BMC News

BMC News Hello, in this site you will find all type of news about politics,
sports, and shopping.....

28/04/2023

عمران خان کی عدالت میں پیشی کے تناظر میں اسلام آباد ہائی کورٹ کے اطراف پولیس کی اضافی نفری تعینات
اسلام آباد کیپیٹل پولیس نے اپنے ایک بیان میں دعوی کیا ہے کہ عمران خان کی عدالتوں میں پیشی کے دوران سکیورٹی کے موثر اقدامات کیے جائیں گے۔

اسلام آباد پولیس کی جانب سے ٹوئٹر پر جاری بیان کے مطابق ’عمران خان کی اسلام آباد ہائی کورٹ پیشی کے موقع پر امن و عامہ کے پیش نظر جی ٹین پراجیکٹ موڑ اور عون محمد رضوی روڈ پر ڈائیورشن دی گئی ہے۔ شہری دوران سفر متبادل راستوں کا انتخاب کریں۔‘

28/04/2023

طاقتور اور خود کو قانون سے بالاتر سمجھنے والوں نے میرے خلاف ایف آئی آر درج کروائی: عمران خان
پی ٹی آئی چیئرمین عمران خان کل اسلام آباد ہائی کورٹ میں اپنے خلاف تھانہ رمنا میں درج ’بغاوت پر اکسانے‘ کی دفع کے تحت درج مقدمے میں زمانت قبل از گرفتاری حاصل کرنے کے لیے پیش ہوں گے۔

عمران خان کی جانب سے اس حوالے سے ایک ٹویٹ میں کہا گیا ہے کہ ’کل میں اسلام آباد ہائی کورٹ میں ایک انتہائی عجیب ایف آئی آر کے حوالے سے پیش ہوں گا جس سے ثابت ہوتا ہے کہ ہم جنگل کے قانون تلے جی رہے ہیں۔‘

عمران خان کا کہنا تھا کہ ’طاقتور اور خود کو قانون سے بالاتر سمجھنے والوں نے میرے خلاف پاکستان کے خلاف بغاوت کرنے کے حوالے سے ایف آئی آر درج کروائی ہے۔‘

پی ٹی آئی رہنما مسرت جمشید چیمہ کے مطابق اس دوران پی ٹی آئی کارکنان کی کثیر تعداد بھی ان کے ساتھ ہو گی۔

28/04/2023

یو یو ہنی سنگھ: ایک میوزک سٹار کا کامیابی سے گمنامی تک کا سفر اور اب دوبارہ واپسی کی بازگشت

یو یو ہنی سنگھ۔ یہ نام اُس گلوکار کا ہے جو موسیقی کے اُفق پر سورج کی طرح چمکا لیکن پھر اس پر برسوں تک گرہن لگا رہا۔ لیکن اب یہ ’دیسی فنکار‘ ایک بار پھر سے اپنی تابناکی پھیلانے کے لیے تیار ہے۔

اگر آپ ریپ میوزک کے مداح ہیں تو یہ تقریباً ناممکن ہے کہ ہنی سنگھ کے گائے گانے آپ کی پلے لسٹ میں نہ ہوں۔ یہ بات بھی آپ کے لیے حیرانی کا باعث ہو گی کہ گذشتہ چند برسوں کے دوران نہ تو ہنی سنگھ کا کوئی ہٹ گانا سامنے آیا اور نہ ہی وہ عوام میں نظر آئے۔

بلکہ اس دوران ان سے متعلق صرف منفی خبریں ہی منظر عام پر آتی رہیں۔ لیکن اب ہنی سنگھ واپسی کر رہے ہیں اور انھوں نے اپنی واپسی کا نام ’ہنی سنگھ 3.0‘ رکھا ہے۔

بی بی سی کے لیے نین دیپ رکشت نے ہنی سنگھ سے خصوصی بات کی ہے اور ان سے میوزک انڈسٹری میں آنے، بیماری سے نبرد آزما ہونے، ذاتی زندگی اور موسیقی کی دنیا میں واپسی سے متعلق کئی سوالات کیے۔
ہنی سنگھ نے اپنے کئی پرانے انٹرویوز میں یہ بتایا ہے کہ انھیں بچپن سے ہی موسیقی کا شوق تھا۔

