23/09/2025
السلام علیکم ورحمتہ اللہ!
امید ہے آپ سب خیریت سے ہوں گے ۔
میں ہر وقت سوشل میڈیا پر سکیم کالز کا سنتی تھی ، آج میرے ساتھ خود یہ واقعہ پیش آیا ہے ، جو میں نے آپ سب لوگوں کو بتانا ضروری سمجھا تاکہ آپ میں سے اگر کسی کے ساتھ ایسا ہو تو کسی بھی پریشانی سے بچ سکیں ۔
میں ایک آنلائن سیلر ہوں اور ہر وقت پارسل آنے جانے کا سلسلہ رہتا ہے۔
آج مجھے اس نمبر سے کال آئی اور بولا کہ میں لیپرڈ کوریئر کمپنی کا نمائندہ بات کر رہا ہوں ، آپ کا ایک پارسل آیا ہے ہمارے پاس ، میں نے کہا کہاں سے ؟؟ کہتا ہے دراز سے آیا ہے ، میں نے کہا ٹھیک ہے تو ڈیلیور کر دو ، کہتا ہے ، اس پہ ایڈریس نہیں لکھا ہوا صرف آرڑر نمبر لکھا ہے آپکے انباکس میں ایک میسج آیا ہے اس میں 6 ہندسوں کا ایک نمبر ہے وہ آپ بتائیں تاکہ ہم وہ نمبر میچ کر کے آپکا پارسل ڈلیور کریں ۔
میں نے کہا بھائی پہلی بات تو یہ کہ دراز کا پارسل لیپرڈ کے پاس کیا کر رہا ہے ، دوسر ی بات کہ بغیر نام اور ایڈریس کے پارسل کب سے آنے لگے ہیں ۔
خیر میں نے انباکس چیک کیا تو وہاں واٹس ایپ کا نیو کوڈ آیا ہوا تھا جو نئی ڈیوائس پہ اکاؤنٹ منتقل کرنے کے لیے آتا ہے ، مجھے فوراً سارے معاملے کی سمجھ آ گئی تو میں نے اس کی صحیح والی طبیعت صاف کر کے اسکا نمبر بلاک کر دیا ۔
سو آپ سب کا آگاہی کے لیے یہ پوسٹ لکھ رہی ہوں تاکہ کوئی بھی ایسے سکیمرز کے جال میں نہ پھنسے۔ ۔
خدا سب کو اپنی حفظ و امان میں رکھے ۔
