21/08/2022
انا قلبى موجوع من امبارح ومش عارفه اتعايش بشكل طبيعى 🥺
لما يجيلى فون من طالباتى عارفه يامعلمتى فلانه الفلانيه؟!
آه مالها فيها ايه!!
دى اخت من ضمن الأسر العفيفة
ف منطقة بعيده شوية عنى..
المهم ..
بيقولولى شوفتى حصل ايه؟! وصوتهم مدمر!!
قلت ماالذى جرى؟!
قالولى ضاق بيهم الحال اوى وهى وأولادها الأربعة جعانين
آه جعانين🥺 والزوج شغله ارزاقى
يعنى باليوميه ومش ع طول شغال وهما أربع اولاد ..
الزوجة قالتلوا أنا هاخد عيالى وهروح لاهلى عشان يكلوا خلاص تعبنا ومش مستحملين
نزل للخضرى وطلب منه خضار بالآجل وقاله ربنا يكرمنى وهديك فلوسك وفعلا اداله الخضرى جزاه الله خيرا
طلع لزوجته وقالها متروحيش ف حته أنا جبت الاكل وقومى حمرى بطاطس وناكل مع بعض
قالت لأ همشى أنا تعبت
قال لها متسيبنيش دلوقت اعملى اكل وناكل مع بعض
ولكن هى اصرت خلاص أنها تمشى ..
غاب عنهم ف البيت شوية
سالت عليه أحد اولادها فين ابوكم
قالها بابا كان بيدور ع حبل عشان يعمل لينا المرجيحة
دخل يشوف ابوه جرى ع أمه قالها إلحقى ياماما بابا بيتمرج بس برقبته
الراجل انتحرررر😭
عارفين انتحر ليه عشان كل جار بقى غفلان عن جاره وكل قريب
مستخسر ف قريبه
طبعا القصة دى سمعتها من الزوجه وهى كلها حسره ووجع😭
آه لو كان فيه صبر منه أو منها
وهنا أدركت دعاء النبى
"أعوذ بك من غلبة الدين وقهر الرجال"
{قهر الرجال}
رفقا يااخوات ع أزواجكم كونوا عون وسند وحمايه عارفه الحمل عليكم تقيل بس مش هيكون أكثر من أزواجكم
ميغركيش هدوء زوجكك وسكاته لما بتطلبى منه لبس مدرسة ،او لبس صيفى أو شتوى للعيال،او خروجه هما عايزنها،او مصاريف البيت لأكل أو شرب ..وهو يقولك ربنا يسهل ويسكت
فانتى تقولى اصل مش فارق معاه لابيت ولا عيل
لا والله سكاته بيكون ضعف وقلة حيله 😥
خليكى انتى الداعم له صاحبه الجدع أهله وسنده
-وهنا جاء الضابط ليحقق ف القضية
قاله ياباشا نكتب الجنايه ايه
قاله اكتببب مات من الجووووع 😭
أقسمت عليكم بالله كل من
من الله عليه وعنده مايزيد عن قوت يومه يتحسس عن جيرانه واقرانه والله كسرة خبز صدقه ف الزمن دا تقى بيوت المسلمين من الهلاك والخراب
والله يااخواتى دا تانى واحد ينتحر بسبب القله ف مناطق مجاوره لى بالله كلا منكم ينقذ ما يمكن إنقاذه من بيوت المسلمين 😔
ربنا يكفينا ويكفيكم شر الغفله والفاجعه 😔
_اللهم إنا نعوذ بك من غلبة الدين و قهر الرجال
#منقول💔😢