ہنی سنگھ کہتے ہیں کہ ’بچپن سے ہی موسیقی میں میری دلچسپی تھی۔ 13 سال کی عمر میں میں اپنے سکول کی پریئر (دعائیہ) کے دوران طبلہ بجاتا تھا۔ اس کے بعد طبلہ بند ہو گیا، لیکن گھر میں موسیقی کا اچھا ماحول تھا۔‘

'سنہ 1999 سے میں نے ہپ ہاپ سننا شروع کیا۔ اس کے علاوہ اے آر رحمان کو بہت سُنا۔ پھر مجھے ایسا ہی کچھ کرنے کا خیال آیا، لیکن مجھے سمجھ نہیں آ رہی تھی کہ یہ کیسے کروں۔ میں نے 2003 میں انڈر گراؤنڈ ریپرز کے لیے بیٹس بنائیں۔ 2005 میں مجھے اشوک مستی کے ساتھ پہلی بار گانا کمپوز کرنے کا موقع ملا اور میں نے گانا ’کھڑکے گلاسی تیرے نال۔۔۔‘ گیت بنایا جو سپر ہٹ رہا لیکن اس کے بعد بھی میرے پاس کام نہیں تھا۔

انھوں نے بتایا کہ ’اس کے بعد 2007 میں میں بطور میوزک ڈائریکٹر پنجاب منتقل ہو گیا، اس سے پہلے مجھے لکھنا نہیں آتا تھا، صرف میوزک بنانا جانتا تھا۔ پھر آہستہ آہستہ لکھنا شروع کیا، آہستہ آہستہ ریپ کرنا شروع کیا۔ البم ڈیزائن کرنا شروع کیا۔‘

ہنی سنگھ کا کہنا ہے کہ انھوں نے چھوٹی عمر میں کام کرنا شروع کیا اور ان کا کام کامیاب رہا اور چند ہی سالوں میں وہ پنجاب میں سٹار بن گئے۔ لیکن دہلی، ممبئی اور بڑے شہروں میں ان کی کوئی خاص پہچان نہیں تھی۔

اس کے بعد ہنی سنگھ نے خود کو لانچ کرنے کا فیصلہ کیا اور خود پر کام کرنا شروع کردیا۔

وہ کہتے ہیں: ’خود پر کام کرنے کے بعد، میں نے اپنا پہلا گانا ’براؤن رنگ‘ اور ’دکان چل پڑی‘ لانچ کیا۔ پھر تو ایک سے بڑھ کر ایک سپرہٹ گیت آتے چلے گئے۔‘
’یو یو‘ نام کیسے ملا؟
اپنے نام کی کہانی کے بارے میں ہنی بتاتے ہیں: ’ہنی میرا عرفی نام ہے اور ’سنگھ‘ میری کنیت ہے۔ پہلے البم کے پچھلے حصے پر میوزک ڈائریکٹر کی ایک چھوٹی سی تصویر لگائی جاتی تھی اور اس پر اس کا نام ہوتا تھا۔ جب مجھے موسیقی دیتے پانچ سال گزر گئے اور مجھے پنجاب میں بہترین میوزک ڈائریکٹر کا ایوارڈ ملا تو میں نے محسوس کیا کہ اب مجھے اپنی پیکیجنگ کرنی چاہیے۔‘

وہ کہتے ہیں: ’اس کے بعد ’یو یو‘ نام جوڑ دیا گیا۔ یو یو ایک سلینگ تھا جس کا مطلب تھا ’آپ کا اپنا‘۔ وہ مجھے ایسے ہی پکارتے تھے اور یوں یہ نام پڑ گیا۔‘

28/04/2023

hello, all members....

Address

Toba Tek Singh
Toba Tek Singh
36050

Telephone

+923049330194

Website

Alerts

Be the first to know and let us send you an email when BMC News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BMC News:

Shortcuts

Share

Category