16/04/2026
سرمایہ اکٹھا کرنا اور ایسے بندے کیلئے اکٹھا کرنا جس کے دو چار ہزار فالوورز ہوں کبھی شاید کسی کیلئے مسئلہ نہ ہو ۔۔
سوائے اس شخص کے جو اپنے روپے پیسے کی بھی یوں قدر کرتا ہو کہ یہ خدا کی نعمت اور بڑا خیر ہے اس کی حفاظت اور فضول خرچی سے بچاؤ ہی اس کا شکر ہے ۔
سوائے اس شخص کے جو بیچی گئی چیز کی مملوکہ رقم بھی تا آنکہ امامت سمجھتا ہے جب تک خریدار مطمئن نہ ہو جائے ۔۔
پاپوش کے آغاز کے وہ دن یاد ہیں جب بپا مبالغہ بیسیوں دوستوں نے انویسٹمنٹ کی پیشکش کی ، دسیوں دوست ایسے ہیں جنہوں نے کسی سرمایہ کاری اور نفع میں شراکت کے شرط کے بغیر ہی ملینز کی پیشکش کی ۔
ابھی اسی رواں ماہ کی بات ہے ایک دوست نے حج کیلئے سینڈل طلب کی ہم نے انکار کیا بات چیت بڑھی ان کو بتایا کہ دو برسوں سے کوشش کر رہا ہوں سیمپل تک تیار ہے لیکن جو چیز میں چاہ رہا ہوں اس پر سرمایہ زیادہ لگنا ہے اور میں سر دست اتنا سرمایہ نہیں رکھتا ۔
اس اللہ کے بندے نے کچھ پوچھے بغیر دس لاکھ بھیج دئیے کہ شراکت یا قرضہ جو آپ کو منظور ہو وہ کیجیے اور مال بنادیں ۔۔
اس کو دو گالیاں دی کہ باس یہ ہم کر نہیں سکتے پالیسی نہیں ۔ پیسے واپس بھیجے جو ٹرانزیکشن فیس تھی وہ ان سے وصول کی ۔۔
ہمارا اصول بہت نرالا اور کٹھن ہے بڑے چھوٹے کسی کاروبار میں ایسا نہیں ہوتا کہ آپ پر مارکیٹ کا کچھ گردشی قرضہ نہ ہو پاپوش نے الحمدللہ اپنے لئے یہ اصول روز اول سے طے کیا ہے کہ مارکیٹ کا قرضہ کسی طور خود پر نہیں رکھنا ۔۔
کیوں کہ ہمارا ماننا ہے ہم انسان ہیں یہ ہماری سرشت ہی نہیں کہ اپنی محنت کا پیسہ کسی کو خوش دلی سے ادا کریں نہ ہی کسی اور کے پیسے سے کاروبار فراخی کے ساتھ ممکن ہے چاہے وہ کسی اور مارکیٹ کی کوئی پارٹی ہی کیوں نہ ہو ۔۔
ہم پھر دھڑلے سے یہ کہہ سکتے ہیں کہ ہے کوئی جس کا روپیہ پیسہ ہمارے ذمے ہو یہاں سامنے آئے ۔
اور یہ دعویٰ بلکہ کوئی بھی دعویٰ کرتے ہوئے ہمارا دل کانپ کانپ جاتا ہے کہ بشر کو پلک جھپکنے کا بھی دعوی روا نہیں لیکن اگر ہم اس وقت کہتے ہیں تو یہ اپنے کریم رب کی نعمت کے احساس کے طور اور اس کی شکر گزاری کے طور پر کہتے ہیں ۔۔
تو بھائی خدارا آپ ہمیں یا کسی کو بھی سرمایہ کاری کے لیے کبھی پیسہ نہ دیں ۔۔
اور ہاں یہ جو نیا کٹا کھل رہا ہے ۔۔
فقیر کی وال پر وہ تحریر آج بھی موجود ہے جو تین چار برس قبل لکھی تھی کہ یہ معاملہ جب کبھی کھلے گا تو کئی گھر زد میں آئیں گے اس پراپرٹی کے بزنس سے خدارا دور رہیں جن دوستوں نے بھی اسلام آباد کی زمینوں میں انویسٹ کی ہے وہ اپنے رقم کو آج ہی محفوظ بنائیں اپنے آپ پر نہیں تو اپنے بچوں پر رحم کھائیں ۔
پاپوش آپ کو ادھار بھی نہیں دے گا
آپ سے ادھار بھی نہیں لے گا ۔۔
خدا چمکتا دمکتا رکھے مدینہ پاک ہر ماہ ڈیڑھ ماہ بعد نصیب کرتا رہے
شاد مردانوی
