, bisan tuod siya mao ang tag-iya sa tanang kabtangan;
2 hinonoa siya ilalum sa mga magtatagad ug sa mga piniyalan hangtud sa panahon nga gitagal sa amahan.

2. Ing-ana ba usab kita ingon nga manununod pinaagi kang YaHshua nga gipakatawo sa usa ka babaye diha sa tukma nga panahon?

verse 3-5
3 Maingon usab niana kita; sa mga bata pa kita, mga ulipon kita ngadto sa mga pinasiunang pagtulon-an sa kalibutan.
4 Apan sa pag-abut na sa tukma nga panahon, si YaHVaH mipadala sa iyang Anak nga natawo ug babaye, natawo ilalum sa kasugoan,
5 aron sa pagtubos sa mga nailalum sa kasugoan, aron kita managdawat sa pagkasinagop ingon nga mga anak.

3. Unsay tubag ni YaHVaHshua sa dihang gipangutana Siya sa mga Hudiyo kung asa ang Iyang Amahan?

Juan 8:18-19
18 Ako usa nga nagahimog panghimatuod bahin sa akong kaugalingon, ug ang Amahan nga mao ang nagpadala kanako nagahimo usab ug panghimatuod bahin kanako."
19 Busa nangutana sila kaniya, "Hain man ang imong Amahan?" Si YaHshua mitubag nga nag-ingon, "Kamo wala makaila kanako o sa akong Amahan. Kon nakaila pa kamo kanako nakaila usab unta kamo sa akong Amahan."

4. Giunsa pagpaklaro ni YaHVaHshua ngadto sa Hudiyo ang Iyang gigikanan? Nganong dili sila makaadto niining dapita?

verses 21-23
21 Ug kanila misulti siya pag-usab nga nag-ingon, "Ako molakaw. Unya mangita kamo kanako, apan mangamatay kamo diha sa inyong pagkamakasasala. Asa ako padulong, niini dili kamo makaadto."
22 Unya ang mga Judio nanag-ingon, "Magpatay ba kaha siya sa iyang kaugalingon, kay nag-ingon man siya, `Asa ako padulong, niini dili kamo makaadto`?"
23 Siya miingon kanila, "Kamo taga-ubos, ako taga-itaas. Kamo taga-dinhi niining kalibutana, ako dili taga-dinhi niining kalibutana.

5. Naga-uban ba kanunay si YaHVaH kang YaHVaHshua pinaagi sa pulong nga Iyang ginasulti?

verses 28-29
28 Busa si YaHshua miingon, "Sa diha nga maisa na ninyo ang Anak sa Tawo, nan, inyong mahibaloan nga ako mao siya ug nga wala akoy ginabuhat sa kinaugalingon kong pagbulot-an, hinonoa nga nagasulti ako sa ingon sumala sa gitudlo kanako sa Amahan.
29 Ug siya nga mao ang nagpadala kanako ania uban kanako. Wala ako niya pasagdi nga mag-inusara, kay sa kanunay ginabuhat ko man ang makapahimuot kaniya."

6. Kinsa ang naghatag ug kagahum o pagbulut-an kang YaHshua aron sa paghatag ug kinabuhing dayon?

Juan 17:1-3
1 Ug sa nakapamulong na si YaHshua niining mga sultiha, giyahat niya ang iyang mga mata ngadto sa langit ug miingon siya, "Amahan, ang takna nahiabut na; pasidunggi ang imong Anak aron ang Anak makapasidungog kanimo,
2 sanglit gihatagan mo man siyag kagahum ibabaw sa tanang katawhan aron sa paghatag ug kinabuhing dayon ngadto sa tanan nga imong gikatugyan kaniya.
3 Ug ang kinabuhing dayon mao kini, ang ilang pagpakaila kanimo nga mao ang bugtong tinuod nga El, ug kang YaHshua nga Messiah nga imong pinadala.

7. Gipasidunggan ni YaHVaHshua ang Iyang Amahan pinaagi sa pagtuman sa gisugo Kaniya dinhi sa kalibutan. Si YaHVaHshua ba kauban nang daan ni YaHVaH sa wala pa ang kalibutan?

verse 4-5
4 Dinhi sa yuta gipasidunggan ko ikaw, sanglit natuman ko man ang buhat nga imong gitugyan kanako aron akong pagabuhaton.
5 Ug karon, Amahan, pasidunggi ako diha uban gayud kanimo nianang kadungganan nga gihuptan ko kaniadto uban kanimo sa wala pa ang kalibutan.

