19/04/2026
فلیکسبل ہائرڈ لیکچررز ( ) کا معاملہ میرٹ، شفافیت اور تعلیمی استحکام کے تناظر میں فوری توجہ کا متقاضی ہے۔ ان لیکچررز کی بھرتی کا طریقہ کار بڑی حد تک ایک باقاعدہ کمیشن کے معیار کے مطابق انجام دیا گیا، جس میں شفافیت اور انصاف کے اصولوں کو یقینی بنایا گیا۔
ابتدائی طور پر باقاعدہ اشتہار جاری کیا گیا، جس کے بعد تمام امیدواروں نے ہائر ایجوکیشن ڈیپارٹمنٹ (HED) کے آن لائن پورٹل کے ذریعے درخواستیں جمع کرائیں۔ اس عمل میں تقریباً 36 ہزار امیدوار شامل ہوئے۔ بعد ازاں امیدواروں کا اکیڈمک میرٹ تیار کیا گیا، جس کی بنیاد پر عارضی اور حتمی میرٹ لسٹس مرتب کی گئیں۔
اس کے بعد شارٹ لسٹ کیے گئے امیدواروں کے انٹرویوز اور ٹیچنگ ڈیمونسٹریشنز کا انعقاد کیا گیا۔ اس سخت اور مسابقتی عمل کے نتیجے میں کم و بیش 2000 لیکچررز کا انتخاب عمل میں آیا۔
مزید یہ کہ انٹرویو پینلز میں متعلقہ کالج کے اساتذہ کے بجائے بیرونی ماہرین شامل تھے، جس سے انتخابی عمل کی غیر جانبداری مزید مستحکم ہوئی۔ امیدواروں کو معیاری اور سخت سوالات کے ذریعے جانچا گیا، جو اس عمل کے اعلیٰ معیار کی عکاسی کرتا ہے۔
یہ بھی قابلِ ذکر ہے کہ سیکرٹری ہائر ایجوکیشن ڈیپارٹمنٹ کی رہنمائی میں ایک گریوینسز کمیٹی تشکیل دی گئی تھی، جس نے امیدواروں کی شکایات کا تفصیلی جائزہ لیا۔ اس کمیٹی کی کاوشوں سے بڑی حد تک شکایات کا ازالہ کیا گیا اور متعدد مسائل حل کیے گئے، جو اس پورے عمل کی شفافیت اور انصاف پسندی کا واضح ثبوت ہے۔
ان تمام مراحل کی روشنی میں یہ بات واضح ہے کہ فلیکسبل ہائرڈ لیکچررز کا انتخاب مکمل طور پر میرٹ پر کیا گیا۔
مزید برآں، اگرچہ میں خود اس پروگرام کا حصہ نہیں ہوں، تاہم میں ان لیکچررز کی قابلیت اور کوالیفکیشن کا معترف ہوں۔ ان میں اکثریت انتہائی اعلیٰ تعلیم یافتہ ہے، جن میں بڑی تعداد پی ایچ ڈی، ایم فل جبکہ بعض پوسٹ ڈاکٹریٹ ڈگری ہولڈرز بھی شامل ہیں۔ اس تناظر میں یہ کہنا بجا ہے کہ یہ اساتذہ نہایت قابل، محنتی اور اپنی ذمہ داریوں کے اہل ہیں۔
یہ امر بھی قابلِ ذکر ہے کہ یہ لیکچررز فوری ریگولرائزیشن کا مطالبہ نہیں کر رہے، بلکہ ان کا مطالبہ نہایت معقول اور جائز ہے:
• ایک واضح اور منظم سروس اسٹرکچر کی تشکیل
• کم از کم ایک سال کے لیے ایڈہاک بنیادوں پر توسیع/کنورژن تاکہ ملازمت کا تسلسل برقرار رہے
یہ اقدام نہ صرف ان قابل اور محنتی اساتذہ کے مستقبل کو محفوظ بنائے گا بلکہ سرکاری کالجوں میں تدریسی عمل کے تسلسل کو بھی یقینی بنائے گا۔
لہٰذا، معزز وزیر برائے ہائر ایجوکیشن، سے مؤدبانہ مگر پُرزور اپیل ہے کہ وہ فلیکسبل ہائرنگ لیکچرر کو ایڈہاک میں کنورٹ کریں
https://www.facebook.com/share/1DZUk7LQ3U/
