23/05/2026
آنکھ کا جھپکنا (Blinking) بظاہر ایک معمولی اور غیر ارادی عمل لگتا ہے لیکن یہ ہماری آنکھوں کی صحت اور بینائی کو برقرار رکھنے کے لیے ایک انتہائی اہم حیاتیاتی (biological) نظام ہے- ہماری آنکھ کی بیرونی سطح، جِسے کارنیا (Cornea) کہا جاتا ہے، کبھی بھی خشک نہیں ہونی چاہیے- قدرت نے اسے محفوظ رکھنے کے لیے اس کے اوپر پانی، تیل اور میوکس (mucus) پر مشتمل ایک باریک تہہ بنائی ہے، جِسے ٹیر فلم (Tear Film) کہتے ہیں- آنسو صرف رونے یا جذبات کے وقت ہی نہیں نکلتے بلکہ یہ ہر وقت آنکھ میں تھوڑی مقدار میں بنتے رہتے ہیں- جب ہم آنکھ جھپکتے ہیں تو ہماری پلکیں ایک وائپر (Wiper) کی طرح کام کرتی ہیں- یہ ہر بار جھپکنے پر آنسوؤں کی اس باریک تہہ کو پوری آنکھ پر برابر (evenly) پھیلا کر انہیں صاف کر دیتی ہیں- آنکھ جھپکانے سے دھول مٹی، کچرا اور ایسے جراثیم (microorganisms) کو دھونے میں مدد ملتی ہے، جو آنکھ کو نقصان پہنچاتے ہیں یا انفیکشن کا باعث بنتے ہیں- آنکھ جھپکائے بغیر آنسوؤں کی یہ حفاظتی تہہ ٹوٹ جائے گی، جس کے نتیجے میں بےسکونی (تکلیف)، دھندلی نظر اور آنکھ کی سطح کو ممکنہ نقصان پہنچے گا- آنکھ کا جھپکنا ایک قدرتی ریفریش بٹن کی طرح ہے، جو ہر چند سیکنڈ بعد ہماری آنکھ کو دھوتا بھی ہے، اسے نمی بھی دیتا ہے اور ہماری نظر کو دھندلا ہونے سے بچاتا بھی ہے-