21/02/2026

SI YAHVAHSHUA ANG MESSIAH UG ANAK NI YAHVAH

21/02/2026

ANG GAHUM NI YAHVAHSHUA

21/02/2026

SI YAHVAHSHUA LABAW SA TANANG MGA BINUHAT

16/02/2026

KINSA UG UNSA SI YAHVAHSHUA

Leksyon no. 8 February 21, 2026

Basahon sa Kasulatan: Mateo 16:13-17
Piniling Teksto: Juan 10:25

1. Sa dihang misakay ang mga Apostoles sa sakayan ug mitabok sa usa ka lanaw nga katubigan, unsa ilang nasaksihan sa gahum nga gipakita ni YaHVaHshua ngadto kanila? Unsay ilang pangutana?

Marcos 4:35-41
35 Ug sa maong adlaw, sa pagkahapon na kaayo, siya miingon kanila, "Manabok kita ngadto sa usang daplin."
36 Ug sa namahawa sila sa panon sa katawhan, ilang gidala siya uban kanila sa sakayan diin diha na siyang daan. Ug dihay ubang mga sakayan nga mikuyog kaniya.
37 Ug unya miabut ang usa ka makusog nga unos, ug ang mga balud mitabontabon sa sakayan, nga tungod niana ang sakayan nagkapuno na sa tubig.
38 Apan siya didto sa ulin nagkatulog nga nag-unlan. Ug siya gipukaw nila nga nag-ingon, "Magtutudlo, wala ka ba lang magkabana nga mangalumos kita?"
39 Ug siya nagmata ug iyang gibadlong ang hangin, ug miingon siya sa lanaw, "Hilum! Hunong!" Ug ang hangin milunay, ug miabut ang dakung kalinaw.
40 Ug siya miingon kanila, "Nganong nalisang man kamo? Wala ba kamoy pagsalig?"
41 Ug giabut silag dakung kahadlok, ug nasig-ingon ang usa sa usa, "Kinsa man diay kini siya, nga bisan pa ang hangin ug ang lanaw mopatoo man kaniya?"

2. Nangutana ba usab si YaHshua ngadto sa mga Apostoles kung kinsa ang Anak sa Tawo ug kinsa ba usab Siya?

Mateo 16:13-15
13 Ug sa pag-abut ni YaHshua sa kayutaan sa Cesarea ni Filipo, ang iyang mga tinun-an gipangutana niya nga nag-ingon, "Sumala sa sulti sa mga tawo, kinsa man kono ang Anak sa Tawo?"
14 Ug sila miingon kaniya, "Ang uban naga-ingon nga si Juan nga Bautista kono; ang uban nagaingon nga si Elias kono; ug ang uban, nga si Jeremias kono o usa sa mga profeta."
15 Ug siya miingon kanila, "Apan kamo, unsa may inyong sulti, kinsa man ako?"

3. Kinsa man ang nakatubag sa pangutana ni YaHshua kung kinsa Siya?

verses 16-17
16 Si Simon Pedro, mitubag nga nag-ingon, "Ikaw mao ang Messiah, ang Anak ni YaHVaH nga buhi."
17 Kaniya mitubag si YaHshua nga nag-ingon, "Dalaygon ikaw, Simon Barjona! Kay wala kini ipadayag kanimog tawo, kondili gipadayag kini kanimo sa akong Amahan nga anaa sa langit.

4. Diha sa pakigsulti ni YaHVaHshua sa usa ka babayeng Samarianhon, miangkon ba Siya nga mao ang Messiah?

Juan 4:25-26
25 Ang babaye miingon kaniya, "Ako nasayud nga ang Mesias umaabut (siya nga ginatawag ug Dinihogan); inig-abut na unya niya, siya mao ang magasaysay kanato sa tanang mga butang."
26 Si YaHshua miingon kaniya, "Ako nga nakigsulti kanimo mao siya."

5. Si YaHshua wala mosulti nga Siya usa ka Elohim, apan Siya miangkon nga Siya mao ang Anak sa Elohim. Giunsa kini Niya pagpasabot sa mga Hudiyo?

