E-Library Taunsa

25/08/2026

جشنِ عید میلاد النبی ﷺ مبارک۔۔

جشنِ عید میلاد النبی ﷺ کے پرمسرت اور مبارک موقع پر حکومتِ پاکستان کی طرف سے ملک بھر میں 12 ربیع الاول کی عام تعطیل کے اعلان کے پیشِ نظر ای-لائبریری تونسہ بروز بدھ، مورخہ 26 اگست 2026 کو بند رھے گی۔ ای۔لائبریری اگلے روز بروز جمعرات سے اپنے معمول کے اوقات کار کے مطابق دوبارہ کھلے گی۔۔
اللہ تعالیٰ اس بابرکت دن کو ھم سب کے لیے رحمتوں اور برکتوں کا باعث بنائے۔۔

24/08/2026

ای-لائبریری میں جدید ٹرن سٹائل گیٹ (Turnstile Gate) فعال، طلباء اور وزٹرز کے لیے آن لائن حاضری کا آغاز۔۔

ای-لائبریری تونسہ کو جدید ٹیکنالوجی سے لیس کرتے ھوئے "ٹرن سٹائل گیٹ" (Turnstile Gate) کو باقاعدہ طور پر فعال کر دیا گیا ھے، جس کے بعد لائبریری آنے والے تمام طلباء اور وزٹرز کی حاضری آن لائن اور خودکار طریقے سے ھو گی۔ اس جدید اور سمارٹ سسٹم کے تحت لائبریری آنے والے ھر طالب علم اور وزٹر کو ایک مخصوص بارکوڈ شیئر کیا جائے گا۔ طلباء وزٹرز جیسے ھی اس بارکوڈ کو ٹرن سٹائل گیٹ (Turnstile Gate) پر نصب سمارٹ اسکینر کے سامنے اسکین کریں گے، ان کی آن لائن حاضری فوری طور پر رجسٹر ھو جائے گی اور ٹرن سٹائل (Turnstile Gate) گیٹ خودکار طریقے سے کھل جائے گا۔ یہ جدید اقدام طلباء کے لیے بہترین اور سودمند ھے کیونکہ اس سے روایتی رجسٹروں پر حاضری کا پرانا اور سست طریقہ کار ختم ھو جائے گا اور اس سے طلباء کے قیمتی وقت کی بچت بھی ھو گی۔

مزید برآں، یہ خودکار نظام لائبریری کی سیکورٹی کو فول پروف بنانے، طلباء اور وزٹرز کا سو فیصد درست ڈیٹا محفوظ رکھنے اور نظم و ضبط کو برقرار رکھنے میں انتہائی معاون ثابت ھو گا۔ اس اقدام سے ای-لائبریری تونسہ جدید ٹیکنالوجی کے سمارٹ سسٹم اور خودکار بارکوڈ حاضری کے ساتھ ڈیجیٹلائزیشن کے ایک نئے اور روشن باب کا آغاز کر دیا ھے۔


Almanzoor News
Wajid Zulfiqar
Malik Umar
Muhammad Jafar Leghari
تونسہ تعلیمی بیٹھک
بیٹھک

14/08/2026

14/08/2026

تونسہ: ای لائبریری میں 79ویں یومِ آزادی کی پروقار تقریب، اسسٹنٹ کمشنر محمد جنید خان، چیف آفیسر خواجہ علی عمار یاسر، صدر پریس کلب ملک ظفر اقبال سمیت دیگر مہمانوں کی شرکت، کیک کاٹا گیا اور قومی ترانہ پیش کیا گیا۔ 🇵🇰

30/07/2026

ای۔لائبریری تونسہ کو قیمتی کتابوں کا عطیہ۔۔

ای۔لائبریری تونسہ کو مس شازیہ الماس ماڈل سکول نمبر 5 کچی آبادی تونسہ، کی جانب سے قیمتی کتابوں کا عطیہ پیش کیا گیا۔ یہ علمی سرمایہ ای۔لائبریری تونسہ کے لیے ایک نہایت قابلِ قدر اضافہ ھے۔

