25/09/2020
ساہیوال / سرگودہا: ( طارق قاسمی سے)
Nadir o Nayab 365 Things To Do In Sahiwal, Punjab
تحصیل ساہی وال کے شہری کے گھر کی بوسیدہ عمارت کی
ازسر نو تعمیر و مرمت کے دوران تقریبا نوے سال پرانی ہاتھ سے لکھی ہوئی چھٹی کی درخواست نکل آئی درخواست ششم جماعت کے طالبعلم راج سنگھ کی طرف سے بیماری کی وجہ سے رخصت کے لیے لکھی گئی تھی
تقسیم ہند سے قبل تعمیر شدہ مکان کی دیوار میں سے ہاتھ سے لکھی گئی کلاس ششم کے ایک غیر مسلم طالب علم راج سنگھ ولد رتن سنگھ کی چھٹی کی درخواست برامد ہونے کی خبر جنگل میں آگ کی طرح علاقہ بھر میں پھیل گئی اور مقامی شہری رانا اشتیاق کی جانب سے سوشل میڈیا پر اس تاریخی درخواست کو وائرل کرنے پر لوگوں نے اس پر خوشگوار بحث کی اور خوبصورت کمنٹس کیے
۔ محلہ چوک بازار میں موجودہ گلی راجپوتاں والی
( سابقہ نام گلی ٹھٹھیریاں والی)
میں قائم اس تاریخی مکان میں ساہیوال کے معروف سیاسی سماجی راہنما رانا سعید ناجی کا خاندان قیام پاکستان کے وقت سے رہائش پذیر ہے
حالیہ بارشوں کی وجہ سے اس مکان کو کافی نقصان پہنچا اور مکان کی دیوار کا ایک حصہ بھی گرگیا جس کی دوبارہ تعمیر کے لیے جب کام کا آغاز ہوا تو اس میں سے کاپی کا ایک صفحہ برآمد ہوا جس پر کلاس ششم کے ایک غیر مسلم طالب علم راج سنگھ کے ہاتھ سے لکھی ہوئی چھٹی کی درخواست ملی
درخواست آس وقت کے ھیڈ ماسٹر گورنمنٹ ہائی سکول ساہیوال کے نام لکھی گئی تھی اور جس پر 29-جون 1939 کی تاریخ درج ہے
۔ اس تاریخی دستاویز کے ملنے پر شہریوں نے خوشگوار حیرت کا اظہار کیا ہے