Juan 10:24-38
24 Ug unya gialirongan siya sa mga Judio ug ilang gipangutana nga nanag-ingon, "Unsa pa man kadugay ang imong pagpakulba-hinam kanamo? Kon ugaling ikaw mao man ang Messiah, nan, tug-ani kami sa laktud gayud."
25 Ug kanila mitubag si YaHshua nga nag-ingon, "Gitug-anan ko na bitaw kamo, apan wala kamo managpanoo. Ang mga buhat nga akong ginahimo sa ngalan sa akong Amahan, kini nagapamatuod mahitungod kanako.
26 Apan kamo wala managpanoo tungod kay kamo dili man kauban sa akong mga karnero.
27 Ang akong mga karnero nagapatalinghug sa akong tingog, ug ako nakaila kanila, ug sila nagasunod kanako.
28 Ug ginahatagan ko silag kinabuhing dayon, ug sila dili gayud malaglag, ug walay bisan kinsa nga magaagaw kanila gikan sa akong kamot.
29 Ang akong Amahan nga maoy naghatag kanila nganhi kanako, siya labing daku sa tanan ug walay bisan kinsa nga makahimo sa pag-agaw kanila gikan sa kamot sa Amahan.
30 Ako ug ang Amahan usa ra."
31 Unya ang mga Judio namunit na usab ug mga bato aron ilang ilabay kaniya sa pagpatay kaniya.
32 Ug kanila si YaHshua mitubag nga nag-ingon, "Gipakitaan ko kamog daghang mga maayong buhat gikan sa Amahan. Unsa ba niining mga buhata ang hinungdan nga tungod niini inyo akong pagabatoon?"
33 Kaniya mitubag ang mga Judio nga nanag-ingon, "Batoon ikaw namo dili tungod sa imong pagbuhat ug maayo, kondili tungod sa pagpasipala batok ni YaHVaH; kay ikaw nagpaka-Elohim, nga tawo ka ra man unta."
34 Ug kanila mitubag si YaHshua nga nag-ingon, "Dili ba nahisulat man kini sa inyong kasugoan, `Ako nag-ingon, Mga elohim kamo`?
35 Kon iya man ganing ginganlan ug mga elohim kadtong mga gisultihan sa pulong ni YaHVaH (ug dili arang mabungkag ang kasulatan),
36 ingnon ba diay ninyo ako, ang gididikar sa Amahan ug gipadala niya nganhi sa kalibutan, `Ikaw nagpasipala,` tungod lang kay nag-ingon ako, `Anak ako ni YaHVaH`?
37 Kon ang akong gipamuhat dili man mga buhat sa akong Amahan, nan, ayaw kamo pagtoo kanako;
38 apan kon mao man kini, nan, bisan kon dili kamo motoo kanako, toohi ninyo ang mga buhat aron kamo mahibalo ug makasabut nga ang Amahan ania kanako ug ako anaa sa Amahan."

6. Unsa ba ang relasyon ni YaHVaH Elohim kang YaHVaHshua matud pa ni Apostol Pablo sa Iyang mga pasiunang pulong?

Colosas 1:3,
Sa kanunay magapasalamat kami sa Elohim, ang Amahan sa atong Agalong YaHshua-Messiah, inig-ampo namo alang kaninyo,

2 Cor.1:3,
Dalaygon si YaHVaH ug Amahan sa atong Manluluwas nga si YaHshua-Messiah, ang Amahan sa mga kalooy ug Elohim sa tanang kalipay,

Efeso 1:3
Dalaygon si YaHVaH ug Amahan sa atong Manluluwas nga si YaHshua-Messiah, nga diha sa Messiah nagapanalangin kanato sa tanang mga panalanging espirituhanon diha sa mga langitnong dapit.

