عبداللہ مبشر جنرل اسٹور کنڈے والہ

16/08/2022

‏اُس کے چہرے کی تمازت سے پگھلتے تھے حروف
جیسے کُہسار پہ کِرنوں کے قبیلے اُترے
جیسے گُھل جائے خیالوں میں حنا کا موسم
جیسے خوشبو کی طرح رنگ نشیلے اُترے...🍁

💯 % original product today price Rs 90
Yasmeen mehndi

16/08/2022

پُرانے خط ہیں، دراز آدھی کُھلی ہوئی ہے
ہوا کے اَندر کسی کی خوشبُو گُھلی ہوئی ہے

میں کتنی مُشکل سے خود کو اچھا بنا رہا ہوں
مجھے محبت بگاڑنے پہ تُلی ہوئی ہے !!

📢100,% Original product today price Rs. 140

16/08/2022

09/07/2022

عید الاضحی مبارک ہو

21/02/2022

New style

29/12/2021

وہ تیغ جگر دارشمشیر بـرّا
وہ ضرب الٰہی وہ فاروقِ دوراں

ہے اس کی بھلا تعریف کی کوئی حد
وہ مرضئی رب ہے دعائے محمد(صلی اللہ علیہ وسلم)

ہوا حق پرستی کا جب سے وہ قائل
لرزنے لگا اس کی ہیبت سے باطل

کہا! کون ہے جو مقابل میں آئے
مجھے میرے ایمان سے روک پائے

عمل جس کا ہر ایک رد بلا تھا
کہ شیطاں جسے دیکھ کے بھاگتا تھا

یہ ارشاد بالا ہے ختم الرسل کا
مرے بعد آتا نبی تو عمر تھا

عمر ابن خطاب فاروق اعظم
وہ مطلوب محبوب رب دو عالم

نہ دیکھا کسی نے بھی سردار ایسا
خلیفہ ہے لیکن ہے مزدور جیسا

چھپا کر زمانے سے اپنے ارادے
چلا ہے کمر پر وہ سامان لادے

دیا ہر ایک گھر کا در کھٹ کھٹا کے
کہ اس گھر میں ہیں بھوکے بندے خدا کے

کہا میرے دور خلافت میں کوئی
رہے بھوکا پیاسا اگر جانور بھی

تو اہل عجم کو نہ اہل عرب کو
عمر دے گا کیا جواب اپنے رب کو

عمر ابن خطاب فاروق اعظم
وہ مطلوب محبوب رب دو عالم

حشیت وللّہیت کا وہ پیکر
توکل تواضع تھے اس کے عساکر

تھی جس کی شاہی میں طرز فقیری
مگر زیب دیتی تھی اسکو امیری

وہ مخدوم ہوکےبھی خادم تھا سب کا
اسے خوف رہتا تھا بس اپنے رب کا

تھا خلق خدا کا خیال اسکو اتنا
مدینے میں راتوں کو وہ گھومتا تھا

عمر ابن خطاب فاروق اعظم
وہ مطلوب محبوب رب دو عالم

جو ارشاد فرمایا تھا مصطفیٰ نے
کیا اس کو پورا عمر کے خدا نے

کہ پارس سے لے کر ایران ہوگا
بہرحال غالب مسلمان ہوگا

فتوحات اسکی قدم چومتی تھیں
مسرت سے روح نبی جھومتی تھی

زمیں اس کے دور خلافت پہ نازاں
فلک اسکے طرز عدالت پہ شاداں

زمیں درزمیں اسکا سکہ رواں تھا
مگر کوئی دیکھے کہ وہ خود کہاں تھا

عمر ابن خطاب فاروق اعظم
وہ مطلوب محبوب رب دو عالم

وہ نکلے تو احمد کے دشمن تھے جانی
جب آئے تو بن گئے خلیفہ وہ ثانی

سر فرش مسجد کے گوشے میں جاکر
وہ لیٹا ہے پتھر کا تکیہ لگا کر

ہو کیا اور انصاف اس سے زیادہ
کہ خادم ہے سوار اور خود ہے پیادہ

یہ منظر کسے نے نہ دیکھا تھا پہلے
فلک بھی اسے خواب سمجھا تھا پہلے

عجب شان و عظمت کا وہ حکمراں تھا
کہ بحر اور بر میں بھی سکہ رواں تھا

ہوا اسکا پیغام طیبہ سے پاکر
اڑی اور پہنچایا ایران جا کر

پڑھیں اسکا نامہ تو ہٹ جائیں دریا
عمر نام سن کر سمٹ جائے دریا

وہ عادل بھی منصف بھی بطل جریح تھا
حقیقت میں وہ نقش پائے نبی تھا

عمر ابن خطاب فاروق اعظم
وہ مطلوب محبوب رب دو عالم

