30/07/2026
جب ریسکیو 1122 کے ٹیم انچارج نے غم سے نڈھال باپ سے کہا 'بابا دعا کرو، دنیا میں ماں باپ سے بڑا کوئی ولی نہیں ہوتا' پھر دیکھنے والوں نے وہ منظر دیکھا جس کی کسی کو امید نہیں تھی۔۔۔
یہ واقعہ 28 جولائی 2026 کو ساہیوال کے علاقے بوٹی پل کے قریب پیش آیا جہاں 35 فٹ گہرے کنویں میں مٹی کا تودہ گرنے سے دو نوجوان ملبے تلے دب گئے۔
ریسکیو 1122 اور 15 پر کال کی گئی اور صرف 10 منٹ میں ریسکیو 1122 کی ٹیم موقع پر پہنچ گئی۔ آپریشن انتہائی مشکل، خطرناک اور محنت طلب تھا۔ ہر گزرتے لمحے کے ساتھ امیدیں دم توڑتی جا رہی تھیں اور موقع پر موجود اکثر لوگ یہی کہہ رہے تھے کہ دب جانے والوں کے زندہ بچنے کا کوئی امکان نہیں۔۔۔
اسی دوران ایک نوجوان کا والد دھاڑیں مار مار کر رو رہا تھا۔ ریسکیو آپریشن کی قیادت کرنے والے ٹیم انچارج نے آگے بڑھ کر انہیں سینے سے لگایا اور کہا 'بابا دعا کرو، دنیا میں ماں باپ سے بڑا کوئی ولی نہیں ہوتا۔ اللہ آپ کی دعا ضرور سنے گا۔'
شدید گرمی، حبس اور ہر لمحہ مزید مٹی گرنے کے خطرے کے باوجود ریسکیو 1122 ساہیوال کی ٹیم مسلسل 8 گھنٹوں تک پوری پیشہ ورانہ مہارت اور جانفشانی سے آپریشن کرتی رہی۔ پھر وہ ہوا جسے وہاں موجود ہر شخص نے اللہ کی خاص مہربانی قرار دیا۔۔
اللہ تعالیٰ کے فضل و کرم، والدین کی دعاؤں اور ریسکیو ٹیم کی انتھک محنت کے نتیجے میں دونوں نوجوانوں کو زندہ ملبے سے باہر نکال لیا گیا۔ بے شک جسے اللہ رکھے اسے کون چکھے۔ موت کا فرشتہ بھی اسی کے حکم کا پابند ہے۔۔۔۔