7. Unsa ka halangdon si YaHVaHshua ngadto kang YaHVaH?

Colosas 1:11-15
11 Hinaut unta nga malinig-onan kamo sa tanang kusog, sumala sa iyang mahimayaong gahum, alang sa tanang pag-antus ug pagpailub dinuyogan sa kalipay,
12 nga magahatag kamo sa mga pagpasalamat ngadto sa Amahan nga mao ang naghimo kanatong takus sa pagambit sa panulondon sa mga balaan diha sa kahayag.
13 Siya mao ang nagluwas kanato gikan sa kagahum sa kangitngit ug naglalin kanato ngadto sa gingharian sa iyang Anak nga pinalangga,
14 kang kinsa kita nakabaton sa pagkatinubos, sa kapasayloan sa mga sala.
15 Siya mao ang dagway sa dili makita nga Elohim, ang panganay sa tibuok nga kabuhatan;

Nota: “…Iyang Anak nga pinalangga… Siya mao ang dagway sa dili makita nga Elohim, ang panganay sa tibuok nga kabuhatan…”

09/02/2026

SI YAHSHUA NATAWO PINAAGI SA BALAANG ESPIRITU DIHA SA TAGOANGKAN NI MIRIAM

Leksyon no. 7 February 14, 2026

Basahon sa Kasulatan: Mateo 1:1-16
Piniling Teksto: Lukas 1:37

1. Sa unsang paagi gipakatawo si YaHVaHshua sa tagoangkan ni Miriam?

Mateo 1:18
Ug ang pag-anak kang YaHshua nahitabo sa ingon niini nga kaagi: Sa diha nga ang iyang inahan nga si Maria kaslonon pa kang Jose, sa wala pa sila mag-usa, siya hingkaplagan nga nagsamkon pinaagi sa Balaang Espiritu;

2. Si Jose ingon nga tawong matarung, buot nga mobiya kang Miriam sa hilom. Nganong gipugngan man siya sa manulonda sa dili pagbiya kang Miriam? Aduna ba poy kalabutan ang Iyang Kaliwatan o Kagikanan nganong siya ang mahimong tawhanong amahan ni YaHVaHshua?

verse 20
Apan sa nagpalandong siya sa pagbuhat niini, tan-awa, usa ka manolunda ni YaHVaH mitungha kaniya pinaagi sa damgo ug miingon, "Jose, anak ni David, ayaw pagpanuko sa pagpangasawa kang Maria, kay kanang iyang gisamkon gikan sa Balaang Espiritu.

3. Kinsa ang mga kagikanan ni David?

Mateo 1:1-2,
1 Ang basahon sa kagikanan ni YaHshua, nga anak ni David, nga anak ni Abraham.
2 Si Abraham mao ang amahan ni Isaac, ug si Isaac ang amahan ni Jacob, ug si Jacob ang amahan nila ni Juda ug sa iyang mga igsoong lalaki,

verse 6,
ug si Jese ang amahan ni David nga hari.

verses 15-16
15 ug si Eliud ang amahan ni Eleazar, ug si Eleazar ang amahan ni Matan, ug si Matan ang amahan ni Jacob,
16 ug si Jacob ang amahan ni Jose, nga bana ni Maria nga mao ang nanganak kang YaHshua nga ginatawag ug Messiah.

4. Si YaHshua miturok sa tagoangkan ni Miriam nga wala moagi ug tawhanong pakighilawas. Ug si Jose nga wala makighilawas kang Miriam mao ang kaliwat ni Juda. Aduna bay pamatuod nga si YaHshua anaa sa banay ni Juda?

Hebreohanon 7:14
Kay dayag man kaayo nga ang atong Manluluwas natawo gikan kang Juda, ug labut niadtong banaya si Moises wala maghisgot ug mga sacerdote.

5. Ang Juan 4:22 nag-ingon, “….kay ang kaluwasan nagagikan man sa mga Hudiyo”.. Kini ba nga teksto nagpamatuod nga ang Manluluwas nagagikan sa banay ni Juda nga Israelinhon?

Roma 9:4-5
4 Sila mga Israelinhon, ug nailaha ang pagkainanak, ang kadungganan, ang mga pakigsaad, ang pagkahinatag sa kasugoan ang pagsimba, ug ang mga saad;
5 nailaha ang mga patriarca, ug gikan kanila, sa kaliwatan sumala sa pagkatawo, natawo ang Messiah nga anaa sa ibabaw sa tanan, si YaHVaH, dalaygon hangtud sa kahangturan.

6. Kini ba nga Espirituhanong pagkatawo ni YaHVaHshua imposible bang mabuhat sa Labawng Makagagahum?

Job 42:2,
Ako nahibalo nga ang tanang mga butang mahimo nimo, Ug nga walay tuyo nimo nga kapugngan.