تھا منظور حق یہ کہ اللہ اکبر
نبی مشورہ اس سے لیتے تھے اکثر

مشیت کے رازوں کو وہ کھولتا تھا
کہ اسکی زباں میں خدا بولتا تھا

کہا ایک فرنگی ضمیر آشنا نے
سچائی بخشی تھی اسکو خدا نے

اگر ایک عمر اور دنیا میں ہوتا
ہر ایک شخص ہی چین کی نیند سوتا

وہ پہلا خلیفہ اسے آزمایا
شہادت کا اعزاز جس نے ہے پایا

مگر ایک اعزاز اس سے بھی اعلٰی
کہ جس سے ہے واقف ہر ایمان والا

رفیق مزارِ نبیٰ مکرم
خیال ایسے انساں پہ صدقے دوعالم
عمر ابن خطاب فاروق اعظم
وہ مطلوب محبوب رب دو عالم

عمیر اقبال

ؓ

10/12/2021

تین فطری قوانین جو کڑوے لیکن حق ہیں :-

پہلا قانون فطرت:
اگر کھیت میں” دانہ” نہ ڈالا جاۓ تو قدرت اسے “گھاس پھوس” سے بھر دیتی ہے.
اسی طرح اگر” دماغ” کو” اچھی فکروں” سے نہ بھرا جاۓ تو “کج فکری” اسے اپنا مسکن بنا لیتی ہے۔ یعنی اس میں صرف “الٹے سیدھے “خیالات آتے ہیں اور وہ “شیطان کا گھر” بن جاتا ہے۔

دوسرا قانون فطرت:
جس کے پاس “جو کچھ” ہوتا ہے وہ” وہی کچھ” بانٹتا ہے۔
* خوش مزاج انسان “خوشیاں “بانٹتا ہے۔
* غمزدہ انسان “غم” بانٹتا ہے۔
* عالم “علم” بانٹتا ہے۔
* دیندار انسان “دین” بانٹتا ہے۔
* خوف زدہ انسان “خوف” بانٹتا ہے۔

تیسرا قانون فطرت:
آپ کو زندگی میں جو کچھ بھی حاصل ہو اسے “ہضم” کرنا سیکھیں، اس لۓ کہ۔ ۔ ۔
* کھانا ہضم نہ ہونے پر” بیماریاں” پیدا ہوتی ہیں۔
* مال وثروت ہضم نہ ہونے کی صورت میں” ریاکاری” بڑھتی ہے۔
* بات ہضم نہ ہونے پر “چغلی” اور “غیبت” بڑھتی ہے۔
* تعریف ہضم نہ ہونے کی صورت میں “غرور” میں اضافہ ہوتا ہے۔
* مذمت کے ہضم نہ ہونے کی وجہ سے “دشمنی” بڑھتی ہے۔
* غم ہضم نہ ہونے کی صورت میں “مایوسی” بڑھتی ہے۔
* اقتدار اور طاقت ہضم نہ ہونے کی صورت میں” خطرات” میں اضافہ ہوتا ہے۔

اپنی زندگی کو آسان بنائیں اور ایک” با مقصد” اور “با اخلاق” زندگی گزاریں، لوگوں کے لئے آسانیاں پیدا کریں۔

16/11/2021

قصّے میری الفت کے جو مرقوم ہیں سارے
آ دیکھ ترے نام سے موسوم ہیں سارے

بس اس لئے ہر کام ادھورا ہی پڑا ہے
خادم بھی میری قوم کے مخدوم ہیں سارے

اب کون میرے پاؤں کی زنجیر کو کھولے
حاکم میری بستی کے بھی محکوم ہیں سارے

شاید یہ ظرف ہے جو خاموش ہوں اب تک
ورنہ تو ترے عیب بھی معلوم ہیں سارے

سب جرم میری ذات سے منسوب ہیں محسنؔ
کیا میرے سوا اس شہر میں معصوم ہیں سارے

محسن نقوی🌹🌹

10/11/2021

لا الہ الا اللہ
علامہ اقبال

دلچسپ معلومات
(اسلام اور مسلمان) (ضرب کلیم)

خودی کا سر نہاں لا الہ الا اللہ
خودی ہے تیغ فساں لا الہ الا اللہ
یہ دور اپنے براہیم کی تلاش میں ہے
صنم کدہ ہے جہاں لا الہ الا اللہ
کیا ہے تو نے متاع غرور کا سودا
فریب سود و زیاں لا الہ الا اللہ
یہ مال و دولت دنیا یہ رشتہ و پیوند
بتان وھم و گماں لا الہ الا اللہ
خرد ہوئی ہے زمان و مکاں کی زناری
نہ ہے زماں نہ مکاں لا الہ الا اللہ
یہ نغمہ فصل گل و لالہ کا نہیں پابند
بہار ہو کہ خزاں لا الہ الا اللہ
اگرچہ بت ہیں جماعت کی آستینوں میں
مجھے ہے حکم اذاں لا الہ الا اللہ

#اقبالیات