26/01/2026
ادارہ علوم القرآن ، علی گڑھ نے اپنی علمی روایت اور تحقیقی وقار کو برقرار رکھتے ہوئے قرآن کریم کے اعجازی پہلووں پر ایک سیمینار کا انعقاد کیا، جو ادارے کا تیرھواں علمی سیمینار تھا۔ زیر نظر کتاب اسی سیمینار میں پیش کیے گئے علمی مقالات کا مجموعہ ہے۔ ان مقالات میں اعجاز القرآن کے متنوع پہلووں، جیسے لسانی، بیانی، فکری، تاریخی اور استدلالی ، کو جس وسعت نظر، گہرائی فکر اور تحقیقی سنجیدگی کے ساتھ پیش کیا گیا ہے، وہ اس مجموعے کو محض ایک سیمینار کی یادگار نہیں بلکہ قرآنیات کی ایک اہم دستاویز بنا دیتا ہے۔
مجھے یقین واثق ہے کہ یہ مجموعہ اہل علم، طلبہ قرآن اور قرآنیات کے محققین کے لیے نہ صرف فکری رہنمائی فراہم کرے گا بلکہ اعجاز قرآن پر آئندہ ہونے والی علمی کاوشوں کے لیے ایک مضبوط اساس بھی ثابت ہو گا۔
دعا ہے کہ اللہ تعالی اسے خالص علمی خدمت کو شرف قبولیت عطا فرمائے، اسے رجوع الی القرآن کا موثر ذریعہ بنائے، اس کے نفع کو عام اور دیرپا فرمائے۔ پروفیسر عبد العظیم اصلاحی کی قیادت، کنویزر اور معاونین کی مسلسل محنت، اور ادارہ علوم القرآن کی اجتماعی بصیرت نے اس مشکل کام کو حسن و خوبی کے ساتھ پایہ تکمیل تک پہنچایا۔ اللہ تعالٰی ان سب کو اجر جزیل اور ثواب عظیم سے نوازے۔ آمین یا رب العالمین۔
کتاب مکتبہ فکر جدید سے ڈاک خرچ کے ساتھ 1400 روپے میں دستیاب ہے۔
وٹس ایپ
0323 4015825