Lukas 1:37
Kay kang YaHVaH walay butang nga dili mahimo.

7. Tungod kay ang atong Manluluwas, Espirituhanon man sumala sa Iyang pagkatawo, aduna ba pod kitay kahigayonan nga mamaluwas ug mahimong anak sa Elohim dili pinaagi sa dugo o kaliwatan, kondili pinaagi sa pagbulot-an sa Labawng Makagagahum?

Roma 9:6-8,
6 Apan dili hinoon nga daw napakyas ang pulong ni YaHVaH. Kay dili ang tanang misanay gikan kang Israel nasakop sa Israel,
7 ug dili ang tanan iyang mga anak ni Abraham bisan tuod mga kaliwat sila niya; apan, "Ang pinaagi kang Isaac maoy pagahinganlan nga imong mga kaliwat."
8 Sa ato pa, ang mga anak ni YaHVaH dili mao kadtong mga anak pinaagi sa pagkatawo, kondili ang pagaisipon nga iyang mga kaliwat mao kadtong mga anak sumala sa gisaad.

Roma 9:14-16,
14 Nan, unsa may atong ikasulti? Nga wala ang hustisya diha ni YaHVaH? Palayo kana!
15 Kay siya nagaingon kang Moises, "Magakalooy ako kanila nga akong pagakaloy-an, ug magamapuanguron ako kanila nga akong pagahatagan sa puangod."
16 Busa magaagad diay kini dili sa kabubut-on sa tawo o sa iyang paningkamot, kondili sa kalooy ni YaHVaH.

verses 24-26.
24 nga mao kita nga iyang gitawag, dili gikan sa mga Judio lamang kondili gikan sa mga Gentil usab?
25 Sa ingon gayud siya nagsulti diha sa basahon ni Oseas, nga nag-ingon: Ang dili akong mga tawo pagatawgon ko nga `akong mga tawo,` ug ang babaye nga dili pinalangga pagatawgon ko nga `akong pinalangga.`"
26 "Ug sa dapit diin giingnan sila, `Kamo dili akong mga tawo,` didto pagatawgon sila nga `mga anak ni YaHVaH nga buhi.`"

03/02/2026

SI YAHSHUA: ANG BUGTONG ANAK NI YAHVAH

Leksyon no. 6 February 6, 2026

Basahon sa Kasulatan: Juan 1:29-34
Piniling Teksto: Lukas 2:49

1. Unsay pagpanghimatuod ni Juan Bautista mahitungod kang YaHshua?

Juan 1:32-34
32 Ug si Juan nagpanghimatuod nga nag-ingon, "Nakita ko ang Espiritu nga mikunsad ingon ug salampati gikan sa langit, ug kini nagpabilin diha kaniya.
33 Ako gayud wala masayud kaniya, apan siya nga nagsugo kanako sa pagpangbautismo sa tubig miingon kanako, `Siya nga imong makita nga pagakunsaran ug pagapuy-an sa Espiritu, mao kana siya ang magapangbautismo diha sa Balaang Espiritu.`
34 Ug ako nakakita ug gipanghimatuod ko nga kini siya mao ang Anak ni YaHVaH."

2. Si YaHVaHshua ba mao lamang ang bugtong “Anak ni YaHVaH”?

Juan 3:16-18
16 Kay gihigugma gayud ni YaHVaH ang kalibutan nga tungod niana gihatag niya ang iyang bugtong Anak, aron ang tanan nga mosalig kaniya dili malaglag, kondili may kinabuhing dayon.
17 Kay gipadala ni YaHVaH ang iyang Anak nganhi sa kalibutan, dili aron ang kalibutan iyang pagahukman sa silot, kondili aron ang kalibutan maluwas pinaagi kaniya.
18 Ang mosalig kaniya dili pagahukman sa silot; apan ang dili mosalig nahinukman na sa silot, kay wala man siya motoo sa Ngalan sa bugtong Anak ni YaHVaH.

3. Kita gi-awhag nga maghigugmaay sa usag-usa ingon nga kita mga anak ni YaHVaH diha sa paghigugma ug pagtoo. Giunsa pagpadayag ni YaHVaH ang Iyang gugma kanato?