انچارج ای۔لائبریری تونسہ کے مطابق ان کی عطیہ کی گئی تمام کتابوں کو لائبریری کے کیٹلاگ میں شامل کیا جائے گا تاکہ لائبریری سے استفادہ کرنے والے تمام قارئین ان کتابوں کا مطالعہ کر سکیں اور اپنے علم میں اضافہ کر سکیں۔
اس موقع پر انچارج ای۔لائبریری تونسہ نے مس شازیہ الماس کی اس قابلِ تحسین کاوش پر دلی شکریہ ادا کرتے ھوئے کہا کہ کتابوں کا عطیہ دراصل علم کی ترویج اور معاشرے میں مطالعے کے فروغ کا ایک بہترین ذریعہ ھے۔
انہوں نے اہلِ علاقہ اور تونسہ کی عوام سے بھی اپیل کی کہ جن افراد کے پاس اضافی کتابیں موجود ھیں وہ ای۔لائبریری تونسہ کو عطیہ کریں، تاکہ یہ کتابیں زیادہ سے زیادہ قارئین تک پہنچ سکیں اور علم کے فروغ میں مؤثر کردار ادا کر سکیں۔



Almanzoor News
Wajid Zulfiqar
Malik Umar
Muhammad Jafar Leghari
ضلع تونسہ نیلام گھر Zilla Taunsa

23/07/2026

Everyone۔۔

We are Pleased to Inform You that the PPSC 110th Edition is Now Available in E-Library Library Taunsa.
Students who need this Edition are Welcome to Visit the Library and Access it.

Supervisor
E.Library Taunsa Shareef

22/07/2026

تونسہ شریف میں تقریبات کے لیے شاندار انتخاب؛ جدید سہولیات سے آراستہ ای-لائبریری آڈیٹوریم ہال۔۔

ای-لائبریری تونسہ کا نجی اور سرکاری اداروں کی سہولت کے لیے اپنے جدید ترین اور فقید المثال آڈیٹوریم ہال تقریبات کے لیے میسر ھے۔ اب تمام نجی ادارے، تعلیمی ادارے اور سرکاری محکمے اپنے سیمینارز، ورکشاپس، اہم میٹنگز اور دیگر پروگرامز اس ہال میں انتہائی باوقار انداز میں منعقد کرا سکتے ھیں۔ آڈیٹوریم ہال دورِ حاضر کے تمام تقاضوں کو مدنظر رکھتے ھوئے ڈیزائن کیا گیا ھے۔ جس میں 100 کے قریب افراد کے بیٹھنے کی بہترین اور آرام دہ گنجائش موجود ھے۔

شرکاء کو پرسکون اور سازگار ماحول فراہم کرنے کے لیے پورے آڈیٹوریم ہال کو مکمل طور پر ایئر کنڈیشنڈ (AC) کیا گیا ھے اس کے ساتھ پریزنٹیشنز کے لیے جدید ترین ملٹی میڈیا پروجیکٹر اور سکرین بھی نصب کی گئی ھے۔ اس کے علاوہ آڈیٹوریم ہال میں آواز کے بہترین نظام کے لیے ہائی کوالٹی اسپیکرز اور مائیک سمیت دیگر جدید مائیکروفونز کی سہولت بھی موجود ھے جو کسی بھی تقریب کو کامیاب بنانے میں کلیدی کردار ادا کرتی ھے۔۔



Almanzoor News
Wajid Zulfiqar
Malik Umar
تونسہ تعلیمی بیٹھک

19/07/2026

ای۔لائبریری تونسہ میں PSER کا تربیتی سیشن مکمل۔ PSER مہم میں Enumerators میں ٹیبلٹس تقسیم۔۔ مستحق خاندانوں کے درست شفاف ڈیٹا کے اندراج کے لئے جدید ٹیکنالوجی کا استعمال۔۔
Almanzoor News
Wajid Zulfiqar
Malik Umar
Muhammad Jafar Leghari
تونسہ تعلیمی بیٹھک
پاکستان نیوز تونسہ
Saleem Taunsvi

13/07/2026

ای لائبریری تونسہ کے آڈیٹوریم ہال میں پنجاب سوشل اکنامک رجسٹریشن (PSER) پروجیکٹ کے تحت تربیتی سیشن کا انعقاد، شمار کنندگان (enumerators) میں ڈیجیٹل ٹیبلٹس تقسیم۔۔

