15/07/2022
اے پروردگار میری اولاد کو اپنی پناہ میں رکھنا۔
اے پروردگار میرے اولاد کو ہر برائی ،شر اور نقصان سے محفوظ فرما۔آمین ثمہ آمین
اے اللہ میرے بچوں کو ہر بیماری سے محفوظ فرما ۔
اے مہربان رب مجھے اپنی اولاد کے امتحان اور آزمائش سے محفوظ فرما۔
اے پروردگار انکو اپنی ہر آزمائش میں کامیاب فرما۔
اے رب کریم میرے اولاد کو اپنے صالحین میں سے قرار دے اور ان کو دین و دنیا کی کامیابیاں عطا فرما اور سعادتمندوں میں شامل فرما۔
اے پروردگار میرے بچوں کو رزق حلال عطا فرما اور حرام سے بچا لے اور اپنے فضل و کرم سے ان کو اپنے سوا کسی کا محتاج نہ کرنا ۔
اے رب رحیم ان کو شیطان رجیم کے شر سے محفوظ فرما ۔
اے رب مہربان اپنے پاکیزہ ترین بندوں کے ساتھ دوستی اور قرب اور اپنی ذات پر توکل نصیب فرما ۔
اے پروردگار وہ تمام بیماریاں جو روح و جسم کو نقصان پہنچاتی ہیں میرے بچوں سے ان کو دور فرما۔
اے پروردگار میرے اولاد کو میرے لیے اور اپنے مخلوق کے لیے باعث خیر بنا اور ان کو آسانیاں بانٹنے کی توفیق عطا فرما۔
اے رب رحمان و رحیم میں اپنے بچوں کو جو میرے جگر کے ٹکڑے ہیں تیرے سپرد کرتا ہوں ۔ انہیں اپنے عظمت کے طفیل ہر بلا مصیبت سے محفوظ فرما۔
یا باری تعالیٰ میری اولاد کو ہر قسم کے دکھ تکالیف اور پریشانیوں سے محفوظ فرما۔ اور ان کو میری آنکھوں کی ٹھنڈک بنا۔
اے الله میں تیرے الصمد نام کے ساتھ ، تیرے عظمت والے نام کیساتھ دعا کرتا ہوں کہ اے رب کریم میری اولاد کے احوال کو درست فرما کر مجھ پر احسان فرما۔
اے الله! انکے ضعف اور مرض کو قوة اور شفا میں بدل دے !
یا رب !انکے بدن و کان و آنکھ و جان و اعضاء میں عافیت پیدا فرما !
اے اللہ ! اپنی رحمت سے انکی ہر بلا ، گناہ ،گمراہی اور غلطیوں سے حفاظت فرما اور
اے الله ! انکو اپنا فرمانبردار بنا !
اے الله ! انکی تربیت کرنے میں، انکی نیکی میں اور انکو مؤَدب بنانے میں میری مدد فرما !اس کار خیر کے کرنے میں مجھ سے جو کوتاہیاں سرزد ہوئی ہیں ان سے درگزر فرمانا اور میری اولاد کا دل میری طرف سے ٹھنڈا رکھنا
اے الله انکو میرے لئے خیر کا باعث بنا دے !
اے الله ! میں اپنی اولاد کو تیری ضمانت و امانت میں دیتا ہوں، اے وہ عظیم ذات کہ جو أمانت کو ضائع نہیں کرتا، میں ہر آفت و ہر بری بیماری اور رات و دن کے شر اور ہر حاسد کےحسد کے شر سے حفاظت کا سوال کرتا ہوں ۔
اے الله ! انکی حفاظت فرمائیے سامنے سے ، پیچھے سے، دائیں سے، بائیں سے اوپر سے اور نیچے سے
اے الله ! میری اولاد کے دل میں اپنی محبت ڈال دے ۔اور انہیں اپنا اور اپنے پیارے حبیب صل اللہ علیہ وآلہ وسلم کے فرامین و احکام پر عمل کرنے والا بنا دے۔
اے الله! میری اولاد کی محبت اپنے بندوں کے دل میں ڈال دے، ان کیلئے اپنے بندوں کے دل مسخر فرما دے !
اے الله !میری اولاد کو دین و علم و اخلاق اور لوگوں کی محبت میں سے حصہ عطا فرما !
اے خالق کائنات ! ان کی توانائی ، صلاحیت، اوقات، مال اور رزق میں آپ کے دین کا حصہ ہو، دین کے دشمنوں کا کوئی حصہ نہ ہو۔
اے الله، میری اولاد کو دو جہاں میں کامیابی اور بلند مقام عطا فرما !
اے الله! انکو نیک بخت اور أتقیاء و أغنیاء اور أسخیاء و بردبار و علم والے اور نصیحت کرنیوالوں میں سے بنا دے !
آمین یا رب العالمین یا سمیع الدعا
یا اللہ یہ دعا میرے بچوں، میرے دوستوں، احباب اور سب مسلمانوں کے بچوں کے حق میں بھی قبول فرما۔ یا اللہ جو بچے ابھی تک ایمان نہیں لائے ان کو بھی ایمان نصیب فرما۔
آمین ثم آمین برحمتک یا ارحم الراحمین .