1Juan 4:7-9
7 Mga hinigugma, maghigugmaay kita ang usa sa usa; kay ang gugma iya ni YaHVaH, ug siya nga nagahigugma gipanganak ni YaHVaH ug nakaila ni YaHVaH.
8 Siya nga wala magahigugma wala makaila ni YaH; kay si YaH gugma man.
9 Ang gugma ni YaHVaH gipadayag dinhi kanato pinaagi niini: gipadala ni YaHVaH ang iyang bugtong nga Anak nganhi sa kalibutan, aron kita mabuhi pinaagi kaniya.

1Juan 5:1
Gipanganak gikan kang YaHVaH ang tanang nagatoo nga si YaHshua mao ang Messiah, ug ang tanan nga nagahigugma sa nanganak nahigugma usab sa gianak.

4. Ang uban o pipila nagtudlo nga si YaHshua wala mahimong usa nga “Bugtong Anak ni YaHVaH” hangtud sa pagdawat Niya sa Balaang Espiritu panahon sa pagbautismo ni Juan? Ang argumento mao nga sa Lukas 3:22 nagpakita ang Espiritu diha sa pisikal nga porma sa usa ka Salampati ug ingon man usab ang usa ka tingog sa langit nga nagmatuod sa unang higayon nga Siya mao ang Anak. Kung husto kini, kinsa man ang gipasabot ni YaHshua nga Iyang Amahan didto sa Templo?

Lukas 2:49-50
49 Ug siya mitubag kanila, "Nganong gipangita pa man ako ninyo? Wala ba diay kamo mahibalo nga kinahanglan anhi gayud ako sa balay sa akong Amahan?"
50 Ug sila wala makasabut sa mga pulong nga iyang gisulti kanila.

5. Aduna na bay kahibulongang kahibalo si YaHVaHshua bisan pa sa Iyang edad nga dose(12) anyos?

verse 46-47
46 Tapus sa tulo ka adlaw, ilang nakaplagan siya sa sulod sa templo, nga naglingkod sa taliwala sa mga magtutudlo ug naminaw kanila ug nagpanukso kanilag mga pangutana;
47 ug ang tanang nakadungog kaniya nahitingala sa iyang pagpanabut ug sa iyang mga pagpanubag.

6. Ang tanan ba nga modumili sa Iyang pagka-Anak sumala sa Kasulatan bakakon? Unsay tawag sa espiritu nga wala maga-ila kang YaHshua?

1Juan 5:10
Ang nagasalig sa Anak ni YaH nagabaton sa pagpamatuod diha sa iyang kaugalingon. Ang wala magatoo ni YaH, nagapakahimo kaniya nga bakakon, kay wala man niya saligi ang pagpamatuod nga gihimo ni YaH mahitungod sa iyang Anak.

1Juan 4:3
ug ang matag-usa ka espiritu nga wala magaila kang YaHshua, kini dili iya ni YaHVaH. Kini mao ang espiritu sa anti-messiah nga inyong nadungog nga moanhi, ug kini siya ania na sa kalibutan.

7. Si Miriam(Maria) gipahibalo ba nga ang iyang anak pagatawgon “ang Anak sa Labing Halangdon”

Lukas 1:32
Siya mahimong bantugan ug pagatawgon nga Anak sa Labing Halangdon; ug kaniya igahatag ni YaHVaH nga Elohim ang trono sa iyang amahan nga si David,

30/01/2026

YAHVAH'S PURPOSE IN CREATING HUMAN.

26/01/2026

YAHVAH' PURPOSE IN CREATING THE EARTH

26/01/2026

ANG KATUYOAN NI YAHVAH ALANG SA YUTA

Leksyon no. 5 January 31, 2026

Basahon sa Kasulatan: Salmo 37:27-29
Piniling Teksto: IsaYaH 45:18

1. Unsay katuyoan ni YaHVaH ngano nga Iyang gilalang ang yuta?

IsaYaH 45:18
Kay kini mao ang giingon ni YaHVaH nga nagbuhat sa mga langit, ang Elohim nga nag-umol sa yuta ug naghimo niini, nga nagtukod niini ug nagbuhat niini nga walay nakawang, nga nag-umol niini aron pagapuy-an: Ako mao si YaHVaH; ug wala nay lain.