پنجاب حکومت کے فلاحی مشن کو آگے بڑھانے اور حق داروں تک ان کا حق پہنچانے کے لیے پنجاب سوشل اکنامک رجسٹریشن (PSER) پروجیکٹ کے تحت ای لائبریری تونسہ کے آڈیٹوریم ہال میں ایک پروقار اوراہم تربیتی سیشن کا انعقاد کیا گیا۔ اس اہم ترین سیشن میں ڈسٹرکٹ مینیجر PSER تونسہ جناب علی مصطفیٰ صاحب اور تحصیل سپروائزر جناب اعزاز حسین صاحب نے خصوصی شرکت کی اور فیلڈ سٹاف کی بھرپور حوصلہ افزائی کی۔

ای۔لائبریری تونسہ کے آڈیٹوریم ہال میں منعقدہ اس تفصیلی سیشن کے دوران فیلڈ میں فرائض سرانجام دینے والے شمار کنندگان (enumerators) کو رجسٹریشن کے عمل کو مکمل طور پر شفاف، تیز رفتار اور غلطیوں سے پاک بنانے کے لیے جدید فیلڈ حکمت عملیوں اور تیکنیکی باریکیوں پر تفصیلی بریفنگ دی گئی۔ تربیتی سیشن سے خطاب کرتے ھوئے ڈسٹرکٹ مینیجر جناب علی مصطفیٰ صاحب اور تحصیل سپروائزر جناب اعزاز حسین صاحب نے فیلڈ سٹاف کو ڈیٹا کے اعلیٰ معیار کو برقرار رکھنے اور ھر مستحق خاندان تک رسائی کو یقینی بنانے کے حوالے سے ہدایات جاری کیں۔ افسران کا کہنا تھا کہ اس سروے کی بنیاد پر ھی مستقبل میں غریب اور متوسط طبقے کے لیے حکومتی ریلیف پیکجز کا فیصلہ کیا جائے گا، اس لیے اس کام میں کسی بھی قسم کی غفلت برداشت نہیں کی جائے گی۔ رجسٹریشن کے اس پورے عمل کو جدید خطوط پر استوار کرنے، کاغذ کا استعمال ختم کرنے اور سروے کو آسان بنانے کے لیے سیشن کے آخری مرحلے میں تمام شمار کنندگان میں حکومت کی جانب سے فراہم کردہ جدید ڈیجیٹل ٹیبلٹس (Tabs) بھی تقسیم کیے گئے۔

ان ڈیجیٹل ٹیبلٹس کی مدد سے فیلڈ سٹاف موقع پر ھی شہریوں کا ڈیٹا آن لائن اپ لوڈ کر سکے گا۔ اس جدید اقدام کا مقصد تونسہ کی سطح پر رجسٹریشن کے کام کو مقررہ وقت کے اندر اور بغیر کسی رکاوٹ کے کامیابی سے ہمکنار کرنا ھے۔ تربیتی سیشن کے اختتام پر فیلڈ سٹاف نے اس عزم کا اظہار کیا کہ وہ پوری ایمانداری اور جانفشانی سے اس قومی فریضے کو سرانجام دیں گے۔ مزید برآں، ای لائبریری تونسہ کے شاندار آڈیٹوریم ہال میں تقریب کے بہترین انعقاد پر آئی ھوئی ٹیم نے انتظامیہ کو زبردست الفاظ میں سراہا اور انچارج ای لائبریری تونسہ واجد ذوالفقار سمیت تمام انتظامی سٹاف کا مثالی انتظامات اور بہترین ماحول مہیا کرنے پر تہہ دل سے شکریہ ادا کیا۔۔

اس موقع پر گفتگو کرتے ھوئے ڈسٹرکٹ مینیجر جناب علی مصطفیٰ کا کہنا تھا کہ ای۔لائبریری تونسہ نہ صرف طلبہ کے لیے ایک بہترین تعلیمی ماحول فراہم کر رہی ہے، بلکہ یہ کسی بھی بڑے پروگرام یا سیمینار کے انعقاد کے لیے ایک بہترین اور زبردست جدید آڈیٹوریم ہال کی سہولت بھی رکھتی ہے، جہاں ملٹی میڈیا پروجیکٹر، سٹیٹ آف دی آرٹ ساؤنڈ سسٹم اور آرام دہ کرسیاں نصب ھیں جو کہ تونسہ کے لیے ایک عظیم اثاثہ ہیں۔۔


Almanzoor News
Wajid Zulfiqar
Malik Umar
کتاب زندگی
تونسہ تعلیمی بیٹھک
Muhammad Jafar Leghari