Nota: “…aron pagapuy-an…”

2. Unsang klase sa mga tawo ang makapuyo o makapanunod sa yuta hangtud sa walay katapusan?

Salmo 37:29
Ang mga matarung magapanunod sa yuta, Ug magapuyo sila sa ibabaw niini sa walay katapusan.

Nota: “…Ang mga matarung…”

3. Unsay tuyo ni YaHVaH ngano nga gipaturok niya ang mga kahoy gikan sa yuta ug uban pang mga tanom diha sa tanaman sa Eden?

Gen. 2:8-9
8 Ug si YaHVaH nga Elohim nagbuhat ug usa ka tanaman sa silangan sa Eden ug gibutang niya didto ang tawo nga iyang giumol.
9 Ug nagpaturok si YaHVaH nga Elohim gikan sa yuta sa tanan nga kahoy nga makapahimuot sa igtatan-aw, ug maayo nga kalan-on: ug ang kahoy usab nga sa kinabuhi diha sa taliwala sa tanaman, ug ang kahoy sa pag-ila sa maayo ug sa dautan.

Nota: “…gibutang Niya didto ang tawo…nagpaturok ug mga kahoy nga makapahimuot sa igtatan-aw, ug mayo nga kalan-on…”

4. Human nga gilalang si Adan ug Eva, unsay sugo ni YaHVaH ngadto kanila?

Gen.1:28
Ug gipanalanginan sila sa Elohim, ug miingon ang Elohim kanila: Sumanay ug dumaghan kamo, ug pun-on ninyo ang yuta, ug magagahum kamo niini, ug magbaton kamo sa pagbulot-an sa ibabaw sa mga isda sa dagat, ug sa mga langgam sa kalangitan, ug ibabaw sa tanan nga binuhat nga buhi nga nagalihok sa ibabaw sa yuta.

5. Ang mga tawo gisugo nga maoy magagahum o magabuot sa tanang mga binuhat ni YaHVaH Elohim. Unsa pay mga katuyoan ni YaHVaH ngadto sa mga tawo alang sa Iyang mga binuhat?

Gen.2:15
Ug gikuha ni YaHVaH nga Elohim ang tawo ug gibutang siya tanaman sa Eden, aron kini iyang atimanon ug bantayan.

Nota: “…aron kini iyang atimanon o bantayan…”

6. Tungod sa pagkadautan sa mga tawo, ang yuta o kalibutan nahimong hugaw ug wala na ang iyang pagkatahum. Kini bang yutaa pagabag-ohon aron pagapuy-an sa mga balaan? Unsay mga panan-awon ni Juan?

Pin.21:1-2
1 Ug unya nakita ko ang usa ka bag-ong langit ug ang usa ka bag-ong yuta; kay ang unang langit ug ang unang yuta nangahanaw na man, ug ang dagat wala na.
2 Ug nakita ko ang balaang siyudad, ang bag-ong Jerusalem, nga nanaug gikan sa langit gikan kang YaHVaH, gitagana maingon sa usa ka pangasaw-onon nga gidayandayanan alang sa iyang pamanhonon.

7. Unsa na unyay kahimtang sa mga tawong balaan nga magapuyo sa bag-ong ciudad o bag-ong Jerusalem?

verse 3-4
3 Ug nadungog ko gikan sa trono ang usa ka dakung tingog nga nag-ingon, "Tan-awa, ang puloy-anan ni YaHVaH anaa uban sa mga tawo. Siya magapuyo ipon kanila ug sila mahimong iyang katawhan, ug ang Elohim gayud mao ang magpakig-uban kanila ug mahimong ilang Elohim.
4 Ug iyang pagapahiran ang tanang luha gikan sa ilang mga mata, ug ang kamatayon wala na; ug wala na usab unyay pagminatay, ni paghilak, ni kasakit, kay ang unang mga butang nangagi na."

Sabbath Lessons- Weekly Bible Study Guide

17/03/2026

09/03/2026

23/02/2026

21/02/2026

21/02/2026

21/02/2026

16/02/2026

09/02/2026

03/02/2026

30/01/2026

26/01/2026

26/01/2026

Address

Website

Alerts

Contact The Business

Shortcuts

Share

Category